رواية لعبة الحب عبر روايات الخلاصة بقلم سلسبيل أحمد
رواية لعبة الحب الفصل الثالث 3
- هو مش انتي الى كنتي عاوزانا منطلقش
ونكمل جواز برضو؟
= مش فارقة معايا قولتلك
" حاولت تقوم عشان تغير هدومها لكن وقعت عليه وهي بتفقد الإتزان "
مروان لحقها بعدم فهم: فيه ايه ؟
" سلمي بدأت تتقل وتغيب عن الوعي "
" بصلها بأدراك وهو محْصْوصْ "
- هو انتي مختيش حقـ ـنة الانسـ ـولين انهارده ؟؟؟؟
- سلمي .. ردي عليا سلمي ؟؟؟
" مردتش عليه وهو اتخصْ
حطها على السرير بسرعة و راح
جري يدور على اي حاجه
فيها سكر او الحقـ ـنة "
" و اول لما خرج من الأوضة..
فتحت عينيها وضحكت بخبث...!!! "
- معْفل..
" اول لما حسيت بيه راجع رجعت امثل
اني دايحْه وفاقـ ـده الوعي "
" مروان دخل بسرعه وقرب منها سندها عليه
وبدء يتكلم بسرعه "
- سلمي .. سلمي ركزي معايا افتحي بوقك خليكي صاحيه سلمي افتحي بوقك
" فتحت بوقي براحه وحطلي جلوكوز.. هو عارف من ايام الخطوية ان السكر بتاعي بيوطي و عارف اني اغلب الوقت بنسي اخد الحـ ـقن.. او ده الى كنت بمثله قدامه"
- خليكي معايا ماشي؟ انتي كويسه؟ سمعاني
" فضلت سانده عليه وكنت سامعه دقات قلبة ابتسمت بسخرية و في اللحظه دي اتأكدت انه لسه بيحبني..! مش حب عادي.. ده واقع في حبي كمان..! و عرفت وقتها اللعبه الى هلعبها عليه عشان منطلقش.. "
" مروان لقاها نامت على دراعه فا حط راسها بهدوء على السرير وغطاها كويس وكان هيطلع ينام بره زي كل يوم.. ولكن كان قلقان عليها فا قرر يبات جمبها.. بقلمي سلسبيل احمد"
>>>>>>>>>>>>>>>>>>>>>>>>>>>>>>>>>>>
« اللهم صلِ وسلم وبارك على سيدنا محمد »
|| تاني يوم | في فيلا احمد السيوفي ||
- احمد.. استني قبل ما تنزل
عملت ايه في الموضوع الى قولتلك عليه
= حببتي متقلقيش حجزت المكان وكل حاجه مظبوطه
- بليز انا مش عايزة اي حاجه تبقي ناقصه انت عارف اني بحب سولي.. ومش عاوزاها تحس انها وحيده
= ايه مخليكي تفكري كده ما كلنا حواليها و مروان و عماد علطول جمبها
- عشان هي طول عمرها طفلة وحيدة يا احمد.. وفقدان الأم من الطفولة ده صعب..
ابتسم بحنان: يابختها بيكي يا نهال هانم..
= يا بختنا احنا بيها..
>>>>>>>>>>>>>>>>>>>>>>>>>>>>>>>>>>
|| الساعه 8 الصبح | في فيلا مروان السيوفي ||
" مروان صحي من نومه بص في الساعه وبعدين قام يشوف سلمي لما ملقهاش جمبه.. "
" اتفاجئ بيها في الصالة قاعده بتفطر ولابسة "
- انتي كويسة؟
= آه و رايحه الشركة.. قولت ابدء شغل انا كمان لأني زهقانه اوي..
- طب و ...
" كان عايز يطمن عليها..ولكنه مش عارف يسأل ازاي وهي بتتعامل ببرود.. وهو مش حابب يبين اهتمام تاني"
سلمي بصتله: ايه؟
= الى حصل امبارح؟
بخبث: امبارح؟ مش فاكره بظبط تقصد ايه؟
مروان رد بتغيير للموضوع: طيب عامًة..
انا هدخل البس و نروح مع بعض عشان بعد لما نخلص هنتحرك على تيتة
- نتحرك انا وانت ؟ اممم مش قولتلي ابعد عن أهلك؟
= بصي بقا انا مش فايق لمخك ومش عارف ارتب اي حاجه وكل تفكيري حاليًا في الشغل
اتكلمت وهي بتبلع: أوكيه انجز بقا
" مروان دخل يغير وبعدين نزلوا هما الإتنين "
- انا عايزة نروح بعربيتي
= اشمعنا يعني
- وحشتني
= طب هاتي المفاتيح انا الى هسوق
" حطيت المفاتيح في ايده و اتحركنا على الشركة
البيدج بتاعتي على الفيسبوك سلسبيل احمد.. "
>>>>>>>>>>>>>>>>>>>>>>>>>>>>>>>>>>
« لا إله إلا انت سبحانك اني كنت من الظالمين »
" مجرد ما وصلنا كانت العيون كلها علينا.. والناس اغلبها بتبارك لنا.. بعدها كل واحد راح مكانه وبدأنا شغل.. "
- منورة يا سلومة..
= خير يا نادين؟
- مفيش.. برحب بيكي وحشتينا
= اه مانا عارفه..
- طب ايه؟ مش عاوزاني اجبلك اخبار كدا ولا كدا
يعني بقالك كتير غايبة وانا عارفه انك بتحبي تعرفي كل صغيرة وكبيرة بتحصل حواليكي.
سلمي بصتلها بحده: نادين
= ايوا؟
- على مكتبك
" انسحبت بهدوء وخوف و دخل وراها موظف تاني بعد لما سلمي طلبته"
- ازيك يا خالد؟
= الحمدلله.. احم.. هو.. فيه حاجه ولا ايه؟
"شبكت ايدها ببعض وبصتله وهي بتتنفس بعمق"
- اه فيه..
" خالد كان واقف فا سلمي وقفت هي كمان
وقربت منه "
= نادين زهقتني... وقتها معايا خلص
- ليه ؟ عملت ايه؟
" قلبت وشي عليه.. فا سكت وانا كملت وانا بتمشي"
- مش عاوزاها في الشركة.. ولا عندنا..
ولا عند اي حد.. والمره دي ابقي غير اسلوبك شوية عشان متلفتش النظر ومش مهتمه هتعملها ازاي مش عايزه اعرف حاجه
= بس ازاي..
سلمي بحده: زي ما عملناها قبل كده مع ساره .. ومع امينة .. ومع نادر .. عادي !
خالد بخفوت: تمام..
ابتسمت وبصتله: اتفضل على مكتبك..
اتكلم بتوتر: فيه حاجه تانيه أعتقد مفروض تعرفيها..
قعدت وبصتله: اخبار جديده؟ قول طبعا
- فيه كلام على السكرتيرة بتاعت مكتب أستاذ مروان سمعت انها معجبه بيه او فيه حاجه.. هو جابها معاه من مكتبة في شركه السيوفي بيه.. وعينها هنا
ضحكت بسخرية: لا عادي.. انا عارفه مروان كويس...
- تمام..
>>>>>>>>>>>>>>>>>>>>>>>>>>>>>>>>>>>
« سبحان الله وبحمده سبحان الله العظيم »
|| في مكتب مروان ||
" عماد وصل الشركة و دخل مكتب مروان و مروان قام يسلم عليه.. "
- مش عايز اعطلك انا بس سمعت ان فيه إجتماع انت جاي حـ.ــامي علطول كده؟
" نهي كلامه بضحكه و مروان ابتسم "
- عاوز اعرف الاوضاع الحقيقة ونرتب الدنيا بدري عشان الشغل يمشي صح.. خصوصا ان دي إدارة خطوط نقل لازم تبقي مدروسه
= عموما يا حبيبي منور مكانك انا مكنتش ناوي احضر عشان هاروح لابوك الشركه التانيه.. بس خلينا نغيظه بقا
مروان ضحك: ما بلاش هو انا كدا كدا مش هاخد اي قرارات من غير لما ارجع لحضرتك.. فا لو حابب تروح عادي انا هغطي على سيادتك
- ماشي ياسيدي..
" قاطعهم دخول سلمي الى وجهت نظرها ناحية عماد "
- لو سمحت محتاجه اتكلم مع حضرتك..
" قالت كلامها و خرجت و مروان استغرب هتكون بتحضر لأيه اما عماد فا متعود على دماغها قام و راح مكتبها الى كان جمب مكتب مروان.. وهي كانت واقفة مستنيا "
- انا متجوزة بقالي قد ايه؟
= يعني ايه زهقتي ولا ايه ياحببتي؟
- اسبوعين و شوية.. وحضرتك كل ده معملتش اي حاجه انا كنت طلباها انا ولا اخدت مكاني المفروض اخده في الشركة بصفتي بنت صاحب الشركة... ولا حتي اخدت ربع ميراث امي !ده مكانش اتفاقنا
عماد قعد: سلمي ياريت متخلطيش الأمور ببعض! انا مش ببيع واشتري انا سبق و قولتلك وقت ما هحس انك بنيتي حياة وبقيتي مسؤوله هعمل ده من نفسي ثم اني مأجبرتكيش تتجوزي من مروان انتوا حبيتوا بعض واتجوزتوا ده قراركم..! متفقتش معاكي وقولتلك اعملي كذا قصاد كذا لا ده اختيارك
- ماشي..!!! بس حضرتك ناسي كام مره كلكوا حاولتوا تخلونا نرتبط ؟؟؟
= بيتهيقالك.. احنا العائلتين بينهم صداقة قوية ويمكن ده الى حسسك بكده
ضحكت بسخريه: عبيـ ـطه انا بقا ؟
- حببتي.. ولا الشركة هطير ولا الفلوس هطير.. هدي اعصابك و ركزي في حياتك دلوقتي وابنيها صح..
وبعدين انتي واخده وضعك في الشركة و زياده
= اه.. بعد لما مسكت مروان كل حاجه صح؟؟
- عاوزاني اعينك في منصب متبقيش قده؟
بلاش تسرع .. انا محتاج امشي مستعجل
" عماد خرج وسابها و سلمي في الوقت ده فضلت تحاول متتعصبش لكنها مقدرتش و مسكت الطفاية الى كانت على مكتبها حدفتها بكل قوتها من غير ما تعمل حساب لأنها في قلب الشركة.. "
" اتفاجئت بكريم دخل مع السكرتيرة بتاعتها "
- فيه ايه انتي كويسة؟
" حاولت اهدي اعصابي... واتنفس بهدوء.. طبقت ايدي في بعض عشان حركتها السريعه متبقاش ظاهره.. ولفيت بصتله "
- مفيش حاجه..
= متأكده؟
- ايوه.. انت جاي هنا ليه؟
" قبل ما يتكلم لقي الباب اتفتح و مروان دخل وده بسبب انوه سمع صوت التكـ ـسير"
كريم: انا كنت جايبلك الملفات الى كنتي طلباها..
" حطها على مكتبها وخرج تحت نظرات مروان ناحيتة و سلمي بصتله لكنه بدء يتفحص الأرض الى عليها طـ.ـفاية مدغدغه..!"
- حصل ايه ؟؟؟
سلمي بهدوء: محصلش وقعت غصب عني
= زي الاباجورة برضو؟
" ابتسمت ابتسامه تداري بيها عْضبها الى ممكن يوصل للسما.. "
- اه بظبط.. زي الاباجورة.. انا هنزل اخد قهوه عشان مصدعه شوية .. ولو اتأخرت هسبقك عند تيته
= والاجتماع الى مفروض تحضريه؟
" خدت شنطتها من المكتب واتكلمت بسخريه وهي ماشية "
- على اساس انك هتقول حاجه مهمه معرفهاش..
>>>>>>>>>>>>>>>>>>>>>>>>>>>>>>>>>>
" نزلت اقعد في الكافية وطلبت قهوه.. موبايلي كان بيرن برقم خالد مردتش لكني لاقيتة مسدج مكتوب فيها تم.. ابتسمت وانا بشرب القهوه وبعدين اخدت حاجتي و قومت عشان اروح عند جدة مروان.."
|| في بيت داخل منطقه هاديه بالمعادي ||
- منورة البيت كله ياحببتي.. هعملك سحلب زي المرة الى فاتت بالعند في الواد مروان الى اتأخر ده
ابتسمت: غصب عنه كان عنده شغل كتير انا خلصت بدري وقولت اجي اقعد معاكي..
فا متتعبيش نفسك بقا يا تيته
- لا مش هتعب.. شغلي الدفاية لو سقعانه عبال ما اجي
" دخلت المطبخ وانا قومت اتمشي في البيت.. عرفت من مروان ايام الخطوبة ان جدتة مرضتش تعيش مع امه في الفيلا واصرت تفضل في بيتها بعد مو..ت جوزها.. قالي انها متمسكه بذكرياتها في البيت.. عيوني كانت بتبص على كل الصور المتعلقة.. وهما صغيرين وهما كبار.. وهما معاهم طنط نهال.. و مروان.. حسيت بطاقة حب محاوطه البيت كله.. و ده شيء داس عليا بقوة... ، بقلمي سلسبيل أحمد. "
" فوقت على صوتها ورايا "
- عملت لك اجمل كوباية سحلب.. عجباكي الصور
" بصتلها وابتسمت بهدوء "
- دافية.. شعور جميل لما يبقي الإنسان يبقي عنده ذكريات حلوة صح
" قعدوا هما الإتنين.. وجدتة بدأت تتكلم "
- أكيد شعور جميل يا حببتي.. بس الأهم من الذكريات.. الناس الى حبهم بيعيش جوانا
" فضلنا نتكلم شوية حلوين مع بعض.. وكأني مكنتش قادره اتحكم في ردود افعالي.. وعكس الطبيعي مكنتش بحسب كل كلمه قبل ما اقولها وبتكلم براحتي.. وانا مطمنه.. "
" لحد ما لقينا مروان داخل علينا.. "
- وحشتيني يا زينب هانم..
= والله؟ لسه فاكر يا واد؟
- لسه مخلص شغل حالا صدقيني
" بصتله وانا بتصنع الزعل "
- اتأخرت علينا اوي على فكره
"مروان سكت و زينب رغم زعلها اصرت
تعمله سحلب برضو"
قعد جمب سلمي: معلش اصل الحاجات الى مش مهمه بالنسبالك اخدت وقت
- شاطر يحبيبي عماد بيه هيتبسط منك اوي
= انتوا اتخانقوا؟
- انا سبق و قولتلك ملكش دعوة صح؟
سكت شوية وبعدين بصلها: تيته قالت لك حاجه
- لاء.. اتكلمنا عادي..
= طب افردي وشك
- وانت مالك هو وشك ولا وشي
= مش هتقولي برضو كسـ ـرتي الطفاية ليه
" مردتش عليه فا اتنهد وبعدين اتكلم تاني"
- الواد الى كان في المكتب هو الى ضايقك؟
ضحكت: واد؟؟ تقصد كيمو؟
مروان جز على سنانه وابتسم: اعملي حساب اننا متجوزين يا سلمي انا لحد الآن بخدك على قد عقلك
- أوكيه.. الواد الى كان في المكتب مضايقنيش انا محدش يعرف يضايقني يا مارو تمام؟
" زينب دخلت عليهم بالسحلب وكان معاها حاجه تانيه حطت الصنيه على الترابيزة وقعدت قدامهم "
- بصوا بقا انتوا الاتنين ركزوا معايا.. العلبة دي فيها
عقد.. غالي عليا اوي.. مش غالي كا سعر.. لا كا قيمة
بعد جوازي من محمود بفترة كبيرة جابهولي.. كنا مرينا بظروف وحشه.. فا بعت كل الدهب بتاعي عشان اساعده.. وقتها بعد لما ظروفنا اتحسنت جابلي العقد ده وقالي ان دي أقل حاجه يشكرني بيها.. عشان صبرت وفضلت معاه ساعتها قولتله اني عملت كده ومكنتش مستنيا
- الجواز يا حبايبي قايم على حاجات.. مش بس الحب.. قايم على الاحترام والتقدير والموده والرحمه.. قايم على المشاكل الى هتعدوا بيها سوا وازاي هتصبروا على بعض.! دي مسؤولية كبيرة لكن انا واثقة انكم قدها
"مروان بص لجدتة الى حطت العقد في ايده"
- لبسه لـ سلمي يا مروان
" بصتلهم بخوف.. وبتردد وفضلت ساكته.. "
- للـ.. لا لا انا مش هينفع اخده
يتبع...
>>>>>>>>>>>>>>>>>>>>>>>>>>>>>>>>>>>>
