اسكريبت قاتل أبي (كامل جميع الفصول) عبر روايات الخلاصة بقلم روان خالد صقر
"والله لو مكنش مسيحي كنت اتجوزته حالا."
-ده على اساس انه كان هيبصلك يعني؟
"وايه يعني هو هيلاقي في جمالي ودلالي وحلاوتي ودمي الخفيف ورقتي فين؟"
خرج صوت من وراهم مستنكر:.
"رقـ اييه؟"
صرخوا بخضة من وجوده، حطت نور ايديها على قلبها بينما ريما عملت حركة شعبية سوقيه بتدل على الخضة، فـ كملت التانية:.
"ايه يا ابيه مش تحمحم كده بدل ما انت داخل زي الطور!"
كحت ريما بصدمة من كلامها وشاور على نفسه:.
"انا طور يا نور؟"
حمحمت نور بخوف:.
"احم مش قصدي يا ابيه والله انا بس كان قصدي انك داخل علينا ولا كأنك داخل على زريبة متعود تدخلها."
المرة دي خرجت ريما من المطبخ بتطلب النجدة قبل ما اخوها يكسر نور:
"وبتقولي رقة؟ ياشيخة يخربيت ملافظك وسعيي."
وسعت بخوف وهي شيفاه بيدور في المطبخ وشكله متعصب، طلع سيجاره وخرج فنجان قهوة وبدء يقلب القهوه على النار، ميلت نور راسها بـ استفهام وقربت منه بحيرة..
"طب مطلبتش مني اعملها انا ليه؟"
نفث دُخانه:.
"عادي."
سندت على الرخامه قصاده وبقت بتقابلُه بـ عيونها:.
"عيونك بتكدب عليا يا آدهم."
اخيرًا بصلها بعد دقيقة صمت وتقابلت عيونهم، فـ كانت نور قصيرة جنبُه، وضئيله بالنسبه لـ حجمه وده مش علشان هي كيوت لا علشان ادهم هاوي قِتال، غاص في عيونها السود وجايز الانسان يعشق العيون الملونة بس بالنسباله السواد اللي قدامُه ده هو في نظر نفسه وبياض بؤبؤها ما هو الا نور في نظره..
"متشغليش بالك، قوليلي واقفلك حاجة في مذاكرتك؟"
"متهربش مني يا دومي!"
رفع حاجبه:.
"دومي وفين آبيه؟"
هزت كتفها بلامبالاه:.
"آبيه دي قدامهم انما معايا دومي."
نعكش شعرها وصب القهوة:.
"ده لو حد من اخصامي سمعوكِ هبقى مسخرة السنين."
يتبع...
فصول اسكريبت قاتل أبي بقلم روان خالد صقر
اضغط على الفصل الذي تريد قراءته:
- اسكريبت قاتل أبي الفصل الأول
- اسكريبت قاتل أبي الفصل الثاني
- اسكريبت قاتل أبي الفصل الثالث
- اسكريبت قاتل أبي الفصل الرابع
- اسكريبت قاتل أبي الفصل الخامس والأخير
وفر وقتك… لو بتدور على رواية كاملة وممتعة… اضغط (هنا)
