رواية قرة عينيها الجزء الثاني 2 عبر روايات الخلاصة بقلم مريم محمد
رواية قرة عينيها الجزء الثاني 2 الفصل السادس 6
أنا خايفة جدًا كلهم ساكتين وكإنهم بيحاولو يفهمو اللي قلته من شوية،حاسة إني عايزة أهرب بجد، لأ أنس مسهم كدا ليه.
- نعم تروحي فين؟
قلت وأنا متردده- سفرية شغل.
- شغل؟!
بابا اتكلم- معندناش بنات بتسافر لوحدها دا.
- بس شغل والله كويس.
- إنتي محتاجة حاجة؟ محتاجة فلوس؟الحمد لله مش محتاجة بفضل ربنا سفر إيه دا بقي!.
- يا بابا مش علشان الفلوس، أنا بجد عايزة أسافر وأشتغل علي نفسي وأحقق ذاتي.
- الكلام ده للرجالة أما الست فبيتها أولي.
صوتي علي نسبيا- وهو فين بيتي ده.
- حبيبة احترمي نفسك، مفيش سفر.
- أنا بعتذر يا بابا مكنتش أقصد بس أنا بجد عايزة أسافر.
بابا اتكلم بهدوء- أنا مش ضامن عيشتك هناك هتبقي إيه، ومش هبقي مرتاح وإنتِ بايته بعيد، مبالك بقي في دولة تانية.
- هبقي معاكم علي اتصال دايمًا.
- الحوار مفيش فيه نقاش ولا جدال سفر يا حبيبة ممنوع، ده آخر كلام ليا.
- بابا!
في الوقت ده ماما اتكلمت- مفيش كلام بعد كلام أبوكِ يا حبيبة، هو عنده حق مين هيجيله نوم وإنتِ بعيد، الله أعلم هتشتغلي فين، سكنك هيبقي عامل إزاي، هتعيشي مع مين، مفيش منه الكلام ده.
- حتي إنتِ يا ماما.
- مش هتكلم علي مبادئنا واللي أولها إن سفر البنت لوحدها ممنوع، ملناش دعوة باللي بيسافرو يا حبيبة بلاها شغل من أساسه.
- بس يا ماما دكتور يونس قالي مفيش شغل في الشركة دي وكله هيسافر للفرع التاني للي في السعودية يعني مش هبقي لوحدي.
بابا اتكلم بإصرار- سمعتيني قلتلك إيه؟ مفيش سفر برده.
مسلم اتعدل وطلع من دور المستمع واتكلم- تاهت ولقيناها يا عمي،دكتور يونس زميلي هو ودكتور أدهم أتكلم معاه وأقوله بلاش هي تسافر حتي.
اتكلم بابا- والله يا مسلم يبقي كتر خيرك بس مش عايز أحطك في إحراج.
- ولا إحراج ولا حاجة يعمي، أنا هكلم أدهم علي بليل كدا، وهشوفه وهي تنزل تشتغل عادي في الشركة دي
- شكرا أنا عايزة أسافر مش عايزة أشتغل هنا.
أنس اتكلم أخيرًا- يبقي مش المقصود الشغل يا ست حبيبة!
- معرفش بقي.
بابا زعق- مفيش سفر بقول، خليكِ مصرة وبرده مش هتسافر ليه اتهبلت علشان أسيبك تسافري ولوحدك كمان.
مسلم اتكلم وهو بيقوم- خلاص يعمي هكلم أدهم.
عدا من جنبي وأنا هموت من الغيظ، ليه بيتدخل في حاجات متخصوش، مسلم بجد بكرهه عمال يخرب في حياتي أكتر، كنت عايزة أبعد بعيد عن هنا عايزة أنسي كل حاجة وأبدأ من جديد، بس مش هقدر أقنع في بابا طالما الموضوع مش داخل دماغه، حتي أنس مش موافق محدش فيهم موافق ف هستسلم.
- حبيبي يا أدهم ربنا يباركلك، معدش حد بيسمع صوتك من ساعة ما سافرت يا صديقي ليه؟!
- شغل يا مسلم وربنا أنا مش فاضي معنديش ربع دقيقة فاضية.
- ده إنت ربنا يعينك، كنت عايز منك خدمة صغيرة كدا.
- يااه يا مسلم اتفضل يا أخي أنا مش هتأخر عنك.
- أختي كانت بتدرب معاك في الشركة طول سنين دراستها، حبيبة فاكرها؟
- أختك؟
-أيوا يعني بنت عمي.
- آه فهمت، ايوا فاكرها يا مسلم حبيبة عارفها.
- بقالها شهر ونص في الشركة اللي حضرتك سيبتها لابن عمك.
- كويس.
- هل الدفعة الجديدة دي بقي هتسافر؟
- المفروض إنها تسافر بس للسعودية الفرع هناك محتاج.
- آه، زي ما إنت واخد بالك هي مش هتعرف تسافر لوحدها لإن مينفعش، فممكن تعملها استنثناء؟!
- يا مسلم يا صحبي أنا مش في السعودية أنا في مصر!
-إيه نزلت امته؟
- من أسبوع بس بعيد عن العيلة.
- طب ليه كدا؟!
- يونس بهدل الدنيا خالص، المفروض كان فيه حاجات كتير متتعملش هو بهدل فيها جدًا فاضطريت أنزل بس بعيد، محدش يعرف بالكلام ده.
- لا يعم متخفش، طب والعمل ايه؟
- هتفضل في الشركة عادي جدًا، وأنا هتصرف، فيه شرط اصلًا أنا كنت كاتبه مفيش بنت بتسافر عمومًا.
- ده بجد؟
- يسلم يونس مسحه.
- وإنتَ فين حالًا؟!
- أنا في فندق قاعد هنا يومين كدا علي ما أدور علي سكن.
- وده ينفع برده، تعالي يا أخي شقتي فاضية اتفضل نورني فيها.
- لا يا مسلم بلاش علشان مبقاش ضيف تقيل عليكم.
- ضيف إيه يا أدهم إحنا هنهزر ده إحنا إخوات.
- مقولتش حاجة يا بشمهندس والله، بس مش هينفع.
- والله لو ما جيت لا إنتَ صاحبي ولا أنا أعرفك.
-عملت إيه في الموضوع إياه؟
- كل خير هقعد معاك وأعرفك الوضع.
- هنتقابل فين؟
- ابعتلي اللوكيشن بتاعك وأنا هجيلك علي ما الشقة تنضف أصل فيها غبار وكدا، ومن بكرة تيجي تقعد هنا معايا.
- متهزرش يا مسلم بجد لأ.
- عمومًا عرفتك.
- يا أخي إنتَ محدش يقدر يقنعك بحاجة،نبقي نشوف موضوع أختك بنت عمك ده علشان مش داخل عليا.
- اتفقنا.
كنت واقفة وراه وهو بيتكلم بستمع بس، وأنس قاعد قدامه مكشر، وأنا متضايقة علشان عايزة أسافر بأي طريقة، عندي فضول أعرف وضع إيه، وإيه كل خير دي
، ياني علي فضولي ده.
- عملت إيه يا أخويا؟!
- قالي فيه بند ممنوع سفر البنات، بس يسلم يونس مسحه.
زفر أنس براحة- طب كويس يعني مش هتسافر؟
-لأ في كلتا الأحوال لأ.
- موضوع إيه بقي؟
مسلم اتلفت وبصلي- تمام موضوعك إتحل خلاص.
طرد بس بذوق ياعيني- عايزة أسافر.
- ألهمني الصبر يارب اتصرف مع الغبية أختك دي.
- متغلطش بس علشان متضايق منك.
- بعتذر.
- حبيبة إنزلي وأنا هفهمك.
اتضايقت جدًا، خصوصًا يعني لما كانو بيهمسو لبعض وأنا من طبعي فضوليه.
- موضوع فيروز!
- خطيبتك؟
- إحنا متخطبناش لسه خد بالك.
- أما إنت غريب بصراحة، ماله يعني؟
- علي الإتفاق يعني.
- هيجي إمته خليني أرتاح البت تعبت وبتكرهك!
- سيبها علي الله، موضوع حبيبة محلول، موضوع أدهم ده بقي الله يعينه، والله لولا إنها بنت خالتي بس.
- هتعمل إيه يا مسلم يعني، حبيية استحالة توافق تاني.
- عارف بس أكيد هجرب معاها مش هسيبها يعني.
- وبالنسبة للإتفاق؟
- يوم ما أدهم يحل مشاكله تمام كدا، وفيروز عارفة بكل ده.
أنس اتصدم- فيروز عارفة؟
مسلم اتكلم بسخرية- أمال أدهم هيمشي وميقولهاش، ليه عايزها تكره؟
- مقنع بصراحة، طب أعرف حبيبة بقي يمكن نارها تهدي!
- لأ سيبها تجيب أخرها.
- عارف لو حصلها حاجة؟
- متخافش أختك بوق ولا بتعمل حاجة ولا هيحصلها حاجة اصلها كدا كدا بتكرهني.
- الله المستعان.
نزلت ومسمعتش حاجة من اللي بيقولوها، أنا من طبعي فضولية بس ملحقتش أسمع، إن شاء الله أنس يعرفني.
- نورتي.
دخلت قعدت مع نورا في شقتها- نورا أنا متضايقة موت.
- عبيطة حضرتك موضوع سفر إيه اللي هتسافري إنتِ عاقلة؟
- لأ مش عاقلة أنا هبلة.
- أه والله.
- بقولك شفتي اللي مسلم عمله؟
- ايوا يا اختي شفت طب والله طلع جدع.
- أنا حاسة إن فيه حاجة غريبة هما مخبينها عني بجد.
ردت باستغراب- حاجة إيه؟
- أعتقد إنها السبب في إن مسلم يفسخ الخطوبة.
- مين!؟
- فيروز.
زعقت- كلميني زي ما بمكلمك يا فقيه زمانك أنا مش بفهم الألغاز.
اتنهدت- مش عارفة بس الموضوع متعلق بفيروز ودكتور أدهم.
- بقولك أنا هقوم علشان ورايا هدوم هتتغسل.
أنا والله حاسة إن الموضوع مهم، حاسة بضغط علي الإتنين مسلم وأنس، وأدهم إيه علاقتهم يعني أنا لازم أفهم كل حاجة.
- فهمني كل حاجة علشان عايزة أفهم.
- أفندم؟
- عايزة أفهم كل حاجة إي اللي حشر فيروز في النص، ودخل دكتور أدهم إيه؟
-إنتِ فاهمة أنتِ بتقولي إيه.
- مسلم أنا عايزة أفهم فهمني.
- مفيش حاجة علشان تفهميها.
- إيه علاقتك بفيروز يا مسلم.
- حاليًا في مقام خطيبتي.
- بعيدًا عن ده لإنه مش واكل معايا، علاقتك إيه بفيروز يا مسلم ولآخر مرة هسألك.
كنت مصرة أعرف بجد، أنا متضايقة لإنهم مخبين عني حاجة مهمة زي دي، فيروز ومسلم وأنس والدكتور أدهم بجد لازم أعرف..
يتبع..
رايكم؟
قولولي هل مسلم هيقولها ولا هتعرف من برة، مسلم هيرجع لحبيبة ولا لأ؟
