أغرب قضية في المحاكم المصرية 2002 (أصيلة) الفصل الخامس 5 والأخير بقلم أحمد حسن

أغرب قضية في المحاكم المصرية 2002 (أصيلة) عبر روايات الخلاصة بقلم أحمد حسن

أغرب قضية في المحاكم المصرية 2002 (أصيلة) الفصل الخامس 5 والأخير

بالنسبالي كل الناس أعدائي أنا وإبني , لدرجة إن كنت بنام واقوم مفزوعة على ابني ومش عارفة ليه كنت خايفة عليه وقلبي مقبوض من الفرح بتاع عامر وسماح حساه مش هيعدي على خير!

عدى الاسبوع وجه يوم الفرح الصبح وكان لازم اكون في بيت أهلي بمرسال من حامد لإخواتي بخصوص الفرح وتأمينه وإن العريس لازم يدعي المشايخ وكبار العائلات اللي حضرت الصلح بتاع العيلتين زمان عشان يضمن إن مفيش حاجة تحصل 

بالفعل وافقت وقعدت اروح بإبني ، حامد قالي انتي متعلمتيش من المرة اللي فاتت؟!!  ابنك هتسيبيه معايا لحد ما ترجعي ولما نيجي نتحرك من هنا اخر النهار هيبقا في وسطينا والرجالة هتحميه 

------------ #كشف_حقائق_وأسرار_بقلم_احمدحسن

في اللحظة دي دخل ظابط من برة المحكمة وعطى ورقة للقاضي اللي بمجرد ما شافها قام وقف وبعد كده قعد في مكانه وقال لأصيلة كملي ياأصيلة 

ـــــــــ

أصيلة .. رحت عند أهلي ظبطت كل حاجة ورجعت على البيت وأول ما رجعت لقيت حامد قاعد في الصالة ومعاه ضيوف دخلت على أوضتي لقيت إبني في السرير بكلمه وانا داخلة مش بيرد عليا جيت جنبه بصحيه واكلمه لقيته مش بيرد عليا بصيت على رقبته إكمنه كان ابيضاني شوية  لقيت صوابع معلمة على رقبته مخنوق ومقتو،ل يابيه 

إستكتروه عليا يابيه , طب مش كفايا راح ابوه !! 

كمان مستكترين عليا الواد !!....

القاضي .. اهدي وإحكيلي عملتي إيه لما شفتي اللي حصل لإبنك ؟!

أصيلة .. فاكر يابيه لما قلتلك كنت ببوس الأيادي والرجلين عشان أشوف أبويا قبل ما أموت وحامد ضربني برجله ورفض وأستكتر عليا شوفته ؟! 

القاضي .. فاكر 

اصيلة .. وفاكر لما قلتلك وقت ما جوزي اتق،تل كنت بقطع في نفسي زي المجنونة  وشيلت التراب وجالي إنهيار ؟! 

القاضي .. فاكر يابنتي 

أصيلة .. تخيل بقا المرة دي إبني اللي أتق،تل !! ومعملتش حاجة خالص! كل اللي عملته غطيته ورقدت جنبه بتاع ساعتين  وانا حضناه 

القاضي .. مش متخيل اللي بتقوليه يااصيلة !! يعني إبنك مات ومتحركتش فيكي شعرة ؟!!!

أصيلة .. مش قلتلك في اول الجلسة إن كل اللي حصل ليا قبل مو،ت ابني على قد ما كسر ضهري قسى قلبي !؟

بس لما مات وهدان مش قسى قلبي لا يابيه 

ده نزع كل جدور الرحمة من قلبي وخلاني أتحول من أصيلة الطيبة اللي بتمشي جنب الحيط وتخاف المشاكل لواحدة تانية أنا نفسي معرفهاش !! قلبها مفيش فيه قت،ل ود،م وغل وكره لكل الناس 

موت إبني معداش عليا بالساهل زي ما انت فاكر

دا أنا حلفت قبل ما يقوم وهدان من سريره على قبره هكون جايبة تاره وتار أبوه وجده عوض اللي مات بحسرته 

بس لما قعدت فكرت مين ليه مصلحة في قتل ولدي ؟!

 و مين ممكن يكون اللي عمل كده ؟! 

لقيت نفسي بلف في دوامة !!

 كتر الناس الوحشة حواليا خلاني مبقتش عارفة مين الحلو 

ومين الوحش في النهاية خدت قرار إن الكل لازم يمو،ت !

قمت استحميت ولبست أحسن لبس شيك كان جايبه صالح ليا الله يرحمه وروقت نفسي للفرح عشان ميبانش عليا

القاضي .. انتي بتقولي ايه ؟؟؟!! في واحدة ابنها مقت،ول في اوضتها ولسه حتى مندفنش وتستحمى وتلبس شيك وتستعد للفرح؟!!!! 

أصيلة .. لا يابيه انا مش مجنونة ولا مخي لسع 

كل الموضوع إني رايحة فرح فلازم البس افضل ما عندي 

وبعدين ده مش أي فرح!

 ده فرح خاصة بيا مش بعامر وسماح

 ومدام ده فرحي يبقا هيمشي بقوانيني وتقاليدي

القاضي .. طب وإبنك ؟!!

اصيلة ..قفلت عليه الاوضة بالمفتاح وقلت لحامد إني خايفة على الواد من الفرح وخليته يسيب راجلين قدام البيت 

وكده كده أم حامد الفرح مش على هواها فهتقعد في البيت على اساس يعني حماية لابني وكده

أول حاجة عملتها خدت مسد،س صالح من الأوضة وخبيته معايا إحتياط للظروف 

وتاني حاجة كنت مجهزة كيس سم واخداه معايا الفرح 

أول ما وصلت هناك وقبل ما أدخل بيتنا ميلت على حامد وقلتله..

اصيلة ..اسمعني زين ياعم حامد خلي بالك إخواتي أغلبيتهم ناوي على الغدر بس حسين أخويا ضغط عليهم وحاكمهم كويس فخليك مستعد لأي حاجة 

حامد .. غريبة!! أنتي خايفة عليا ياأصيلة رغم كل اللي عملته فيكي ؟؟!

أصيلة .. صالح وما،ت ومفيش غيرك دلوقتي هيقدر يحميني أنا وأبني، فلازم أخاف عليك 

حامد أتبسط قوي من الكلمتين دول وقالي متقلقيش انا محضر حالي ومحضر الرجالة ومستعدين لأي حاجة ممكن تحصل ، المهم لو حصل حاجة تروحي على البيت بسرعة وتخلي بالك من الواد 

ـــــــــ

دي كانت أول شرارة في الحر،ب اللي ناوية عليها 

بعد كده دخلت على بيتنا وجمعت أخواتي ونفس اللي حكيته لحامد حكيته لإخواتي وعرفتهم إن حامد ناو،ي على الغدر عشان ياخد بتار إبنه ..

خلصت مع إخواتي ودخلت على المطبخ عشان أكسر قزايز الشربات الخام بالمية عشان زي ما أنت عارف يابيه الشربات مشروب أساسي عندنا في الأفراح وكل الناس لازم هتشرب

وزعت واحدة من حريم اخواتي كانت واقفة معايا في المطبخ وبقيت لوحدي 

مسكت كل القزايز حطيت فيها السم بزيادة حبتين

وبعد ما ماحضرت شربات الفرح سلمته للشباب اللي هتوزع

بعد كده مسكت مشاريب القهوة والشاي سممتها كلها 

حتى كل زير مية دلقت فيه سم 

أشتغل الفرح والكل شرب واستغربت إن مفيش حد حتى إشتكى من بطنه !!

عدت ربع ونص ساعة ودخلنا على ساعة ومفيش أي تأثير للسم !!!

وقتها كنت هتجنن !! 

الفرصة دي عمرها ما هتتكرر !

طب أعمل إيه ؟! 

ملقيتش قدامي غير الخطة البديلة 

وهي إني أطلع مسدس صالح واطلع فوق سطح بيت ابوي 

وأضرب حد من العيلتين وقتها الحرب هتقوم ما بينهم

بالفعل طلعت على السطح وانا مستخبية في عيدان الدرة اللي فوق السطح ومسكت المسدس ومش عارفة انشن على حد ؟! اصلا معنديش خبرة في مسك السلا,ح 

استنيت شوية لحد ما الحكام جمعت اخواتي وعيلة وهدان 

عشان يخطبه خطبة عن إن الصلح خير وإن العيلتين دول من افضل العائلات ويستاهلوا كل خير عشان وقفوا بحر ال،دم

والنهاردة بنفرح بنسب جديد ووووإلخ .. 

وانا قاعدة عالسطح بقوله في نفسي وحياة امك لاوريك افضل العائلات دول هيعملوا في بعض إيه دلوقتي وانت هتجري في وسطهم زي الفراخ ياضلالي يابن الكل،ب

بالفعل نشنت على تجمع العيلتين وقلت زي ما تيجي تيجي 

ضربت الطلقة يابيه ووقعت على ضهري وقمت خدتها جري من ورا البيت وسايبة الحر،ب شغالة 

وانا بجري في طريقي للبيت شفت واحد مرمي على السكة بيزعق من بطنه فهمت وقتها إن مفعول السم اشتغل 

رجعت البيت قلت للرجالة اللي كنا سايبينهم حماية قدام البيت روحوا عالفرح عمي حامد بيتعارك 

وبالفعل الرجالة راحوا 

ودخلت البيت لقيت أم حامد قاعدة في الصالة بتبرطم بكلام من ضر،ب النا,ر اللي سمعاه كانت مفكراه بيضربوا نار استعراض عشان الفرح وكده 

أول ما دخلت قالتلي ..

أم حامد .. راجعة بدري ليه ياحزينة

أصيلة .. افتكرت إنك قاعدة لوحدك قلت اجي اسليكي شوية

ام حامد .. من يمتا وانا برمرم يابنت عوض ! مبقاش غيرك انتي اللي تقعدي وتتحدتي معاي هه

أصيلة .. ياولية أنتي متعبتيش من كر،هك ليا !! مزهقتيش من نفس الأسلوب الزفت اللي بتعامليني بيه !؟

ام حامد .. مالك يابت كلامك معوج ليه! فوقي لنفسك بدال ما ارجعك الزريبة تاني ، فكاراها ولا نستيها

أصيلة .. هو انا انسا هه انسى كيف دا انا عيشت فيها سنين

وسنين وكل ليلة كانت بتمر عليا مكنتش بشوف غير سحنتك العكرة وسحنت ابنك وانتم بتذلوني انتي وعيلتك

أم حامد .. طيييب شوية وحامد يبجي وانا هوريكي السحنة العكرة هتعمل فيكي ايه يابنت عوض !

أصيلة .. هههههه لا ماهو انا مقولتلكيش ! حامد مش راجع تاني ههههه

أم حامد .. بتخربطي تقولي ايه يامفعوصة انتي !!!

اصيلة .. مين قت،ل ولدي ياولية ياحرباية 

ام حامد .. ها !!! 

اصيلة .. أسألك تاني ، مين قت،ل وهدان ؟!

ام حامد .. حامد ابني فيييين 

اصيلة .. قلتلك حامد ما،ت واخوه وولاده ماتوا وانتي هتحصليهم لو مقولتليش مين اللي قت،ل ولدي  انطقي !!

ام حامد .. ولاااااادي ..

اصيلة .. اكتمي صوتك وريحي روحك! انا مشيت الرجالة اللي برة ، يعني مفيش غيري وغيرك وبكشك على ولادك انا مباكلش منه ، انتي معندكيش قلب ولا رحمة عشان تزعلي على ولادك ، انتي حتى ياولية منزلتيش دمعة على صالح 

ولد ابنك الوحيد

ام حامد .. عملتيها انتي واخواتك يافا،جرة 

اصيلة .. متزعليش روحك اخواتي كمان قتل,تهم كله ماااات ومفضلش غيري انا وانتي وبس 

ام حامد .. كيف !!!

اصيلة .. وشك جاب الوان كده ليه ؟!

 هه خفتي على نفسك وحسيتي إن نهايتك قربت صح هههه ، بصي عشان ابقا صريحة معاكي انتي كده كده هتمو،تي

 بس لما تصارحيني همو،تك علطول، وهحرم نفسي ياستي من نظرات الرعب الحلوة اللي في عيونك دي 

 اما بقا هتتنصحي عليا هعمل من عذابك صنعة وهمو،تك برضو ، انتي بقا عليكي تختاري 

تحبي تمو،تي إكده ولا تحبي تمو،تي إكده

ام حامد .. سماح هي اللي قت،لت ولدك 

أصيلة .. كيف يعني سماح ؟! إذا كانت سماح اصلا في بيت ابوها من امبارح !

أم حامد .. انا مشفتهاش وهي بتقتله بس خدت بالي وانا في الشباك من سماح وهي طالعة تجري من البيت واخوها كان مستنيها ، قلت في نفسي ممكن كانت جاية تاخد حاجة نسياها ومشيت 

اصيلة .. سماح !! طب وحامد ابنك مشفهاش ؟!!

ام حامد .. انا كنت قاعدة مع حامد وضيوفه وصلوا وحامد قالي اطلعي فوق وهو دخل المندرة مع الضيوف وبعد ما طلعت كنت قاعدة جنب الشباك يادوب دخلت الحمام وخرجت خدت بالي من اخو سماح كان واقف قدام البيت وبعد شوية لقيت سماح خارجة تجري ومشيوا علطول

اصيلة .. طب وقت،ل صالح مين وراه ؟!!

ام حامد .. مش انتي اللي قتلتيه ؟!!

اصيلة .. لساكي غبية ياولية ! يعني لو انا قتلته هسألك ليه 

ام حامد .. بصي يابتي انا بعمل كل حاجة في الدنيا لاجل ما احافظ على نسل العيلة ، يبقا كيف انا اللي هقت,لهم

وإحنا بنتكلم سمعت صوت سماح بتزعق وتقول الحقوني عالباب رحت بسرعة رابطة ايد ام حامد بطرحتها وكممت بقها بالأشرب اللي كنت لبساه وفتحت لسماح ودخلتها

سماح .. الحقيني ياأصيلة بطني بتتقطططع اااااه

اصيلة .. تعالي ياغالية مالك بس ؟!

سماح .. بطني ياأصيلة بطنننني

اصيلة .. عادي ياسماح هو السم لازم بيعمل كده 

سماح .. سم!!!! انتي بتقولي ايه اااااه

اصيلة .. السم ياسماح، ماهو انا اللي حطيت السم في الشربات وفي اي حاجة ممكن تتشرب عشان اخلص منكم كلكم ياسموحتي زي ما بيقولك عامر هه

سماح .. طب عالجيني يااصيلة عشان خاطر ربنا اااه انا معملتش فيكي حاجة وحشة 

اصيلة .. ههههه فعلا انتي يادوب قتل،تي ابني المرمي في السرير جوة وصالح جوزي يوم ما فرح باإبني عشان تطفي الفرحة وتبرد نارك مش كده برضو

سماح .. ايه !!! 

اصيلة .. جدتك ام حامد شافتك وانتي طالعة تجري واخوكي مستنيكي برة 

سماح .. دي كداااابة ااااه دي هي اللي وزتني اعمل كده وقالت إن حامد يقدر يتجوز ويخلف تاني بس مينفعش نسلنا يكون مربوط ببيت عوض ااااه

اصيلة .. كيف ده !! لا بقا يبقا كده اجيب ام حامد من جوة كده واواجهك بيها 

ام حامد .. سماح بتكدب متصدقيهاش يااصيلة 

سماح .. ااه ايه ياجدتي انتي عايزة تلبسيهالي لوحدي ولا ايه 

مش انا وانتي اللي مطبخينها سواااا اااه ولما لقتيني خايفة استفزتيني بالموضوع اياه  وقلتيلي اللي قتل,ت مرة تقت,ل التانية اااه

اصيلة .. والمرة الأولى كانت مين ياسماح ؟!!

سماح .. كانت ام صالح !!!! وهي كانت خايفة من ام صالح تقوم من رقدتها وتقوي موقفك في البيت إكمنها كانت واقفة في صفك ، قدرت تغسل مخي بكلامها المسموم وخلتني كنت بدي علاج غلط لأم صالح لحد ما قضينا عليها 

اصيلة .. ياااااه يعني حتى الست المشلولة مسبتوهاش في حالها !! مش كفاية عليها اللي كانت فيه ؛!! يعني حرقت قلبها على ولدها الوحيد وجتلها جلطة واتشلت !وكمان موتوها بالبطيئ !!!! انتم بشر زينا كده لحم ود،م ؟؟! يعني اللي جواكم دي قلوب وكده زينا ولا انتم جايين من عالم تاني !!

سماح .. انا كنت مغصوبة منها ياأصيلة وانتي عارفة جبروتها

انقذيني بقا اااه

اصيلة .. طب مين ورا قت,ل صالح ياسماح ؟!!

سماح .. عامر اخوكي هو اللي قتل صالح وهددني لو جبت سيرة هيفضحني

ام حامد .. انتي ياوسخ،ة !!!!

اصيلة .. مستغربة ليه انها سترت على اللي قت،ل

 يلا كده كده خدت بتاري من عامر معلش بقا ياسماح هاخد ام حامد مشوار على الكرسي المتحرك بتاع المرحومة ام صالح ورجعالك تكوني فرفرتي ان شاء الله ومتقلقيش هقفل عليكي الباب عشان محدش يشوفك ويقول العروسة جاية غضبانة من اول يوم دخلتها تعالي ياولية انتي بقا افسحك شوية 

ام حامد .. وخداني على فين ؟!!

اصيلة .. اهدي متستعجليش كلها دقيقتين ونوصل

ام حامد .. أنتي جايباني الزريبة ليه ؟!!!

أصيلة .. مفيش ياأم حامد انا بس هكتفك كده وأحل كل البهايم كده ، اصبري بقا عشان عندي ليكي مفاجئة حلوة 

غمضي عينك لحد ما اجي ،

انا جيت اهو ياأم حامد جبتلك الطور الهايج اللي بيرعب المواشي اللي حواليكي دي من المربط بتاعه وهدخله الزريبة مع البقر ويجروا ورا بعض من فرحتهم بيكي 

عايزاكي بقا متخبصيش بينهم اصل انا عارفاكي كويس 

ام حامد .. انتي رايحة فين ؟!!!

اصيلة .. هدخل الطور وأقفل عليكم الباب 

ام حامد .. لا ياأصيلة حرام عليكي لاااا

اصيلة .. ماهو عشان نبقا متساويين وكله خالص بحقه

(انا عيشت تحت رجلين البهايم)

(وانتي هتموتي تحت رجلين البهايم)

يلا على جهنم ومتتلكعيش في السكة

-----------

خلصت مع ام حامد ورجعت عالبيت كانت فعلا سماح ما،تت هي كمان 

دخلت شيلت ابني وانا خارجة قلت لسماح أديكي مت،ي بأفعالك! عمر الغيرة والحقد ما يولده غير كره ياسماح 

كان عملك ايه إبني عشان  يتقت,ل  بالطريقة دي

عالعموم اهو ما،ت بس رايح عالجنة 

اما انتي جهنم وبئس المصير الله لا يسامحك وحسبي الله ونعم الوكيل فيكي

ــــــــــــ

وخدت ابني ورحت بيه على المعركة ، ضرب النار كان وقف من بدري وعلى ما انا رحت هناك لقيت جثث,هم كتيرة قووي اول ناس شفتهم كان الحكام والمشايخ المنافقين مرصوصين جنب بعض حكيت لولدي وقلتله ..

هما دول ياوهدان اللي دمرو حياتي وفضلوا يقنعوا ابويا بحجة إنه كده بيحمي عياله ، طب وانا مش محسوبة من ضمن عياله يامشايخ ؟!! انا ذنبي ايه تدفعوني تمن لحاجة معملتهاش 

انا حياتي كانت فاتورة لمشاكل انا مشفتهاش ومليش دخل فيها ، أي دين بيقول كده ؟!! الدين بريئ من إنه ينسب ليه أفعالكم الوسخ،ة ياشوية عمم وجلاليب كدابة

اتأمرون الناس بالبر وتنسون انفسكم

ـــــــــــ

مشيت شوية كمان لقيت اهل سماح .. 

اما دول ياولدي الحمدلله إن متكتبش عليك تعاشرهم ويكونوا عمامك دول ياولدي شغلتهم في الدنيا يوزوك عالشر ويساعدوك عليه ويإما تكون معاهم من نفس الطينة يإما تكون عدوهم حتى لو من صلبهم 

عاشوا على الشر وماتوا عالد،م

ـــــــــــــ #كشف_حقائق_وأسرار_بقلم_احمدحسن

شوية كمان ولقيت إخواتي 

اااه ياولدي دول بقا كانوا هيبقا خوالك ! 

دول اللي دفعت عمري ذل ومهانة وإستعباد عشان خاطر يكبروا في امان ويلبسوا توب الرجال وسط الخلق 

وكنت بعد الليالي لليوم اللي هييجوا فيه ينجدوني من بيت وهدان ، ولما كبروا كبر معاهم الخوف والقسوة وبدل ما يفتكروني أعتبروني مت عشان كانوا بيستعرو مني إني بقيت عبدة في بيت وهدان ! تعرف إني مزعلتش إنهم عملوا كده بس زعلت وحزنت في نفسي قوي لما افتكرت جدك عوض في شكلهم

(كان راجل وخلف رجول وعمر النار ما بتخلف غير رماد ياولدي )

ـــــــــــ

يااااااه ده بقا جدك حامد

حامد .. غيتيني ياأصيلة هموووو،ت 

كان في فرعون ياوهدان كان بيقول أنا ربكم الأعلى

حامد ده بقا ياولدي كان خليفة فرعون في الأرض 

بس الفرق إن حامد كان بيدير الأمور بذكاء شوية 

بيعرف يخليك إيمتا تحبه وإيمتا تكرهه 

الشخص ده ياولدي كفيل يتحكم في الدنيا كلها بدماغه

في يوم ياولدي تعمد ينده عليا من اوضة سماح وانا قاعدة انا وهي سوا ، خدني برة البيت وقعدني ساعة يحكيلي في كلام ملهوش لازمة وانا زي الهبلة كنت فرحانة إن ابو جوزي بدأ يقرب ليا ويعتبرني زي بنته ويفضفض معايا 

بس الهدف من القعدة ياولدي إنه كان ناوي يقت،ل إبن سماح تاني يوم ، وطبعا ياولدي سماح لما تشوفني قاعدة انا وحامد وتاني يوم ابنها يتقتل مع حامد في الأرض علطول سماح هتشك فيا ويفرق شملي انا وهي بعد ما كنا طبنا مع بعض 

بس اللي عايزة اعرفه هو ليه فكر يقت،ل إبن سماح !!

حامد .. عايز،اني أربي إبن حرا،م يافا،جرة في بيتي  تفكرررريني ااه معرفش ايه اللي بيدور في قفايا 

انا شفتك وانتي واقفة بتبصي على عامر وسماح من ضهر الزريبة فضلت مستخبي لحد ما دخلتيلهم وجريت سمعت اللي دار بينكم وبعد اكده عملت نفسي جاي من بعيد 

 اصيلة .. واهي سماح قتل،ت وهدان ياحامد !! إبني مي،ت على كتفي مش نايم! وسلسالك اتقطع من الدنيا ياحامد 

خلاص يومك جه ولازم تدفع تمن كل حاجة عملتها

(لكل ظالم نهاية ولابد من يوم معلوم تترد فيه المظالم )

ــــــــــــ

بعد كده كملت طريقي للمقابر عديت على ابويا وقولتله ليه يابويا مسألتنيش ولا حتى خدت رأيي موافقة على بيعتي لبيت وهدان ولا لا !!

عارفة ياابويا إنك كنت مغصوب عشان تحمي ولادك الرجالة من بيت وهدان ! 

بس يعني هما ولادك وانا ابقا إيه يابوي ؟!

كنت فاكرة نفسي غالية عليك ! بس لما كبرت وشفت القهر والذل عرفت إني كنت أرخص ما عندك عشان لو كنت غالية بصحيح كنت خدتني تحت جناحك وحميتني من الدنيا كلها 

وولادك اللي خفت عليهم وبعتني عشانهم يابوي حكمتهم النسوان وبقوا دلاديل ، بس متقلقش أنا ريحتك من الخلفة العار ومن اعدائك ومن كل الناس اللي فرقوا بيني وبينك 

وعلى كل شيئ أنا مسمحاك يابوي 

عقلي بيقلبني عليك بس قلبي متعلق بيك ومش قادرة أجحدك ولا اقسى عليك

ربنا يرحمك ياأبوي ويرحمنا معاك 

ـــــــــــــ

واخر حاجة رحت عند حبيبي صالح واول ماشفت قبره دموعي كانت زي المطر في ليلة شتا يابيه وقلتله

قتله ابننا ياصالح مش مكفيهم حرموني منك 

سبتني ليه ياضهري وسندي كسروني من بعدك 

طب مش كنت تصبر لحد ما ابنك يمشي جنبك متعلق في صباعك زي ما اتفقنا ! خلفت الاتفاق ليه وانت عمرك ماخلفت معايا بوعد ياغالي !

عارف ياصالح انا كنت كل يوم اجيب صورتك واقعد اشكيلك همي ووجعي وكنت دايما بحس بتطبطتك عليا وانام وصورتك في حضني ومبسوطة ،عمرك ما فارقتني لحظة ،

اسمعني بقا ياابو وهدان ياغالي ، انا جبتلك ابنك جنبك خلي بالك منه كفايا انا مقدرتش احافظ عليه ..

وعالعموم كلها شوية وجيالكم ونرقد جنب بعض ويتلم شملنا  من تاني ، الدنيا وحشة قوي ياصالح ، بس هنا بقا اكيد مفيش ظلم ومفيش عيلة فلان وعيلة فلان هنا الراحة ياغالي مش كده برضو ،

وبإبتسامة مدمعة في عيني حذرته وقلتله..

 بس خلي بالك ياصالح انا هنا مش هرضى بشريكة في جوزي مش بعد اللي شفته دا كله تروح تختار واحدة من الحور العين وتسيبني مش هيبقا ظلم دنيا واخرة 

( انا ماشية وراجعة علطول ياحبايبي مش هطول عليكم ) 

ـــــــــــــــ #كشف_حقائق_وأسرار_بقلم_احمدحسن

 دفن،ت إبني جنب ابوه صالح ووصيتي ليك ياحضرت القاضي تدفنوني جنبهم انا عيشت غريبة ووحيدة في الدنيا متستكروش عليا لمة الحبايب في الرقدة 

ومعلش ياحضرة القاضي لو كلامي كان خالف الدين والشرع بس ربنا يسامحني وعالم باللي جوايا وكلامي على قد معرفتي مقصدش بيه إعتراض على امر ربنا 

في اللحظة دي ومع بكاء اصيلة وهي كانت بتحكي كل من كان في القاعة كان يبكي من اول القضاة والمحامي ووكيل النيابة نهاية بالأمن اللي واقف على الباب 

القاضي .. عندك حاجة تاني عايزة تقوليها ياأصيلة ؟!

أصيلة .. عندي طلب يابيه 

القاضي .. اطلبي يابنتي عايزة ايه ؟!

اصيلة .. بترجاك ياسيادة القاضي إن كلامي ميأثرش على الحكم ويتطبق عليا حكم الإعدام 

القاضي .. للدرجادي يااصيلة ؟!!

اصيلة .. عندي ميعاد وعايزة ألحقه يابيه ابني وجوزي مستنيني ومش عايزة أأخر عليهم أكتر من كده 

القاضي .. قطعتي قلوبنا وبكيتي الناس كلها يااصيلة حتى وأنتي بتتطلبي العدالة ومبسوطة الناس بتبكي حواليكي 

صدق صالح جوزك لما قال أصيلة وأنتي اصيلة فعلا

اصيلة .. متشكرة يابيه 

القاضي .. محامي المجني عليهم عندك حاجة عايز تقولها يااستاذ 

المحامي .. بعد كلام اصيلة مفيش حاجة تتقال ، وبطلب منها إنها تسامحني إن كنت قسيت عليها وانا كنت اتمنى إني أكون محامي الدفاع بتاعها بس للأسف خلصت

القاضي .. عندك حاجة عايز تضيفها ياسيادة وكيل النيابة ؟

وكيل النيابة .. اسمحلي إني أشكرك ياسيادة القاضي 

أنا اليوم كنت محظوظا إني أقف أمامك تعلمت منك درسا خارج المنهج درس في الرحمة والإنسانية من الظاهر رأيت مجر،مة وسفا،حة وبفضل الله ثم انت رأيت مظلومة ومضطهدة ، سعة صدرك حقيقة تدرس أسمحلي أن احييك وأشكرك ياسيدي 

القاضي .. أشكرك ياأبني وحقيقتا ياأصيلة على قدر ما جعلتي القضية سهلة في الحكم على قدر ما كانت أصعب في النطق أتعبتيني ياأصيلة ، ولكن أود أن أوضح إليكي شيئا 

قبل قليل وصلتني ورقة إفادة من الطب الشرعي تفيد أن السم الذي تم وضعه بواسطتك في عصير الشربات لم يكن ساري المفعول وهو يستخدم فقط لإبادة الحشرات مثل النمل والصراصير إلخ .. 

وتفيد أن السم في وضعه الطبيعي يسبب قيئ وبعض الأعراض الأخري 

أما بعد إنتهاء مدة صلاحيته فهو لايسبب شيئا سوى الام بالبطن وتنتهي سريعا 

أصيلة .. طب دي سماح اتسمت منه يابيه !!

القاضي .. الطب الشرعي أفاد إن السم اللي إتقتلت بيه سماح مش نفس السم بتاعك وإستدلينا على كده من خلال تحليل مياه الشرب التي كانت موجود في زير المياه 

ومن حسن حظك إنك قلتي وإنك مروحة من الفرح تجري على بيت وهدان شفتي راجل كان بيموت من السم في السكة مش كده برضو ؟!

اصيلة .. أيوة يابيه مظبوط 

القاضي .. الراجل ده عاش ولما تم إستجواب ناس البلد كان هو في وسطهم وحكى إنه شافك وانتي بتجري في السكة ده كمان كان دليل قوي في صالحك

اصيلة .. كيف يابيه الكلام ده !!؟ طب والمشايخ والناس اللي ماتت والرصاصة اللي ضربتها فيهم من عالسطح ؟!!!

القاضي .. كلهم ماتوا بضرب النار إلا لإنك ضربتي الرصاصة في لحظة تجمعهم فطبيعي تموت ناس كتير ياأصيلة 

أما الرصاصة اللي ضربتيها من حسن حظك إنك مبتعرفيش تضربي نار فجت في فخد أحد الحكام ولم تقتله وإستدل الطب الشرعي على نوعية السلا،ح من خلال الرصاصة 

وتم مطابقته فعلا بالسلا،ح اللي تم ضبطه عالسطح مكان ما ممثلتي الجر،يمة ومواجهتك وإعترافك بيه

نوعية السلا،ح روسي الصنع ولا يوجد أي نوعية تم اسخدامها في العركة مشابهة له 

اصيلة .. طب مين اللي حط السم لسماح ؟!!

القاضي .. بطريقة ما ارسلت أم حامد وأبو سماح مرسال ينفذ مهمة السم وتمت بالفعل 

أصيلة .. ارجوك يابيه متقوليش إن إم حامد عاشت

القاضي ..هههههه للأسف عاشت ياأصيلة ولكنها تعاني من كسور كثيرة بكل أنحاء جسمها وتهتك جسدها بشكل كبير 

وحاليا حالتها مستقرة 

أصيلة .. لا يابيه في حاجة غلط !!!

القاضي .. إنها عدالة الله يابنتي ( الحكم بعد المداولة )

ـــــــــــــــــ #كشف_حقائق_وأسرار_بقلم_احمدحسن

جلست أصيلة على الكرسي داخل القفص الحديدي 

واضعة يداها على رأسها مخبئة رأسها فوق ركبتها منتظرة عودة القاضي للحكم عليها 

وعند عودة القاضي للنطق بالحكم 

طلب منها الظابط أكثر من مرة أن تقف لسماع الحكم

ولكنها لم تجيب ، ليكتشف بعدها أنها فارقت الحياة !!!

القاضي نزل اليها وهو مفزوعا وكل من في قاعة المحكمة مذهولا يضع يده على رأسه ويبكي وكأن أصيلة كانت واحدة منهم 

القاضي  بعدما اكتشف هذا قال لها وهو يبكي 

( عانيت من الذل في الدنيا فاأعزك رب الدنيا والأخرة )

ثم نظر للناس وقال لهم لا تستغربوا ولا تحزنوا  دي عندها ميعاد مع جوزها وإبنها ، وأصيلة لا تخلف ميعاد حتى لو كان مع الأموات ثم رمي اوراق القضية في الهواء 

وغادر قاعة المحكمة التى كانت تعج بصرخات الناس حزنا على أصيلة وكأن الله جعل لها من يحزن لفراقها ويدعو لها بالرحمة .

بالأمس عاشت اصيلة واليوم رحلت أصيلة 

وما بين امس واليوم تكشف حقائق وأسرار بقلم احمد حسن

        (تمت)

دمتم في حفظ الله وأمنه .

أغرب قضية في المحاكم المصرية 2002 (أصيلة) كاملة من هنا