رواية حواديت تراب القمر عبر روايات الخلاصة بقلم نورهان علام
" ولا طلاق تلاتة لو مدفعتش اللي عليك هبوسك وسط الحرم الجامعي."
كنت واقفة جنب كتفه فلقيته جري وقال:
"اهدي يا بنت المجانين هتفضحيني."
"ادفع اللي عليك يعني ومش هيبقى في فضايح."
قرب مني، وبص ليا بقرف وطلع 200 جنيه من محفظته وقال:
"يا رب تفتكري، عشان أنا دافع الـ200 جنيه دي أربع مرات قبل كده."
شهقت وأنا بحط إيدي في وسطي وبقول:
"إيش تقصد يا واد؟
تقصد إني كدابة؟"
"لا طبعًا، فشر اللي يقول كده."
"تقصد إني نصابة؟"
"ما أنتِ نصابة عليا في قلبي ومحدش قالك حاجة."
ضحكت بصوت عالي، راح كتم بُقي وهو بيقول بعصبية:
"بت، اتضبطي كده لا أزعلك على نفسك."
"خلاص يا أنووس قلبك أبيض بقى."
"يلا على محاضرتك، هبقى أجي أخدك، يا ريت ما تتحركيش من المدرج."
"خايف عليا يا واد؟"
رفعت حاجبي وأنا بقولها بتشكيك، فضحك وسابني ومشي. فضلت ماشية مبتسمة لغاية ما وصلت للمدرج. وأنا بخرج حاجاتي من الشنطة لقيت البلطو بتاع أنس، طب بشري اللي مشرفنا، ومشرف العيلة كلها.
قمت من مكاني بسرعة أجري على دخول الدكتور اللي كان هيقع ووقعت له حاجاته!!
يتبع...
فصول رواية حواديت تراب القمر بقلم نورهان علام
اضغط على الفصل الذي تريد قراءته:
