رواية ندى ويوسف ومنار عبر روايات الخلاصة بقلم منار رضا
"صوت زغاريد عاليه جدا في العماره سمعته وعرفت من الصوت انو عند عمي ودي بنت عمي ربنا يفرحهم دايما شويه ولقيت الباب بتاعنا بيخبط والزغاريد قدام الباب بالظبط فا جريت افتح"
- باركيلي يا ندى
- ألف مبروك يا حبيبتي بس ايه اللي حصل فرحيني
- يوسف ساب خطيبته
- !يوسف
- اه يا بنتي
- طب وانتي فرحانه ليه كدا يا سلمي
- ياختي كانت بت رخمه ومبتتكلمش مع حد وفاكره نفسها بني ادمه
- طب ويوسف عامل ايه؟
- حزين ياختي ولا اكن حد مات في البيت
- طب حد يفرح في حزن اخوه أنا مش مصدقاكي
"عديت منها وانا بلف طرحتي وبطلع على السلم ليوسف"
- ايوه اجري على يوسف ما هو اخوكي انتي وانا مش اختكم ومتقدريش تشوفيه زعلان
" وفعلا جريت عليه خبط على الباب وفتحت مرات عمي"
- تعالي يا ندى الحقيني يوسف ساب منار ومش راضي يقولنا السبب ولا راضي يفتح الباب
- أنا هدخله يا ماما متقلقيش
"يوسف أنا وهو اخوات في الرضاعه اقرب اتنين في العيله لبعض ومن صغرنا سوا "
- ممكن تفتحلي يا استاذ يوسف
- لا مش ممكن بعد اذنك سبيني لوحدي
- ممكن تفتح الباب عادي وانا هقعد ساكته
- حاضر يا ندى
" قام فتح الباب واول ما بصيت عليه لقيته زعلان عيونه مدمعه حزين ومكسور بشكل غبي اوي"
- مالك حصل ايه؟
- أنا كويس
- شكلك مش بيقول كدا، عموما تشرب قهوه؟
- ياريت
" خرجت برا الاوضه وقفلت الباب ورايا ودخلت عند مرات عمي"
- أنا مش فاهمه حاجه بس ايه حصل؟
- معرفش يا بنتي دخل عليا قالي أنا سبت منار وكل شئ قسمه ونصيب
- خير هدخل اعمله قهوه ونقعد نتكلم اعرف منه حصل ايه
" سحبت كنكه البن وحطيت معلقتين جواها معلقه سكر صغيره وقلبتهم في بعض حطيت الكنكه على نار هادية وسبتها لحد ما قربت تفور شيلتها خدتها ودخلت ليوسف"
يتبع...
فصول رواية ندى ويوسف ومنار بقلم منار رضا
اضغط على الفصل الذي تريد قراءته:
