رواية عدم المواجهة (أمل ومحمود) الفصل الخامس 5 بقلم أمل بكر

رواية عدم المواجهة (أمل ومحمود) عبر روايات الخلاصة بقلم أمل بكر

رواية عدم المواجهة (أمل ومحمود) الفصل الخامس 5

-بتاكل لي يامحمود مااحنا لسه هنتغدا

بص علي الفستان وهو في بوقه الاكل بلعه واتكلم بعصبيه ،

-الفستان ده متزفت ضيق 

بصدمه وانا ببص علي الفستان في المرايه الي قدامي ،

-فين ده الي ضيق بس !!!

-امل خشييي غيري مفيش نزول بالزفت ده 

-يامحمود والله هو مش ضيق

-يعني انا مش بشوف والحزام الي مجسم ده اي!!

اتنهد بضيق ،

-طب خلاص هشيل الحزام 

=هااا كده كويس 

بص عليه من فوق لتحت،

-معتيش تحطي زفت حزام 

-طب خلاص يلا ننزل 

-عصبتيني ياشيخه

-انت متعصب لوحدك اصلاً 

-امشي امشي 

في العربيه اتكلم،

-بصي احنا هنتعامل عادي خالص تمام 

-انا عادي اصلاً انت الي مش عادي ومش فاهمه مالك يامحمود 

-مع علينا نتعامل عادي وانا هتغير الكام ساعه دول 

باستفهام وضيق من كلامه ،

-ولي متبقاش طبيعي علطول هو في اي انا عايزه اعرف بجد 

-مفيش حاجه اسمعي الي قولتلك عليه وخلاص 

-محمود احنا اتجوزنا علشان بنحب بعض وانا مكنتش اتوقع انك تتعامل معايا بالقسوه دي وانا مش فاهمه مالك ممكن تقولي دلوقتي في اي بقي لاني زهقت 

بسخريه وهو باصص علي الطريق،

-انتي الي زهقتي برده 

بعصبيه وانا خلاص هعيط،

-محمووود بقي بلاش تتكلم معايا بالطريقه دي لاني بجد انا مش فاهمه حاجه 

بعصبيه وهو بيضرب علي الدركسيون،

-انتي الي عملتي كده وفي الاخر بتقوليلى مش عارفه حاجه !!!

بخوف من عصبيته ،

-طب اهدي احنا علي الطريق 

=علفكره انا مش فاهمه حاجه والله العظيم كمان انت كلامك محسسني اني عملت حاجه وانا مش واخده بالي طب قولي اي الي مزعللك ولا مضايقك مني 

-لاء ياامل انتي كنتي واخده بالك انتي كتبتي وبعتيله اي 

وكل الحب والحزن الي في قلبك ليه

خلص كلامه بعصبيه عمت علي عنيه لدرجه كنا هتدخل في الرصيف

بلعت ريقي بصعوبه ،

-طب اقف بالله عليك 

وقف العربيه وحط راسه علي الدركسيون وصوته نفسه عالي 

حطيت ايدي علي كتفه 

-طب بص انا اسفه علي اي حاجه انت متعصب عليها بسببي انا ..بس ممكن تقولي ولا تعرفني حتي انت بتتكلم علي اي انت مش عارف انا مقهوره ازاي وانا شايفك من اول الجواز  وانت بتعاملني بالطريقه دي والي مكنتش اتخيل في يوم انك تعاملني كده يامحمود 

بصلي وعيونه كانت مليانه خذلان قلبي وجعني لانها بسببي ،

-امل بلاش تتعاملي كده وتعملي نفسك مش عارفه حاجه صدقيني ده مش هيغير الي شوفته بعنيا

ضربت علي رجلي بعصبيه ،

-انا والله العظيم مافاهمه حاجه وربنا كمان  هو انت مش مصدقني يامحمود انا بحلف بربنا !!!

-ولو قولتلك ولا عرفتك اني عرفت هتقوليلي اي هاا ولا حاجه مفيش اي مبرر ياامل مفيش 

نهي كلامه وشغل العربيه ومشا 

وانا ببص علي الطريق بحزن 

للدرجه الحاجه دي مش قادر يقولها 

وللدرجه دي كمان موجوع منها 

طب انا عملت اي فضلت افتكر ولكن مكنش فيه 

حاجه كنا فرحانين قبل الفرح عادي جداً قطع تفكيري اننا وصلنا تحت العماره 

مسح علي وشه واتكلم ،

-هنتعامل عادي تمام 

هزيت راسي ونزلنا رن الجرس ومسك ايدي 

فتحت حماتي وحضتنا

-وحشتوني جداً يلا تعالو كلو وصل 

اتكلم محمود،

-ماما هو مين هنا ؟!

-العيله كلها ياحبايبي خالاتك وخالك 

دخلنا وسلمت علي خالاته وبناتهم وفيه ولاد برده بس مبسلمش بالايد طبعاً 

وسلمت علي اخت محمود رنا ودي 

صحبتي وبحبها جداً في تانيه كليه 

قعد انا محمود جمب بعض علي الكنبه 

اتكلمت خالته" نرمين" ،

-عامله اي ياامل

-الحمدلله ياطنط وانتي 

-الحمدلله بخير ياحبيبتي 

اتكلم" خالد" وهو بيوجهلي الكلام ابن خال محمود وده عنده ٢٦

-بعد كده هنتجمع كلنا يوم الجمعه نتمنا تتبسطي معانا 

محمود ضغط علي ايدي واتكلم ،

-ان شاء الله ياخالد هنفرح كلنا 

يوسف دخل البيت وهو بيتكلم،

-ازيكو ياجماعه وحشتوني والله 

نهي كلامه وهو بيبص لبنت خالته "فرح " والي بيحبها كمان بتكون بنت طنط نرمين 

غمزتله ،

-وانت كمان والله يايايوسف 

ضحك وهو فاهم دماغي ،

-مش سهله انتي برده 

-عيب عليك 

محمود بصلي وهو ببعض علي شفايفه 

بصيتله وانا بهز راسي الي هو في اي 

قاطعنا صوت حماتي وهي بتقولي اروحلها المطبخ انا و رنا 

اتكلمت ،

-اي ياستي قوليلي اساعدك في اي ؟!

حماتي ،

-لاء كله جاهز ودي انتي و رنا بس الاكل علي السفره 

-والله كان في دماغي اجيلك بدري علشان اعمل معاكي الاكل بس روحت لمحمود الشركه والوقت اخذني وكده 

-لا ياحببتي انا اصلاً عامله الاكل من بدري 

-شكله يفتح النفس الصراحه تسلم ايدك مقدماً

ودينا الاكل والسفره اتملت والكل  بدء يقعد في مكانه 

وانا جيت اقعد جمب محمود لقيت جنه بنت خالته 

في تانيه كليه زي "رنا " قعدت جمبه 

اتحرجت اقولها قومي كان فيه مكان جمب "شريف" اخو خالد وده عنده ٢٤ سنه جيت اقعد وقفني صوت محمود 

-تعالي ياحبيبتي اقعدي جمبي 

برقتله وانا بشاور بعيني علي جنه باحراج 

اتكلم وهو بيوجه الكلام لجنه ،

-لو سمحت ياجنه روحي اقعدي جمب شريف

قامت باحراج وهي بتقول ،

-ايوا طبعاً عادي 

روحت قعد جمبه وانا بهمسله،

-كنت سيبها قاعده احرجتها كده 

اتكلم من بين اسنانه،

-وانتي تقعدي جمب شريف عادي يعني 

-اعمل اي مكنش فيه مكان غيره 

حماتي اتكلمت ،

-يلا بقي كلو وقولولي رائيكو 

الكل اكل وقالو انه جميل 

اتكلمت خالتو ميرفت ،

-قوليلي ياامل انتي بتعرفي تطبخي 

اتوترت وانا بتكلم ،

-اه طبعاً

رفعت حاجبها وحسيت من نبرتها السخريه ،

-وبتعرفي تعملي اي 

-يعني بصراحه معملتش غير مره و

قاطعني محمود ،

-بتعمل اكل حلو ياخالتو لازم نعزمك علشان تدوقي 

اتكلمت سهيله بنت ميرفت وهي في رابعه كليه 

-انا حاسه فعلاً ان اكلك حلو 

ابتسمت ليها ،

-حبيبتي 

اتكلم شريف ،

-انتي مش بتشتغلي ؟!

ضغط علي هدومي من كميه الاسئله 

-اي لاء 

-لي بس كده؟!

رد عليه محمود وانا حاسا هيقوم يشتمهم والله 

-انا مراتي متشتغلش ياشريف اي حاجه بتعوزها انا الي بجبهلها 

ابتسمت بهدوء وانا ببصله 

وشريف سكت ومردش 

اتكلمت فريده في تالته اعدادي  اخت فرح وبنت نرمين 

-الله بجد والله هي دي الرجوله انا نفسي في واحد زيك وربنا 

مامتها نرمين ضربتها في كتفها براحه،

-ياختي ذاكري الاول وبعدين هو هيجلك 

ضحكت وقولتلها،

-هيجيلك متقلقيش

رفعت ايديها للسما،

-يارب ادعيلي ياامل 

ضحكت علي طريقتها بنت سكر زي فرح اختها شكلهم هادي وعسىولين 

عيني جت علي يوسف الي بيبص لفرح وجهتله الكلام وانا قاصده انشكه،

-وانت يايايوسف مش عايز تتجوز بقي زي فريده 

خلصت كلامي بضحكه 

بصلي وبرقلي علشان فاهم قصدي 

بصيت علي فرح لقيتها مركزه وبتسمع رائيه

اتكلم بارتباك،

-ايوا ان شاء الله 

محمود بصلي وهو بيتكلم بهمس ،

-هو في اي بينك وبين يوسف

-في اي ياعم مفيش حاجه 

-امال بتلقحو لبعض بالكلام من سعات مااجينا

-اي ده انت اخد بالك بقولك بعدين 

-لا قولي دلوقتي 

قربت عليه ،

-اصل يوسف شكله بيحب فرح من زمان 

رفع حاجبه،

-لا ياشيخه ده انتي قديمه 

-اي ده انت عارف ؟!

-هو كان قايلي بس مش معرف حد 

-طب كويس انا هقربهم من بعض اصل بحب الحوارات دي اوي 

خلصت كلامي بضحكه حماس 

وهو ضحك عليا 

بعد شويه خلصنا اكل وبدائت اشيل الاكل معاهم 

وقعدنا كلنا في الصاله  حماتي وخالاته ومرات خاله كانو بيتكلمو والباقي ياما حد بيتكلم مع التاني ياما الي قاعد وفي ايده الموبايل 

بصيت في فون محمود الي عمال يدور علي حاجه 

اتكلمت ،

-بقالك ساعه بدور علي ؟!

-رقم السكرتيره مش لاقيها

برقت وانا بفتكر اني مسحته اتكلمت بخوف ليتعصب ،

-ا انا م مسحته 

بصلي بعصبيه  ،

-اي مسحتيه !!!

افتكرت انه كان مسجلها " مني" اتعصبت ،

-وانت مسجلها مني لي ناقص تحط جمبها قلب احمر

-تصدقي نسيت 

-لا والله طب كنت حطوو وانا كنت هوريك 

-امل اخر مره تمسكي موبايلي وتتصرفي  من دماغك 

-لا والله زعلان اوي وهو بقي فيه واحد محترم ومتجوز يسجل واحده 

بسخريه 

-المفروض يعني احفظ رقمها ولا اي 

-لا المفروض تسجلها السكرتيره وبسس 

-مش انا الي مسجلها اصلاً ده يوسف حط رقمها وسجلها 

-خلاص مع علينا دلوقتي انت مش هتحتاج رقمها خلاص لانك بالتالي هتطردها

-مش هطرد حد 

-هتطردها يامحمود بقولك البت عمال تتغزل فيك 

-بجد قالت اي بقي علشان اشكرها 

-محمود انا بتكلم جد متعصبنيش 

-وانا كمان بتكلم جد وبقولك قالت اي 

-وانت عايز تعرف لي ان شاء الله 

ليغيظها،

-قولي بس قالت اي علشان ارد عليها بكره 

-ترد عليها!!! طب والله البت ده هتطرد يامحمود 

تجاهلها وقال ليوسف يكلمها من عنده علشان عايزها في شغل 

رفعت حاجبي ،

-اي الشغل الي اجي فجأًه ده 

رد عليا بنفاذ صبر،

-في ورق محتاجه بكره 

دخل اوضه يوسف علشان يتكلم وانا دخلت ورا 

-انتي جايه ورايا لي 

قعد علي السرير ،

-عادي 

لف وشه بفارغ صبر واتصل عليها 

-ايوا تيجي بدري والورق بتاع انهارده يكون خلص 

-حاضر يامستر محمود 

قفل معاها وانا قربت منه ،

-تيجي بدري لي علشان تعرف ترد عليها ولا اي 

ببرود ليفرسها،

-مش عارف اجي علي بالي كده بقي 

-لا والله طب انا بقي هاجي معاك 

-تعالي تعالي وهاتي العيله بالمره 

-مش بهزر انا هاجي معاك 

-لي شاكه فيا 

-لاء شاكه فيها ياحبيبي 

قعد علي السرير ،

- اطلعي اقعدي معاهم 

-طالعه اصلاً

روحت عند الباب ورجعت تاني قعد جمبه 

اتكلمت وانا ببلع ريقي ،

-ممكن تقولي في اي يامحمود انت بتتعب اكتر وانا بتعب لاني شايفاك كده ومش فاهمه حاجه 

رفع راسه وهو بيبصلي وعيونه فيها حزن 

-عايزه تعرفي اني عرفت ياامل 

اتعدلت في قعدتي بفارغ صبر ،

-عرفني يامحمود 

اتكلم بنبره هاديه ولكن كانت مليانه عصبيه وخذلان ،

-قبل الفرح بيوم اجالي ابن خالتك امجد وقالي انه كان بيحبك وانتي كمان كنتي بتحبي وبعدين هو سافر ومتجمعتوش وانتي بعتيله مسج قبل فرحنا وقولتله انك كنتي بتتمني يكون مكاني وانك لسه بتحبي وندمانه علشان انا مكانه

سامعه كل حرف هو بيقوله وانا مصدومه 

-اي اتصدمتي  صح علشان عرفت

اتوجعت اكتر لما قالي كده،

-وانت صدقت فعلاً

بسخريه وهو بيقوم يقف،

-كنتي مفكره اني مش هعرف !!

قمت وقفت وانا بقرب منه ،

-محمود انت بتقول اي انت بتهزر مش كده انت صدقت اني اقول الكلام ده لحد !!!

-امل انا أتأكد انا مش عبيط الرساله كانت من رقمك ودخلت علي صوره البروفايل كانت صورتنا يعني انتي الي بعته 

-بس انا عمري ماحبيت امجد هو فعلاً كان بيحبني ولكن انا رفض وهو سافر وبعديها عمري مافكرت فيه هو كذب عليك يامحمود 

-بقوولك الرقم كان انتي 

بتوهان وانا بفتكر،

-ماممكن حد مسك موبايلي وكتب الكلام ده لكن انا استحاله 

مسح علي وشه بضيق،

-بس انتي عمرك ماقولتيلي علي امجد ده 

-اقولك اي يامحمود هو كان بالنسبالي اي علشان اقولك عليه محمود انت صدقته بجد انت سامع نفسك بتقول اي !!!

بصلي بتوهان وكأنه فاق من الي كان بيقوله 

اتكلمت تاني ،

=يعني انت كنت بتعاملني بالقسوه دي علشان رساله صدقتها كل ده علشان واحد اجي قالك مراتك بعتت ده وانت صدقته كده عادي وحتي مش هاين عليك تعرفني ولا تواجهني رغم ان كلامه كذب في كذب محمود انت قتلتني دلوقتي وانا استحاله اسامحك

خلصت كلامي ودموعي بتنزل بوجع مقدرتش امسك نفسي وفتحت الباب وطلعت بره البيت خالص 

حماتي ،

-امل راحه فين ؟!!

محمود طلع وهو بيجري وراها 

-اي ياولاد لا اله الا الله 

فضلت امشي وهو بيجري ورايا

-امل اقفي 

مسكني من دراعي حطيت ايدي علي وشي علشان ميشفش دموعي 

بحزن بان من نبرته ،

-امل افهميني انا اي الي يعرفني انه مش انتي 

صدقيني اول لما قالي كده ماصدقتش بس انا أتأكد من رقمك ومجاش في بالي حاجه تاني يعني مش انتي ؟!

خلص كلامه وكأنه بيسألني 

بصيتله بوجع وانا بشد ايدي منه ،

-انت لسه بتسألني محمود ابعد عني ونهائي 

غمض عيونه لثواني يتمالك اعصابه فتح عينه وشدني لحضنه واتكلم بنبره حزن ،

-انا اسف والله العظيم مكنش قصدي بس انا لغيت دلوقتي مش مصدق ياامل افهميني 

زقيته بعنف وانا دموعي عماله تنزل ،

-ولا عمرك هتصدق تعرف لي لانك مش واثق فيا يامحمود 

قرب وحضني من تاني ،

-متقوليش كده انا واثق فيكي اكتر من نفسي ب..

قاطعته وانا ببعد عن حضنه ،

-طلقني يامحمود وكلامك دلوقتي مع بابا انا معرفكش 

هز راسه برفض ،

-امل متعمليش كده 

اتكلمت بسخريه وانا بمسح دموعي ،

-انا معملتش حاجه انت الي عاملتني بقسوه وبجفاء وانا مصدقتش محمود الي حبيته بيعاملني انا كده… قولت خلاص مش مهم وفضلت اسألك في اي واتحايل عليك وانت كنت محسسني اني عارفه وفاهمه كل حاجه 

-بقولك شوفت بعيني اعمل اي يعني افهمي انتي لو كنتي مكاني كنتي هتصدقي

-عمري ماكنت هاصدق لاني عارفه محمود الي اتجوزته 

انا لو كنت بشك فيك استحاله كنت وافقت اتجوزك 

-طب خلاص حقك عليا والله انا مكنتش مصدق بس رقمك الي كان بيثبت 

بنهيار ،

-ابعد عني 

مسكني من ايدي وهو بيشدني،

-طب اهدي خليني اوصلك للمكان الي عايزه 

فضلت اشد ايدي ولكنه كان اقوي مني ركبني بالعافيه واتحرك بالعربيه

مسك ايدي وباسها ،

-حقك عليا علي الاقل قدري اني كنت تايه ومش عارف افكر 

بصتله بدموع ،

-تايه اه!!! 

-حقك عليا 

اتكلمت بنبره طفوليه،

-انت مش فاهم انا مضايقه ازاي انت علي الاقل مجتش وواجهتني وخلتني اقولك انه لاء مش انا انت صدقت نفسك وعشت في الدور كمان وعاملتني معامله زفت 

وكمان قلبك طاوعك كمان علي كده 

ضغط علي ايدي وكأنه خايف لامشي،

-حقك عليا والله قلبي كان بيوجعني اني كنت بتكلم معاكي بطريقه بارده بس علشان خاطري افهميني 

عليت صوتي بغيظ،

-ومجتش قولتلي لي هااا؟!!

-اقولك اي صعب عليا اجي اقولك انك كاتبه لواحد الكلام ده 

اتكلمت وانا بصوتت فيه بعصبيه ،

-انت لسه مصدق كمان!!!

برق بدهشه وهو بيتكلم بسرعه ،

-لا والله انا بشرحلك تفكيري القديم بس 

-وديني علي بيت بابا 

بصلي بترجي ،

-امل بلاش خلينا نروح بيتنا 

بقسوه،

-لا هروح عند بابا 

اتنهد وهو بيتكلم بوجع علي الي عمله ،

-انا اسف عارف ان مش الكلمه الي هتنسيكي الاحساس الي حسيتي دلوقتي بس علي الاقل فكري انا كراجل وعرفت ان مراتي 

بصلي وهو بيعدل كلامه بسرعه،

طبعاً الكلام الكذب الي قالته هعمل اي 

-تعمل اي !! اسمع صوت قلبك ده لو كنت بتحبني اصلاً

افتكرت كلامه وانا بكمل بعصبيه 

-ده انا لمًا قولتلك انت مكنتش بتحبني رديت عليا ببرود وقولت اه انت عارف حسستني بايه وانا رغم كده قولت لاء انك بتحبني وفضلت اسألك برده مالك 

-حقك علي قلبي انا فعلاً غلط والله كان من ورا قلبي كل الكلام الي قولته 

مردش عليه ولفيت وشي وسند راسي علي الشباك 

زعلت اوي انه صدق يمكن هو معا حق في جزء انه رقمي وبيأكد انه انا ولكن علي الاقل كان يجي يواجهني ولا حتي يعرفني انا عارفه انه تايهه ومش عارف يعمل اي

ولكني مضايقه ان بسبب موضوع كذب زي ده عاملني بسببه وحش وبالقسوة كمان 

فضلت افكر باستغراب مين ممكن يعمل كده ويمسك موبايلي ويبعت لأمجد رساله زي دي 

حطيت ايدي علي بوقي بصدمه حتي هو بصلي باستغراب افتكرت ان في يوم قبل الفرح باربع ايام تقريباً خالتو اجت وابنها  امجد اجي معها وبنت خالي" منه"

اجت معاهم وانا بحبها جداً وكانت هي وامجد بيتكلمو واستغربت بيتكلمو في اي وكنت هسألها ولكني نسيت 

وبعدين منه قالتلي تعالي نتكلم في البلاكونه دخلنا مع بعض وسببت موبايلي علي الكنبه وكل اما اجي اقولها تعالي نطلع تتوتر وتقولي خلينا قاعدين شويه ولما رجعنا نقعد في الصاله لقيت امجد بيبتسم وبيقولي انتي مش عارفه انا فرحان ازاي علشان هتتجوزي

بصيتله باستغراب وابتسمت بهدوء 

محمود ضبطب علي كتفي ،

-امل في اي ؟!!

بصيتله وانا دموع الصدمه في عيوني وانا مش مصدقه ان ممكن تكون منه تكون ساعدته في كده مش معقول 

اتكلم تاني وهو بيبص عليا وعلي الطريق،

-في اي قلقتيني 

اتكلمت وانا ببص قدامي بشرود

- وديني علي بيت خالي 

-لي ؟!!!

-لو سمحت وصلني 

هز راسه وفضل يلح عليا ويسألني في اي ولكني مقدرتش اتكلم وصلني وطلعت وهو استني 

مرات خالو فتحتلي 

-ازيك ياامل عامله اي 

-الحمدالله بخير منه فين 

-في اوضتها ادخليلها

-ماشي 

خبط ودخلت 

قامت حضنتني وهي بتقول ،

-اي ده امل عامله اي وحشتيني 

-بخير 

-مالك في اي 

بلعت ريقي وانا بجمع كلامي ،

-منه تعرفي الي امجد عملو 

نظراتها اختلفت واتكلمت بلاعبكه ،

-عمل اي 

-بعت رساله من عندي لنفسه كلام حب وراح لمحمود قبل فرحنا وخلاه يشوف الرساله دي انتي تعرفي يامنه!!!

اتكلمت والدموع بتنزل من عيونها ،

-والله مكنتش عايزه اعمل كده والله العظيم ا انا ندمانه ياامل 

ضحكت بسخريه ،

-ندمانه !!! يعني انتي ساعديه فعلاً منه انا كنت بعتبرك اختي التانيه لي عملتي كده 

مسكت ايدي بترجي ،

-سامحيني انا فعلاً مكنتش عايزه اعمل كده ولكن هو بيحبك 

كملت كلامها بصوت مهزوز ،

-وانا ب بحبه وهو مش شايف ده 

-واي الي استفدي اما عملتي كده 

-ولا حاجه والله ما استفدتش حاجه وانا ندمانه 

اجالي شعور اني زعلانه انه بيحبك بس اكتشفت اني ندمانه اني حبيته اصلاً

اتنفست بضيق ،

-منه انتي عارفه ان كان ممكن محمود ميكملش الفرح وكان ممكن يسبني كنتي هتبقي فرحانه 

نفت براسها،

-لا والله ابداً عمري ماكنت هبقي فرحانه الشيطان عمي علي عيوني ولقيت نفسي بقولو علي الباسورد بتاعك 

بصتلها بشفقه وانا شايفه انها فعلاً ندمانه ،

-منه هو انتي فعلاً ندمانه ؟!!

حضنتني وهي بتعيط،

-والله العظيم ندمانه حقك عليا سامحيني علشان خاطري 

حاوطها بايدي ،

-مسامحكي يامنه خلاص اهدي 

بعدت عني وهي بتمسح دموعها،

-لو عايزه اجي معاكي واكلم محمود واعرفه هاجي دلوقتي حالاً

نفيت وانا بقفل عيوني ،

-لا يامنه خلاص ملهوش لازمه 

-ازاي يعني 

-يعني ملهوش لازمه الكلام يامنه خلاص 

-انتو زعلانين من بعض 

-يعني 

-علشان خاطري خليني افهمه 

قاطعتها وانا بفتح الباب وخارجه،

-مع السلامه انا ماشيه 

نزلت من العماره لقيته واقف 

بصيتله واتكلمت ،

-انا هروح بيت بابا مشيي هو قريب يعني 

-لاء تعالي اركبي وانا هوصلك 

-ملهوش لازمه هي حته صغيره 

-اركبي وبطلي عناد انتي عارفه اني مش هسيبك 

بصيتله بضيق وانا عارفه انه زنان ركبت

يتبع…

قولولي تفتكرو محمود هيصالحها ازاي؟

 وامل هترجعلو ولا لاء ؟

رواية عدم المواجهة (أمل ومحمود) الفصل السادس 6 والأخير من هنا

رواية عدم المواجهة (أمل ومحمود) كاملة من هنا