رواية بين التضحية والحب عبر روايات الخلاصة بقلم فونا
_دي مش أختي!
كانت القاعة كلها أضواء وتصفيق. ليلى واقفة على المسرح، فستانها بيبرق تحت الكاميرات، وابتسامتها واخدة قلوب الجمهور. المذيع أعلن:
_ "الممثلة الصاعدة… ليلى حسن!"
الكل بيهتف باسمها، وهي بترفع الكاس الفضي والدموع مالية عينيها. قالت بصوت متأثر:
_ "الجاي أحلى… ودي بس البداية."
وسط الزحمة دي، في آخر الصف، مريم كانت واقفة بالهدوم البسيطة اللي اشترتها من المرتب الصغير بتاع شغلها. التصفيق كان بيدوي، بس جواها كان صمت تقيل. كل اللي فكرت فيه إنها لولا السنين اللي ضحت بيها عشان أختها توصل لليلة دي… مكنش حد هيهتف باسم "ليلى".
بس الأوجع… إن ليلى من فوق المسرح، ما بصتش حتى ناحية أختها.
خلصت الحفلة وبدأ كل واحد يتجه لبيته.
مريم كانت واقفة برا القاعة مستنية ليلي ، فجأة أمن المكان قربو منها وبصولها بأستغراب لأن شكلها بسيط جدا مش زي المكان اللي هي فيه!!!
اتكلم واحد من أفراد الأمن
_ حضرتك مستنيه حد.
رديت بهدوء_اه مستنية ليلي أختي.
بصولي بصدمة
_الفنانة ليلي تبقي أختك أنتِ!!!
_دي مش أختي.
وده كان صوت ليلي اللي كانت بصالي بضيق
وجهت كلامها لبتوع الأمن
_اتفضلو أنتم دلوقتي.
فضلنا أنا وليلي بس هي تبصلي بضيق وأنا ابصلها بحزن
اتكلمت ليلي بعصبية
_كنتي هتفضحيني
بصيتلها بصدمة
_بتستعري مني يا ليلي، أنا أختك اللي ضحيت بكل حاجة عشانك!!!
اتكلمت بسخرية
_هنبدأ جو الصعبنيات بقي.
حاولت أهدي نفسي
_اتفضلي قدامي عشان نروح
بصتلي بقرف
_مستحيل أمشي معاكي بلبسك ده!!
وسابتني ومشيت كنت بصالها بحزن وبتحسر علي حياتي اللي ضاعت بسبب اهتمامي بيها هي وبس!!!
روحت البيت وأنا مضايقة وأول ما فتحت الباب لقيت ماما بتزعق لليلي
يتبع...
فصول رواية بين التضحية والحب بقلم فونا
اضغط على الفصل الذي تريد قراءته:
- رواية بين التضحية والحب الفصل الأول
- رواية بين التضحية والحب الفصل الثاني
- رواية بين التضحية والحب الفصل الثالث
- رواية بين التضحية والحب الفصل الرابع
- رواية بين التضحية والحب الفصل الخامس
- رواية بين التضحية والحب الفصل السادس
- رواية بين التضحية والحب الفصل السابع
- رواية بين التضحية والحب الفصل الثامن
جاري كتابة باقي فصول الرواية.. عاود زيارتنا..
