رواية أعلنت الحرب على قلبي عبر روايات الخلاصة بقلم إسماعيل موسى
دا دكتور الماده الجديد صح؟
اسكتى بيقولو عليه صعب جدا رغم انه مش باين عليه..
دا صغير اوى يا ندى، شوفى شكله عسول ازاى؟
الهدوء بعد اذنكم، وضع دكتور جاسم حقيبته على طاولة المكتب وبص للمدرج المتكدس بالطلاب
اعرفكم بنفسى، انا دكتور جاسم إلى هكون مدرس المادة بتاعتكم، مش بحب شخص يقاطعنى وانا بشرح، من فضلكم ممنوع استعمال التليفون، وممنوع تتكلم من إلى جنبك دلوقتى ممكن نبداء؟ ولا فيه حد عنده اعتراض؟
عندك كام سنه يا دكتور؟
انت درست فى جامعة ايه؟
ارتفعت همسات بعض الطلبه، رفع جاسم ايده، انتو عرفتو قدر كافى من المعلومات عنى ومش عايز اسمع صوت اى طالب تانى.
مسك دكتور جاسم القلم وبداء يكتب على السبوره عنوان المحاضره وبعض النقط المختصرة للمحاضرة
مش قولتلك دا صعب اوى يا ندى؟
الانسه إلى بتتكلم ورا، بعد اذنك مش عايز اسمع صوتك تانى إلى انتهاء المحاضره!
صرخ دكتور جاسم بصوت مسموع من غير ما يلف او يشوف مين الى بيتكلم وواصل كتابة عناصر المحاضره
بعد نص ساعه من الشرح همست نيره انا مش فاهمه اى حاجه يا ندا
اقفى!!
زعق دكتور جاسم من مكانه وشاور على ندا
ندا تقصدني انا يا دكتور؟
ايوه انتى امال خالتى؟ بتتكلمى ليه من غير اذن؟
رفعت ندا ايدها، بس انا متكلمتش والله يا دكتور
اخترق دكتور جاسم الصفوف تجاه ندا، كانت فتاه بجسد شبه نحيل لكن نقابها يخفى ملامحها
دى المره التالته إلى تتكلمى فيها من غير اذن، لو سمحتى اطلعى بره، انتى مطروده من المحاضره ولو الأمر تكرر مره تانيه رجلك مش هتدخل المدرج ده مره تانيه
فكرت ندا ان تدافع عن نفسها، لكنها أدركت أن دفاعها عن نفسها سيضر نيره صديقتها الوحيده فى الجامعه
جمعت مذكراتها ودفاترها، حشرتهم فى حقيبة ظهرها وغادرت المدرج.
بعد المحاضره، انا اسفه يا ندا كل إلى حصل دا بسببى
كان ممكن تقولى انى انا السبب ليه تتحملى عقاب ملكيش ذنب فيه؟
هو انتى معتقده انى ممكن اخسرك عشان ماده؟ تبقى عبيطه
انا عارفه انك لا يمكن تقاومى فضولك ولا تبطلى كلام
يلا خلينا نلحق الباص عشان نعرف نروح.
وصلت البيت الكبير بعد المغرب ولاحظت ان فيه استعددات غير معهوده
سلمت على جدها وباست ايده
الجد اهلا دكتورتنا النجيبة
اهلا يا جدى، دكتورة ايه بس دا انا يدوبك هعرف أنجح!
لكن قولى يا جدى هو احنا هنستقبل المحافظ ولا ايه؟
ايه كمية الاكل دى والنضافه والتحضيرات؟
لا محافظ ولا مدير أمن، احنا فعلا هنستقبل شخص مهم
مين يا جدى؟
لا خليها مفاجأه، اتفضلى غيرى هدومك عشان تستقبلى معانا الضيوف.
بعد ساعه من شرفة غرفتها شافت ندا عربيه فخمه وقفت قدام باب الدار ونزلت منها مراة عمها إلى عايشه بعيد عنهم
اوف، تأففت ندا مش بتحب مراة عمها ابدا، ست متكبره وطول عمرها بتكره جدها وبتكره العيله كلها، فكرت ندا متى كانت آخر مره شافت فيها مراة عمها؟
من زمن طويل جدا، من لحظة دفن عمها فى مقابر العيله
خلصت ندا لبس ونزلت السلم مضطره تنفذ تعليمات جدها
صحن الدار كان زحمه وأصوات كتيره فى وسط السلم
شافته، دكتور جاسم كان قاعد جنب مراة عمها
يتبع...
فصول رواية أعلنت الحرب على قلبي بقلم إسماعيل موسى
اضغط على الفصل الذي تريد قراءته:
- رواية أعلنت الحرب على قلبي الفصل الأول
- رواية أعلنت الحرب على قلبي الفصل الثاني
- رواية أعلنت الحرب على قلبي الفصل الثالث
جاري كتابة باقي فصول الرواية.. عاود زيارتنا..
