رواية ملاكى البرئ الفصل الأول 1 بقلم إسراء إبراهيم
 |
| رواية ملاكى البرئ |
رواية ملاكى البرئ الفصل الأول 1
اسكربت
ملاكي البريئ
بقولك ايه يا ابيه ممكن تساعدني اربط الكوتشي بتاعي عشان مش عارفة
قالتها براء بتلقائية وهي بتقرب من جاسر وهو وقتها قام بسرعة من مكانه ووطي يربطلها الكوتش وفي نفس الوقت كانت متابعاهم ندي بغيظ وهي تبقي خطيبة جاسر ،، كانت متابعة نظراتها براء وهي بتبتسم بشماتة واتفاجأت بيها ندي بطلعلها لسانها فقامت بغضب وهي بتقول :
هو في ايه يا جاسر ،، هي وصلت تربطلها الكوتشي كمان ،، هي مش صغيره علي كدة
جاسر بص لندي بعتاب ورد عليها وهو بيقوم من مكانه وبيقرب عليها :
وفيها ايه يعني يا ندي ما انتي عارفة ان براء مش بس بنت خالتي ده يعتبر بنتي لاني انا اللي مربيها وهي متعودة انها تطلب كل حاجة مني
براء رغم انها من جواها اضايقت لما جاسر قال انها زي بنته بس ابتسمت بانتصار لندي اللي اتغاظت اكتر وردت بقصد :
انا عارفة يا حبيبي انها صعبانة عليك اكمنها يعني يتيمة ام واب ومالهاش حد يراعيها بس انا بصراحة حاسة انها بتزودها اوي بدلعك ليها ده
ندااااا
قالها جااسر بحد*ة وهو باصص لندي بضيق ووقتها براء سابتهم وخرجت من الصالون تجري علي اوضتها بس وهي ماشية خب*طت في منال خالتها وتبقي ام جاسر :
مالك يا براء ،، بتجري ليه كدة وانتي بتعيطي ،،حصل ايه ،،جاسر زعقلك ولا ايه
حركت براء راسها كذا مرة بنفي ومرضيتش تقول عالسبب وقالت بحزن :
لا يا خالتو بس انا افتكرت ماما وبابا ،،بعد اذنك هدخل اجيب شنطتي عشان اروح لهدير صحبتي وانا استأذنت من ابيه جاسر
بصتلها منال بشك يمكن لانها عارفة ندي وطريقتها دايما مع براء واتنهدت بحيرة وقالتلها بحنان :
ماشي يا حبيبتي روحي بس متتأخريش
حركت براء راسها بايجابية وسابت منال ودخلت اوضتها وفي نفس الوقت كان خارج جاسر وندي اللي باين عليها الضيق لان جاسر زعقلها بسبب براء ،، بصتلهم منال بضيق ووجهت كلامها لجاسر :
بعد ما توصل خطيبتك اول الشارع يا جاسر ترجع بسرعة عشان عايزاك في موضوع مهم
جاسر ابتسم ورد بهدوء وهو بيشاور علي ندي :
متقلقيش انا هوصل ندي وارجع بسرعة عشان اوصل براء لبيت صحبتها ،،متخليهاش تمشي قبل ما ارجع
نفخت ندي بضيق وهي بتبص للسقف فبصتلها منال ولوت وشها بسخرية وهي بتقول :
لا ملوش لزوم احسن خطيبتك شكلها مش قابلة الموضوع ده واحنا يهمنا راحتها
قبل ما ندي ترد كان سبقها جاسر وهو بيرد بحسم واصرار :
الموضوع ده مفهوش نقاش وندي عارفة كدة كويس ومتقبلاه ،،ولا ايه يا ندي ؟
ندي بصت لجاسر وردت بضيق وهي بتبتسم غصب عنها :
اكيد يا حبيبي ،، يلا بقي عشان هتأخر
مشيت ندي بعد ما قالت كلامها ووراها جاسر ومنال اول ما خرجو من باب الشقة نفخت بضيق وهي بتقول بغيظ :
اوووف بت رخمة ،،انا مش عارفه هو مستحملك ازاي
..........................
كانت قاعدة براء عالكنبة في الصالة وهي نعسانة عالكرسي بلبس الخروج بعد ما اتأخر عليها جاسر وهي فضلت مستنياه ،،دخل جاسر واول ما شافها لعن نفسه عشان اتأخر عليها اوي كدة وبقي مش عارف هي رد فعلها ايه ،، وكله بسبب ندي اللي اتعمدت تعمل نفسها تعبانة وانها اغمي عليها عشان جاسر يفضل معاها وتخليه ميرجعش لبراء لانها عارفة انه هيوديها مشوارها ،، قرب جاسر من براء ووطي قدامها وقالها بهمس :
براء حبيبتي
فتحت براء عنيها بلهفة وبعدين بصت حواليها واستنبهت للموقف فبصت للساعة وبعدين قامت بتعب ووقتها جاسر قالها بسرعة :
انا اسف بجد يا براء صدقيني مكنتش اقصد اني اتأخر وانتي لو تعرفي اللي حصل هتعذريني والله اصل ن....
قاطعته براء وهي بتاخد شنطتها وبتسيبه وتدخل اوضتها من غير حتي ما تسمع منه اي مبررات :
حصل خير يا ابيه ،،تصبح علي خير
دخلت براء بسرعة اوضتها ووقتها جاسر غمض عنيه بغضب من نفسه لانها معني انها معاتبتوش حتي تبقي زعلانة منه اوي وهو مبيقدرش يشوفها زعلانة منه ،، رمي نفسه عالكنبة باهمال وهو بيفكر هيعمل ايه عشان يصالحها بيه وتنسي اللي حصل انهاردة
..................
تاني يوم كانت براء نازلة من البيت بدري عن معادها عشان متتقابلش مع جاسر لانها زعلانة منه اوي بس اتفاجأت بيه واقف تحت البيت مستنيها ،،فضلت بصاله شوية بصدمة وبعدين قالتله :
هووو انت ازاي صحيت بدري اوي كدة ؟
ابتسم جاسر وقرب منها وهو بيقولها بحب :
انا منمتش اصلا علي فكرة وانتي السبب
شهقت براء بصدمة وشاورت علي نفسها وهي بتقوله بحزن :
انا السبب ،،طيب ازاي ؟
ابتسم جاسر ورد وهو بيرجعلها خصله شعرها لورا :
عشان ببساطة حضرتك زعلانة مني فانا مجاليش نوم الا لما اصالحك الاول عشان انتي اغلي حاجة في حياتي
ابتسمت براء بتلقائية وخجل علي كلامه اللي دايما بيقدر يحتويها ويسعدها مهما كانت ببساطته وجاسر وقتها فهم انها مبقتش زعلانة منه فكمل كلامه وهو بيشاورها علي العربية :
يلا بقي يا اميرتي عشان اوصلك كليتك وانا اروح شغلي
كشرت براء مرة واحدة وردت بضيق وهي بتبصله بقلق :
لا طبعا ،،حضرتك منمتش ومينفعش تسوق كدة وكمان تروح شغلك ،، لو سمحت اطلع نام وانا هروح الكلية بتاعتي ومتقلقش انا خلاص مبقتش زعلانة بعد اللي انت قولته
ابتسم جاسر علي برائتها لانها دايما بترضي باقل حاجة وبتبقي سعيدة كمان بده ،، رفض جاسر وقالها باصرار :
متخافيش عليا انا مركز جدا ولما ارجع هبقي انام براحتي ،، يلا بقي عشان متتاخريش
ابتسمت براء وركبت معاه العربية وهي في منتهي السعادة عشان مع جاسر
.....................
بعد اليوم ما خلص كان جاسر زي عادته بيروح يجيب براء من جامعتها زي ما معودها دايما ،، دخل الجامعة وهو بيدور بعنيه عليها بقلق بعد ما فضل مستنيها قدام الجامعة وهي اتأخرت ،، كان بيتلفت حواليه وفجأة وقف مكانه وهو مثبت عنيه عليها وهي قاعدة مع شاب زميلها وبيراجعو سوا حاجة في الورق اللي قدامهم ،،جاسر ملامحه اتبدلت للغضب لانه منبه علي براء انها متتكلمش مع اي شاب وقرب عليهم بغضب ووقف قدامهم وبراء اول ما شافته اتوترت وقامت بخوف وهي بتسيب الورق من ايديها للشاب وبتبص لجاسر بخوف من غضبه ،، جاسر شاورلها بايديه انها تمشي قدامه وهي سمعت كلامه بسرعة وسبقته علي العربية وهو قرب من الشاب وقاله بحد*ة :
لو شوفتك معاها تاني انا هندمك عشان بس فكرت تقرب منها ،،انت فاااهم ؟
الشاب خاف من نبرة صوت جاسر وقاله بخوف :
احم ،،حاضر يا فندم ،، انا اسف
مشي جاسر من غير ما يتكلم تاني وراح للعربية وركب وساق من غير ما ينطق بحرف لبراء او حتي يبصلها بس كان سايق بسرعة وبراء كانت خايفة فحاولت تلمسه وهي بتقوله بخوف :
ااابيه جاسر انا اسفة والله انا
قاطعها جاسر بصوت جهوري وهو بيلف وشه ويبصلها بغضب لدرجة انها اتنفضت علي صوته :
اخررررسي ،، مش عاوز اسمع صوتك لحد ما نوصل
حطت براء ايديها علي وشها بخوف وهي بتعيط وشوية ووصل جاسر واول ما وقف بالعربية نزلت براء تجري علي فوق وهو كان متابعها بغضب وبعدين ساق بسرعة........يتبع
بقلمي اسراء ابراهيم
رواية ملاكى البرئ الفصل الثانى 2 والأخير من هنا
لقراءة الرواية كاملة اضغط هنا (رواية ملاكى البرئ)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
