رواية عدم المواجهة (أمل ومحمود) الفصل الرابع 4 بقلم أمل بكر

رواية عدم المواجهة (أمل ومحمود) عبر روايات الخلاصة بقلم أمل بكر

رواية عدم المواجهة (أمل ومحمود) الفصل الرابع 4

وقفني وهو بيمسك دراعي

واتكلم بضيق بان من نبرته،

-كانت كلمه بالغلط وانا مكنش قصدي حاجه 

شديت ايدي واتكلمت بسخريه من كلامه ،

-لا والله مكنش قصدك خالص فعلاً 

هقولهم انك تعبانه 

نهيت كلامي بسخريه مقلده كلامه

-امل مبحبش اعيد كلامي قولت اتزفت مكنش قصدي 

بغيظ من طريقه كلامه ،

-انت حتي مش هاين عليك تقولي متزعليش حقك عليا !

رفع حاجبه،

-وانا من شويه قولت اي مش مكنش قصدي !!

مشيت ودخلت المطبخ وانا بقول،

-تفرق كتير جداً 

صوت بخضه وانا لاقيا ناطط ورايه واتكلم بعصبيه ،

-هو انا مش بكلمك بتمشي وتسيبني؟!!

بصيتله باستغراب واتكلمت ،

-انا رديت علفكره عليك 

اتنهد بضيق ،

-لما اكلمك بعد كده تقفي ومتمشيش 

شديت ايدي من ايديه وحطيتها علي وسطي بطريقه سوقيه  ،

-لا والله وانا لما بكلمك بترد عليا بقرف ومش طايقلي كلمه ده اسمه اي بقي ان شاء الله ياعنيا !!

برقت بدهشه لما قرب وباسني ملحقتش استوعب لانه بعد عني ومسح علي شعره بتوتر وهو بياخد كوبايه مايه يشرب 

حطيت ايدي علي قلبي الي عمال يدق وهو طلع وسابني في النار الي عملها فيها 

ضحكت ببلاهه وانا بحط ايدي علي شفايفي 

عمال الف في المطبخ وانا مش عارفه اعمل اي وانا كنت داخله لي اصلاً قولت خليني اعمل غدا 

وقفت قدامه واتكلمت وانا مش عارفه اجمع من الاحراج ،

-اعمل غدا اي ؟

اتكلم وهو باصص في اللالب وكأنه خايف يبص في عيني ،

-هطلب اكل بلاش تعملي حاجه 

-لي اكلي وحش ؟!!

كان عايز يقولها علشان تعبانه ولكنه كابر ومرداش يقول 

-بالظبط 

عضيت علي شفايفي بغيظ،

-ماشي اطلبلي بقي بيتزا وكريب وشاورما وووو 

عصير كبير وووو حاجه حلوه كتير اوييي

انت بتبص كده لي !!!

-علشان انتي مش هتقدري تاكلي كل دول وبتقولي كده وخلاص 

ابتسمت بهدوء انه عارفني كويس ووو هو لي بيكابر وبيعاملني وحش !!!! رغم اني متأكده انه بيحبني وجداً كمان 

مسحت الابتسامه بسرعه علشان ميعلقش معايا بعدين 

اتكلمت،

-لا هكلهم كلهم 

-مش هجيب حاجه 

اتكلمت بسرعه،

-طب والله هنزل انا  وكده كمان 

بصلي بسرعه ،

-طب اظبطي كلامك والا والله هظبطك بنفسي 

ابتسمت ليه ابتسامه سمجه وانا بمسك الريموت ويجيب كرتون 

شويه وماما اتصلت وفضلت اكلمها هي واخواتي  

قفلت معاها والاكل وصل اكلنا وهو دخل الاوضه 

طلع وهو لابس بصيتله وقولت ،

-انت نازل؟!!

-اه 

-طب هترجع امتي ؟!

-مش عارف 

هزيت راسي بحزن من طريقته الي قررت لازم يقولي في اي وبجد 

نزل وانا دخلت الاوضه بسرعه وبحماااس وانا بلبس بدله رقص سودا قولت اجربها 

ضحكت قدام المرايا وانا بكلم نفسي،

-تهبل تحفهه عليكي وربنا 

فضلت الف بيها وارقص وانا فرحانه بيها بحماس اوي 

ولسه بلف صوت برعب وانا شايفا  واقف علي باب الاوضه وهو مبحلق 

-يانهااار ابيض انت بتعمل اي !!!

قرب عليا وهو علي وشه ابتسامه هاديه  ،

-بتفرج مينفعش ولا اي ؟ 

حطيت المخده عليا وكأني بكده بغطي نفسي اتكلمت باحراج وتوتر ،

-اي ا انت رجعت لي 

بنظرات خبيثه وترتني اكتر ،

-علشان المحفظه نسيتها

اتكلمت بسرعه،

-طيب خدها يلا وامشي 

-ماهو بقي انا لغيت خلاص المشوار هقعد في البيت 

بلعت ريقي باحراج خلاص وصل لاخر العماره ،

-طيب لف بقي وشك عايزه اطلع من الاوضه 

-والله عيب علي البدله تتقلع قبل لما صاحبتها تعمل مجهود 

بلاعبكه في كلامي ،

-لو سمحت ا اطلع خليني اغير 

اتكلم وهو بيقرب ،

-ولو مطلعتش؟؟

-انت بتقرب لي اقف عندك 

بصلي من فوق لتحت واتكلم ،

-مشوفتهاش دي لي!!

خلص كلامه وهو بيشاور علي بدله الرقص 

بصيتله بغيظ،

-لا والله ده علي اساس انت بتكلمني عدل ولا حتي  مديني فرصه اوريك حاجه !!!

كان وقف قدامي خلاص وانا ضربات قلبي عليت

 اتكلم هو بتوهان حسيته من نبرته الي وجعت قلبي ،

-انتي لي بتعملي كده فيا

لي محسساني اني المذنب 

نهي كلامه وهو بيقرب عليا ولكن قاطعه صوت التلفون 

رجعت خطوه لورا وانا حاطه ايدي علي قلبي بتوتر وبسأل نفسي اي معني كلامه 

رد وهو بيمسح علي دقنه 

-خلاص يايايوسف جاي اهو 

قفل معا وفتح درج اخد منه اوراق والمحفظه وشكله رجع علشان نساهم اخدهم ونزل وانا قعد علي السرير وانا بفكر في كلامه ويقصد اي باني بحسسه انه المذنب لي  هو انا عملت اي اصلاً

قومت غيرت ولبست بيچامه بنص وقعد اتفرج علي التلفزيون بملل 

-ياربي بقي اي الزهق ده 

مسكت الموبايل واتصلت بيه

-هاا ياامل 

اتكلمت وانا بهرش في شعري بتوتر ،

-انت هتيجي امتي ؟!

-معرفش ورايا شغل دلوقتي اقفلي 

-ط..

وقفت كلامي لما سمعت واحده بتقول بصوت ناعم

-مستر محمود تحب تشرب قهوه 

رد عليا ،

-طب يلا سلام ورايه شغل 

كنت لسه هتكلم لقيته قفل رميت الموبايل بغيظ من صوت البنت دي وياتري بقي تكون مين هي!!

انا الي اعرفه ان السكرتير راجل 

 ده انا مبتكلمش معا بالرقه دي 

-اععععع بارد 

فضلت قاعده علي اعصابي لغيت لما يجي بصيت علي الباب وهو بيتفتح وبيدخل منه قمت وقفت وانا بقرب منه بغيظ مكتوم 

-امال مين الي قالتلك اعملك قهوه يامستر محمود

خلصت كلامي بسخريه 

وهو بصلي وهو بيرمش ،

-انتي بتقولي اي !!!

اتنهد بعصبيه من طريقته البارده،

-بقولك مين دي الي بتكلمك بالرقه دييي يامحمود

رمي المفتاح علي السفره وكمل طريقه للاوضه،

-انا تعبان وعايز انام ومش فاضي 

ضربت رجلي في الكنبه بعصبيه ومسكت المخده وانا بصوت فيهااا 

بعد نص ساعه قمت وانا راحه لاوضه الاطفال ولكني ملقتهوش عقد حواجبي باستغراب وروحت الاوضه بتاعتنا لقيته نايم 

بهمس لنفسي،

-اي الي خلاه ينام هنا رضا عليا ولا اي 

خلصت كلامي بسخريه 

قربت منه وبصيت عليه بتأكد انه نايم بجد 

مسكت موبايله براحه علشان ميحسش وحطيت الباسورد الي هو عيد ميلادي دخلت علي الواتساب 

وبرقت وانا شايفه رسايل  مش مفتوحه من واحده اسمها مني 

عضيت علي شفايفي بغيظ وانا ببصله وهو نايم 

دخلت علي الشات ده لقيتها كاتبه 

مستر محمود انا تعبانه انهارده معلش مش هاجي 

بصيت علي الرساله الي قبليها كانت بتقول 

عايزه اقول لحضرتك ان متزعلش والشغل ان شاء الله هيبقي كويس 

طلعت كمان لقيتها كاتبه 

مستر محمود انت اشطر واحد اشتغلت معاه وانا مبسوطه اني السكرتيره بتاعتك 

رفعت حاجبي وانا عايزه ادخل اجبها من شعرها دلوقتي 

الي هداني شويه انه مشافش الرسايل دي وإلا كان ميت دلوقتي 

بصيت علي الموبايل تاني عملتلها بلوك ومسكت رقمها والشات نهائي 

اتقلب علي الجمب التاني قفلت الموبايل بسرعه وسيبته مكانه وروحت نمت الجمب التاني وبصيت للسقف وانا عماله افكر في كلام محمود والغموض الي بيتكلم بيه واتعصبت لما افتكرت البت دي 

صحيت تاني يوم وانا نايمه علي بطني بصيت جمبي ملاقتهوش قومت غسلت وشي وندهت عليه ،

-محمود 

ملقتش رد دورت عليه في الشقه ملاقتهوش قولت يبقي راح الشركه بصيت في الفراغ وانا ببرق 

اتكلمت بهمس ،

-يبقي اكيد البت دي هناك وبتستفرد بيه

جريت لبست وقولت هروحلو الشركه ركبت ووصلت هناك قابلت يوسف 

-اي اي ده امل بنفسها عندنا في الشركه 

ضحكت من طريقته المرحه،

-شوفت المفروض بقي تضيفوني ضيافه محترمه 

-بس كده من عيونا

-طب بقولك محمود في مكتبه 

-اه اه في مكتبه 

-تمام هروحله

شاورلي بايده ،

-اتفضلي ياسمو الاميره 

ضحكت عليه ومشيت 

خبط وفتحت علطول 

لقيت واحده واقفه جمبه ماسكه تاب وهو قاعد علي الكرسي دخلت وانا بقرب علي محمود وببوسه من خده 

اتكلمت بمياعه،

-محمود حبيبي طلعت من غير ماتفطر قلقت عليك

خلصت كلامي وانا ببصلها ببرود وهو بصلي باستغراب 

اتكلم هو ،

-طيب اتفضلي يامني دلوقتي 

طلعت وانا بصتله بغيظ وانا بحاول اداري،

-هي دي مني بقي !!

باستغراب من طريقتي ،

-هو انتي تعرفيها

عقد حواجبي ،

-هو انت زعلان ولا اي

بص في الاوراق من تاني ،

-امل انا مش فاضي لو سمحت روحي 

قربت عليه وانا بلف الكرسي نحيتي وبقرب منه ،

-محمود اطرد البت دي 

بص علي ايدي الي علي الكرسي ،

-هو انتي قد الحركه دي 

شيلت ايدي وانا بعيد كلامي ،

-اطرد البت دي لو سمحت 

-هو انتي قولتيلي انك نازله من البيت ؟؟

-مانا ملقتكش وقولت اجيلك 

وبعدين انتي بتغير الموضوع لي؟!

-اخر مره تحصل ياامل فهمتي

-طيب وانت كمان اطرد البت دي 

-مش فاهم هو انتي تعرفيها ؟؟

بتوتر ،

-ولا اعرفها ولا حاجه كل الحكايه انها مش عجباني 

رد ببرود،

-معلش المره الجايه 

-محمود بتكلم جد وبعدين هو مش السكرتير كان راجل!!

-حصله ظروف وطلب اجازه وانا مش هعرف استني كل ده 

-طب لو سمحت غيرها بقي معمل لمًا يخلص اجازته 

بص للورق بزهق ،

-هو في اي وانتي مالك اصلاً

بعصبيه وانا بخبط علي المكتب 

-مالي ازاي يعني انا مراتك يامحمود ولا انت نسيت 

بصلي واتكلم بحده ،

-اظبطي نفسك ووطي صوتك احنا مش في البيت 

بصتله بترجي ،

-وهتمشي البت دي

مسح علي وشه بنفاذ صبر ،

-ولو ممشيتهاش هتعملي اي يعني

-هعمل اي !!هو انت بتحطني في نفس الخانه معاها

رفع حاجبه بدهشه،

-هو انا حطيتك فين ده ؟ انت عبيطه !!

بغيظ،

-محمود انت بتستهبل وشكلك عايز البت دي

-امل بجد انتي اتهبلتي وانا مش فاضي للعبط ده 

-عبط!!! طب والله لو ممشتهاش هروح اشدها من شعرها 

خلصت كلامي وانا متجه للباب جري عليا ومسكني علشان عارف اني هبله واعملها 

مسكني من ايدي وبص في عيوني ،

-هو في اي ؟!!!

عيوني دمعت وانا بقول ،

-البت دي شكلها بتكراش عليك انا عارفه حركات البنات دي وانا فهمت كده من كلامها 

عقد حواجبه باستغراب 

-كلام اي مش فاهم 

بعصبيه اتكلمت بسرعه 

-بعتالك علي فونك كلام وانا فهمت منه كده 

رفع حاجبه ،

-وانتي فتحتي موبايلي!!!

بصيتله وندمت اني عملت كده من نظراته الي بتبصلي،

-اه ي يعني بصراحه اتعصبت من لما سمعت صوتها وانا بكلمك لقيتني بفتح موبايلك وطلع احساس صح

-ده انا رغم الي عرفته مقدرتش افتش في موبايلك 

-هو اي ده الي عرفته؟!!! 

راح قعد علي مكتبه من تاني واتكلم،

-اقعدي ياامل دلوقتي ولما اخلص هروحك 

قربت عليه وانا بتجاهل كلامه واتكلمت بتساؤل ،

-هو اي الي عرفته عني يامحمود 

-مفيش حاجه 

-لا فيه عرفت عني اي مخليك متغير معايا من يوم الفرح

-امللل قولت خلااااص الله 

دخل يوسف،

-في اي ياجماعه صوتكو اجي عندي طلعتو اشد من الميكرفون 

خلص كلامه بمرح وانا ضحكت 

-ايوا كده اضحكي ياختي ده الي فالحه فيه 

-اسكت يالااا وخليك في حالك 

-يالاااا طب والله مفيش مكرونه بشاميل ليكي انهارده 

-لاء  الا دي هزعلك والله 

-اعتذري حالاً

اتكلمت بقرف،

-بعتذر يااستاذ يوسف 

قطعنا صوته المضايق،

-اطلعو برا وكملو حديثكو الشيق 

اتكلم يوسف ،

-لا ياعم انا طالع مش ناقص صداع

خلص كلامه وهو بيوجهلي الكلام

-صداع مين يابارد اطلع بره 

-طالع ياختي

بصيتله لقيته موجه نظره عليا بضيق،

-وقفتي هزار لي كملي كملي 

ببرود،

-هكمل لما نروح بيت ابوك 

-مش رايحين 

-نعممم لي  انا عايزه اروح 

اتكلم وهو بيتحجج 

-لا خالاتي والعيله هتبقي هناك وانا مش عايز صداع

-صداع اي مفيش اطفال علشان تصدع 

-امللل قولت مش رايحين 

-وانا عايزه اروح الله 

-هو انتي بتعانديني !!

-بعاندك في اي مامتك عزمتنا ولازم نروح 

-علي شرط

-اي 

-تقعدي جمبي ولا تتحركي ولا تكلمي اي واحد قاعد 

-ماشي هو انا هتكلم مع مين يعني 

-ولا حتي يوسف

-يوسف كمان !!! انت بتهزر 

بضيق،

-وههزر لي اي مش قادره متهزريش معاه!!

-طيب ماشي هنروح امتي 

-ههخلص الورق ده وهنروح 

-طب استني وانا كمان عندي شرط

-شرط اي ده 

-تطرد البت دي 

-وده مقابل اي 

-من غير مقابل يامحمود ولا اقولك شوف انت عايز اي 

-مفيش حاجه عايزها منك ومش هطردها واسكتي خليني اخلص ام الشغل 

قعد علي الكرسي وانا ببصله بغيظ عايز يحرق المكتب ده 

بعد ساعه 

قام وقف واتكلم ،

-يلا نمشي 

قمت وقفت وانا مضايقه اوي انه مش راضي يطردها ،

-طيب 

طلعلنا مع بعض من المكتب وكانت السكرتيره دي قاعده بصتلها ببرود ومسكت دراع محمود وهو بصلي بقله حيله 

اتكلمت من بين سناني وانا ببصله بقوه،

-اضحكلي يامحمود 

ضحكلي بابتسامه سمجه انا بس الي شايفها كده 

مشينا وانا متبته في ايديه وقابلنا عمو ابو محمود في الاسانسير 

ابتسمت بحب وانا بحضنه ،

-ازيك ياعمو عامل اي 

ضبطب علي ضهري بحب،

-الحمدلله وحشتينا والله

-وانتو كمان كتير 

اتكلم محمود بفارغ صبر،

-خلصتو فقره الحب ممكن بقي تبعدي علشان ادوس علي الزرار

بعد وانا ببصله ببرود 

عمو اتكلم ،

-مالك يابني خلقك في مناخيرك كده لي

اتكلمت انا ،

-هو كده ياعمو والله مش فاهمه ماله مبيضحكش

اتكلم وهو باصصلي ،

-يبقي ضحكتي مش بتضحكلك انتي 

التفت ليه بجسمي ،

-يابني انا اي حد يبص في وشي بيضحك !!

بسخريه ،

-لي اراجوز

بغيظ،

-لا ياحبيبي وشي مقبول والناس بتحبني مش صح ياعمو

-صح ياحبيبتي والله 

بصتله بانتصار وهو ضحك بسخريه 

بصيت لعمو واتكلمت،

-سيبك منو ياعمو قولي طنط عامله اكل اي 

-عاملالك الاكل الي بتحبي 

-اي هو 

-لاء خليها مفاجأة بقي لو عرفت اني قولتلك هتزعل 

-خلاص ماشي 

الاسانسير وصل للدور الارضي وطلعنا كلنا 

عمو،

-يلا تعالو نروح البيت مع بعض 

اتكلمت باعتذار،

-معلش ياعمو هروح البيت بس اغير وهجيلكو علطول 

اتكلم وهو قاصد يغيظ محمود،

-اي ياحبيبتي مانتي زي القمر اهو 

-اي يابابا !!!

-اي ياحبيبي مش بقول الحقيقه 

محمود حط ايده علي كتفي ،

-طب هنروح احنا وهنيجي علطول 

-طيب خلي بالكو من نفسكو

ركبنا العربيه وصلنا وطلعنا البيت

دخلت بسرعه طلعت فستان لونه نبيتي وطرحه بيج 

لبست وطلعت لقيته قاعد بياكل

يتبع….

رواية عدم المواجهة (أمل ومحمود) الفصل الخامس 5 من هنا

رواية عدم المواجهة (أمل ومحمود) كاملة من هنا