رواية لعبة الحب عبر روايات الخلاصة بقلم سلسبيل أحمد
رواية لعبة الحب الفصل الثامن 8
- انا عارف انوه مش وقته بس ... انا قابلت خالد .. ويعتبر حليت الموضوع معاه .. في الوقت الى تهدي فيه.. وتبقي قادره.. عرفيني كل حاجه حصلت.. المهم انك متبقيش قلقانه..
" مروان كان هيقوم.. فا سلمي مسكت ايده "
" بصتله وعيونها بتلمع بالدموع "
- متمشيش
" حضنته بقوة وفضلت تعيط "
= مش عايزاك تسبني يا مروان متسبنيش عشان خاطري
" مروان مسك على حضنها وطبطب عليها "
- اهدي يا سلمي..
بعدت عنه مسافة صغيره وبصتله: انا عارفه اني مستاهلش تفضل معايا انا عارفه اني وحشه وغلطت بس انا مش هقدر ارجع لوحدي تاني انا مش عايزه ابقي لوحدي!!! انا مكنش فارق معايا ومكنتش عاوزة اننا نكمل.. بس غصب عني انا..
" الباب خبط.. طبطب على ايدها ومسح دموعها "
" قام يفتح باب الاوضة وكانت نهال "
- مروان.. عماد تحت و... هو عايز يتكلم مع سلمي
" سلمي سمعتها وبصتله برفض وقتها مروان نزل مع نهال وسلمي فضلت في اوضتها "
احمد: هي فين؟
مروان ببرود: تعبانه ومش قادره تتكلم
عماد: يبقي اطلع لها
مروان: هي مش عايزه
احمد بحده: انت اتجننت يا مروان؟؟ عمك تكلمه كويس واياك تدخل بينها وبين باباها
مروان بنرفزه: عاوزني اخليه يطلع يصْربها تاني!!؟؟
نهال: اسكت يا مروان بس !! انا هطلع اخليها تنزل
" عماد كان ساكت ومش راضي يكبر الموضوع وقبل ما نهال تطلع لقوا سلمي نازله.. عماد وقف وهي كانت بصاله وهي بعيد عنه "
" سلمي بصتله وعيونها بتلمع بالدموع.. وعماد مهتمش لوجودهم "
- حببتي.. انا رتبت كل حاجه و صدقيني انا خايف عليكي وعايز مصلحتك انتي سمعتي الكلام قبل كده.. و كنتي بتتعالجي.. خليكي قوية واعملي كده المره دي.. عشان تبقي كويسه
بصتله بسخريه ودموعها نازله: قوية !!
زعقت بصوتها كله: وبعدين اتعالج؟؟ انا عمري ما هتعالج وانت في حياتي !!!
" نهال واحمد وحتي مروان اتفاجئوا "
نهال: سلمي حببتي اهدي..!
" سلمي كأنها مش سامعه ولا شايفه غير عماد.. "
- انا حياتي كلها ادمرت بسببك !!! انت السبب فكل ده !!! انا معرفش انت ازاي كده !!
عماد بصلها بصدمه: انا!!! ده انا معنديش غيرك..!!
= وعملت ايه لما بقي معندكش غيري !!
- كل حاجه!! انا عملت لك كل حاجه!! انتي مش عارفه انا اتحملت ايه؟؟ نسيتي اتنقلتي كام مره من المدرسة! نسيتي عملتي كام مشكلة!! طول حياتك وانتي مخلياني قلقان عليكي!!! ولحد دلوقتي كبرتي وبقا عندك 25 سنه.. ولسه مش عارف اطمن عليكي.. بقلمي سلسبيل احمد لسه بتعملي مشاكل وبتبوظي كل حاجه!! من وانتي طفله! ده انا فترة طفولتك دي كنتي بتخليني كل يومين اجبلك داده لأنهم مش بيستحملوكي!
" سلمي كانت بصالة بصدمه تامه ان قال كل كلامه ده قدامهم.. دموعها كانت بتنزل زي الشلال ومروان كان بيحاول يطمنها و واقف جمبها بس هي اتحركت ناحيه عماد "
" بصتله بقمه الحزن وخيبه الأمل وكأنها استسلمت "
- من وانا في ابتدائي.. وصحابي بيعايروني!! بيعايروني عشان معنديش ام.. قولتلهم ماما عند ربنا!! قالولي طب وفين باباكي؟؟ مكنتش بعرف اقول ايه؟ وانا السواق كل يوم بيوديني ويرجعني!! كنت طفله!!! بقيت كل شوية بعمل مشكلة كل شوية.. عشان تيجي المدرسة للمديره.. ويعرفوا اني عندي اب!!
كملت بعياط: كنت بطفش كل الدادات الى بتيجي عشان عاوزاك انت الى تقعد معايا !!! كنت ببقي نفسي اوريك رسمي ودرجاتي والنجمه الى بخدها من المدرسة بتاعتي.. كنت ببقي نفسي اقولك حاجات كتير ومش بلاقيك !!!! كنت بشوف كل صحابي عندهم اب وام.. بشوفهم بيتحضنوا !!! يبقي باباهم مستنيهم يجروا عليه ويحضنوا !! وهو يشلهم ويرفعهم في الهوا.. ومش ببقي فاهمه.. انا ليه مش بيحصل معايا كده؟
بشوف الأمهات وهي بتبوس ولادهم وتحضنهم.. تسألهم كلتوا كويس؟؟ تفتح اللانش بوكس بتاعهم وتقولهم كده بقيتوا اكل!!!
طب انت تعرف اني كنت برجع بأكلي كل يوم !!! وبستناك تشوف الشنطه وتقولي مالك! مكلتيش ليه؟ طب حد مزعلك !! مين ضايقك؟
كان بيبقي نفسي اعيش اي مشاعر تحسسني اني طفله زي صحابي !!!
دموعها نزلت بقهر وبصتله: انا كبرت.. ومعرفش يعني ايه حب.. ولا عيله ولا دفا ولا بيت!!! معرفش يعني ايه احب!!! احب الى حواليا!! او احب الخير لغيري؟؟؟؟؟!!
انا حتي اتعلمت أكدب عشان حتي وانا بقول الحقيقة مش بتصدقني..!! ليه عملت كده؟؟ و ليه وانا صغيره.. وكنا فالنادي.. مكنتش بتبص عليا تشوفني وانا فيه بنت بتصْربني وانا قولت لها بابا هناك!! انا هقوله وهيجي يزعق معاكي.. وقتها هي جريت عليك!! قالتلك اني قولت لفظ وحش.. وقتها فضلت اعيط واقولك انها كدابة.. وانت صْربتني بالقلم قدامها...ا
انت شوهت طفولتي.. شوهت حياتي كلها انت.. انت!! ..... انت شوهتني انا !!!! خلتني علطول عايزه احس اني متشافه بالحاجات الوحشه الى بعملها !!! خلتني كل همي اخد فلوس واهرب كنت عايزه اعيش بعيد عنك !!! مكنتش قادره اكمل معاك !! وانت شايفني مجنونه ومحتاجه كل شوية دكاتره ومصحه !!!
" زعقت بقمه الحزن والغضب "
- انا مش مجنونه !!!!! سامع !!!!
انا مش مجنونه !!!!!
" وكانت اخر حاجه سلمي تقولها.."
" ومن بعدها وقعت.. "
" فضلت في غيبوبة.. تلت ايام كاملين... ولكنها بعد ما دخلت في غيبوبة بساعه.. عماد كان في العناية.. لأنه مستحملش الى حصل.."
" نهال ومروان كانوا علطول جمبها مستنين يطمنوا عليها.. واحمد كان مع عماد.. "
" وفي اخر يوم مروان قرر يعرف زينب لأنه كان مخبي عليها.. وخايف يقلقها.. و وقتها كانت فالمستشفي و حتي ياسمين كانت موجوده.. "
>>>>>>>>>>>>>>>>>>>>>>>>>>>>>>>>>>
« اللهم صلِ وسلم وبارك على سيدنا محمد »
|| في دور الإستراحه ||
- انا كنت عايز اتكلم معاكي
"ياسمين رفعت راسها وبصتله"
= أكيد..
" مروان قعد وبص قدامه "
- انتوا صحاب؟
ياسمين ردت بستغراب: ايوه.. من زمان اوي من قبل الشركه حتي
- ازاي كنتي بتوافقي على الى هي بتعمله اجبرتك؟
ابتسمت بحزن: لا.. بس انت عمرك ما هتفهم
- قولي..
اتنهدت: سلمي مش زي ما بتبين.. هي علطول راسمه وش.. بس هو مش حقيقي.. انا عارفه ده عشان.. عشان انا كنت زيها.. بابا وماما مطلقين.. اتعرصْت لحاجات وحشه
= بس انتي مآذتيش ناس
ابتسمت بسخريه: انا كنت بآذي نفسي
" مروان استغرب.. وقتها ياسمين شمرت ايدها و مروان بص بتعجب "
= ليه كده؟؟
- مكنتش واعيه.. كنت لوحدي.. كل حاجه كانت ضلمه.. لما صاحبت سلمي ساعدتني اخرج من كل الضلمه.. خلتني اشتغل معاها.. واغلب مشاكلي اتحلت انا وامي بسبب شغلي في الشركه بتاعت باباها.. كنت فاهمه هي بتمر بإيه وبحاول بكل جهدي ابقي جمبها.. بدل ما تكون لوحدها.. كنت بحاول انصحها اخليها تبطل تآذي الناس.. بس هي مكانتش شيفاه آذى. الصفحة بتاعتي على فيس بوك سلسبيل احمد هي مكانتش شيفاه آذى يعني مثلا امنيه اول حد آذته ورفدتها.. هي عملت كده وقصدت اغلب الموظفين يعرفوا عشان يخافو! لأن سلمي مكانتش عايزه حد يتكلم عنها مكانتش قادره تتقبل ده.. سلمي طول حياتها عارفه ومتأكده انها مش محبوبة عمرها ما صدقت حب حد.. حتي انت.. هي قالت قبل جوازكم انها عارفه انك مش بتحبها
مروان بصلها بصدمه: انتي ازاي تعرفي كل ده؟
- عشان هي ملهاش غيري.. واغلب الحاجات الى كانت بتحكيها كان بيبقي قصدها تخوفني منها.. بس انا مكنتش شيفاها كده هي فكراني عمري ما حبيتها بس ده مش حقيقي فكراني مستمره معاها فكل ده عشان خايفه.. زي خالد يعني.. لكن انا فضلت جمبها عشان احاول احميها.. فكرت اقول لباباها بس كانت هتكرهني لانها مش بتكره قده.. لحد ما انت بدأت تظهر.. مكنتش عارفه اقولك ازاي ولا اجبها منين
ولا انت هتصدقني ولا لاء! لحد ما لاقيتك بتسألني.. وقولت انك عرفت كل حاجه.. صدقني سلمي مش وحشه.. سلمي بس.. كانت محتاجه تتحب..
متسبهاش
مروان قام وبصلها: انا عمري ما هسيبها
" مشي و دخل اوضتها.. وكانت دي الليلة الى سلمي فاقت فيها على الفجر.. وشافته وهو نايم على الكرسي.. فضلت ثواني تستوعب الى بيحصل وتحاول تجمع وتفتكر.. لحد ما افتكرت بقلمي سلسبيل احمد"
" حاولت تتحرك من مكانها و مروان صحي اول لما سمع صوت "
" راح عليها علطول بلهفه "
- انتي كويسة؟؟
" ودت وشها الناحية التانيه وكأنها بتستخبي "
= ابعد
- طب اهدي اهدي خلاص انا بعيد انتي كويسه.. طمنيني عليكي
"سلمي كانت بتحاول تقوم ومروان مش عاوز يضغط عليها رفع ايده ولمس كتافها بهدوء"
- سلمي متتحركيش هتروحي فين دلوقتي
= امشي يا مروان سبني
"مروان مكنش فاهم حاجه"
- طيب انا هعملك الى انتي عاوزاه.. بس انا عايز اطمن انتي كويسه حاسه بإيه انادي الدكاترة؟
= انت خلاص عرفت كل حاجه.. خلاص كل حاجه
" فضلت تعيط والدكاترة حذروا من الضغط على اعصابها فا قرب بسرعه ناحيتها "
- طب اهدي بصيلي انا معاكي مش هسيبك مهما حصل تمام؟؟ كل حاجه هتبقي كويسة
عيطت بقهـ ـر: كل حاجه باظت يا مروان كل حاجه باظت
" حضنها وفضل يطبطب عليها وهو عيونه بتلمع بالدموع من الحالة الى هي فيها "
- والله لا صدقيني انا هحل كل حاجه
خرجها من حضنه: بصيلي سلمي انا.. انا بحبك.. مبطلتش احبك رغم كل حاجه فاهمه؟؟ انا عمري ما هبعد ولا هسيبك عمري ما هوجعك
" رجعت لحضنه وهي ماسكه فيه بتعب وهو حاضنها بأرتياح "
" بعد ما هديت خرج علطول ينادي الدكاترة واطمن عليها وكلم نهال وعرفهم كلهم انها بقت كويسة..! البيدج بتاعتي على فيس بوك سلسبيل احمد "
>>>>>>>>>>>>>>>>>>>>>>>>>>>>>>>>>
«لا إله إلا انت سبحانك اني كنت من الظالمين »
|| الساعه 8 الصبح ||
" كانوا كلهم في اوضتها.. مروان ونهال وزينب وياسمين.. و زينب قاعده جمبها وحضناها "
- الدكتور خلاص قال تخرجي.. تيجي بقا تقعدي عندي شوية
نهال: ومترجعش عندي ليه؟
ياسمين: عموما انا قاعده لوحدي ومن حقي اطلب تقعد معايا عادي جدا..
ضحكت: تيته قاعده لوحدها.. هقعد معاها هي الأول
نهال: اممم من لقا احبابه نسي اصحابة؟
مروان: لا هو انتوا ناسيين ان دي مراتي انا؟
" كنت ببص عليهم وكلهم حواليا.. كلنا بنتكلم كأن محصلش حاجه.. شعور الكسوف الى كنت حساه اختفي.. كنت حاسه اني اتكشفت.. بقيت مكشوفه و واضحه.. كنت حاسة اني مش هقدر اكمل حياتي.. ولكني لأول مره احس بحب ودفا واحس بالدعم من اهلي... ومن صحابي.. كنت بتنفس بأرتياح.. ولكن كل ده اختفي لما بدأت افتكر بابا.. وانا معرفش هو فين.. وليه سايبني تاني والرد.. وصلني في وقتها "
" احمد خبط ودخل عليهم واطمن على سلمي "
- ممكن تسبوني معاها بقا شوية؟
مروان بصله فا احمد رفع حاجبه: عايز ايه؟ وانت كمان بره
"ضحكت وبصيت لمروان الى اتنهد وخرج بقلبه وش"
- عامله ايه ياحببتي
= الحمدلله.. انا.. كويسه
- انا عارف ان محدش قالك أكيد.. بس عماد دخل العناية بعد لما وقعتي
" كنت عارفه انوه مستني اتخصْ لكني معرفتش.. ومعرفتش امثل! "
= وبعدين
- هو خرج.. ومازال تعبان يا سلمي.. مكسور.. انا صاحبه بقالي سنين.. صاحب عمره.. ولكني اول مره اشوفه فالحالة دي.. وصدقيني محدش بالحالة دي هيبقي قاصد يآذيكي حببتي اديله فرصه.. اسمعيه واتكلموا ده ابوكي مهما كان.. وانتي قسيتي عليه.. انا مش عايزك تبرري لأني عمري ما هشوف مشاعرك تافهه انا حاسس بيكي.. بس انتوا الأتنين محتاجين تتكلموا وبلاش تخدي قرار دلوقتي فكري.. ولو ناوية.. فا روحيله.. لأنه في وضع صعب.. وخايف حتي يقرب يشوفك.. هو كان هنا.. واطمن انك كويسة.. ومشي
" عيوني لمعت بالدموع وبعدين فضلت ساكته.. طبطب على ايدي و خرج.. "
" فات يومين على المقابلة دي.. ومن ساعتها وانا عند تيته انا و مروان.. "
- طب ايه.. تيته معندهاش حد يفضل قاعد في الأوضة..
"بصتله بهدوء وانا بحاول ابتسم "
- مالك؟
= مفيش.. انا تمام
- انتي ختي الحقـ.ـنه صح
" هزيت راسي "
"مد ايده عشان اقوم من على السرير"
- طب هاتي ايدك ويلا نخرج نشرب سحلب
- ممكن نقعد
" مروان قعد وبصلها "
- ليه بتعمل معايا كل ده
اتنهد: انا من رأيي نأجل اي كلام كل الي محتاجه تعرفيه اني جمبك
= ليه؟ وازاي.. هو انت فعلا بتحبني.. لسه بتحبني بعد كل ده.. بعد الى عملته فيك والى عرفته عني وبعد ما
" دمعه نزلت منها ومسحتها "
- بعد ما عرفت اني مريصْه ومفروض اروح مصـ ـحه
" مروان مسك ايدها بحنيه ومسح على خدودها "
= عشان انا محبتكيش من شهور ولا سنه.. انا بحبك من زمان اوي.. انتي بس مكنتش شايفه ده.. وانا كنت مستني.. وعندي امل مكنتش حابب ابوظ صداقتنا السطحيه حتي.. وكنت مستني فرصه.. لحد ما بدأنا نقرب من بعض.. وحبيتك اكتر واتجوزنا.. و فى الوقت الى قولتي كل حاجه.. انا..
انا اتصدمت وقتها.. قررت وقتها اكمل معاكي بمزاجي.. وكنت عايز اردلك الى عملتيه فيا.. لكني لقيتني مش قادر.. لقيتني مازالت بحبك يا سلمي.. ومتمسك بيكي.. ومع الوقت بقيت عايز افهم.. عشان نحل المشكلة سوا
دموعي نزلت وبصتله: هو ليه معملش عشاني اي حاجه.. هو انا .. انا وحشه؟ او مش كفاية او
مروان قاطعها: لا يا سلمي! انا مش هقدر اقولك فاهم شعورك.. لأني ممرتش بالي مريتي بيه.. بس انا عارف انك موجوعه.. عشان كده.. كلميه واسمعي منه هترتاحي!! واوعي تفتكري ان المشكلة فيكي..
انتي احلي حاجه حصلت لي في حياتي!!
بصتله وهي بتعيط: انا ؟؟
- اه ياستي انتي.. وبعدين ده زوزو خلاص ركنتني وكانت عماله تسأل عليكي وخلاص كده انا بح
"ضحكت وانا بمسح عيني على دخله تيته علينا"
- عملت السحلب يلا يا سوسو ياحببتي
مروان بصلها: شوفتي؟ طب وانا يا تيته
= عملت لك برضو وخلاص شفقه
" ضحكنا احنا الاتنين وقومنا.. "
>>>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم
|| بعد مرور يومين | امام فيلا عماد الدين ||
" وصلت ومروان في العربية.. لأني طلبت مني اني اتكلم مع بابا لوحدي.. بعد لما عرفت انوه في البيت من وقت الى حصل.. وكانت دي صدمه بالنسبالي.. لأنه عمره ما ساب شغله.. "
" دخلت وفضلت ادور عليه ملقتوش "
" لحد ما سمعت صوت في المكتب.. ولما دخلت لاقيته مقلوب! "
يتبع..
