رواية أسيرة أحلامي عبر روايات الخلاصة بقلم أسماء علي
_ ما ترڪز يا أستاذ!
ڪنت خارج من القاعه بسرعه ونظري ڪان في التلفون.
هوب...
محستش بنفسي غير وأنا بخبط في شخص، مسڪت تلفوني قبل ما يُقع وبصيت لمصدر الصوت.
بَلمت من الصدمه..
من دي؟ وإزاي هنا؟ دي حقيقه ولا أنا لسه بحلم؟..
دي أسئلة ڪان بتدور في رأسي، بحاول أفهم.. بحاول أجمع بس الصدمه خليتني مش عارف أبعد عيني ولا عارف أتحرك.
فوقت علي صوتها وهي بتقولي:
_ هو فيه حاجه علي وشي محتاجه رياڪشن وشك الصادم دهه!
فوقت لنفسي وعدلت من وقفتي وحطيت إيدي في جيبي وقلتلها بإبتسامه:
_ إطلاقاً، وآسف بجد مڪنتش أقصد.
_ وأصرفها فين أسف دي لو ڪنت وقعت وفستاني إتوسخ، ولا لو ڪنت وقعت علي نفوخي وإتعورت!
ضحڪت علي طريقه ڪلامها، وقلتلها بإستفزاز:
_ إصرفيها في البنك الأهلي المصري، وبعدين ولا وقعتي وفستانك إتوسخ ولا نفوخك إتفتح.. زي القرده اهو ماشاء الله.
بصيتلي بشرار وقالت:
_ قردة لما تبقي تلهفك يابا.
ضحڪت بصوت عالي علي جملتها وعلي طريقتها، طريقتها ڪلها سرسجه وهيئتها بتقول إنها أميࢪة من أميرات ديزني.
بفستانها البينك الواسع وحِجبها اللي حامل نفس اللون، ووشها اللي علي طبيعته بدون ميڪاب... أميرة أحلامي.
_ بتضحك علي إيه يا بني ادم يا بارد أنت!
يتبع...
فصول رواية أسيرة أحلامي بقلم أسماء علي
اضغط على الفصل الذي تريد قراءته:
- رواية أسيرة أحلامي الفصل الأول
- رواية أسيرة أحلامي الفصل الثاني
- رواية أسيرة أحلامي الفصل الثالث
- رواية أسيرة أحلامي الفصل الرابع
- رواية أسيرة أحلامي الفصل الخامس
- رواية أسيرة أحلامي الفصل السادس
- رواية أسيرة أحلامي الفصل السابع
جاري كتابة باقي فصول الرواية.. عاود زيارتنا..
