رواية عدم المواجهة (أمل ومحمود) الفصل الثاني 2 بقلم أمل بكر

رواية عدم المواجهة (أمل ومحمود) عبر روايات الخلاصة بقلم أمل بكر

رواية عدم المواجهة (أمل ومحمود) الفصل الثاني 2

سمعت الباب اتفتح وبعدين شوفته بيدخل للحمام من غير مايبصلي حتي اتنهد بضيق من تصرفاته وانا كنت قاعده علي الركنه بتفرج علي كرتون 

قعد جمبي وهو بيشد مني الريموت بصتله بضيق ،

-انا بتفرج

رد باختصار بيحرقلي دمي،

-هتفرج علي الماتش 

-وانا اعمل اي !! مبحبش الكوره انا 

-معرفش 

غمض عيني وانا بحاول معيطش مش علشان كده ولكن علشان بروده معايا وبذات معايا وهو عارف اني بدايق جداً وخصوصاً لو حد بحبه حاولت اندمج مع الماتش 

وفجأة النور اتقطع صوت برعب وقربت عليه بسرعه بخبي وشي في صدره قولت اسمه بخوف

-محمود 

مردش عليا وفتح كشاف الموبايل وكان هيقوم ولكني مسكت فيه وانا بسأله بخوف

-رايح فين 

-هنام

-بس النور مقطوع

-يعني اي !!

-انا مبنمش والنور مقطوع وضلمه كده ماانت عارف 

-روحي ولعي شمع 

-معندناش شمع 

بضيق ونفاذ صبر ،

-امل افتحي كشاف موبايلك ولا اي حاجه اعمل اي انا؟!

عيوني دمعت وانا مش مصدقه ان ده كلام محمود 

هو عارف كويس اني بخاف ومش بايدي لي بيتكلم بالطريقه دي 

مسكت نفسي بصعوبه من اني اعيط ،

-طيب خلاص قوم

قمت وانا قلبي وجعني وضربت بايدي للحيطه 

بهمس لنفسه 

-لي بتعملي كده طالما مبتحبنيش ولي انا مقهور علي الي بعمله معاكي 

قعد علي السرير بتوهان 

نمت علي الركنه وانا مخبيه وشي في المخده بخوف وهنا ومقدرتش امسك نفسي وانهارت من العياط 

ازاي قادر يبقي قاسي كده… يعني هو مكنش بيحبني 

مش هو برده الي وعدني انه عمره ماهيرعلني ومش هو الي قال حتي في زعلنا مش هنبقا قاسين علي بعض 

سمعت صوت عياطها ومحستش بنفسي غير وانا واقف قدامها

-قومي ندخل الاوضه 

مسحت دموعي بسرعه وانا لسه تحت المخده رديت بهدوء ،

-لا مش عايزه 

-امل بلاش عناد تعالي قومي 

-قولت مش عايزه الله 

صوت بخضه وانا شايفا شايلني 

-محمود نزلني انت بتعمل اي

مردش عليها ونزلها علي السرير 

-مكنتش عايزه اجي انا الاوضه 

حط الموبايل علي الكمدينو وهو منور الكشاف وفرد جسمه علي السرير 

بصتله بخوف،

-انت هتنام؟!

-اممم

-خليك صاحي معمل لما النور يجي 

-خلاص نامي انتي كمان 

-بس انا مش عايزه انام وخصوصاً ان النور مقطوع مش هعرف 

-اعملك اي يعني ياامل 

-خليك صاحي

-مش قادر عايز انام 

نمت انا كمان علي السرير وقربت منه وانا بحط راسي علي صدره سمعت صوت دقات قلبه السريعه 

ومسكت دراعه وحطيته علي كتفي 

اتكلمت بسرعه قبل لما يبعد،

-خليك كده بس لغيت لما النور يجي 

فضل زي ماهو ومقدرش يتحرك ويبعدها حتي 

بعد عشر دقايق هدوء 

-محمود 

-هااا

-انت لي بقيت كده علشان خاطري قولي مالك 

بضيق من تصرفاتها الي من وجه نظره كذابه،

-هو انتي بتتكلمي جد بجد يعني؟!!

باستغراب ،

-ايوا بتكلم جد 

-امل بلاش استهبال

-محمود انا مش فاهمه حاجه ماتفهمني

-انتي عارفه كل حاجه مش محتاجه تعرفي مني حاجه 

-هو في حد قالك حاجه ؟!

-ماانتي شاطره اهو وعارفه لي بتستعبطي 

-انا بسألك ولو سمحت قولي في اي ؟!

بسخريه،

-بتسأليني اه بقولك اي انا بس رضيت اكمل الجوازه دي علي اخر لحظه علشان امي الي كانت في عيونها الفرحه وابويا الي عزم الناس كلها مرضتش احرجه مش اكتر تمام 

دموعي نزلت من قسوه كلامه بعد عنه وانا مش قادره اخد نفسي من شحتفه عياطي ،

-انت بتقول اي يعني انت اصلاً مبتحبنيش؟؟!

بص بعيد بضيق ،

-لاء

فتحت بوقي بدهشه من كلامه الي وجع قلبي اكتر 

=اهو النور اجي اطلعي بقي عايز انام 

مسحت دموعي بقهر علي نفسي ،

-محمود طلقني 

بزعيق ،

-وانا قولت مليون مره ردي 

قومت وقفت علي الارض بخوف من صوته ،

-انا مبقتش فاهمه حاجه وانا مرضاش اكون عايشه مع واحد مش بيحبني ولا حاسس بحاجه نحيتي 

قام وقف قدامها واتكلم بسخريه،

-ايوا مانتي كنتي مفكره اني هفضل شايفك البنت الي مفيش منها اتنين مش كده !!

=كنتي مفكراني مش هعرف مش كده 

خلص كلامه وهو بيقفل النور وبيطلب مني اطلع 

وقبل اما اسأل معني كلامه كنت بره الاوضه 

روحت اوضتنا وهو كان في اوضه الاطفال 

قعد علي السرير وانا بفكر في كلامه 

-معقول يكون مكنش بيحبني من الاول فعلاً

بحسره وانا بمسك دماغي ،

-بس ازاي عيونه مكنتش بتقول كده احنا كنا مبسوطين وكنا فرحنين بجوازنا اي الي حصل!!!

-انا لازم افهم كل حاجه مبقتش قادره علي الوضع ده 

بس لو روحت دلوقتي ممكن يتعصب عليا 

نمت مكاني وصحيت تاني يوم دخلت الحمام وقفت قدام الاوضه وفتحتها براحه لقيته لسه نايم قربت عليه وانا بمشي براحه ملامحه كانت مرهقه وشكله تعبان 

روحت المطبخ ولقيت نفسي بعمل فطار عشانه وعشان عارفه انه بيحب يفطر قبل اما ينزل

سمعت صوت الحمام عرفت انه صحي شيلت الصنيه وحطتها علي السفره 

طلع ودخل الاوضه تاني ومطلعش منها غير وهو لابس 

بصتله واتكلمت بهدوء،

-عملت اكل تعالي كل 

وهو بيلبس الكوتش،

-مش عايز 

-علشان خاطري كل بس حاجه بسيطه

خلص لبس وبصلي،

-وانا قولت مش عايز 

قربت عليه بترجي ،

-محمود بلاش تعمل كده صدق..

قاطعني وهو مش قابل كلامي ،

-امل ماتحوليش 

فتح الباب ومشي وانا ضربت الباب بعصبيه برجلي وانا مش فاهمه حاجه بصيت للاكل وشيلته حطيته في التلاجه مكنش ليا نفس اكل 

روحت اتوضيت وصليت الضهر ورتبت  السرير ماهو كل حاجه زي ماهي معدا السرير 

قعد علي السرير وانا عامله افتكر كلامنا قبل الفرح بكام يوم 

**فلاش باك 

في العربيه 

-عامله اي 

-بخير ياحبيبي وانت اخبارك اي 

-الحمدلله بخير خلصتي الشقه ؟

بفرحه،

-اه خلصت وشكلها سكر اوي يامحمود 

ابتسم لفرحتها ،

-طب الحمدلله نعيش فيها براحه بال يارب

-يارب يامحمود قولي انت حاسس بأي؟

بتمثيل التفكير وهو بيهرش في دماغه 

بصتله بغضب وانا بضربه في دراعه

واتكلمت بطفوله،

-لا والله انت بتفكر !!!

مسك ايدي وهو بيضحك جامد ،

-بهزر والله حاسس ياستي اني فرحان وبجد 

حاسس اني نجحت باحسن امتحان في الدنيا 

ابتسمت بانبساط من كلامه،

-وان شاء الله كمان نعدي وننجح في الدنيا الي جينا بسببها لهنا 

-يارب ان شاء الله ياامل 

-طب اي انت جبت البدله الي وريتهالك؟!

-بصي بصراحه كده انا مش هعرف البسها دي بتلمع ياامل 

-بتلمع اي بس يامحمود ده خط صغير بلاش تمثل

-لا مش هعرف البسها 

-محمود

-قلبه 

-علشان خاطري 

-ياامل صعب عليا مش هعرف 

-خلاص ماشي وانا كمان مش هلبس الفستان 

-امال هتلبسي اي؟

-مش هلبس حاجه 

-نعممم يااختي !!!

ضحكت عليه ،

-انت فهمت اي اقصد اني مش هبقي العروسه شوف بقي عروسه غيري 

-سهله هجيب واحده غيرك ت..

مخلتهوش يكمل كلامه وانا بشده من هدومه،

-تجيب مين!!! واحده غيري قولت

-الله مش انتي مش عايزه تبقي العروسه

بتمثيل الدموع،

-كنت عارفه انك خاين واتخليت عني اما صدقت

بضحك علي تمثيلها مسك ايديها وهو بيبوسها،

-مقدرش ياحبيبتي اتخلي عنك برده 

-لا والله مانت اهو مستعد تجيب واحده 

-بهزر وربنا ده كلام 

-اه يعني انت مش قد كلامك 

-الصبر بصي في الحجات دي اه مش قد كلامي 

لكن في حاجات تانيه متقوليش الكلمه دي علشان مفتركش دماغك

-يعني انت ممكن تفترك دماغي لما نتجوز يا محمود

-اكيد لاء يعني

-شوفت انت مش قد كلامك

-شكلك عايزه تاخدي علقه مش كده 

-مبضربش انا 

-طبعا ياحبيبتي 

اتكلمت وانا عيوني بتترجي بانه ينكر تفكيري،

-محمود هو انت ممكن تخوني في يوم

ضحك بغلب ،

-هو انتي اخده برشامه ولا اي حكايتك

بصي هرد عليكي علشان دماغك اما بتسوحك بتروح لحتي تانيه 

ابتسمت بتمثيل الخجل لفهمه لتفكيري 

=انا مقدرش اخونك لان انا ماصدقت بقيتي حلالي اقوم اعرف حد تاني وبسهوله كده 

وبعدين احنا عدينا بحاجات كتير مع بعض علشان نوصل لبيت حلو ودافئ اقوم انا اضيعه كده عادي 

استحاله عهد بيني وبين ربنا عمره مايحصل 

ابتسمتله بفرحه وانا شايفه صدق كلامه في عينه 

بوسته من خده بسرعه وانا بقوله،

-بحبك جداً يامحمودي 

نزلت وانا بطلع بيتنا وهو حط ايده علي خده وهو بيضحك ومسهم 

***باك

مسحت دموعي وبصيت علي موبايلي الي بيرن لقيتها حماتي كحيت علشان صوتي يبقي طبيعي ورديت بابتسامه 

-ازيك ياطنط 

-ازيك ياامل عامله اي 

-الحمدلله بخير والله 

-انا قولت لمحمود انكو معزومين عندي يوم الجمعه 

قولت برده اعرفك علشان متزعليش مني 

اتكلمت بسرعه ولاعبكه 

-ايوا محمود قالي ..ب بس ممكن مجيش

-لي كده ده العيله كلها هتبقي موجوده عزمت اخواتي كمان  قولت علشان اعرفك عليهم لانك متعرفهش اوي

باحراج وانا مش عارفه ارد اقول اي

=انتي طيب مش حابه تيجي ؟

-لا والله مش كده 

-محروجه طيب ؟

-لا لا 

-طب اي بقي مالك 

-علشان يعني تبقو علي راحتكم

ابتسمت بمرح ،

-انتي هتعملي اي يعني هتاخدي مكانهم وبعدين انتي بقيتي من العيله ومن هنا  ورايح هنتجمع كلنا 

ابتسمت بهدوء،

-حبيبتي ياطنط والله خلاص هاجي علشان خاطرك

-خلاص ياحبيبتي هستناكي مع السلامه

-مع السلامه

رميت الموبايل علي السرير واضيفت من ان محمود مقاليش حاجه.. ده بعد بكره الجمعه كان هيقولي امتي يعني

يتبع…

رواية عدم المواجهة (أمل ومحمود) الفصل الثالث 3 من هنا

رواية عدم المواجهة (أمل ومحمود) كاملة من هنا