رواية عدم المواجهة (أمل ومحمود) الفصل الثالث 3 بقلم أمل بكر

رواية عدم المواجهة (أمل ومحمود) عبر روايات الخلاصة بقلم أمل بكر

رواية عدم المواجهة (أمل ومحمود) الفصل الثالث 3

قومت دخلت المطبخ ولقيت فراخ في التلاجه طلعتها وعملتها مع رز وبطاطس علشان عارفه انه بيحب الاكله دي خلصت الاكل 

دخلت اخد شاور و لبست قميص بيتي بنص ونازل من علي الكتاف لونه  ابيض في بينك بعد الركبه وعملت شعري ديل حصان  …حطيت الاكل علي السفره لقيت الباب بيتفتح وبيدخل منه دخل الاوضه دخلتله وفتحت الباب لقيته بيلبس التيشرت

بعد نظري باحراج،

-احم انا عملت الاكل تعالي كل 

قولت كلامي بسرعه وطلعت قبل لما يرد 

شويه ولقيته طالع وبيقعد علي الكرسي 

ماصدقتش انه هياكل بجد 

قعد جمبه وبدئنا ناكل  

بصتله وقولت ،

-مامتك كلمتني وقالتلي انها عزمنا 

-اه هعرفها اننا مش هنروح 

بضيق ،

-لي كده انا قولتلها اننا هنيجي 

بصلي وساب المعلقه علي الطبق،

-ولي تتصرفي من دماغك !!

عقد حواجبي ،

-انا متصرفتش من دماغي انا قولتها لاء في الاول وهي فضلت تسألني لي وانتي مش حابه تيجي وهكذا

معرفتش ارد اقول اي وقولتلها ماشي في الاخر علشان متزعلش

بتنهيده،

-خلاص بقولها مش هنيجي 

-طب لي منروحش ؟!

-هروح انا 

بصتله بدهشه وانا خلاص هعيط،

-يعني المشكله فيا انا؟!!

-ملهوش لازوم تيجي هقولهم انك تعبانه 

قومت بعصبيه وانا بزق الكرسي وبتكلم ودموعي علي الحافه ،

-يارب اتعب واموت واريحك مني بجد يامحمود 

قام وقف بعصبيه وهو بيشد دراعي،

-انتي عبيطه انتي بتقولي اي!!

بعياط وانا مش قادره امسك نفسي،

-زي ماسمعت 

غمض عينه لثواني واتكلم بصوت مهزوز،

-امل معتيش تتكلمي بالطريقه دي تاني 

بانفجار وانا صوتي بيعلا ،

-ولي متكلمش كده مش ده الي انت عايزه 

اخد نفس وهو بيحاول يهدي نفسه ،

-لا مش ده الي عايزه تمام 

بنهيار،

-اه واضح فعلاً هقولهم امل تعبانه والمره الي بعدها  امل بتم..

مكملتش كلامي ولقيت نفسي في حضنه حاوط ضهري جامد حسيت اني هتكسر في ايده كنت حاسه بانه طفل وخايف لامه تبعد عنه لسه همسك فيه واحضنه ولكنه بعد عني 

-خلاص بحضري نفسك بنروح 

بصتله باستغراب وهو بيدخل الاوضه وبيقفل الباب 

مسحت دموعي وشيلت الاكل وانا متأكده ان في حاجه وهو مش عايز يقولي غسلت ايدي ودخلت الاوضه بفكر اروح اقوله اي 

غيرت ولبست بيجامه شورت وتيشرت نص علشان انام 

-ممكن ادخل 

قفل الموبايل واستعد للنوم ،

-هنام

-انا خايفه وعايزه انام معاك 

بصلي شويه وهز راسه جريت بسرعه علي السرير واتغطيت

-ممكن متشديش اللحاف 

-اعمل اي هو صغير 

=واالسرير صغير برده 

-خلاص روحي الاوضه التانيه 

-انا خايفه 

قام معايا ونمنا في سريرنا كانت اول مره ننام عليه 

 اتكلم بضيق ،

-برده اللحاف ده صغير ؟!

-لي انا عملت اي !

-عماله بتشدي واخدا كله بس 

-سقعانه اوي 

بنبره خوف،

-قومي البسي حاجه هتبردي كده 

وانا. بشد علي اللحاف،

-لا لا مش قادره اقوم 

شويه وقربت عليه

-محمود 

رد وهو خلاص هيروح في النوم،

-امم 

-ممكن تحضني متلجه اوي 

فتح دراعه وانا دخلت بسرعه في حضنه وتبتت فيه 

حط رجله علي رجلي وحضني جامد وعمال يمسح علي شعري 

صحي باليل علي ارتاعش جسمها

-انتي بتترعشي كده لي 

امل فوقي

بتعب،

-امم 

 حط ايده عليها لاقها سخنه قام بسرعه 

-امل قومي انتي مولعه 

بنوم 

-سيبني انام

بخوف وارتباك،

-مينفعش قومي ياامل نروح الدكتور 

ملاقاش رد اتصل بأمه بسرعه 

-في اي يابني 

بسرعه وخوف وهو عمال يمسح علي شعرها،

-ماما امل سخنه وبتترعش اعمل اي بسرعه 

وهي بتفوق،

-اهدي طيب تقلها هدومها واعملها كمدات و

-ووو اي  ياماما بسرعه 

-اهدي يابني هقول اهو واديلها دوا خافض للحراره وان شاء الله هتبقي كويسه 

-طيب طيب 

قفل الموبايل وجري جاب بيچامه ولبسهلها وعمل كمدات وطلب من البواب يجيب الدوا 

حط ايده تحت ضهرها وسندها ،

-امل افتحي بوقك يلا 

بقرف،

-لا مش بحب الدوا 

-معلش خديه ونامي علطول 

وهي بتهز راسها وقافله عيونها ،

-لا مش بحبه مش عايزه 

بخوف وقلق،

-علشان خاطري مينفعش كده مش هتخفي 

-مش عايزه اخف سيبني 

بنبره ضيق  من كلامها 

-امل بلاش تقولي الكلام ده لو سمحتي

كمل كلامه باصرار ،

-يلا افتحي بوقك 

ادهولها بالعافيه 

كرمشت ملامحها،

-مش بحبه يامحمود لي اديتهولي 

-معلش ياقلب محمود هتخفي دلوقتي 

مصدقتش كلمته بس مكنتش قادره تستوعب 

-دماغي وجعاني اوي 

-نامي شويه طيب 

-خليك جمبي 

-مش هسيبك 

قرب عليا واخدني في حضنه كل ده وانا حاسه ومش عايزه الوقت يعدي 

بنوم

-بلاش تقرب هتتعدي 

-عادي مفيش حاجه 

بنوم ودموعي بتنزل،

-محمود لي بتعمل معايا كده انا بحبك 

مسحلي دموعي وهو بيبوس خدي ،

-وانا بحبك يلا نامي 

بص عليها لاقها رايحه في النوم عرف انها مكنتش في وعيها بص بعيد بشرود ورغم الي شافه وأتأكد منه الا ان افعالها بتقول غير كده 

بهمس،

-اعمل اي بس يارب 

شدد علي حضنها بخوف وهو بيشوف حرارتها وكانت نزلت كتير عن الاول نام وهو مش عايز يطلعها من حضنه 

الصبح بدري 

صحي علي صوت انين صوتها 

-م محمود

حط ايديه علي خدي

-مالك ياحبيبتي 

بنوم وانا مغمضه عنيا

-ضهري وجعني ودماغي اوي

قام قعد علي السرير 

-طب تعالي نروح الدكتور 

-لا مبحبش الحقن 

-متقلقيش مش هتاخدي حقنه ولا حاجه 

اتكلمت وانا بشد الغطا عليا،

-لا خلاص انا بقيت كويسه 

ابتسم بخفه علي خوفها ،

-صدقيني مفيش حقن 

-انا كويسه اوي 

بغلب ،

-طب هنزل اجيب من الصيدليه دوا 

هزت راسي وانا بغرز راسي  في المخده بوجع من دماغي

نزل وقال للصيدلي علي الاعراض وطلع برد اداله دوا 

وهو رجع بسرعه وهو بيقومني وبيديني اشرب الدوا 

-نامي دلوقتي وهتبقي كويسه ان شاء الله 

نامت من تاني وهو اتنهد وهو بيبصلها بحزن خايف ينام تاني وهي تتعب فضل صاحي قاعد جمبها 

صحيت بصيت جمبي ملاقتهوش اتنهد بحزن 

بهمس لنفسي ،

-مشا وسابني!!

لقيته داخل وفي ايده صنيه

-كويس انك صحيتي سخنت الاكل 

ابتسمت بهدوء لانه مسابنيش ومشا 

قومت قعد ،

-تعبت نفسك لي؟

مسك المعلقه وهو جايبها نحيتي ،

-سخنته بس 

=بقيتي احسن؟

هزيت راسي باستغراب وانا باكل من ايده،

-الحمدالله

خلصت اكل ولقيته جايب الدوا وادهولي 

تلفونه رن 

-ايوا يايوسف

-الاجتماع هيبدء انت فين انت نسيت!!

-لا منستش ابدوء انتو مش هعرف اجي 

-في حاجه انت كويس 

-اه تمام هكلمك بعدين 

-ماشي 

اتكلمت بعد لما قفل،

-خلاص روح شغلك انا كويسه 

-هروح بعدين الضهر أذن هتقومي تصلي

قومت من علي السرير 

-اه هروح اصلي انت صليت ؟

-الحمدلله 

هزيت راسي ودخلت الحمام اتوضيت وبدئت اصلي 

خلصت صلاه وقومت ارتب السرير الي اتكنش 

سمعت صوته من ورايا ،

-مش لازم ترتبي النهارده 

بصيتله ،

-مفيش حاجه هرتبه بسرعه 

هز راسه وطلع للصاله وانا  اخد هدوم ودخلت اخد شاور 

لبست فستان كب بعد الركبه بحاجه بسيطه لونه اخضر غامق طلعت وروحت قعد علي الركنه وهو كان قاعد فاتح اللالب وشكله بيشتغل 

اتكلم من غير مايبصلي،

-هتاخدي برد تاني البسي حاجه 

-هو اجالي علشان كنت اخد شاور وقفلت البلاكونه والجو كان برد 

بصلي بسرعه وهو بيتكلم ،

-انتي طلعتي البلاكونه بالي كنتي لابسه امبارح ده!!!

ابتسمت بهدوء وانا حاسه انه غيران عليا،

-لا لا هو انا قفلت البلاكونه علطول مطلعتش يعني 

بضيق حاول يخفيه ولكن مش عليا،

-ياريت متتكررش 

قربت عليه بتوتر،

-محمود 

-امم

-مانت اهو بتغير وشغال امال مالك 

-بغير اي بس اقصد علشان متتعبيش تاني وانا هقعد من الشغل من تاني مش اكتر 

بلعت ريقي بضيق من كلامه ،

-خلاص انزل شغلك انا اسفه اني عطلتك يامحمود

-خلاص بقي بشتغل اهو 

رجعت قعد بعيد عنه وموبايلي رن وكانت حماتي رديت بابتسامه،

-ازيك ياطنط 

-الحمدلله انتي عامله اي دلوقتي خفيتي ؟!

باستغراب انها عرفت ،

-اه الحمدلله عرفتي ازاي 

-محمود اتصل بيا وكان بيسألني يعملك اي وكان بيتكلم ياختي وهو ملبوخ علي عينه قولت اطمن عليكي 

خلصت كلامها بضحكه هزار 

بصيت لمحمود بفرحه وقولت لنفسي انه اكيد بيحبني وبيضحك عليا 

-ايوا ياامل انتي معايا !!

-اه اه معاكي انا الحمدلله بخير والله 

-طب كويس برده هتيجي بكره مفيش كلام 

خلصت كلامها بضحكه

ضحكت ،

-اكيد طبعاً متقلقيش 

-ماشي ياحبيبتي سلميلي علي محمود

-حاضر 

-مامتك بتسلم عليك 

-الله يسلمها 

-قالتلي تاني علي بكره ب

قاطعني ،

-لو مش عايزه تروحي خلاص 

قمت بغيظ وانا بتكلم ،

-اه مانت ماصدقت  واهو تعبت بجد وبقي ليك حجه حقيقيه

يتبع…

رواية عدم المواجهة (أمل ومحمود) الفصل الرابع 4 من هنا

رواية عدم المواجهة (أمل ومحمود) كاملة من هنا