رواية قرة عينيها الجزء الثاني 2 عبر روايات الخلاصة بقلم مريم محمد
رواية قرة عينيها الجزء الثاني 2 الفصل السابع 7
كنت مصرة أعرف بجد، أنا متضايقة لإنهم مخبين عني حاجة مهمة زي دي، فيروز ومسلم وأنس والدكتور أدهم بجد لازم أعرف..
- عايزة تفهمي اي؟
- فهمني كل حاجة يا مسلم كل حاجة.
- طيب، أدهم كان واقع في مشكلة من غير ما ندخل في تفاصيل، والمشكلة دي أثرت عليه شخصيًا، أثرت علي علاقته مع أهله.
- وخطيبته إيه دخلها في الحوار؟
- بقول أهو، فيروز العلاقة بينها وبين أهلها متوترة، يعني هما شادين عليها بطريقة تخنق أوي.
- وبعدين؟
- أهل أدهم أصرو إنه لازم يفسخ الخطوبة.
- طب ليه؟
- شغل لوي دراع.
- مش فاهمة أدهم قصدي دكتور أدهم مش صغير يعني علشان يسمع الكلام.
- لوي دراع بقولك، الشركة بتاعته هو كاتبها باسم والدته، ونصيبه في الشركة المشتركة كاتبه باسم والده، ف الدنيا خربت معاه.
- وفيروز؟
- مسكوه بقي لو منفصلتش عنها مفيش أي حاجة رغم إنها حاجته وتعبه.
- مع إني مش فاهمة بس ماشي يا مسلم، إيه علاقتي بقي؟
- أهلها قبل ما أدهم يخطبها كانو زي ما قلتلك خنقينها، دي مرة كانت بتنتحر، أنا شايل السكينه من علي إيدها.
- صعبت عليا جدًا بس برده لحد حالًا مفهمتش علاقة فسخ خطوبتها بيها اي؟
- لما اتخطبت لأدهم أهلها خفو الدنيا من عليها، لإن خالتي أصلًا زوجها من النوع اللي هو بيزوج بناته من 15سنة وكدا.
- فهمت، وإنت كنت الطوق الناجي ليها بعده علي حسابي وحساب علاقتنا؟
- إنتي اللي أصريتي علي فسخ الخطوبة.
- اسمعني كويس، لما إن شاء الله اللعبة دي تخلص انسي أمر علاقتنا دي يا مسلم، أنا وإنت صفحة.. واتقفلت ولا يمكن تتفتح تاني.
مسلم..
وقتها حسيت أني خسرتها، لأ خسرت كل ما أملك من الدنيا دي، أنا حافظها وعارف قد إيه هي إنسانة طيبة، أنا جييت عليها جدًا ومكنتش عامل ليها اعتبار من الأساس لإني استغليت طيبتها ضدها، رغم إني كنت بحاول أخليها أقوي.
- مسلم!
- صاحبي اقعد.
- إيه الدنيا معاك.
- كله تمام، خلصت مشاكلك ولا لسه؟!
- لسه يا مسلم ما تفكرنيش يا أخي، لسه الوضع زي ما هو، أنا حالف بالله ما أدخل البيت ده تاني.
- طيب اسمع هتيجي عندي وده آخر كلام.
- إنتَ كنت معرف حبيبة؟
- علي إيه؟
- علي سبب خطوبتك من فيروز!
- آه متقلقش الدنيا كويسة.
أنا مختلفتش عن حبيبة بربع جنيه، هي أصرت تلغي الخطوبة علشان صاحبتها، وأنا لغيتها علشان أحمي صاحبي، إحنا الاتنين في نفس عنق الزجاجة، وكنت فاكر إني الأذكي.
- معلش يا أنس لو حبيبة ونورا ينضفو الشقة اللي فوق آخر شقة خالص.
- ليه أدهم هيجي خلاص؟
- ايوا هجيبه هنا وهطلع أنام معاه.
- مسلم بس إزاي؟
- يعني ايه؟
- علشان حبيبة وكدا.
- هي بعيد يا أنس.
- لأ خليه في شقة خالد جارنا هيبقي أفضل وروح اقعد معاه.
- ليه يا أنس؟
- مش هينفع هو يجي في البيت ده يا مسلم افهم اختي في البيت.
- هو هيقعد معاها في نفس الشقة؟
- مسلم احترم ألفاظك.
- بعتذر بس إنت عصبتني.
- أدهم خليه في الفندق هيبقي أفضل.
حاسس إنه هو عنده حق! هيبقي أفضل لو كان هو بعيد بس أنا كلمته إزاي أقوله لأ مش هينفع.
حبيبة..
من بعد ما سمعت كلام مسلم وأنا كرهي له بيزيد مش بيقل، مكنتش أتخيل إنه يعمل كدا يخرب حياته علشان صاحبه، ومش هتعجب ما أنا زيه، الفكرة هنا لو بابا أو عمي عرفو هيبقي أيه رد فعلهم أو ماما ومرات عمي.
- مالك يا ست حبيبة!
بصيتلها وأنا بفتح عيني بالعافية- أنا دماغي بيلف.
- بيلف اي؟
- ورق عنب، هيلف اي يا نورا؟؟؟؟
- قصدي من إيه؟
كنت قاعدة علي الكنبة عندها فوق فاتعدلت ومسكت المخدة وبصتلها باهتمام- حكالي كل حاجة وسبب فسخ الخطوبة.
- ايه السبب؟
- علشان ينقذ بنت خالته، من أذي أهلها ومتأذيش نفسها.
- غلطان، وإنتي كانت رد فعلك إيه؟
- قلتله أنا وأنت صفحة واتقفلت.
- اشمعنا؟
- بصي يا نورا، مش هقدر أستحمل كدا بجد، ممكن يلغي جوازنا بقي علشان صاحبه!؟
- ما أنتي كنتي كدا، وأصريتي علي فسخ الخطوبة لنفس السبب!؟
ايوا عندها حق، أنا كنت كدا فصوتي علي- أنا غبية و ومتسرعة، مسلم عااقل وصاحب قرارات مصيرية، يوم ما نتجوز كل قرار هياخده هيبقي خطوة لينا يا لورا يا لقدام.
- وانتي مش صاحبة قرارات؟
- أنا آخر قرار ليا هطبخ إيه!
- حبيبة مش عايزة مسلم إن جه واتقدملك ارفضيه وخلاص، مش ناقصين وجع دماغ.
- ده اللي هيحصل.
وبعدين كملت بسخرية- مش لو جه!
مسلم..
راجع من الشغل تعبان وهلكان ونفس أنام، لقيت أدهم بيتصل بيا واتصل خمس مرات أكيد فيه حاجة مهمة.
- إيه يا أدهم فيه حاجة ولا إيه؟
- المشكلة اتحلت، أنا هرجع البيت.
ارتحت جدًا وفرحتله- طب كويس يا دكتور مبارك.
- الله يبارك فيك، الخطوة التانية أصعب خطوة يا مسلم.
- فيروز عارفة الموضوع صح!
- أيوا فهمتها قبل ما أمشي.
- يبقي الدنيا هتبقي تمام متقلقش.
- وبنت عمك؟
- سيبها علي الله.
- يبقي انت مقولتلهاش من الأول؟!
- لا معرفتهاش.
- طب ليه يا مسلم تعمل كدا؟
-خلاص بقي حصل خير، هنام علشان هلكان خالص.
مقلتش علشان متأكد أن رد فعل حبيبة هيبقي هادي، لأنها في الطبيعي هادية، بس من الواضح إنها خلاص كدا وهتعب أوي علي ما نرجع زي الأول من تاني...
يتبع..
