رواية لعبة الحب عبر روايات الخلاصة بقلم سلسبيل أحمد
رواية لعبة الحب الفصل الثاني 2
- هو انتي معاكي مفتاح اوضتي !!؟؟؟
- ما دي شقتنا يعني طبيعي معايا مفتاح الأوض
= لا مش طبيعيي هي نسخه واحده الى موجوده
- ماشي.. وانا طلعت عليها نسخه تانيه
= بتكملي سلسلة التلزيق بتاعتك؟؟ كل ما اروح مكان لازم تبقي حواليا صح؟
ابتسمت: انت متقدرش تبعد عني..اعترف
مروان ضحك بسخرية: انا كلمت مأذون وهنطلق بكره..
"سلمي بصتلة بصدمه"
- اظن كفاية اوي الاسبوعين الى استحملتك فيهم
= احنا بينا اتفاق !!!
- اتفاق اه.. انا طول الأسبوعين الى فاتو بحاول اعصر على نفسي لمونه واستحملك وانتي لزقه فيا بطريقة مستفزه وبارده!! اقولها بأني لغه اني مش طايقك بعد الى عملتيه ومش عايز اتعامل معاكي!!
سلمي بزعيق: انت وافقت نكمل قولتلك عاوزين نخلي الموضوع لذيذ.. مش نكد وخناق انت بجد اوڤر اوي وانت الى قارف نفسك !! دي مشكلتك انت مش انا
= انتي بتتكلمي على مزاجك؟؟؟ انا متفقتش معاكي على حاجه !!! ولا عايز اكمل اصلا
- امال كملت ليه من الأول وصلنا لحد هنا ازاي؟
بصلها بنفاذ صبر: ملكيش فيه ومتفكريش ولا حتي يجي على بالك إنك ماسكه عليا حاجه ولا إني ماشي وراكي.. انا مرضتش اصدمهم بالخبر واحنا لسه متجوزين واقوم مطلقك تاني يوم انا اهلي مش لعبة في ايدي وبهتم بشعورهم مش زيك !! واياكِ تفكري يا سلمي تقربي منهم او تعملي اي حاجه خليها تخلص بهدوء فاهمه؟؟؟
" سلمي في لحظة وشها اتقلب.. ومش من السهل ابدا حد يضايقها بالشكل ده "
- هو انت بتعاملني على اني مؤدْيه ومجنـ ـونه؟؟ وخايف على اهلك مني!!
بصلها باستنكار وضحك: على انك مؤدْيه ؟؟؟؟ لا هو انتي كده فعلا !! انتي مؤدْية و مريصْه !
" حاولت تتحكم في عْضبها وبصت ناحية الكومود الى كان عليه اباجورة مسكتها بدون اي تفكير و رزعتها في الأرض اتكـ ـسرت مـ ـيت حتة.. وبعدها خرجت من الأوضة تحت دهشة مروان. البيدج بتاعتي على فيس بوك سلسبيل احمد "
>>>>>>>>>>>>>>>>>>>>>>>>>>>>>>>>>>>
« لا إله إلا انت سبحانك اني كنت من الظالمين »
|| بعد مرور يومين | في حفلة لشركة عماد الدين||
" معنديش ادني فكرة المأذون مجاش ليه من يومين زي ما قال.. بس من وقت كلامه الى زي السـ ـم واحنا مقولناش حرف زيادة لبعض وكل واحد واخد جمب."
" كنا واقفين في الحفلة بنسلم على الناس وده اول ظهرو لينا سوا بعد الفرح علطول وطبعا الصحافة شغالين تصوير ومتخيلة الأخبار الى هتنزل ومكتوب تحتها سلمي عماد و مروان احمد السيوفي قطعوا شهر العسل وبلبلة كتير.. الى بالمناسبة مش هتعجب عماد بيه طبعا.."
- مبروك يا سلمي ياحبيبتي
ابتسمت: الله يبارك فيك يا اونكل
- اوعي يكون مروان مزعلك فى حاجه!!
" بصيت عليه وهو واقف بعيد عني مع ناس بيباركوا له عشان منصب الشركة الى بابا مسكهوله وابتسمت"
= لا خالص.. مروان طيب جدا وحنين طالع لحضرتك طبعا ولطنط نهال.
نهال بأبتسامه: ربنا يخليكم لبعض ياروحي
" جه بابا علينا و رتب على كتفي فا انا بعدت بهدوء "
- هتتكاتروا على بنتي ولا ايه
احمد: هاهاها دي بنتي انا يحبيبي ولا ايه يا سلمي؟
ابتسمت: اكيد طبعا يا اونكل..انا هاروح لمروان بعد اذنكم
" مشيت من قدامهم و روحت عنده و لكن مبصتلوش ولا اديته اهتمام انا بس مكنتش طايقه اقف هناك"
- و ده اسمه ايه إن شاء الله تلزيق بشياكة؟؟
" مردتش عليه لأني مازالت مش طيقاه هو كمان "
" مروان كان بيحاول يداري المشكلة الى بينهم ومش عارف يقولها ازاي انهم عاملين ليهم عزومه بعد الحفلة "
- عموما ماما و بابا عاملين عزومة في الفيلا بمناسبة الإحتفال بتاع الشركة وكمان عاوزين يرحبوا بينا بعد لما رجعنا وكده
بصتله ببرود: وانا مالي؟ مش دول اهلك؟ روحلهم انا مستنيا نطلق حاول تبقي تقولهم الخبر وانتوا بتاكلوا.. ولا تخاف نفسهم تتسد؟ تحب اقولهم انا دلوقتي
" مروان كان باصص قدامه وبيبتسم للناس "
- انتي فعلا مجنـ ـونة ومش فاهم انتي عايزة ايه
سلمي لفت وبصتله بأندفاع واضح: انا عايزة اطلق.. لأني مش هعيش مع بني آدم قليل الذوق زيك !! ومخلي حياتي كلها خناق !! انا واحده مش بحب النكد و
" مروان قاطعها بسرعه وهو بيقرب وبيحط ايده على وسطها وبيقربها ناحيته وهي اتفاجئت بـ كاميرات بتصورهم سوا فا ابتسمت بسرعه ومبانش عليها اي توتر.. بقلمي سلسبيل احمد "
" بعدت بهدوء بعد لما مشيوا وهو بصلها "
- انا طلبت من المأذون ميجيش لأن فيه كلام كتير لازم نتكلم فيه عشان الموضوع يمشي طبيعي لازم نتفق
" قربت ناحيته وانا ببتسم "
- خلي بالك لحسن تقع في حبي مرة تانيه.. عشان المرة التانيه هتبقي غلطتك انت.. مش انا
"ضحك بثقة وقرب ناحيتها اكتر بصورة ملفتة"
= ولو انتي الى وقعتي؟
" سلمي فضلت بصاله لثواني وهي ساكته وبعدين اتكملت بسخريه "
- عبيـ ـط
" مشيت وسابته و راحت عند ترابيزة زمايلها في الشركة "
- البيج ستار وصلت! سلمي هانم عماد الدين
- العروسة الى قطعت شهر العسل عشان الشركة..
بصتلهم وضحكت: هو انا هلاقيها منكم انتي وهي ولا من الصحافه بكره
اتكلم واحد تاني: لا بكره ايه.. افتحي موبايلك الأخبار بتتوالي من دلوقتي يابنتي
- عادي عادي يا كيمو.. انا متعوده على ده من قبل حتي ما اشتغل في الشركة مع بابا و هما كانوا ما بيصدقوا ينزلوا اي خبر عني.. بنت المستثمر الكبير عماد الدين معرفش عملت ايه .. سلمي عماد الدين تسبب في مشكلة في الجامعة التي تلتحق بها والخ.. الخ.. انا حرفيا حفظاهم.. والأخبار الى هتنزل دلوقتي سلمي عماد الدين زوجة مروان احمد السيوفي في احدث ظهور بعد الفرح وقطعت شهر العسل وبلا بلا بلا
نادين بخبث: بس متنكريش ان لو مش عاجبك خبر كده ولا كده هيتشال فورا
بصتلها بغرور: حببتي السوشيال ميديا دلوقتي صعب السيطرة عليها.. غير اني عمري ما بهتم لـ كلام حد الى يتكلم يتكلم.. محدش له عندي حاجه
كريم بصلها بأعجاب وغمز: شاطرة.
- طول عمري.. وياسمين تشهد فاكره يوم خناقة المدرسة لما خدنا رفد
ياسمين ضحكت: تاني يوم راحت المدرسة تتخانق معاهم يدخلوها الكلام ده في تالتة ثانوي تقريبا
- لا كانت سنة تانيه.. لما اتخانقت مع شلة عصام
كريم بذهول: كنتي بتدخلي خناقات مع ولاد كمان
ضحكت: و بصْربهم..
" قاطعهم دخول مروان وهو بيقرب جمب سلمي "
- بعد اذنكم يجماعه هنستأذن
" ابتسم لهم ابتسامه صفرا
وخدها وخرجوا لحد العربية بتاعته "
" سلمي بصتله برفعه حاجب "
- جرب تعملها مره تانيه وتخدني زي العبيـ ـطة في ايدك و شوف ردي هيبقي عامل ازاي
بصلها بتعجب: اصبري يحببتي نروح البيت وهنتخانق براحتنا خلينا دلوقتي نحصلهم على الفيلا عشان منتأخرش على العزومة
" سلمي تجاهلته ببرود و ركبت العربية وهو ركب واتحركوا..، البيدج بتاعتي على فيسبوك سلسبيل احمد"
>>>>>>>>>>>>>>>>>>>>>>>>>>>>>>>>>>
« اللهم صلِ وسلم وبارك على سيدنا محمد »
|| داخل فيلا احمد السيوفي | على السفرة ||
احمد: ياسيدي على الدلع يا مروان بيه..
" سلمي ابتسمت وهي بتحط قدامه الأكل "
- اصله محتاج يتغذي ياعمو.. مهمل خالص في اكله
نهال: جدعة ياحببتي ده بينزل شغله علطول من غير فطار.. يقولي اصلي شربت قهوه يا ماما
مروان بصلها: خير يا ماما عاوزة حد يستلم مكانك في الزن على الفطار ومنع القهوه؟
سلمي ابتسمت له ابتسامه مستفزة: متقلقيش سبيهولي
هنفطر انا وهو سوا كل يوم ولا ايه يا مارو
" مروان سرح في طريقتها المصطنعه ومش مصدق هي بتعمل كده ازاي "
" سلمي خبطت رجله "
- ولا ايه يا مارو؟
= احمم اه طبعا اكيد
نهال ضحكت: انا فرحانه فيك اوي يا حبيب ماما
" حاولت اسيطر على اعصاب ايدي لما لقيتها بتتحرك بسرعه بعد جملتها لمروان.. نزلت ايدي بهدوء تحت الترابيزة "
عماد: سلمي حببتي انا بقول تريحوا شوية ومش لازم تنزلوا الشغل علطول
" اكتفت بالصمت.. "
مروان: احم.. انا بالنسبالي مش هينفع حضرتك كلفتني بمهمه صعبة بعد التعيين في الشركة وحابب انزل بدري عشان اتابع الشغل
احمد بصلة: شوف الولد.. كنت بتحايل عليه ينزل الشغل معايا
عماد: انت هتحْطفه مني ولا ايه لا يحبيبي انت مخيره وهو اختار يشتغل معايا انا
أحمد: ياسيدي ماشي انا وانت واحد.
نهال بصت لمروان: صح يا يحبيبي متنساش تزور جدتك عشان سألت عليك
مروان: فيه حاجه ولا ايه كنا لسه عندها..
نهال: مش عارفه قالتلي ابقي اقولك تروحلها انت وسولي.
سلمي ابتسمت: اه أكيد.
>>>>>>>>>>>>>>>>>>>>>>>>>>>>>>>>>>>
« لا إله إلا انت سبحانك اني كنت من الظالمين »
" وصلنا البيت.. وانا حاسه بشعور وحش.. الشعور الى كنت بحسه زمان رجع بسبب جملة.. حاولت اهدي انفاسي بعد لما دخلت الأوضة لكن لاقيته داخل ورايا "
- دمه خفيف بقا كريم صح؟
" رفعت راسي وبصتله "
= اممم لا انت شكلك متلخبط يا مروان يا حبيبي الغيرة دي من ايام الخطوبة ده وقت لما كنا مفروض بنحب بعض.. دلوقتي ملهاش لازمه
رفع حاجبه بأعتراض: غيره..؟؟ لا انتي الى متلخبطه احنا متجوزين وانا التصرفات دي مش بحبها ومقبلهاش على الى يخصني
- تصرفات؟؟ ده جواز وهمي انا مخصش حد
= مليش دعوة انا مش همشي اقول للناس مراتي بتلعب وجوزانا مُـ ـرْيف
- وانا كمان مليش دعوة بكلام حد
= تمام اوي واضح ان احنا فعلا مش هينفع نكمل اكتر من كده و انا فكرت في الموضوع لقيت انها مينفعش تحصل مره واحده.. لازم نبين ان فيه مشاكل واننا طلعنا مش قادرين نكمل سوا لازم كل حاجه تمشي طبيعيه عشان محدش يتكلم وعشان الطلاق ميأثرش على علاقة اهلنا ببعض اظن فاهمه
بصتله بعدم اهتمام: انا مش فارق معايا كل ده..! عايز نطلق يلا نروح دلوقتي عادي
" مروان كان مستغرب تحولها المفاجئ !! بعد لما كانت مصره على عدم الطلاق "
بصلها بتساؤل: هو مش انتي كنتي عاوزانا منطلقش ونكمل جواز برضو؟
- مش فارقة معايا قولتلك
" حاولت تقوم عشان تغير هدومها لكن وقعت عليه وهي بتفقد الإتزان "
مروان لحقها بعدم فهم: فيه ايه ؟
" سلمي بدأت تتقل وتغيب عن الوعي "
" بصلها بأدراك وهو محْصْوصْ "
- هو انتي مختيش حقـ ـنة الانسـ ـولين انهارده ؟؟؟؟
- سلمي .. ردي عليا سلمي ؟؟؟
" مردتش عليه وهو اتخصْ
حطها على السرير بسرعة و راح
جري يدور على اي حاجه
فيها سكر او الحقـ ـنة "
" و اول لما خرج من الأوضة..
فتحت عينيها وضحكت بخبث...!!!"
يتبع..
>>>>>>>>>>>>>>>>>>>>>>>>>>>>>>>>>>>>>
" الناس بتقولي البطلة مالها من اول البارت وهي كده انتوا صعبانين عليا متعرفوش الجي ايه🤡🤡😂
