رواية أعلنت الحرب على قلبي عبر روايات الخلاصة بقلم إسماعيل موسى
رواية أعلنت الحرب على قلبي الفصل التاسع 9
_تقدرى تمشى انتى يا سمر مهمتك خلص
رمقت ندا نسرين بنظرة حقيره ،لكن آخر ما يهمها الآن الاسم
كنتى بتضحكى علية ؟كل دا كان تمثيل ؟
لم ترد سمر، اكتفت بالوقوف بلا مبلاها بينما رفع نوح صوته
تمثيل بس كلفنى كتير اووى ،محفظتى فضيت مش كده يا سموره ولا آيه ؟
فين بقيت حسابى ؟بدا ان سمر فتاه عمليه لا تضيع الوقت
فى الظرف على الترابيزه
تحركت سمر فتحت الظرف واحصت النقود ،اسفه يا ندا دا كان مجرد شغل وغادرت ومضت نحو باب الشقه.
ركضت ندا نحو الباب، لكن نوح اوقفها ،مفيش داعى للعنف
اغلقت سمر الباب وندا تتابعها ،انت عايز ايه منى ؟
ابتسم نوح، إلى بيحتاجه كل راجل من ست
انت فاكرني ايه؟ انا هطربقها فوق دماغ إلى خلفوك الحقونى الحقونى صرخت ندا ثم شعرت بالندم
صفعها نوح حتى اجبرها على آلصمت ووضع كمامه فوق فمها
قلت مفيش داعى للعنف ،بس لو كنتى بتحبيه انا بارع فيه !!
_إلى بيحصل دا غلط، انا عملتلك ايه؟ انا معرفكش وعمرى ما آذيتك.
بصى الخطاب الدينى مش هينفع معايا وأخرج نوح سيجاره انا استنيت اليوم دا كتير ومن حقى استمتع ثم اشعل سيجارته.
صرخت ندا مره تانيه وحاولت توصل باب الشقه، لكن نوح قبض عليها فى اخر لحظه جرها من دراعها وقعدها على الأريكه وشد نقابها قلعه.
ثم وقف لحظه مبهور، مش حرام عليكى تخبى الجمال دة ؟
ابعد عنى فهم نوح صرختها.
اطلق دفعه من الدخان بأستمتاع هو انا لسه قربت ؟
بقلك ايه متبقى مطيعه وخلينا نخلص ؟
حاولت ندا ان تتمالك اعصابها ،عرفت ان تهورها لا فائده منه
لو امكنها فقط أن تصل لحقيبتها سترحب فورا بخمس وعشرين سنه سجن.
شاورت على بقها يعنى مش قادره ترد
بحذر حرر نوح فمها ،نزع الكمامه لكن بتروى مريب
دا حرام، ارجوك سبنى اروح !!!
هتروحى وهوصلك بنفسى لبيتك ،دا كله بيتوقف على موقفك وتفكيرك.
ايه مش عاجبك؟
تنهدت ندا بعمق ،مش موضوع مش عاجبنى الموضوع كله على بعضه مخيف، انت إى بنت تحلم بيك
لكن انتى لا؟ اكمل نوح كلامها، انا مش عايز اى بنت، عايزك انتى وقرب منها.
أدركت ندا انا امامها فرصه وأحده ولا مجال للخطاء
طيب مش نشرب حاجه ؟ أرادت ندا ابعاده لدقيقه عن مكانه
هو دا الكلام، ابتسم نوح ومج من سيجارته
ثم اخرج حبل واقترب من ندا ،اكس كيوز موا بس الحرص واجب ثم قيد يدى ندا فى بعضهما
عندما دخل نوح المطبخ تحركت ندا تجاه حقيبتها ،رفعتها بفمها وحاولت إخراج المسدس ،فتحت الستسه وغمست فمها داخل الحقيبه حتى لو أخرجت المسدس لن تستطيع امساكه
قبل أن يعود نوح تركت الحقيبه وتحركت تجاه الباب لكن الباب كان مغلق ولم تنجح فى فتحه ،جلست فى مكانها فور ظهور نوح الذى
احضر كأسين وزجاجة نبيذ ،ملاء الكأسين وحل قيود ندا
فى صحتك !
رفعت ندا الكأس لكن لم تشرب، الله دا حلو اوى
مش قلتلك هيحلى الكلام ،اشربى تانى
بكل عزمها احكمت ندا قبضتها على الكأس وضربت به وجه نوح..
انغرس الزجاج فى وجه نوح وفار منه الدم لكنه لم يكفى لافقاده الوعى ،لحظات مكنت ندا من الوصول لحقيبتها
لكن نوح الذى سرى الحشيش فى دمه لم يتأثر بالوجع
مشى بترنح تجاه ندا التى كانت توليها ظهرها ،أخرجت ندا المسدس لكن نوح قبض عليها من الخلف، احتضنها بقوة وهمس بأنفاس عطنه هو انتى فاكره انى معرفش حاجه عن المسدس ؟ سمر قالتلى كل حاجه عنك.
كافحت ندا ،قاومت نوح والمسدس فى يدها ثم أطلقت رصاصه على قدم نوح لكن الرصاصه أخطأت الهدف.
كان عليها ان تتحمل غضب نوح وعقابه ،ضربها نوح فى رأسها ركلها فى معدتها حتى اوقعت المسدس ثم جرها مدماه والقى بها على السرير، مش نوح متولى إلى يتاخد خوانه
لعق نقطة دم تسللت نحو فمه بطريقه مقززه ثم نزع قميصه
أدركت ندا انها النهايه، حين حاولت أن ترفع قدمها لم تستطع كانت قدمها مصابه وجسدها متأثر بالضرب المبرح ،لمس نوح شعرها الناعم الصق جسده بجسدها ثم دوى صوت ارتطام وباب يتكسر ،نهض نوح بسرعه بحث عن مسدسه الذى كان يخفيه تحت السرير
___ارفع ايدك ياض، سمع نوح الصرخه الآمره ،فكرك تقدر تهرب من حشمت مندور؟
وجد نوح مسدس تسع بوصه مصوب على جمجمته
محدش قلك قبل كده ان اللعب مع الكبار غلط؟
هديك فلوسك ،هديك كل حاجه بس ابعد المسدس ده عنى
ابتسم حشمت مندور بانشكاح، هو انت فاكرنى جاى عشان الفلوس؟
فهمت ندا القصه، ربما لا يمكنها الوصول إلى مسدسها لكن مسدس نوح ؟ ممكن
تسللت يدها تحت الوساده حتى لامست المعدن البارد
تعالى هنا ياض ؟صرخ حشمت مندور، جذب نوح من عنقها
وركله بركبته فى فك أسنانه خد يا ابن ااكل__ب بقا انا تقولى
بايباى ؟ثم صفعه على وجهه حتى ادماه، تمدد جسد نوح على الأرض وحشتمت مندور يضربه بقدمه انا باخد حقى ناشف، شعر حشمت مندور بارتياح ،غمرتة سعاده ضخمه
تحول وجهه تجاه ندا يطلب منها الرحيل، انها لا تعنى له اى شيء، يعرف انها مجرد فتاه أخرى سحقتها الحياه ووقعت فى طريق نوح ،لكن الحظ لم يسعفه وجد ندا تصوب مسدس إلى جسده وقبل ان يفتح فمه أطلقت عليه الرصاص وهربت.
سحبت ندا حقيبتها بسرعه وغادرت الشقه دون أن تنظر خلفها.
يتبع...
