رواية ندى ويوسف ومنار عبر روايات الخلاصة بقلم منار رضا
رواية ندى ويوسف ومنار الفصل الأول 1
"صوت زغاريد عاليه جدا في العماره سمعته وعرفت من الصوت انو عند عمي ودي بنت عمي ربنا يفرحهم دايما شويه ولقيت الباب بتاعنا بيخبط والزغاريد قدام الباب بالظبط فا جريت افتح"
- باركيلي يا ندى
- ألف مبروك يا حبيبتي بس ايه اللي حصل فرحيني
- يوسف ساب خطيبته
- !يوسف
- اه يا بنتي
- طب وانتي فرحانه ليه كدا يا سلمي
- ياختي كانت بت رخمه ومبتتكلمش مع حد وفاكره نفسها بني ادمه
- طب ويوسف عامل ايه؟
- حزين ياختي ولا اكن حد مات في البيت
- طب حد يفرح في حزن اخوه أنا مش مصدقاكي
"عديت منها وانا بلف طرحتي وبطلع على السلم ليوسف"
- ايوه اجري على يوسف ما هو اخوكي انتي وانا مش اختكم ومتقدريش تشوفيه زعلان
" وفعلا جريت عليه خبط على الباب وفتحت مرات عمي"
- تعالي يا ندى الحقيني يوسف ساب منار ومش راضي يقولنا السبب ولا راضي يفتح الباب
- أنا هدخله يا ماما متقلقيش
"يوسف أنا وهو اخوات في الرضاعه اقرب اتنين في العيله لبعض ومن صغرنا سوا "
- ممكن تفتحلي يا استاذ يوسف
- لا مش ممكن بعد اذنك سبيني لوحدي
- ممكن تفتح الباب عادي وانا هقعد ساكته
- حاضر يا ندى
" قام فتح الباب واول ما بصيت عليه لقيته زعلان عيونه مدمعه حزين ومكسور بشكل غبي اوي"
- مالك حصل ايه؟
- أنا كويس
- شكلك مش بيقول كدا، عموما تشرب قهوه؟
- ياريت
" خرجت برا الاوضه وقفلت الباب ورايا ودخلت عند مرات عمي"
- أنا مش فاهمه حاجه بس ايه حصل؟
- معرفش يا بنتي دخل عليا قالي أنا سبت منار وكل شئ قسمه ونصيب
- خير هدخل اعمله قهوه ونقعد نتكلم اعرف منه حصل ايه
" سحبت كنكه البن وحطيت معلقتين جواها معلقه سكر صغيره وقلبتهم في بعض حطيت الكنكه على نار هادية وسبتها لحد ما قربت تفور شيلتها خدتها ودخلت ليوسف"
- احلى كوبايه قهوه
- تسلم ايدك يا ندى
- حاسه انك عاوز تتكلم ف ا متحاولش تبان عميق احكي
- أنا مش عارف ابدأ منين بس
- من اي مكان المهم تبدأ
- أنا بحب منار، بحبها اوي
- حلو، كلنا عارفين دا
- بس هي مش عارفه صدقيني هي مش عارفه
- عملتلك ايه؟
- بقالها اسبوع مش كويسه بتعاملني وحش اوي كل يوم تتخانق معايا وتقولي ابعد عني لحد اخر مره كانت الصبح لما طلبت ننزل مع بعض ونزلتلها
- عامل ايه يا يوسف
- كويس يا حبيبتي انتي عامله ايه
- كويسه
- نطلب ايه عشان نفطر سوا
- لا مش عاوزه اكل، عاوزه قهوه
" طلبت قهوه ليها وليا وقعدت قدامها بخوف من نظراتها جت القهوه وقعدنا قدام بعض من تاني "
- يوسف
- عيونه
- أنا عارفة أن فرحنا كمان شهر وعارفه انه مينفعش اجي دلوقتي واقولك كدا بس انا مش قادره اعمل غير كدا
- تعملي ايه؟
- أنا مش عاوزه اكمل
- لي انا عملت ايه؟
- معملتش بس انا اللي مش عاوزه
- وهي بالسهولة دي بعد كل دا؟
- بعد اذنك بطل تضغط عليا دهبك هيكون عندك بالليل وكل حاجتك، شكرا علي كل حاجه حلوه عشتها معاك
- طب وانا؟
- انت معاك اهلك وناسك بيحبوك اكتر من اي حد خليك وسطهم
- طب ما انتي هتبقي وسطينا
- لا انا حلوه كدا، أنا عشت سنين كتير اوي من غير أهل من غير حد انا لوحدي
" قلعت الدبله من ايديها وسابتني ومشيت"
- وبعدين؟
- وبس يا ندى حيت قولت لماما وسلمي ومن ساعتها سلمى مبطلتش زغاريد زي ما انتي شايفه
" حط رأسه بين كفوفه وبدأ ينهار، كنت سامعه صوت انهياره وهو بيمسح دموعه بسرعه قبل ما اشوفهم ف قربت منه بهدوء وطبطبت على كتفه"
- منار بتحبك
- لا خلاص منار مبتحبنيش أنا بس حاولت كتير اوي عشان تكون معايا صدقيني كان عندي استعداد احاول بقيت عمري بس اوصلها
- حقك عليا أنا
"فكرت كتير وانا قاعده قدامه بس وصلت لاخر كلامه قاله على لسان منار لما قالتله أنا عشت سنين كتير اوي من غير أهل من غير حد انا لوحدي وساعتها قولت اكيد في سر منار بتعشق يوسف مستحيل تسيبه كدا وقررت اني لازم اعرف في ايه"
صلي على محمد
ـ يوسف هنزل أنا وبكرا هجيلك تاني نشرب قهوه سوا
ـ طب انتي رأيك ايه منار بتحبني؟
ـ منار بتحبك اكتر من نفسها
ـ طب ليه عملت كدا!
ـ معرفش، بس اكيد في حاجه والموضوع هيتعرف
" نزلت البيت ومسكت تليفوني واتصلت على منار بسرعه"
ـ السلام عليكم ورحمه الله وبركاته
ـ عليكم السلام ورحمه الله وبركاته
ـ مين مزعلك يا منار
ـ محدش يا ندى أنا كويسه
ـ طيب انا هلبس واجيلك حضريلي كوبايه قهوه
ـ تنوري يا حبيبتي
" منار صاحبتي قبل متكون خطيبه يوسف أنا واثقه أنها بتحبه وصعب تبعد عنه منار متعلقتش بحد بعد موت أهلها غير بيوسف ف لبست هدومي واستأذنت امي ونزلت روحت لمنار البيت"
ـ ساعه عشان تفتحي الباب
ـ حقك عليا
"دخلت الشقه ولقيت منار على غير العاده باهته ساكته مبتهزرش ولا تضحك "
ـ هان عليكي حبيبك هان عليكي يوسف؟
" وزي ما اكون دوست على الزرار"
ـ لا مهانش عليا بس هان عليا نفسي وحبي أنا بحب يوسف اكتر ما بحب نفسي كان نفسي اعيش معاه باقي عمري كله واموت جنبه والله ما كنت بتمنى من الدنيا غيره ولما اتخطبنا قولت الحمدلله يوسف بيحبني ومامته وباباه واخته هيبقوا اهلي وفرحت عشان قولت ربنا عوضني عن اهلي اللي ماتوا وسابوني من وانا لسه عيله صغيره بس طلعت عبيطه والله عملت كل حاجه اتكلمت معاه قربت منهم قدمت عيني عشان يحبوني بس لا كرهوني اكتر سلمى كانت كل يوم تنيمني معيطه زي العيال الصغيره ولما اقولها طب ليه عملتلك ايه تقولي انتي اللي جايه تاخدي اخويا حبيبي ف عمري ما هسيبهولك
ـ طب وايه اللي حصل خلاكي تبعدي مره واحده؟
ـ في يوم كنت قاعده في البيت ولقيت جرس الباب بيرن ف فتحته لقيتها سلمى
ـ اهلا يا خطيبه اخويا
ـ اهلا يا حبيبتي اتفضلي
ـ ما انا هتفضل يا اختي بس قومي اعمليلي كوبايه شاي
ـ عنيا حاضر
" وقومت عملت احلى كوبايه شاي وحطيت كوكيز على الصينيه وحطيته قدامها بكل حب "
ـ بالهنا والشفا يا حبيبتي
ـ شكرا طبعا انتي مش فاهمه جيالك ليه
ـ لا بس بيتك يا حبيبتي تيجي وقت ما تحبي
ـ طيب يا حبيبتي فرحك انتي ويوسف قرب
ـ اه الحمدلله
ـ استعدي عشان أنا مش هسيبك تتهني يوم واحد
ـ ليه كدا؟
ـ عشان أنا بكرهك لا وامي كمان بتكرهك سبحان الله القبول عند ربنا ومعرفش يا بت انتي ازاي معندكيش دم كدا ولسه مكمله معانا
ـ أنا قولت أننا هنقرب من بعض وهنبقى كويسين
ـ ولا هنقرب ولا اي كلام أنا مش عاوزاكي تفضلي معانا اصلا ولو فضلتي يوم صبحيتك هخليه يوم ميعديش
ـ انتي ازاي بتتكلمي كدا؟
ـ هو كدا يا حلوه اخويا اداني فلوس الفستان والميكاب قالي اديكي ٢٠ الف جنيه تخلصي يومك بيهم بس دا تبذير وانتي عاوزه تخربي بيت اخويا ف هما ٥ الف جنيه تحجزي فستانك وميكاب والباقي امه أولى بيه يا حبيبتي بلا هم
ـ الموضوع بسيط مش محتاج كل دا خدي كل الفلوس اللي ادهالك وانا هتصرف بس سبيني في حالي أنا بحب يوسف ومش عاوزه ابعد عنه
ـ وغلاوة امي لو ما بعدتي عنه خلال الشهر دا لأخليكي تندمي باقي عمرك على اللي هعمله فيكي ومن غير سلام في داهيه
"نزلت وسابتني ومن يومها بفكر ميه مره في الثانيه "
ـ ف انتي استسلمتي؟
ـ اعمل اي٦
ـ تسيبي حبك بالساهل كدا؟
ـ ساهل انتي اللي بتقولي كدا دا انتي اكتر واحده عارفه انا استحملت ايه من شتيمه امه وتهزيق أخته وقلة القيمه اللي عيشتها في البيت دا عوزاني اعمل ايه تاني
ـ تعرفي يوسف كل دا
ـ ويكره اهله لا يا ستي اخد وجعي وامشي أنا احسن
ـ بس دا حرام
ـ ليه؟
ـ عشان يوسف حزين ومكسور يوسف بيموت كل ثانيه وهو فاهم انك بعدتي عشان مبقتيش تحبيه هو ميستاهلش منك يحس الاحساس دا ابدا دا كان بيضحي بكل حاجه عشان عيونك دا موت نفسه في الشغل عشان يعمل البيت اللي هتعيشه فيه دا كسر كل حاجه وقفت قصداكم عشان بيحبك بعد كل دا تسبيه يا منار
ـ نفسي اعرف اعمل ايه والله هعمله
ـ دافعي عن حبك
ـ ازاي؟
ـ متسبيش يوسف كلميه واتفاهموا سوا متسبيش نفسك للحزن كدا
" قامت ندى خدت شنطتها ومشيت وسابتني لوحدي وسط حيرتي بس انا قررت أنا مش هستسلم ولا هسيب حبيبي انا لو هموت قصاد انه يعيش معايا زي ما ما بتمنى هعمل كده "
يتبع..
