رواية أعلنت الحرب على قلبي عبر روايات الخلاصة بقلم إسماعيل موسى
رواية أعلنت الحرب على قلبي الفصل الخامس 5
فى الماضى كان هناك حشرة تعيسه تعيش فى مجرى الصرف الصحى ،كانت حشرة متوهجه رغم عالمها المتوحش الذى لا يعرف الرحمه __ كانت لديها حلم.
ما شأنى انا ان كانت تشبهنى او لا تشبهنى؟ اعترضت ندا
وقصدت غرفتها الكائنة بالطابق العلوى المطله على الحقول.
ربما كان أمر غير مهم لكنه بداء يشغل عقلها.
علينا أن نعرف ان كل الأمور التعيسة تبداء بفكره.
انت شايف البنت إلى هناك دى؟ اه شايفها مالها يا معلم؟
__انطردت من المحاضره مرتين!!
ودا معناته ايه يا معلم؟
معناه، انها مشاغبه ،معناه ان ممكن يجى منها، ومعناه انها لا تبدو مثلما تبدو
بس ،دى لابسه واسع ومنقبه ومش بتقف مع أى شخص؟ ؟
__دا لأنها لسه ملقيتش الشخص المناسب
ابتسم صبرى، حلوتك يا معلم، يعنى هنخرج معاها ؟
_قصدك هخرج معاها ،انا حطيتها فى دماغى خلاص ثم مسح نوح الشارع بعنيه ،بس هنتظر الوقت المناسب.
اول ما تبعد البنت إلى معاها عنها هتكلم معاها واشوف ميتها ايه.
بس انا عايز اشرب قهوه يا نوح، دماغى مش لاقيها
روح انت يا صابر انا هستنى هنا ،مفيش حاجه بتيجى بالساهل ،لازم الإنسان يتفانى فى عمله عشان يكلل بالنجاح.
انحشر نوح بين الطلبه داخل المدرج، مكنتش محاضرته
لكنه كان عايز يكون فى نفس المكان إلى موجوده فية ندا.
حط ندا بين عنيه وجعل يراقبها ،معجبهوش الدكتور إلى واقف على البنش لكنه كان مضطر يستحمله لأخر المحاضره
لو كان الأمر بأيده كان ساب المحاضره من زمان
كان جاسم يشرح الدرس ،وكل شويه يوجه سؤال لشخص يعرفه من الطلبه ،كان بينادية بالأسم
كان واضح ان الدكتور جاسم ليه فريق بين الطلبه
مجموعه مقربه وندا مكنتش بينهم.
لكن وسط الكلام ودون سابق إنذار، جاسم وقف ندا ،شاور وقال انتى ؟جاوبى على السؤال ده
ندا قعدت ساكته دقيقه، متردده، لكن بعد كده جاوبت السؤال
جاسم صمت دقيقه ،بعد كده قال برافو عليكى، اتفضلى اقعدى.
انتهت المحاضره، ندا ونيرة خرجو من المدرج، كانت آخر محاضره وفى طريقهم إلى البيت
بعد ما ركبوا المترو ،استقلو سيارة أجره عامه ،بعدها نزلت نيره قبل ما تواصل ندا طريقها نحو موقف الأقاليم
ياه مشوارها بعيد جدآ والجو حر همس نوح إلى كان واقف يستند على عامود وفى فمة سيجاره.
لأول مره تقف ندا آمام المرآه بتلك الطريقه ،يعنى ايه تشبهنى!؟
شعرها طويل زى؟
عنيها واسعه ذى عنيه ؟
فيه شامه على رقبتها ؟بعض المقارنات لا تزيد المواقف الا سخافه.
هو لو شافنى على الطبيعه هيلاقى فعلا شبه بينى وبين خطيبته ؟
ابتسمت ندا ، رغم ادراكها غرابة ما تفعله ،إلا إنها جميلة
إذآ كانت خطيبة جاسم التى تشبهها زى القمر ،يبقى انا جميله كمان.
ما الذى يدفع العقل للتفكير فى شخص ما؟
شخص يعتبره غير مهم على الأطلاق ولا يطيقه ولا يتصوره معه فى مكان واحد ؟
مكنش لازم اجاوب على السؤال ،كان لازم افضل صامته
دا كان أقل رد على أفعال جاسم ضدى
نادى صوت داخلها ،لم أكن مستعده لأهانه أكبر.... ،يجد الإنسان المبررات لافعاله مهما كانت حقيرة قذره.
هجاوب على الأسأله عشان اثبت لجاسم انى مش غبيه او فاشله كسوله لكن ده مش هيغير نظرتى فيه انه انسان مغرور نرجسى وقح ظالم.
فتحت محاضرة جاسم درستها بدقة أكبر من المعتاده ودون ان تشعر كانت ندا تمنح مادة جاسم أضعاف الوقت الذى خصصته للمواد الدراسيه الأخرى
يبداء كل شيء صغير، صغير جدآ، ثم يتضخم مع الوقت حتى لا تسعه قلوبنا وارواحنا.
فتحت ندا صفحتها على الفي_س بوك ،الناس إلى زى جاسم بتنشر افراحها واحزانها على صفحات التواصل الاجتماعى
انهم لا يعرفون كيف يحتفظون بافراحهم ومأسيهم لأنفسهم
بحثت بأسم جاسم ومكنش فيه نتيجه، صورة جاسم مكنتش بين النتايج.
بعد نص ساعه اكتشفت ندا انها بتبحث باللغه العربيه
وشخص ذى جاسم اكيد هيكتب اسمة بالانجلش
كتبت ندا الاسم مره تانيه انفتحت صفحة جاسم
بعدها فتحت فمها ببلاهة بطريق او دب باندا غبى.
ان الاشباة الأربعين غير موجودين فى الحقيقه، بس إلى ندا شايفاه شىء خارق وغير اعتيادي وجدت نفسها بهيئه أخرى.
انا شايفه انك منطلقه ذى السهم فى مادة دكتور جاسم
همست نيره بتبرم ،دا مفيش سؤال بيعدى عليكى
قولى ما شاء الله يا نيره! العين مش بترحم
نيره لا قوليلى بجد، انتى ازاى بتعملى كده ؟ انا شاكه ان الأسأله بتتسرب ليكى
يكنش دكتور جاسم قريبك ؟
كانت مصادفه دون أدنى شك، لكن ندا حست ان فيه خنجر استقر فى صدرها ومزق شراينها
قريبى إزاى يعنى ؟ وليه ؟ انتى ازاى بتقولى كده ؟
نيره __ كنت بهزر يا ستى والله، انا لو اعرف ان جاسم قريبك هقطع علاقتى بيكى.
يا انسه لحظه لو سمحتى؟
وقفت ندا، كان صوت جاسم إلى خارج من المدرج شايل شنطته
ممكن كلمه لو سمحتى؟
اه طبعا يا دكتور، ردت نيره آمام صمت ندا الغير مبرر
انا اقصد الانسه وشاور على ندا مش انتى
اه حاضر، انسحبت نيره واخدت جنب
انا شايف انك بتجاوبى على الأسأله بطريقه ممتازه ومندهش إزاى مكنتيش من بين الطلبه الأوائل فى امتحان الشهر ؟
تلعثمت ندا ،انا ببذل كل جهدى دايما والله، وبرضى بالى ربنا كاتبه ليه.
واصلى على مثابرتك واجتهادك وانا واثق انك هتكونى من ضمن صفوة الطلبه وممكن تجيبى العلامات النهائيه
شكرا يا دكتور ربنا يبارك فى حضرتك، بعد اذنك لازم امشى عشان الحق الباص.
شايف يا معلم؟ كانت واقفه مع دكتور الماده بتاعتها
وضع نوح أصبعه على أنفه ،دى حاجه ممتازه يا صابر
وبتفتحلى طريق أكبر
صابر __قصدك ايه
ودون ان يرد نوح مشى ورا ندا بسرعه
يتبع...
