رواية طريق إلى نجمة عبر روايات الخلاصة بقلم ٱية شاكر
- دا فرح ده ولا تأنيـ ـب ضمير! أنا غلطانة إني جيت...
- إنتِ عايزه إيه يا شروق؟!
- فين المهرجانات والأغاني والرقص! حتى الفرْح صعـ ـبتوه علينا!
مسك الشاب اللي واقف جنبها ايديها وهمس في ودنها:
- ما أنا قايلك إنه فرح اسلامي! وإنتِ اللي مسكتِ فيا وقولتِ عايزه تغيري جو من ضغط الثانوية ...
شوحت بتيديها بزهق وقالت:
- يا عم دا أنا كنت قعدت وسط كتبي أحسن... دا فرح غريب وناس غريبة...
قالتها «شروق»، انحنى أخوها اللي واقف جنبها ناحيتها وقال بضحك استفزها:
- طيب والله فرح لذيذ...
دورت شروق وشها الناحية التانية بضيق وسكتت ولما شافت بنت بتشاورلها اتضايقت أكتر قالت بزهق:
- يوووه دي نجمة! إيه اللي جابها دي كمان!
بص أخوها «حازم» حواليه وهو بيقول بلهفة :
- نجمة! نجمة بنت عمتك... هي فين؟
شاورت «شروق» ناحيتها وقالت:
- أهيه هناك!
ولما شاف «حازم» «نجمة» سلط عينه عليها وابتسم، كانت مبتسمة بحياء وواضح عليها الارتباك وهي داخلة للڤيلا مع والدتها ووالدها قال بإعجاب:
- ما شاء الله فعلًا نجمة! بتقدر تخطف الأنظار بمجرد ما تدخل أي مكان...
بصت شروق لـ «حازم» المبتسم وعينه بتطلع قلوب، قـ ـرصته في إيده وقالت بضيق وغيره:
- بطل تبصلها كده!
همست لنفسها:
- أنا مش عارفة والله الولاد بيعجبوا بيها على إيه!
ولما لاحظت أن أخوها لسه بيبص عليها قالت بغيرة:
- طب على فكرة بقا أنا أحلى منها...
بص حازم لأخته وغمز لها بعينه، وقال:
- طبعًا إنتِ زي القمر مفيهاش جدال...
سابته شروق وقربت من نجمة ووقف حازم يتابع بتركيز حركات نجمة المرتبكة وهو مبتسم...
حضنتها «نجمة» وكأنها لقت حد ينقذها، فقالت شروق بضيق حاولت تخفيه ورا ابتسامة صفرا:
- مقولتليش يعني إنك جاية؟!
قالت نجمة بتلقائية:
- أنا مكنتش عايزة أجي بس بابا أصر عليا... وماما كمان...
ابتسمت شروق وقالت من تحت ضرسها:
- كويس إنك جيتِ دا أنا فرحت أوي...
نجمة كانت متجاهلة حازم ونظراته ليها وعاملة نفسها مش واخده بالها منه، لكنها واخدة بالها كويس جدًا، قالت شروق:
- تعالي نتمشى في المكان...
أخدتها شروق بعيد عن حازم لحاجة في نفسها، ممكن غيرة على أخوها أو غيرة من نجمة نفسها...
يتبع...
فصول رواية طريق إلى نجمة بقلم ٱية شاكر
اضغط على الفصل الذي تريد قراءته:
- رواية طريق إلى نجمة الفصل الأول
- رواية طريق إلى نجمة الفصل الثاني
- رواية طريق إلى نجمة الفصل الثالث
- رواية طريق إلى نجمة الفصل الرابع
- رواية طريق إلى نجمة الفصل الخامس
- رواية طريق إلى نجمة الفصل السادس
- رواية طريق إلى نجمة الفصل السابع
- رواية طريق إلى نجمة الفصل الثامن
جاري كتابة باقي فصول الرواية.. عاود زيارتنا..
