رواية عندما يذبل الكرز (كاملة جميع الفصول) عبر روايات الخلاصة بقلم ٱية سيد
شكرا مقدما مش عاوزه ارقص
لا والله ؟
اه والله ..مش مستعده اسمع محاضرة وانا برقص ان الرقص حرام والاغاني حرام واللبس اللي انا لبساه حرام
قومت ومشيت خطوتين عشان ابعد عنه لقيت محمد ابن خالتي وقف قصادي
وقالي: ممكن ترقصي معايا
مديت ايدي بدون تفكير ع الاقل مش هيصدعني واحنا بنرقص
بصيت حوليا لقيت الناس كلها بترقص مع أبهاتها ع أغنيه صوت رنة المفتاح في الباب ساعه اما توصل
التفت بدور عليها اول ما اشتغلت الاغنيه دي ..لقيتها بترقص مع ابن خالتها البارد ..كان حاطط ايديه حوليها ..مستحملتش اشوفه بيلمسها كدا روحت ناحيتهم وسحبت ايدها : تعالي معايا
نفضت ايده بغضب : سيبني يا اخي ..انت مالك
فمحمد حاول يدافع عني ومسك ايده اللي ماسكه ايدي بس حسن مفكرش كتير لما ضربه في وشه وقعه ع الارض من قوة الضربه
حطيت ايديا ع بوقي من الخضه ..وانا ببص لمحمد واشوف حصله ايه لقيته سحب ايدي وخرج برا وماما جت ورانا بتسأل بقلق :
في ايه ؟؟ حصل ايه ؟
سحبت ايدي بغضب : اسأليه هو ...انت اتجننت ...انت بتضرب محمد
جاوب عليا بعصبيه : يطلع ايه محمد دا ..ما اضرب محمد واضرب مية واحد شبه محمد ..
وبعدها وجه كلامه لماما : قولنا تتحجب يا مرات عمي ..قولتي بنتي لسه صغيره وعوزاها تعيش حياتها ..مع انها شحطة كبيره عندها ٢٣ سنه ..قولتلك يبقي تلبس لبس طويل وواسع
وشاور ع فستاني باستنكار : مش لابسه فستان لحد الركبه
حاولت ماما تجاوب عليه : يا ابني الفستان دا عشان ...
قاطعها بغضب : متقوليلش لو سمحتي عشان مناسبه ..
دلعك ليها بوظها...انا اسف يا طنط بس لو انتي بتحاول تعوضيها ع موت والدها فأنتي كدا بتضريها ..
جه صوت من ورا وكانت تيته ..كبيرة العيله وهي بتقاطعه عشان خبط في الحلل كتير : حسن... متتكلمش كدا مع مرات عمك
كتم غضبه وراح لعربيته
فضلت واقفه وانا باصه لماما بحزن وبفكر في كلامه ..استوقفتني كلمه ان بتعمل كدا عشان تعوضني عن وفاة بابا ..يعني ماما اتكلمت معاه وهو اتكلم معاه من ورايا ..يا تري اتكلموا في ايه
كانت ماما باصه للأرض بزعل وكسوف وكأنها مكسوفه مني
يتبع...
فصول رواية عندما يذبل الكرز بقلم ٱية سيد
اضغط على الفصل الذي تريد قراءته:
- رواية عندما يذبل الكرز الفصل الأول
- رواية عندما يذبل الكرز الفصل الثاني
- رواية عندما يذبل الكرز الفصل الثالث
- رواية عندما يذبل الكرز الفصل الرابع
- رواية عندما يذبل الكرز الفصل الخامس
- رواية عندما يذبل الكرز الفصل السادس
جاري كتابة باقي فصول الرواية.. عاود زيارتنا..
