رواية لعبة الحب عبر روايات الخلاصة بقلم سلسبيل أحمد
- شكلك مطولة عندنا يا سلمي ياحببتي!
اجبلك بطانية؟
= ياريت يا مروان اصل الجو تلج اوي
- مش مكفيكي الجاكيت الجلد بتاعي الى لابساة؟
- مش قد كده والله
= وشرابي الى اختفي فجاة؟؟
- اه تقريبا جه في رجليا بالغلط
= اه يحببتي وايه كمان؟
- شوف يا مارو مهما تبين انك مش طايقني عارفه انك بتحبني وبتموت فيا.. بس معنديش دليل
= اطلعي بره اوضتي انا معرفش جايبه التناحه دي منين اصلا
- فيه راجل محترم يكلم مراتة كده؟
= مراتة؟ دي صدقت نفسها..؟؟
" وفجاة دخلت جدته فا لاقيته لزق فيا وابتسمت بسخريه على حركاته"
- سقعانه يا روحي تدخلي جوه؟
بصتله وانا بحط ايدي السقعه على وشه: لا ياحبيبي خالص حتي شوف ايدي دافية ازاي
اتكلمت جدتة بحنية: تعالو انتوا الاتنين في الأوضة الى جوه انا عملت لكم حاجه سخنة تشربوها.. وشغلت الدفاية
اتكلمت بأدب: حاضر يا تيته جايين اهو
" مشيت من الأوضة فا بعد عني و بصلي بعدم تصديق"
- دي جدتي انا.. فا ياريت تخلي عندك دم وتمشي
بصتله وانا ببتسم ببرود: انا هطلع اشوف تيته حببتي عملت ايه سخن عشان سعقانه..
" خرجت و الأوضة فعلا كانت دافية ولقيتها عامله سحلب.. ابتسمت بحب و روحت بوستها واخدت كوباية "
- ربنا يخليكي لينا يا تيته
طبطبت على ايدي: ويخليكم لبعض ياحبيبة تيته
" بعد شوية جه غصب عنه لأن الأوضة الى فيها البلاكونه فعلا سقعة.. قعد وخد كوباية السحلب و وسط مانا قربت اروح في النوم لاقيته بيخبط على ايدي بهدوء "
- طب يلا بقا نروح
" اتعدلت وفركت عيني "
تيته: انتوا مش هتباتو معايا؟
مروان بسرعه: معلش يا تيته ورانا حاجات كتير لازم نخلصها
بصتلها بأسف: هنجيلك تاني..
" ابتسمت وسلمت عليهم وبعدين نزلوا "
>>>>>>>>>>>>>>>>>>>>>>>>>>>>>>>>>>
«اللهم صلِ وسلم وبارك على سيدنا محمد.»
" فضلت ساكته طول الطريق وسيباه لحد ما اعرف اخره ايه! لكننا وصلنا البيت وهو مازال ساكت و قبل ما يدخل يغير هدومه وقفت قصاده "
- نعم عايزة ايه؟؟
= انت الى عايز ايه؟ ليه بتعاملني كده؟ ازاي اصلا بتعاملني بالطريقة دي؟
رفع حاجبه: انهي طريقة؟؟ ما تفوقي انتي لحسن تفتكري جوازنا بجد يا سلمي ده مجرد لعبه
يتبع...
فصول رواية لعبة الحب بقلم سلسبيل أحمد
اضغط على الفصل الذي تريد قراءته:
- رواية لعبة الحب الفصل الأول
- رواية لعبة الحب الفصل الثاني
- رواية لعبة الحب الفصل الثالث
- رواية لعبة الحب الفصل الرابع
- رواية لعبة الحب الفصل الخامس
- رواية لعبة الحب الفصل السادس
- رواية لعبة الحب الفصل السابع
جاري كتابة باقي فصول الرواية.. عاود زيارتنا..
