رواية أعلنت الحرب على قلبي عبر روايات الخلاصة بقلم إسماعيل موسى
رواية أعلنت الحرب على قلبي الفصل الخامس عشر 15
لم يكن جاسم شخص غبى، ربما علاقاته محدوده لكنه يفهم ان هناك شيء خاطيء فى روان
راجع نفسه وبعد تفكير ضيق لم يجد سوى صورة ندى التى لمحتها روان على تليفونه ،ولأنه مش عايز مشاكل فاضية من غير سبب، كلم روان وفتح معاها الكلام ،كان كلامه صادق
انه التقط الصوره لأن الشبه الكبير إلى بين روان وبنت عمه كبير جدا، مفيش اى حاجه تانيه اكتر من هنا.
صمتت روان، ثم قالت بتقول بنت عمك يعنى انت مش عارف اسمها؟
رد جاسم بثقه، لا معرفش اسمها، اول مره اشوفها
صمت من الجهه الأخرى مع ابتسامه ساخره هبت على شفتى روان
متعرفش اسم بنت عمك؟
للمره الثانيه رد جاسم لا معرفش واول مره اشوفها
جاسم، كفايه كدب بقا ،لو فيه حاجه جواك يا ريت تقولها من غير لف ودوران
صرخ جاسم انا مش كداب يا روان ومعنديش حاجه اخبيها
يا راجل ؟ يعنى متعرفش ان بنت عمك اسمها ندى وانها بتدرس تحت ايدك فى الجامعه وعلى طول بتقف معاها ؟
انصدم جاسم ،تيبس لسانه ،لم يصدق ما تسمعه اذناة
بقلك اول مره اشوفها يا روان، ومعرفش انها بتتنيل تدرس فى نفس الكليه بتاعتى، والله ما اعرفها واول مره اشوفها
بنتك عمك طالبه عندك فى الكليه يا دكتور جاسم، لما تعرف نفسك عايز ايه تبقى كلمنى.
انقطع الاتصال وتركت روان جاسم مصدوم يحاول استدراك أفكاره الهاربه
ندى ؟ وبنت عمى ؟
ثم تذكر ان فى الدفعه هناك خمسة بنات بنفس الاسم
لكن الوحيده التى وقف معها الفتاه المنقبه، ثم فجأه اتكاء على المقعد ،اذاى مخدتش بالك يا جاسم؟
همس عندما تذكر اسم ندى الثلاثى الذى قرأه فى ورقة الاجابه.
هى ليه عملت كده؟ وبلا تفكير اخذ عربيته وانطلق تجاه منزل جده.
مش عيب تستخبى ذى النسوان يا حشمت يا مندور ؟
عرف حشمت الصوت ولم يشعر الا بالتعاسه
انه صوت مروان غيث، يد سيد شنكل القويه التى يضرب بها أعدائه
العيب يا مروان انك تهاجم شقتى مستخبى ورا شوية عيال ؟
انطلقت رصاصه اخترقت خشب الأريكه لكن حشمت مندور لم يتحرك من مكانه
صرخ حشمت مندور ،امشى يا مروان احسن ما تحصل مدبحه
اطلق مروان غيث ضحكه طويله ، فكرك مروان غيث بيدخل إى مكان ويطلع فاضى ؟
خلصو عليه يا رجاله ،ولا اقلكم ،عايزه حى ،عايز ابص فى عنيه قبل ما احط علامتى عليه.
سحب حشمت مندور بندقية آليه روسية الصنع معمره
إلى عايز يموت يحط رجله جوة الشقه
ثم دون سابق إنذار اطلق حشمت مندور خزنة رصاص كامله على باب الشقه وسحب فانتو درع بشرى يحمى به نفسه
يا ابن الكل___ ب صرخ مروان غيث
أعاد حشمت مندور حشو بندقيته وأطلق دفعه أخرى من الرصاص اجبر مروان غيث على التراجع ،ثم هب انطلق الرصاص من كل جهه.
لم يتوقف ضرب الرصاص حتى تحرك حشمت مندور وارتقى الطاوله ساعده الظلام والصخب ،ثم فتح باب ضيق فى سقف شقته ،باب سرى قام بصنعه بنفسه ،عندما أصبح على سطح العماره تسلق جدار العماره المجاوره ثم نزل على السلم وخلال دقيقه كان فى الشارع، كان بإمكانه الهرب لكن حشمت مندور لا يغفر الخيانه اسقط حارس مروان غيث الذى تركه لحراسة باب العماره ثم صعد السلم فى يده البندقيه
كان مروان غيث داخل الشقه يصرخ فى رجاله
شوفولى الكلب دا فين يا اولاد الوسخ__ة
انا مش كلب ياض، لم ينتبه مروان غيث الا وحشمت مندور يثبت البندقيه على نفوخة ،امشى ياض قدامى وخلى العيال دى ترمى السلاح!!
تخلى رجال مروان غيث عن السلاح واشعل حشمت مندور الأضأه
جايب سته وعامل نفسك راجل يا مروان؟
انت ياض وصرخ حشمت فى واحد من رجال شنكل
كتفهم
بعد أن قيد رجال مروان افقد حشمت مندور الرجل الاخير وعيه
قلت كام مره كلب يا مروان غيث ؟
انا ابويا مش كلب ياض وشج دماغه بمؤخرة البندقيه
إلى يتحامى فى رجالته ميبقاش راجل ،انت عيل هلفوت ذى غيرك وجر مروان غيث على السلم
وضع يده فى جيب مروان غيث وأخرج هاتفه ثم أمره ان يهاتف سيده، المعلم سيد شنكل
الو فيه ايه يا مروان؟ مش عارف انى فى عمليه صعبه ؟
تعالى خد رجالتك يا شنكل ،عارف العنوان والا اكتبهولك ؟
مين معايا؟ صرخ شنكل وهو يشد سرواله القطنى
يعنى مش عارف رجالتك باعتهم فين يا شنكل ؟
ربط المعلم سيد شنكل الأحداث بسرعه وخمس
حشمت مندور ؟
ايوه حشمت مندور يا سيد إلى هتكون نهايتك على ايده
رجالتك مربوطين عندى فى الشقه مرضتش اخلص عليهم
اما الأمور الكبير ده انا هحتفظ بيه شويه
مروان ؟ سأل شنكل بصدمه..
متكترش فى الكلام يا شنكل، مش معقول معلم كبير زيك رجالته هتطلع عمليات من ورا ضهره
صمت سيد شنكل طويلا حتى ظن حشمت مندور ان الاتصال انقطع، ثم همس خليك عندك انا جاى فى الطريق
سحب حشمت مندور مروان غيث بعيد عن العماره
كان يعرف انه لا يستطيع مواجهة سيد شنكل وسط رجالته
ثم وقف فى مكان بعيد يراقب الطريق حتى ظهر سيد شنكل
وصل فى سياره نص نقل محمله بالرجال المسلحين وصعد العماره ثم سمع طلقات الرصاص بعدها خرج سيد شنكل ورجاله يحملون القتلى ، تخلص سيد شنكل من كل الرجال إلى كانو مع مروان غيث، إلى خرجو من ورا ضهره
وقف سيد شنكل دقيقه يبص على الشارع حتى ظن حشمت مندور انه يراه ثم ركب السياره وانطلق بعيد عن العماره.
اخذ حشمت مندور مروان غيث رهينه إلى أحد الاوكار المهجوره ثم قيده واشعل سيجاره
شنكل قتل كل إلى كانو معاك يا مروان، ولو كان لقيك هناك كان هيقتلك، يعنى انت ميت ميت ولا ايه رأيك؟
غمغم مروان من تحت الكمامة هقتلك يا حشمت ،هقطع جسمك، ها لكمه حشمت فى أنفه كسرها ثم اعاد ركلة فى فكه وصدره حتى افقده الوعى وهو يهمس مش ناقصين وش بقا...
_____
توقفت سيارة جاسم آمام بيت العائله ولأول مره لا تكون والدته معه
سلم على جده وعلى احد اعمامه الذى كان يرمقة بأستخفاف
اقعد يا جاسم يا والدى
جلس جاسم إلى جوار جده بارتباك، ربت جده على ساقة
المهله إلى والدتك اديتهالنا لسه مخلصتش يا دكتور
لكن احنا هنشترى الأرض، مش هنسيبها للأغراب
الحقيقه يا جدى انا مش جاى عشان الأرض، موضوع الأرض دا هيخلص هيخلص ،انا عارف ان والدتى متعنته شويه
لكن انا هخليها تغير قراراها
امال جاى عشان ايه يا ابنى؟
رفع جاسم رأسه كان يعرف ان كل كلمه محسوبه، جاى عشان بنت عمى محمود الله يرحمه... ندى
وقبل ان يسمح للافكار ان تتحرك اردف، ندى طالبه عندى فى الكليه انا بدرسها ، هى نسيت المذكره بتاعتها وكمان انا عايز اوجهلها نصيحه قبل الامتحان النهائى، مش غش طبعآ لا سامح الله انا عمرى ما كنت كده، لكن مجرد نصائح بالنقاط الهامه إلى فى المنهج.
وماله يا ابنى عمر الضفر ما يخرج من اللحم، يا بت نادى على بنت عمك ندى
وقع الخبر على رأس ندى مثل بلطه، جاسم هنا وعايزنى ؟
يبقى عرف كل حاجه....
ارتدت ندى ملابسها كامله ونزلت سلمت على جدها وعمها
جدها قال احنا هنقعد جنبكم هنا ،الصراحه المناهج والدروس منعرفش فيها
اول ما جلست ندى وقبل ان يتحدث جاسم وفى يده المذكره
همست خفت اقلك الحقيقه، معرفش ليه خفت بس هو دا إلى حصل.
لم يرفع جاسم رأسه ثبت عينيه على الأرض ،انتى عارفه انك طلعتينى خاين وعبيط فى نظر خطيبتى ؟
تعرف ندى ان لا علاقه بها بخطيبة جاسم من قريب أو بعيد
مش فاهمه انا مالى بخطيبتك ؟
صمت جاسم، مش عارف إزاى عرفت انك بنت عمى
وانى بقف معاكى فى الجامعه ثم بخجل وكمان صورتك إلى شافتها على تليفونى كل دا خلى الموضوع معقرب.
اى صوره ؟
انا التقطت ليكى صوره وانتى واقفه فى الشرفه وقبل ان تنفعل ندى واصل جاسم كلامه، انتى كنت عايزانى اعرف انك شبه خطيبتى صح ؟
يتبع...
