رواية عندما يذبل الكرز (كاملة جميع الفصول) عبر روايات الخلاصة بقلم ٱية سيد
رواية عندما يذبل الكرز الفصل الخامس 5
ساب ايديا بصدمه : انا بدأت اشك انك مش بتحبيني بجد ؟
كلامه كان قاسي اوي عليا
فقام من مكانه بعصبيه وقال :
انتي طالق يا سارة ...
وبعدها اتغيرت ملامحه للتحدي بعد ما شاف الصدمه في عيوني
: مش دا اللي انتي عوزاه
تحركت ناحيه الباب لقيت محمد بيبصلي بشماته وكأنه اخيرا فاز
مكنتش قادر اكلمه...اقوله ايه ..ولا اعمله ايه ما عنده حق ..هو فعلا فاز ...
_________
اما بالنسبالي كنت قاعده في مكاني مصدومه ازاي استجاب لطلبي بالسرعه دي..هو عمره ما سمع كلامي عمره ..كان دايما ياخد القرارات بالنيابة عني ..والمره الوحيد اللي اخدت قرار بنفسي كان قرار طلاقي ..فجأة محمد قعد مكانه ؛ احسن انكم اتطلقتوا مكنش ينفعك اصلا...
محدش ينفعني غيره ..دي الجمله اللي كنت عاوزه اقولها ..بس قولت وانا ببلع ريقي بصعوبه وتحدي مصطنع :
اخيرا طلقني...وكأنه شال حمل من ع كتافي
روحت اوضتي ولسه ما قفلت الباب لقيت خالتي جت ورايا وقفلته عشان محمد ميسمعش كانت واقفه عند الباب
يووه يا خالتو..انا عاوزه اقعد لوحدي ..
قربت مني وقعدت قصادي واول ما شوفتها عيطت بصوت عالي
: شوفتي حسن لما طلقني يا خالتو...
الخاين طلقني وكأنه كان مستني مني اطلب بس ...
مفكرش اني ممكن اكون طلبت دا عشان كرامتي اللي اتبعترت في بيتهم ..
كانت خالتو بتطبطب عليا ومش لاقيه كلام تقوله
___________________
رجعت لشقتي وعيني وقعت ع الورد اللي دبل
مأخدش مني وقت كتير عشان اقرر اني اسيب بيت العيله دا
واخد شقه ايجار لنفسي ..ضيعت كل حاجه وانا هنا..
وبعد يومين كنت بلم في آخر كام حاجه بقيالي لما العمال كانوا بينزلوا شنطي للعربيه اللي تحت لما فجأة تيته وجدتي لقتهم قصادي
نفخت بعصبيه : في ايه تاني ؟؟
فسألتني تيته : انت بتعمل ايه ؟
فرديت عليها : انا مش هقدر اكمل هنا...انا اخدت شقة إيجار
فكملت بزعيق للعمال : سيب يا ابني انت وهو الشنط دي وانزلوا
فقاطعتها : كملوا اللي انتو بتعملوه...مش انتي يا. تيته اللي تقرري انا اعمل ايه ومعملش ايه ..انا راجل صاحب قراري
تخيلت انها ممكن تقول اي حاجه غير اللي قالته :
وانت هتقدر تعيش في شقه ايجار ...؟؟
مكنتش فاهم قصدها : قصدك ايه ؟
فقاطعتني بكل جفاء : سيب الكريديت كارد بتاعتك والعربيه
مش انت بتقول انك صاحب قرارك
فجأة كغي ع وشي نظرات الكره ليها ...ازاي الدناءة وصلت بيها لكدا ..بصتلها بكل نظرات الاحتقار في العالم وخرجت من جيبي مفتاح العربيه والكريديت كارد وحطيتهم ع التربيزة وروحت اكمل بقية حاجتي
لميت حاجتي ووصلت الشقه الجديده كانت متربه بس الشمس دخلاها من كل مكان زي ما سارة بتحب بالظبط ..
______________________
ما انا بقولك هستني العده تخلص وبعدها هتقدم
ردت خالتي وهي مش ملتفته ليه وبتقلب في الاكل اللي ع النار :
اما مش قصدي كدا يا محمد
امال قصدك ايه ؟
التفتتله خالتي وراحت ناحيته بغضب :
يا ابني افهم سارة بتحب حسن
فقاطعها : دي طلبت الطلاق بنفسها...
فقاطعته خالتي : عشان غبيه ..مش بتفكر ..لكن حتي لو عرضت عليها الجواز سارة هترفضك...احفظ ماء وجهك يا محمد وبطل تفكير في العبط دا ..
كنت متضايق اوي من ماما ...ازاي مش راضيه تديني فرصه اثبت لسارة اني افضل ليها من حسن..
____________
عدت شهر وكنت بدأت امارس حياتي واقدم في الشركات وكنت بترفض مفيش ولا شركه قبلتني واللي كان يقبلني كان يرفضني في الانترفيو ..مكنش قدامي حل غير اني انزل اشتغلي في كافيه
كنت رافضه حد يصرف عليا كنت بشتغل بالشفتين ورا بعض غشان مديش لنفسي فرصه للتفكير فيه
كنت باخد الاوردرات لما وقفت عند تربيزة وانا باصه للورقة في ايدي : تطلب ايه يا فندم ؟
كان صوت انثوي متدلع ؛ هطلبلك انا يا حسن
مرضيتش التفت لان بكره الزباين وبكره شغلي وبكره.....
بس صوته كان مألوف وهو بيقول : سارة!!!
كان مستغرب من وجودي هنا ومن لبسي مكنتش قادره اخد نفسي من الخضه...ايه اللي جابه هنا دا...ومين دي...رمشت كذا مره وقولت : ازيك يا حسن ؟؟
مين دي يا حسن؟...انت تعرفها ؟.
قاطعته قبل ما ينطق : لا يا فندم احنا منعرفش بعض
تطلبوا ايه ؟؟
منطقش معدلش كلامي هي طلبت وانا مشيت من قدامهم
اخدت طلبهم واختفت من قدامهم مكنتش قادره اشوف شكله الخاين دا...بالسرعه دي اتخطاني ...يعني كل مشاعره كانت كذب ..
خليت واحده تانيه تقدملهم الطلب وورحت اكمل شغلي واقدم بقية الطلبات لحد ما وصلت عند واحد كانت قصاد تربيزتهم وعيوني خانوني وكان بيحاولوا يبصوا عليه لكنه التفتلي فاتخضيت لما عيوني قابلت عيونه والكوباية ادلقت مني بدأت امسحها بذعر :
انا آسفه يا فندم ...دلوقتي هيكون عندك واحده تانيه ...
مكملتش كلامي لما لقبت كوباية ميه بتتدلق ع لبسي وكمل بعصبيه
: انتي غبيه ؟؟..انتي عارفه البدله دي بكام...اتفضلي عوضيني عن البدله دي وعن المقابله اللي باظت بسبب غبائك
يتبع😘
