رواية أعلنت الحرب على قلبي عبر روايات الخلاصة بقلم إسماعيل موسى
رواية أعلنت الحرب على قلبي الفصل السادس 6
نوح كان ماشي وراها من بعيد، بيراقب خطواتها السريعة وسط زحمة الجامعة. النقاب ساتر كل حاجة، لكنه في نظره ما كانش بيحجب خياله، بالعكس... كان بيزود ناره.
كل حركة منها كانت كافية تشعل أفكاره الشيطانية. انحناءة بسيطة وهي بتعدل شنطتها على كتفها، أو التفاتة سريعة كأنها بتتأكد إن محدش بيتبعها.
هو حس إنها فريسة صعبة، والفريسة الصعبة بالنسبة له كانت أحلى.
نوع غامض لم يعتاد عليه ،لقد مل الأنواع السهله ،أدرك فى لحظه ان حياته تحتاج إلى تغير
ابتسامة باهتة ظهرت على وشه، وهو بيمسح بنظره الجريء عليها من فوق لتحت، كأنه بيجرّدها بعينه، مخلي النقاب مجرد حجاب رقيق ما بيخفيش عنه اللي بيتخيله.
وفي دماغه، الأفكار كلها بقت وصايا شيطان.
كان يعرف انها مجرد محاوله فاشله، رغم ذلك اسرع فى خطواته ،يا انسه يا انسه ؟
سمعت ندا النداء مثل نيره لكنها همست متقفيش يا نيره
يمكن عايز حاجه؟ خاطبتها نيره بشك
همست ندا واحد ميعرفناش هيكون عايز ايه يعنى ؟
امشى من فضلك انا مش ناقصه
اطلق نواح ابتسامه ،كما توقع، لن تجيب تلك الفتاه ندائه حتى فى الجحيم ، ابطيء نوح خطواته ،لا فائده من الركض الأن، اذا اردت ان تحكم قيد انسان عليك أن تفعلها بهدوء.
اخرج هاتفه وأجرى اتصال قصير ثم اشعل سيجاره وواصل سيره.
مفيش حد ماشى ورانا بتجرى ليه ؟ استدارت ندا لتطمأن قبل أن تبتسم لنيره وتهمس الحمد لله
قلبى كان هيوقف منى ،مش بحب الأشكال دى لأنها وقحه وقليلة ادب.
بعد المترو، استقلا الباص، نزلت نيره فى محطتها وودعت ندا
مع السلامه يا قمر.
بعد ثلاث محطات نزلت ندا من الباص، كان يفصلها أمتار قليله للوصول إلى محطة الأقاليم بعبود
هو القمر بيطلع بالنهار ولا ايه يا جدعان ؟
همس شاب مريب عندما مرت ندا ،لكن الشاب لم يكن بمفرده، كان معه شابان اخران
احكمت ندا قبضتها على حقيبتها ،مستعده للدفاع عن نفسها
حدث كما تخيلت اقترب منها واحد منهم
انت مش سمعانا بنتكلم ولا ايه يا بت؟
واصلت ندا سيرها لكن الشاب قطع طريقها واجبرها على الوقوف.
حشمت مندور لما يتكلم تقفى انتباه يا حلوة
أطلقت ندا كل غضبها، ابعد عنى ،انا مالى ان كنت بتتكلم ولا لا؟
باين عليها متعرفش يعنى حشمت مندور يا رجاله
انطلق احد الشبان مدافعا عن صديقه
حشمت مندور يعنى فتوة الموقف والمطارح إلى حواليه
كان يخرج من فمه رائحة حشيش وخمره ،مسحت ندا المكان
تشوف مين ممكن يساعدها.
اقفى يا بت لجيب وشك نصين! رفعت ندا حقيبتها كانت حركه غبيه لأنها لم تستخدمها
جذب حشمت مندور الحقيبه من ندا وطوحها على الأرض
لو كان على الشقاوة مفيش اكتر منها
انت عايز ايه يا استاذ انت؟ انا ماشيه فى حالى عملتلك ايه ؟
انك تمشى فى طريقك مش كفايه الايام ديه يا حلوة احنا عازينك فى كلمتين وهنسيبك
كلمتين ايه حضرتك اتفضل قول
مش هنا يا حلوه تعالى معانا
صرخت ندا ،ابعد عنى ، صرختها إثارة انتباه الماره ،لكن لم يتدخل احد
حتى الباعه عندما لمحو حشمت مندور امتنعو عن التدخل
هتيجى بالذوق ولا بالعافيه ؟
الاختيار ليكى ،انا دايما راجل حقاني واعرف ربنا
صرخت ندا ،انت تعرف ربنا انت؟
استغفر الله العظيم يارب، غمغم حشمت مندور بسخط
هو انتى فاكرانى كافر ولا ايه؟
ثم اخرج مطوة قرن غزال ،الظاهر مش هتلحقى تتهنى بوجهك الجميل.
اقترب احد المسافرين، شاب اسمر بلحيه كان يحمل حقيبته فوق كتفه
فيه ايه يا جدعان ؟
الحقنى يا استاذ ابوس ايدك، دول بيتهجمو عليه
رفع حشمت مندور المطوة ،وانت مالك يا غندور ؟
دى بنت عمى انحرفت وانا برجعها إلى الطريق المستقيم
ولا انت من إلى بيحبو ان تشيع الفحشاء بين المسلمين؟
استغفر الله العظيم غمغم الشاب بأستياء بينما صرخت ندا متصدقهوش والله العظيم دا كله كذب
لوح حشمت مندور بالمطوه ،يلا يا استاذ شوف نفسك رايح فين ورينا عرض كتفاك، دى أمور عائليه مينفعش تتدخل فيها.
ربما لم يصدق الشاب، لكن مفيش اى شخص دعمه ،صرخت ندا فى الشاب ،اطلب الشرطه
الشاب الذى ادار ظهره كان يعرف ان الشرطه اذا حضرت لن تعاقب اى شخص سواه.
ميصحش كده يا حشمت، صرخ رجل مسن يجلس على فرش جوارب
خليك فى حالك انت يا عم شاكر احسنلك، هدده حشمت مندور ،متدخلش فى شغلى
يلا يا بت، تحرك حشمت مندور وجر ندا خلفه ،تعرف ندا انها اذا ابتعدت سيكون مصيرها اسواء
بكل عزمها قضمت يد حشمت مندور وركضت ،ركضت تاركه حقيبتها وكتبها وكل شيء
عبرت الفناء والشارع وقطعت شارع جانبى وحشمت مندور يصرخ خلفها ،يا بت الكل__ب قطعتى نفسى
اركبى بسرعه __ انفتح باب سياره ملاكى توقفت جوار ندا
رغم أنها لا تعرفه
رغم انه شاب أيضآ، قفزت ندا داخل السياره، انطلق الشاب يقود خلال الشوارع بكل سرعته
ثم انعرج فى طريق جانبى قبل أن يأخذ الطريق السريع مبتعد عن الزحمه.
كانت ندا صامته لم تفتح فمها، لم تسأله إلى أين
او انت مين؟
نزلت دموعها التى اغرقت وجهها
ممكن تقوليلى بيتك فين يا انسه؟
بيتى ؟تنهدت ندا بسرعه ،بيتى فى المكان الفلاني
صمت، الشاب، دا مكان بعيد، ثم ابتسم متخفيش محدش هيقدر يلمسك انا هوصلك بيتك بسلام.
يتبع...
