رواية ليلى وٱسر عبر روايات الخلاصة بقلم سلسبيل أحمد
رواية ليلى وٱسر الفصل الرابع 4
_ مم... محمد؟!!
- ايوا محمد ممكن نتكلم
كنت متردده ادخله ولا لاء وخايفه بصيت على الباب كنت بتمني حد يخرج خالتو او اسر!
- هنفضل عالباب ولا ايي
_ اتفضل
دخل وسبت الباب مفتوح
ابتسملي بهدوء - متخافيش كدا عاد
ضحكت بأصتناع_ لا ابدا انا كك.. كويسه
بص علي ايدي الى هفرتكها - انا ملاحظ انك متوتره
انا جيت لوحدي وعمك ميعرفش بس انا جيت عشان اكلمك واطلبك مره تانيه وانا عارف ان اسر مش خطيبك
معرفش اتجننت ليه منه واية الثقة دى !
_ انت انت بتقول اية احنا هنكدب ليه يعني
- انا شغال ظابط تعرفي يعني اية؟ يعني قوة الملاحظه عندي عاليه شوية ولاحظت نظرة عينيك لما قال انكم هتتخطبوا انتي كنتي متفاجئه بكلامه!
_ لاء علفكره هو ... هو أأ
مكنتش عارفه انطق بجد
- اهدي بس اية المشكله لو جربتي تقربي وتديني فرصه وبعدين انا ولد عمك مش غريب انا ملياش دعوه بمشاكل العيله الى حصلت و احنا فى الاخر قرايب
اتنهدت_ طيب وانت عندك حق انا واسر مفيش بينا حاجه فعلا هوا كان خايف عليا بس
ابتسم وباين على ملامحه الفرحه
- كنت عارف !
معرفش ليه ضحكت معاه
- بسم الله ماشاء الله جمر
_ انت بتتكلم صعيدي ومصري ؟
- ظابط بجا وبلف كاتير
_ طيب بص يا محمد انا معنديش مشكله معاك لاني اصلا مليش دعوه بالي حصل زمان ولا بكرهكم حتي مع انكم كنتوا بتكرهوا امي بس هرجع اقول انت ملكش ذنب بس انا فعلا مش قادره ادخل علاقات دلوقتي و كمان انا بدرس لسه
- خلاص وانى مش هتضغط عليكي بس لو قررتي انا اول واحد يجي فى بالك
ابتمست _ لو بقي
- طيب ممكن رقمك عشان اطمن عليكي. ؟
اترددت شوية وبعدين ادتهولوا
مشي قفلت الباب ودخلت
شوية ولاقيت الفون بيرن
_ الو مين
- محمد ممكن نتعرف؟
ضحكت فى سري! _ لاء
- ليه بس اكده يجمر
_ اصلي مرتبطه
نبرته اتغيرت - وه مرتبطه بمين عاد!
_ بهزر وانت لما بتتعصب بتقلب صعيدي ولا اية
ضحك - لا هي بتيجي اكده لوحدها متهزريش الهزار تاني دمه تقيل
ضحكت على كلامه
_ اسيبك اني بجا ابقي سجلي الرقم يجمر
_ ماشي باي قفلت وانا مش فاهمه اية سر ابتسامتي دلوقتي!! اه ياويلي لو اسر عرف!
شوية وروحت الشقة عشان احضر مع خالتو الاكل فتحلي الباب عديت ولاكأني شايفه وكنت بتجنبه
وانا من جوايا هموت واكلمه ووحشني هه..
كنا فالمطبخ لاقيته دخلنا
- قدامك قد اية يماما ؟
_ شوية اهو وهنخلص
- اصل فى برود عندك فالمطبخ كده
بصتله بغيظ = تصدقي يخالتو ان عندك خنزير فالبيت ؟
- ياه يا ماما دا في كميه تناحه هنا غير عاديه
= دا في كميه قرف هنا غير عاديه ما تشوفي حل يا خالتو
- ماما انا سامع صوت بقره انتي مش سامعه ولا اية
اتعصبت جدا = هي مين دي الى بقره
حاول يكتم ضحكته و معرفش وخالتو ضحكت هي كمان
_ والله انتوا عيال وسعي كدا انتي وهو خلوني اخلص
- انا خارجه خالص عشان المطبخ مليان ناس معندهاش دم
قعدت على الركنه وجه قعد جمبي البارد !
* بعد شوية دقايق *
تعالي يا ليلي خدي الاكل معايا وانت يا اسر حضر السفره
_ تعالوا خدوا الاكل وحد يحضر السفره
سبته يحضر السفره وروحت اخد منها الاكل
- يالهوي يخالتو شوربه ! وفراخ مسلوقه وكمان فصوليا وزر اية كل دا وكله اكل مش بحبه ؟
= معلش ارجعي قويه كدا واصلبي طولك وهعملك مكرونا بشاميل
- خدت طبق الشوربه وحبيت اعمل جامدا ومسكته بايد واحده والايد التانيه مسكت بيها الرز
وخارجه بتحرك براحه واللقي الى داخل بهمجيه وخبطني شويه شوربه وقعوا من الطبق علي ايدي فا غصب عني وقعته كله من اللسعه وطبق الرز وقع هو كمان فضلت اتوجع جامد واسر جه على هدومه شوربه قلع الجاكيت بسرعه وجري جابلي دقيق
_ اهههههههههه
- في اية الى وقع ده يا ولاد
اسر بزعيق = الدقيق فين يا ماما !!
- عندك فالرف دا حصل اية وخرجت لقت ليلي مسكها ايديها
- يا ساتر وريني وريني ايدك بسرعه
وخدتها حطتها تحت المياه واسر جه
= هاتيها احط عليها دقيق
خرجت وبقي يحط علي ايديها براحه وهي تعيط من الوجع
= معلش هتبقي كويسة هتهدي دلوقتي متعيطتيش
فضلت باصه لي وهوا خايف جدا وبيطمني معقول يكون بيحبني ولا دا خوف عادي..!
*بعد دقايق*
- بقت احسن يا ليلي
_ الحمد الله يا خالتو
- خليكي بقي لحد ما اقوم اجيب الاكل وفداكي الى حصل متزعليش
مش قادره اوصف جمال احساسي وهي فاهمه بفكر في اية واني مدايقه عشان دلقت الاكل وبتهون عليا.!
_ انا اسف مكنش قصدي
= حصل خير
_ بتوجعك؟
= يعني شوية
قرب مني ومسك ايدي وفضل يهوي عليها
ضحكت = انت بتعمل اية يا اسر
_ كدا احسن ؟
كانت بتهدي مع الهوا الى بيجي عليها
ابتسمتله = احسن كتير
_ مش عايزاك تزعلي مني
= مش زعلانه عارفه انك عملت كدا عشان خايف عليا
_اكيد لازم اخاف عليكي
اتسحبت من لساني = اشمعنه
اتوتر ومبصليش _ عشان.. عشان احنا اخوات لازم اخاف عليكي يعني
ليلي وعينيها بتدمع = اخوات؟
اسر مكنش باصص ليها مسكت دموعها بسرعه وقامت
_ رايحه فين
= هرتاح شوية
_ بس ايدك .
قاطعته = ايدي كويسة
- ليلي رايحه فين يا حبيبيتي
= تعبانه اوى يا خالتو عايزة انام
- يا حبيبيتي طب كلي الاول
= لا معلش مش عايزة مشيت ومدتهاش فرصه تتكلم كنت بجر في رجليا وحاسه اني بجد هقع
- هببت اية يا اسر
= أ...أأ
- هو ايه الى أ..أ انطق عملت اية
= مش عارف! معملتش حاجه!
- يارب توب عليا يارب
مشيت بالصنيه وراحت خبطت علي ليلي
- ليلي افتحي يا حبيبيتي
فتحت وانا حرفيا لسه مصدومه
- انتي كويسة مالك يبنتي
= كويسه
- طب خدي لما تحبي تكلي كلي
خدت الصنيه بلامبالا وحطتها ودخلت شوية وموبايلي رن وكان محمد
_ ايوا
= ايهه دا مال صوتك يا جمر
_ مفيش تمام
= حد مزعلك ولا اية
_ لا والله مفيش تعبانه من الجامعه بس
= طب انا ينفع اجيلك بكره بعد الجامعه
_ ليه في حاجه
= لاا هنتكلم بس ل فاضيه
_ ماشي يا محمد
= تصبحي على حاجه جمر شبهك
_ وانت من اهله
قفلت معاه وانا اصلا معرفش قدرت اتكلم ازاي وقررت ادخل انام احسن م يجرالي حاجه من التفكير
______________
- يعني اية مشيت لوحدها م اكيد زعلتها بكلامك؟
= يا ماما معرفش بقي ومقلتش حاجه
- طيب يا اسر لو شوفتك بعد كدا بتكلمها وتقولها رايحه فين وجايه منين انا الى هقفلك ها
= اوووووووه بقي انا قايم انام
________________
تاني يوم صحيت وعديت على خالتو
- عامله اية دلوقتي
= كويسه الحمد الله
- ايدك هديت يعني
= اه
- انا عارفه ان الحلوف دا كلامه زي السم متزعليش منه متخلف
ابتسمت بوجع = مش زعلانه هنزل بقي عشان متأخرش
- طب ما اصحيه يوصلك يا ليلي
= لا معلش همشي انا وملك متخافيش
- طيب يا حبيبتي
نزلت روحت الجامعه واول ما دخلت الكافتريا عشان اطلب قهوه لقيت كريم فوق دماغي
- ازيك اخبارك اية دلوقتي؟
= احسن انت عامل اية
- تمام طول منتي كويسة
ملك وصلت وحمدت ربنا عشان مش ناقصه محن عالصبح خالص
- عامله اية يا ليلي ازيك يا كريم
ليلي بدأت تتخنق من السؤال ده
= كويسه
_ الحمد الله
شوية ودخلت انا وملك المحاضره
* تسريع للاحداث *
- مش هتحضري الدكتور ده ولا اية ؟
_ لا مش قادره خالص دا شايف نفسه
- طب ليلي استني بس
_ لا ياستي استني اية ادخلي انتي وابقي انقل المحاضره منك اصلا مبفهمش منه حاجه
- احممم يا ليليييي بس
_ في اية ؟!
& انا شايف نفسي ؟ ومبتفهميش مني حاجه
ينهار اسود اكيد لاء !
بصيت ورايا لقيت الدكتور
& ياريت متدخليش ليا محاضرات تاني بقيت السنه ومشي
- انتي حيوانه!!!
_ اعمل اية كنت خايفه اتكلم عماله اغمزلك وانتي حماره ونازله تهزيق فالراجل
قومت خت حاجتي بخنقه - اصلا انا قرفانه لوحدي انا هامشي
_ يابنتي استني
- لا سلام هبقي اكلمك بعدين
خرجت بره الجامعه رنيت على محمد وكنت انضرب في ايدي قبل م اعمل كدا قولتله اني خرجت بدري وعايزه اروح مش قادره اخرج قالي هاجيلك؟!؟!
_________________
- ماما
_ ......
- مخصماني وكدا؟
_ لاء
- امال مش بتردي وبتكلميني كدا ليه شكلك زعلان
_ اه زعلانه
- ليه بقي
_ عشان مزعل بنت اختي
- يالهوي انا مش ابنك صح؟
_ لا ابني وهي كمان بنتي وطول ماهي زعلانه انا زعلانه
- خلاص ياستي انا هصالحها كدا كدا
_ لما تقولي الاول عملت اية
- عكيت يا ماما والله عكيت جامد لاني غبي وزعلتها بس اوعدك هبطل غباء خالص واصالحها وقرب باس ايديها
_ ربنا يهديكم لبعض يا حبيبي
- يارب يا ست الكل هلبس بقي واروحلها اخدها
____________________
- ياجمر
وصل محمد بالعربيه فتحلي الباب و ركبت
= اية عامل اية
- كويس
= انا مكنتش عايزه اجيبك من الشغل وكدا انا اصلا هاروح لاني تعبانه شوية
- ياستي فداكي الشغل كله
ابتسمت وكنت فرحانه نوعا ما
- قوليلي بقي اية زعلك
= مش زعلانه صدقني
- طيب ولا مخنوقه ونفسك تخرجي
بصتله بطرف عيني = مثلا يعني ؟
ضحك - ليكي عندي خروجه جمر زيك
= بس ياريت فالسريع كدا عشان ارجع بسرعه
- عيوني
ومشينا
__________________
- ملك ؟
= اية اسر بتعمل اية هنا ؟
- مستني ليلي
بستغراب = ليلي ؟
- ايوا هي فين مخرجتش معاكي ليه
= هي مروحتش يابني ؟
- نعم ازاى يعني
= اصل ..
- في اية متكلمي
حكتلوا الى حصل
= طب والله دا كويس انوه مفصلهاش
- هي كانت مخنوقه بس وكمان الدكتور دة فعلا تنح
= يعني هي دلوقتي راحت فين
- انا مش عارفه طب رن عليها
= ايوا صح
رن عليها ...
موبايل ليلي رن ولما لقته اسر اتوترت ومحمد لاحظ
- في حاجه
= انا مقلتش لخالتو اني هخرج
- وه لي اكده تقلق عليكي
= ينفع تروحني معلش
اتنهدت بزعل - حاضر
= متزعلش صدقني كفايه انك جيت
- متقلقيش انا ميرضنيش انك تخرجي من وراها
كل دقيقه بحس انوه بيكبر فى نظري اكتر .
رن اسر تاني
- خالتك ؟
= لاء دا اسر
سكت فجأه وحسيته اضايق اوي
______________________
- يمكن وصلت البيت
= مش بترد ليه مش فاهم شغل العيال دا
- مهلش يمكن مش سامعه الفون
= انا ماشي
مشي وملك فضلت ترن علي ليلي بس الفون مش مجمع شبكه
محمد وصلها لحد البيت وليلي كانت خايفه وهوا ملاحظ دا ومدايق بصت يمين وشمال بعدين نزلت
- ليلي
بصتله بانتباه = ايوا
- ممكن اسالك سؤال وتجاوبيني بصراحه
بصتله عشان يكمل وكانت خايفه يكون الى فى دماغها صح
- انتي بتحبي اسر ؟!
وكان هو ده الى فى دماغها ..
وفجأه لمحت عربيه اسر وهو نازل منها و شافها
واول ما لمح محمد اتجنن
ليلي كانت خايفه جدا
يتبع..
