رواية قرة عينيها الجزء الثاني 2 عبر روايات الخلاصة بقلم مريم محمد
رواية قرة عينيها الجزء الأول 1 من هنا
- مش هقدر أكمل في الخطوبة دي.
كنت قاعدة في وسط العيلة، كله كان متجمع وأنا رميت الكلمة دي وقمت علشان مش عايزة أسمع أي كلام، أنا ليا حق وهفضل للآخر بدافع عن حقي.
- إنتي إتهبلتي يا حبيبة؟
- لأ يا ماما بس مش هكمل مع واحد مش بيصلي.
- لأ وإنتي الصادقة بتصلي؟
- أيوا يا ماما حتي لو مش بصلي أنا محتاجة حد ياخد بإيدي للجنة ومسلم!
ماما برقتلي فسبتها ودخلت الأوضة، حاجة تحزن والله، مش ناوية أكمل في المسرحية دي لازم أعرفه زي ما عرفت العيلة كلها.
- إعقلي يا حبيبة.
- أعقل إي يا أنس هي دي فيها عقلان، أنا يجدعان إتهبلت وعقلي فوت حلو كدا.
- مالك يا حبيية بس فيكي إي!
عيطت- أنا مش عايزاه يا أنس أرجوكم نفسي أفسخ الخطوبة.
- من باب للطق كدا؟
- مش حباه ومش مرتحاله إنسان كئيب، ومش بيضحك كل كلامه جد وفوق كدا مش بيصلي.
-يابنتي بيصلي والله مين قالك إن هو مش بيصلي؟؟
- أنا عرفت رفيدة قالتلي.
- يادي رفيدة اللي ماسكة فيها، كانت رفيدة دي من بقيت عيلته علشان تصدقيها؟ إنتي حكيالها كل حاجة؟
- أيوا.
-كل حاجة يا حبيبة؟
- أنا لما بتنفس بروح أقولها يا رفيدة أنا اتنفست.
اتكلم بهدوء- مفيش فسخ خطوبات.
زعقت- أنا عايزة أفسخها.
- علشان؟
- مش عايزاه.
- ولا علشان رفيدة؟
اتوترت- مالها رفيدة؟
- كلنا عارفين وساكتين، رفيدة بتحب مسلم من زمان وعايزاه، ولما إنتي صاحبتيها خدتك واسطة يا هبلة.
- لأ.
- لو عندك عقل فكري شوية.
سابني ومشي وأنا أصلًا مش بصدق أي حاجة تتقالي، رفيدة صديقتي من أكتر من ست سنين ولما اتفرقنا علشان الكلية، اتضح أن كلياتنا جنب بعض، هي في علوم وأنا في صيدلة، مش هصدق علي صديقة عمري الكلام ده.
- محتاجة حاجة؟
- عايزة أتكلم معاك شوية.
فتح الباب ونادي علي مرات عمي تيجي تقعد معانا- أنا بس هقولك كلمتين مش عايزة حد يسمع.
- يبقي هنا علي الباب.
مهتمتش- عايزة أفسخ الخطوبة كفاية عليا تمثيل لحد حالًا مبقتش قادرة.
- ليه؟
ردوده دايمًا باردة ومستفزة وتخليك تقوم تجيبه من شعره- يعني إي ليه؟ إنت عارف ومتأكد إني متضررة من الخطوبة دي، وصاحبتي..!
قاطعني بعصبية- متجيبليش سيرتها مليش دعوة بيها.
- كلكم متعصبين منها ليه مش فاهمة، متفهموني.
يتبع...
فصول رواية قرة عينيها الجزء الثاني 2 بقلم مريم محمد
اضغط على الفصل الذي تريد قراءته:
- رواية قرة عينيها الجزء الثاني الفصل الأول
- رواية قرة عينيها الجزء الثاني الفصل الثاني
- رواية قرة عينيها الجزء الثاني الفصل الثالث
- رواية قرة عينيها الجزء الثاني الفصل الرابع
- رواية قرة عينيها الجزء الثاني الفصل الخامس
- رواية قرة عينيها الجزء الثاني الفصل السادس
- رواية قرة عينيها الجزء الثاني الفصل السابع
- رواية قرة عينيها الجزء الثاني الفصل الثامن
جاري كتابة باقي فصول الرواية.. عاود زيارتنا..
