رواية لعبة الحب عبر روايات الخلاصة بقلم سلسبيل أحمد
رواية لعبة الحب الفصل السادس 6
" عماد صْـ ـربها بالقـ ـلم على وشها والى شاف الموقف مروان الى كان لسه داخل البيت "
" جري ناحيتها بصدمه من تصرف عماد و كان واقف قصاده وهو بيمسك سلمي ويبعدها عنه "
- انتي خساره فيكي كل السنين الى ضيعتها عشانك
= عمي اهدي ايه الى حصل !!!
" عماد مشي وسابهم بدون حرف و مروان لف لـ سلمي وقربها ناحيته "
- اهدي.. اهدي انا آسف اهدي
" كانت ضربات قلبها سريعة ومش قادره تستوعب اي حاجه من الى بتحصل و مروان لاحظ الحاجات الى متكسره في كل حتة "
- اهدي تعالي براحة
" شالها بين ايده واتحرك بيها حطها على الرُكنه بسرعه وراح يجيب كوباية مياه بسكر "
- خدي اشربي دي واهدي انا معاكي متخافيش..!
" سلمي كان نفسها بيضيق وحاسه انها مش قادره.. ولكن مروان فضل يشربها براحه ويطبطب عليها ويمسح على شعرها لمده خمس دقايق لحد ما هديت وهو ماسك ايدها ومش سايبها "
- حاسه انك بقيتي كويسه ؟؟ عاوزة اي حاجه؟؟
" لما هديت كانت بتستوعب الى حصل وانفـ ـجرت فى العياط "
- سلمي سلمي!! اهدي عشان خاطري!!
اهدي عشان اعصابك
" قربها ناحيته و هي دخلت في حضنه وفضلت تعيط بأنهيار وكان اول مره في حياتة يشوفها بالشكل ده.. "
- اهدي كده غلط عليكي..
" خرجها من حضنه و فضل يمسح دموعها "
- بصيلي ركزي معايا .. انا معاكي متخافيش
" سلمي دخلت في حضنه مرة تانيه وهو طبطب عليها لحد ما بدأت تهدي "
>>>>>>>>>>>>>>>>>>>>>>>>>>>>>>>>>>>
« سبحان الله وبحمده سبحان الله العظيم »
|| بعد مرور يومين ||
" فات يومين على حصل.. و مروان فضل جمبي فيهم مسابنيش وكان بيتابع معايا الأدوية وبيتابع كل حاجه.. لحد ما اطمن اني كويسة و نزل الشركة..
و لكن وقتها انا مكنتش بفكر في اي حاجه غير اني حاسه بتهـ ـديد طول الوقت..! "
" فضلت قاعده افكر في الى عملته بعد لما نزل... واكتشفت اني هبقي بغلط لو آذيت شغل مروان "
" رنيت على خالد كتير ولكني لاقيته مش بيرد فا كلمت ياسمين "
- الو.. خالد عندك ؟؟؟
= خالد؟ لا مجاش النهارده.. ومكنش مقدم على إجازه معرفش هو فين
- يعني ايه؟؟ مش بيرد على موبايله كمان
= هحاول اوصله ولو رد هكلمك
" فضلت اللف في الشقه كلها بتوتر.. وبعدين طلعت لبست وقررت اروح لمروان بقلمي سلسبيل احمد"
>>>>>>>>>>>>>>>>>>>>>>>>>>>>>>>>>>
|| داخل شركة عماد الدين | مكتب مروان ||
- ما تتكلمي !!! اغيب شوية ارجع الاقي المهزله دي
= والله العظيم يا مستر مروان ده مش شغلي الملفات دي كلها غلط
- يعني ايه مش شغلك !!! ده مش انتي باعته !!
= انا.. بس والله معرفش حصل ازاي
- تمام.. تمام يا شهد.. كل حاجتك و كل حاجه تخص الشغل تسلميها حالا وتصفي حسابك
بصتله و دموعها نازله بصدمه من تعامله معاها: مروان انا..
مروان بصلها بأستنكار و رفعه حاجب: مروان ؟؟
= انا معملتش كده صدقني انا شغاله معاك بقالي كتير ليه هلغبط الشغل كده
- السؤال ده تسأليه لنفسك! الشغل الى بوظتيه ده هيدمر الدنيا الملفات دي كان اخر معاد ليها انهارده بليل..
" فضلت ساكته وهو اتنهد ومسح على وشه "
- انا مش هسمح ده يتكرر تاني ومش عايز اعرف السبب ولا اي حاجه.. صفي حسابك وامشي !!
" سلمي فتحت المكتب و دخلت على جملتة.. وشافت شهد وهي منهاره و بتبصله "
- صدقني معملتش كده
= اتفضلي بره
" مروان راح ناحية سلمي "
- انتي كويسة؟
" جملتها فضلت ترن في وداني.. وهي بتقوله صدقني معملتش كده.. الجملة الى قولتها وانا بترجي بابا يصدقني زمان.. "
- سلمي انتي معايا؟
" فوقت وبصتله وانا تايهه "
= أ.. انا..
- مالك حصل حاجه؟ عمي كلمك؟
= انا عايزه.. عايزه.
مروان بصلها بعدم فهم: اتكلمي قولي فيه
- مفيش.... هو.. ايه الى حصل بتزعق ليه
= متشغليش بالك دي مشكلة وهحاول احلها
- لا معلش عرفني
= كان فيه حاجات لازم تتسلم انهارده بليل..
- ومش هينفع تسلمها
= لاء..
- عليها شرط جزائي؟
اتنهد: ايوه.. اكيد
" بلعت ريقي وانا ببصلة "
- انا آسفة يا مروان!!
مروان مسك ايدها وهو بيحاول يهدي: متتآسفيش يا سلمي ده مش ذنبك.. خليكي مرتاحه وانا هتصرف
- هتعمل ايه مع بابا؟
= على الشغل.. ولا على موضوعك
- الشغل.. موضوعي انا هعرف اخلصه
= لا.. انا مش عاوزك تتجادلي معاه انا برضو هتصرف في الموضوع ده ماشي
- هو قالك حاجه عني.. قال اي حاجه
" مروان شاف الأحسن انها متعرفش حاجه "
- لا حاجه زي ايه..
= مش عارفه
- بلاش تفكري في حاجه دلوقتي.. الأحسن تهدي
اجي اوصلك
= لا.. انا تمام
>>>>>>>>>>>>>>>>>>>>>>>>>>>>>>>>>>
« اللهم صلِ وسلم وبارك على سيدنا محمد »
|| في كافية في مكان بعيد ||
- فيه ايه يا خالد.. مش بترد على سلمي ليه وطلبت اقابلك من غير ما اقولها
= عشان كفاية لحد كده! انا مش عايز آذي حد تاني.. انا آذيت ناس ملهاش ذنب في حاجه.. واخر موقف آذيت مكان شغلي !! الى فاتح بيتي منه.!! آذيت مروان في شغله وهو لسه ماسك الشركة من فترة !! لحد امتي هنفضل كده؟
ياسمين بتوتر: انت عارف كويس سلمي هتعمل فينا ايه لو وقفنا قصادها
- هتعمل فينا ايه اكتر من الى بتعمله ده !
= هتعمل يا خالد.. هي ماسكه علينا كل حاجه!!
- انتي تعرفي معاها حد تاني ولا لاء؟؟؟
= لا.. محدش يعرف الى بيحصل والى بتعمله غيرنا احنا التلاتة
- تمام.. انا بره اللعبه دي من النهارده
= يعني ايه! هتعمل ايه!!
- كله في اوانه..
>>>>>>>>>>>>>>>>>>>>>>>>>>>>>>>>>>>
اللهم إني أعوذ بك من زوال نعمتك، وتحول عافيتك، وفجاءة نقمتك، وجميع سخطك".
|| في المعادي | بيت زينب ||
" الساعه كانت 2 الضهر و زينب سمعت الباب بيخبط فتحت و اتفاجئت بـ سلمي و وشها الى ملامحه معيطه "
- فيه ايه يا حببتي ؟؟ تعالي ادخلي
" دخلتها تقعد وجابت لها مياه "
- مالك يا سلمي خدي اشربي
= انا معنديش حد اقدر اتكلم معاه غيرك دلوقتي
- ياحببتي قولي انتي كويسه؟ مروان كويس!
= احنا كويسين.. انا مش عاوزاكي تقلقي..
" قربت ناحيتها ومسحت على شعرها "
- طيب اهدي قوليلي فيه ايه الى جرا
= فيه اني خايفه.. ومش عارفه اعمل ايه انتي قولتي الحب عمره ما يآذي تيته.. انا فيه حاجات كتير حصلت حاجات غصب عني وحاجات معرفش سببها معرفش ليه وازاي..
- اهدي يا سلمي.. اهدي وفهميني ياحببتي حاجات ايه دي
= حاجات خايفه اقولها او حاسه انوه مينفعش!! هخسر لو قولتها!! وفي نفس الوقت مش هينفع مش قادره اشيلها جوايا!!
- الحاجات دي.. ليها علاقة بيكي انتي و مروان!
"هزيت راسي وانا دموعي عماله بتنزل"
= قوليله يا سلمي.. فهميه.. مروان بيحبك ومش هيبقي صْدك
- انا خايفه مش هقدر.. انا جيالك عشان... عشان انا مش هينفع اكمل معاه
زينب بملامح تعجب: لا حول ولا قوة الا بالله اهدي بس كل حاجه وليها حل
= انا مش عاوزة اخذله فيا مره تانيه
" زينب حضنتها وهي فضلت تعيط بندم.. مكانتش فاهمه حاجه.. و سلمي مش عارفه تشرح! طلبت انها تفضل عندها.. وانها مش قادره تشوف حد ولا ترجع البيت.. وبالفعل فضلت باقي اليوم معاها.. وزينب مكانتش عارفه تساعدها ازاي.. فا سابتها لحد ما تهدي ، بيدج الفيس بوك بتاعتي سلسبيل "
>>>>>>>>>>>>>>>>>>>>>>>>>>>>>>>>>>>
|| في شركه احمد السيوفي ||
" مروان وصل الشركه و دخل مكتب احمد واتفاجئ ان عماد موجود.. "
- كويس ان حضرتك هنا..
عماد بصله: فيه ايه؟
احمد: ايه ياحبيبي حصل حاجه؟
مروان اتكلم بصعوبة: فيه غلطة حصلت في الشغل شحنة اتأخرت عن معادها.. و ملفات فيه غلطات الملخص يعني ان كل ده خسارة هتكلف الشركه 430 الف جنية...
" احمد سكت و عماد بصله وهو بيتنفس بهدوء "
- ايه الى حصل ؟؟
مروان: مش هتفرق.. انا كنت عايز اعرف حضرتك انهم مسؤوليتي كدا كدا .. وهو مش ده بس الى انا جاي عشانه
أحمد: امال حصل ايه تاني ؟
عماد: مفيش اي حاجه مهمه دلوقتي غير الشغل
مروان بعناد: لا فيه
"احمد لاحظ التنشنه الى بينهم.."
عماد: انا معنديش حاجه اقولها يا مروان
احمد: ما تفهموني بدل ما انا زي الأطرش كده
مروان: اونكل.. رجعت البيت من يومين لاقيته بيتخانق مع سلمي ... وصْربها
"أحمد اندهش جدا من جمله مروان ويكاد يكون مش مصدق "
- ايه!!
بص لعماد بأستفهام: ايه الى حصل يا عماد؟؟
عماد: الى حصل ان دي بنتي.. مش بس مراته ياريت يبقي فاكر ده
أحمد: ومن امتي وفيه الكلام ده بينا! احنا كلنا عيلة واحده..
عماد: انا ادري بمصلحة بنتي يا أحمد.. وفهمت ابنك كل حاجه لكن هو واخد صفها
مروان: دي مراتي!!
عماد: لو خايف عليها تسمع كلامي! وتتصرف صح بالعقل انت متعرفهاش قدي..!! وبعدين اوعي تكون فاكر انك هتخاف عليها اكتر مني ؟؟؟
مروان بنرفزه: و انا مش هسيبهالك!! قبل ما اسيبها حتي حضرتك عملت الى حصل !! لو سبتها هيحصل ايه !! عاوزني ارميها في مصـ .ـحه عشان اعصابها تعبانه شوية؟! ازاي بتفكر كده دي لو بنتك فعلا مش هتـ
أحمد قاطعه بزعيق: مروان !!! امشي برا دلوقتي و سبنا لوحدنا
" مروان فضل واقف مثبت نظراته ناحيه عماد "
احمد بحده: مروان !!!
- ماشي.. بس محدش هياخدها مني
" مروان خرج وسابهم.. وكان في طريقه للبيت بقلمي سلسبيل احمد"
>>>>>>>>>>>>>>>>>>>>>>>>>>>>>>>>>>>
« لا إله إلا انت سبحانك اني كنت من الظالمين »
|| تحت البيت ||
" مروان نزل ركب عربيته بقلق لما ملقاش سلمي وفضل يرن عليها.. لحد ما ردت "
- ايوه.. انتي فين؟؟
= انا عند تيته..
اتنهد بأرتياح: معرفتنيش ليه طيب انتي قلقتيني.... طب انا جايلك عموما خليكي..
" قفل معاها.. وقبل ما يتحرك بالعربية سمع صوت مسدجات كتير اوي "
" فتح موبايله ولقاها مسدجات على الواتس عباره عن رسايل و صور و تسجيلات.. واتفاجئ وهو بيقرا اسم سلمي وسط كل ده.. "
" فتح التسجيلات..
واتصدم من كم الحاجات الى سمعها كان صوت سلمي مع خالد و ياسمين.. فضل يسمع كلامها وازاي بتآمرهم ينفذوا كل حاجه عملتها.. واخرهم موضوع شهد والملفات! "
" مكنش مصدق الى سمعه.. فضل مصدوم ومش عارف يتصرف ازاي..!! "
>>>>>>>>>>>>>>>>>>>>>>>>>>>>>>>>>>>
استغفروا
|| المعادي | بيت زينب ||
- هو قالي جاي علطول.. معرفش اتأخر ليه
= اهدي شوية الغايب حجتة معاه
" فضلت مستنياه وانا متوتره.. كنت قاعده في الأوضة وبفتكر اول مره جينا هنا.. وازاي كنا عمالين نتخانق دخلت البلاكونه وافتكرت لما خت الجاكيت بتاعه و كمان الشراب.. فا ابتسمت "
- ايه الى جابك هنا؟
لفيت لما سمعت صوته: مكنتش عايزه اقعد لوحدي..
" مروان بصلها وكأنه بيتعرف عليها من جديد "
- بتبصلي كده ليه
مسح على وشه ومكنش عارف يتكلم
- مروان فيه ايه قول
" فتح موبايله و ناوله ليها وسلمي اول ما بصت فهمت.. رفعت عيونها وهي بتبصله بدموع "
- انا كنت هفهمك
= يعني ده انتي فعلا.. يعني كل ده صح؟
بعياط: والله العظيم انا فاهمه انت بتفكر في ايه بس انا كنت هقولك وانا عارفه انـ..
قاطعها وهو بيمسك ايدها: عارفه ايه؟؟؟ ليه عملتي كده انا عملت حاجه عشان نكمل انا حاربت عشانك مظلمتكيش ولا جيت عليكي!! وطلعت فالأخر مغفل!! بعد لما وثقت فيكي لتاني مره.. برضو بتلعبي بيا
" سابها وهي مسكت فيه بلهفه "
- لا لا متسبنيش متعملش كده مينفعش
= انا فعلا مش عارفك.. مبقتش عارفك ولا عايز اعرفك
" مروان شال ايدها ومشي من البيت و زينب كانت بتكلمه مردش عليها و نزل متعصب دخلت لـ سلمي لقتها بتعيط "
- انزلي وراه متسبيهوش يا سلمي
" فضلت ثواني واقفة.. مش عارفه اتصرف مش عارفه اعمل حاجه.. و لكني جريت عشان اللحقه "
" نزلت تحت وشوفت عربيته وهي ماشية في اخر الشارع فا ركبت عربيتي انا كمان وقبل ما اتحرك لقيت ياسمين بترن.. وكنت عماله اكنسل.. لكنها مش مبطلة رن لحد ما رديت "
- انتي فين يا سلمي.. فيه مصيبه !!
= فيه ايه!!
- أمنية..! امنية عملت حدثة ومـ ـاتت
" سلمي الموبايل وقع من ايدها.. وقلبها دق بعنـ.ـف"
يتبع..
>>>>>>>>>>>>>>>>>>>>>>>>>>>>>>>>>>>>>
" اظن حدْرت البارت الى فات اننا دخلنا في أعماق الأحداث.. والجي كله دمار👀!!! هستني توقعاتكم و
اراءكم ولو البارت وصل 1000 كومنت ولقيت تفاعل حلو هنزل بكره بدري 💗💗👀"
#لعبة_الحب 6🌃✨️
#slsbell_ahmed_سلسبيل_أحمد
#Salspil_A_Mahmoud
#سلسبيل_أحمد #بيلا
