رواية عدم المواجهة (أمل ومحمود) الفصل الأول 1 بقلم أمل بكر

رواية عدم المواجهة (أمل ومحمود) عبر روايات الخلاصة بقلم أمل بكر

رواية عدم المواجهة (أمل ومحمود) الفصل الأول 1

-انا زهقت وقرفت طلقني بالله عليك

صوت برعب لما شدني من دراعي بعد كلامي الي قولته بتلاقئيه

اتكلم بصوت حاد ،

-اياكي اسمعك بتقولي طلقني دي تاني طلاق مفيش طلاق فهمتي

زقيته بعنف واتكلمت بعلو صوتي ،

-انت اي يااخي انا مبحبكش سيبني في حالي 

بشر وهو بيقرب وانا ببعد مع كل خطوه

-يعني انا الي ميت فيكي وبصي بقي علشان انتي جبتي اخري انتي هتفضلي عايشه معايا ومش بمزاجك وبعدين انا مأجبرتكيش توافقي علي جوازنا

بدموع قهره وندم اتكلمت برعشه في نبرتي،

-علشان انت مكنتش كده وانا فكرتك انسان كويس انت مثلت عليا وانا صدقت وانا بعترف اني ندمانه بالله عليك سيبني بقي وطلقني

قولت اخر كلامي بتوسل وعيني بتترجا يوافق 

وقف خطواته ومسح علي وشه بضيق وطلع بره الاوضه الي المفروض تكون اوضتنا و الي فكرتها هتبقي مأمني الحلو معا هو .. قعد علي الارض ومسكت دماغي وانا مش قادره استوعب اي الي حصلنا ده 

ده جوزي لسه متجوزين من اسبوعين ولكن بعد فرحنا واول لما دخلنا بيتنا الي اخترنا مع بعض اتحول من حبيبي لواحد معرفهوش طريقه كلامه بقت جافه 

اسلوبه مش هو اتحول تماماً مقدرتش استحمل وسألته في اي وكل الاسأله الي تخطر في بالكم ولكن الرد كان عصبيه وطريقه كلامه مش طايقني بالمره مكنتش قادره اعيش كده معا طلبت منه يطلقني ودي مكنتش سهله عليا مكنتش  اتمني اني اطلب انه يسبني 

ولما قولتله اني مبحبهوش ده مكنش حقيقي كنت بس بحاول اشوفه هو بيحبني ولا لاء ولا هينكر كلامي لانه عارف اني بحبه 

قومت طلعت بره الاوضه ودخلت الحمام اتوضي وانا راجعه تاني الاوضه بصيت عليه لقيته قاعد في الصاله وحاطط راسه بين ايديه وسرحان في اللاشئ 

عيوني دمعت عليه بحزن رغم اسلوبه الجاف الا اني مقدرش اشوفه كده ده حبيبي محمود قربت خطوه منه وانا خايفه ليكون رده زي كل مره رجعت خطوه وانا شايفا بيقوم وبيدخل البلاكونه وكأنه حاسس اني كنت ورا وجايه عنده 

معقول يكون حتي مش طايق اني اقربله!!

رجعت الاوضه وانا قلبي متغدغ مليون حته فرشت السجاده ولبست اسدالي وبدأت اقرء الفاتحه وانا دموعي بتنزل وصوتي بيطلع بشحتفه

سجد وانا بدعي ،

-يارب اهدي محمود وارشده للطريق الصح

محمود طيب وحنين انا مش عارفه اي الي حصل 

مسحت دموعي وكملت 

-يارب ريح قلبي واسعدني مع محمود حبيبي 

-الي كنت بدعي بيه يكون زوج صالح ليا 

-واكون زوجه صالحه ليه

-يارب حنن قلبه عليا ومتخليش قلبه قاسي اوي كده 

خلصت كلامي بشحتفه 

-السلام عليكم ورحمه الله ، السلام عليكم وروحمه الله  

قعد علي السجاده مكاني وفضلت ادعي كتير ليه 

كنت واقف وسامع صوت عياطها وهي بتدعيلي 

انا دلوقتي عايز اروح احضنها واقولها اوعك تعيطي تاني 

بس هي الي عملت كده هي الي خلتني قاسي كده

طلعت بره البيت كله لاني جوايا احساس مش قادر يشوفها منهاره بالطريقه دي مكنتش اصدق في يوم اني اكون السبب في عياط امل الي عملت كل حاجه علشانها وعلشان نبقي مع بعض 

**فلاش باك

قبل الفرح بيوم في شركه محمود وبابا واخوه

مد ايده وهو بيسلم ،

-ازيك يامحمود

-بخير 

-مش عارفني صح

-معلش مش واخد بالي

-انا أمجد ابن عم امل 

-ايوا في حاجه ؟!

-بصراحه اه انا كنت جاي اعرفك حاجه وخصوصاً ان فرحك بكره ويمكن يتغير كل ده

بضيق من طريقه كلامه،

-في اي بالظبط؟

-طب نقعد الاول 

قعدو وبدء يتكلم تحت نظرات محمود المستفسره

-بص انت شبه اخويا وانا حابب اعمل معاك جميل 

-معلش ممكن تتكلم علطول لاني مبحبش اللف والدوران كتير 

-طبعاً.. انا كنت بحب امل متقلقش ده من زمان وهي كمان كانت بتحبني بس انا سافرت ومقدرانش نتجمع بس من اسبوع لقيتها بعتالي رساله بتقولي انها هتتجوز وانها لسه بتحبني ومش قادره تنساني و..

مخلهوش يكمل كلامه وهجم عليه وهو بيمسك التيشرت بتاعه وبيضربه في وشه بعصبيه عمت علي عيونه،

-انت عبيط يالااااا اظبط كده انت بتتكلم علي مراتي اتهبلت ولا اي مفكرني هصدق الكلام العبيط ده !!

بهدوء وهو بيعدل هدومه ،

-كنت متوقع انك مش هتصدق علشان كده مرضتش امسح الرساله

فتح الموبايل وحطه قدامه 

=اتفضل شوف بنفسك

بعصبيه وانفعال ،

-مش هشوف حاجه انت مفكرني هصدقك؟!!

-طب بص بس وشوف بنفسك 

بص بنفاذ صبر وانصدم من الي مكتوب 

-امجد انا لسه بحبك ومقدرتش انساك انا هتجوز خلاص وكنت بتمني ديماً تبقي مكانه  ..بتمناك تبقي انت الي جوزي مش محمود بس انت سبتني ومشيت وانا فكرت اني هنساك بيه وضغط علي نفسي ولكن للاسف مقدرتش 

بص علي صوره البروفايل كانت هي الصوره مع الي بعض والي كانت  في كتب كتبهم  دخل علي رقمها كان هو ..رمي الموبايل بعصبيه في الارض،

-كذب وانت واحد ابن*** 

هجم عليه وضربه بعنف 

مسح مناخيره بوجع من الضربه واتكلم بجديه،

-محمود انا وريتك الحقيقه انا جاي اعرفك حقيقتها وانا كان ممكن ابقي مكانك 

مكنش عايز يسمع حاجه اداله ضهره وهو بيبص علي الشارع وصوت نفسه عالي من العصبيه 

أمجد 

-طبعاً هي هتنكر ده وهتكذبك لو قولتلها وكله كمان هيكذبك لانهم مش هيبقو عايزين بنتهم تبان وحشه 

انا عملت الي عليا وجيت احذرك

خلص كلامه وطلع بره الشركه كلها 

وهو كسر كل المكتب 

**باك

فاق من شروده علي صوت خبط علي الباب 

-ادخل 

-اي ياعم اي الي جابك انهارده مش المفروض عريس بقي

بضيق وهو بيبص في الاوراق،

-بالله عليك اطلع وسبني يايايوسف

-الله مالك ياعم ده انا اخوك يعني في اي؟!

-مفيش حاجه مضغوط في الشغل 

باستغراب وهو بيبص في الورق،

-شغل اي ياعم الصفقه دي قديمه اصلاً

بزعيق وهو بيخبط علي المكتب،

-خلاص يايايوسف انت ادري سبني واطلع بره 

بهدوء ،

-طب خلاص اهدي انا هطلع دلوقتي ابعتلك حد بلمون 

وهرجعلك تاني لما تهدي 

-لاء بلاش لمون خليها قهوة

-يا لمون يا بلاش

-يوووسف

-خلاص ياعم هو مفيش غير قهوة اصلاً

طلع وخمس دقايق ورجع وفتح الباب من غير مايخبط 

قعد علي الكرسي وهو بيبتسم 

-اي الابتسامه السمجه دي؟!!

-سيبتك اهو خمس دقايق كاملين قولي بقي مالك

-مش هقدر يايايوسف سيبني علشان خاطري دماغي هتتفرتك 

-قلقتني كده والله في حد مضايقك طيب هزعلهولك والله 

بصله وهو بيبتسم غصب عنه ،

-تزعل مين يايايوسف وبعدين انا الكبير 

-وفيها اي ياعم هزعلهولك برده احنا اخوات مش هتفرق كبير من صغير 

-ايوا لا مفيش حد تزعله

-طب امال احكي في اي؟

بتنهيده فيها الم وحزن مش بيتنطق باللسان

-مفيش حاجه صدقني تقدر تعمل حاجه 

-متشاكل مع مراتك

علشان يسكته وهو بيطاوعه في الكلام،

-يعني حاجه زي كده 

-ياعم قول كده سهله روح صالحها ومتخليش الزعل يكبر مابينكم 

بتوهان،

-ياريتها كان الموضوع كده وانا مكنتش سبتها 

بحزن علي اخوه،

-طب استهدي بالله وكل حاجه هتتحل ده انتو لسه متجوزين لا اله الا الله اتحسدو والله 

ضحك من تاني غصب عنه علي طريقه كلام اخوه

-ايوا كده اضحك مفيش حاجه تستاهل زعلك

قام واخد تلفونه ومفاتيحه

-ماشي انا هروح 

قام معاه وحضنه وهو بيطبطب علي ضهره،

-متزعلش والله كل حاجه هتتحل 

حاوط بدراعه وكأنه ماصدق حد يضبطب عليه،

-شكراً يايايوسف 

=هتروح اوصلك في طريقي 

-لا لا معايا عربيتي هخلص حاجه في الشغل وهروح علطول 

-ماشي ابوك روح

-اه من زمان سايبين الشغل عليا انتو

خلص كلامه بتمثيل الدرما

-بلاش نمثل هو كام حاجه خفيفه 

-لا متابع 

-مشردي الصدوق معتز

-ولا معتز ده كمان لما اشوفو بس مش بيجي اصلاً

-انا الي قايله ياخد اجازه 

-ده انتو متفقين عليا بقي؟!!

-ياعم اتنيل احنا فاضين 

-انا ماشي ورايا شغل 

ضحك،

-شغل اه ماشي 

ركب عربيته ومشا في طريقه للبيت بحزن 

هو ده البيت الي كان بيتمني يجري عليه 

علشان يحضن حبيبته هو ده !!!

كل حاجه اتغيرت مش ده الي كان بيحلم بيه 

استغفر ربنا ونزل من العربيه وسلم العربيه للبواب

يتبع…

رواية عدم المواجهة (أمل ومحمود) الفصل الثاني 2 من هنا

رواية عدم المواجهة (أمل ومحمود) كاملة من هنا