رواية صرخة سهر عبر روايات الخلاصة بقلم مصطفى جابر
رواية صرخة سهر الفصل الثاني 2
ده شغل اي ده يا ميرفت اللي هيكسبني دهب من أول شهر ؟ ميرفت بضحك : هقولك ... في ناس بتيجي هنا من علية القوم ...ناس تعبانين في حياتهم بيبقو محتاجين دلع وراحه علشان كده بييجو عندي هنا واحنا علينا ندلعهم ونبسطهم قولتي اي ؟
سهر بصدمة: نعمممم انتي بتخرفي تقولي اي يا ميرفت اكيد بتهزري.
ميرفت ببرود: لا مش بهزر يا سهر دا الشغل اللي هينفعك و هو اللي هيفيدك ... تقدري تقوليلي هتعملي اي لما تترمي في الشارع ومتلاقيش تاكلي ولا تشربي حتى.
سهر بصدمة: اكل اي وشرب اي .. يغور اي حاجه جايه بالحرام ..انا مش فاهمه انتي ازاي قابله علي نفسك تعملي القرف ده .. انا ماشية.
مسكتها ميرفت بغضب: قرف اي يختي هو انتي طايله فوقي لنفسك انتي ارخص من الرخص.
كف قوي بينزل علي وش ميرفت من سهر : هو انتي فكراني زيك ولا اي لا يا حبيبتي الرخيص هو انتي.
: اي الدوشة دي.
اتصدمت سهر لما لاقت شخص فتح الباب وداخل
الشخص بخبث: اي ده انتي عندك مزه جديده يا ميرفت
ميرفت بخبث: اه يخويا ومنشفه دماغها معايا .. شوفلك حل معاها بقي.
سهر بقرف وغضب: قسما بالله لو حد قرب مني لخلص عليه انا ماشيه وندمانه بجد عليكي
فتحت الباب وجاية تخرج لاقت البوليس قدمها..
ميرفت اتخضت..
الظابظ بغضب: هاتوهم.
سهر بخوف: في اي انا والله معملتش حاجه.
الظابط بقرف: ابقي قولي كده قدام النيابه ..يلا علي البوكس يا غندورة انتي وهيا وهو.
الشخص بتوتر: انت متعرفش بتكلم مين نزل ايدك.
الظابط ببرود: هنعرف في القسم قولت هاتوهم يلاااا.
خدوهم وسهر منهارة في العياط..
بعد شويه في القسم..
ميرفت بغل: وشك نحس اليوم اللي تيجي فيه الحكومه تيجي تمسكنا
سهر بدموع: حرام عليكي اسكتي بقي أنا في اي ولا اي
ميرفت بكره: والله لقولهم انك شريكتي في الليلة صبرك عليا مانا مش هشيلها لوحدي.
العسكري: اخرسي انتي وهيا يلا الباشا عايزكم..
بيدخلوا و سهر دموعها نازلة بحزن وباصة للارض..
: سهر؟؟
بصت للصوت وقلبها دق بخضة: ح حسام.
حسام باستغراب: فك الكلبش من ايديها يا يبني
فك الكلابش..
حسام بهدؤء: اي يا سهر في اي واي اللي جابك معا الاشكال دي ؟
سهر بدموع: والله ما ليا ذنب يا حسام انا كنت بحسبها صحبتي وروحت اقعد عندها شويه. لكنها طلعت شغالة الشغل الشمال ده وكانت عايزاني اشتغل معاها.
ميرفت بغل: كدابة يا بيه دي شريكتي
حسام بجمود: شريكتك في اي ؟
ميرفت بتوتر: هي اللي اقترحت عليا نعمل شقة مشبوهه وهيا اللي بتجيب الرجاله دي.
حسام بسخرية: اخرسي انتي كمان بتتبلي عليها.
سهر ابتسمت باطمئنان.
ميرفت باستغراب: وانت بأي حق تدافع عنها.
حسام ببرود: ببساطة كدا لانها كانت جارتي واعرف عنها كل حاجه من يوم موت اهلها و عمها اللي طردها وعاشت معا عمتها.
ميرفت بتوتر: اه ماهي كانت شغالة معايا من وراهم
سهر بدموع: والله العظيم ما حصل انا روحت ليها عشان جوز عمتي كان عاوز يتهجم عليا كنت بحسبها صحبتي والله العظيم دي الحقيقه انا معملتش حاجه.
حسام بهدؤء: من غير حلفان انا مصدقك دا غير انه البواب شهد انه اول مرة يشوفك هناك والعساكر قالوا انك كنتي خارجه في الوقت دا.
ميرفت بزعيق: يعني اييي انتو عايزين تلبسوهالي لوحدي.
حسام بسخرية: انتي تخرسي ...دنا هوريكي النجوم في عز الضهر .. يا عسكري
العسكري: نعم يا فندم.
حسام ببرود: ارميها في الحجز ووصي اللي في الحجز عليها
خدها وخرج و حسام بص لسهر بهدؤء: اقعدي هطلبلك ليمون تروقي دمك
قعدت وهي دموعها نازله
حسام بابتسامة: احكي لي بقا كل حاجه من الاول حابب اسمعك.
سهر بدموع: أنا هربت من بيت عمتي بسبب جوز عمتي اللي حط منوم لمراته وكان عايز يتهجم عليا .. وبعد كده قولت اروح ل بيت ميرفت اللي المفروض أنها كانت صحبة عمري وبعد كده حصل اللي حصل
حسام بهدؤء: طب وهتعملي اي دلوقتي عمك خد بيتك
سهر بكسرة: معرفش انا مليش حد اروح له و معرفش حد يا حسام.
حسام بهدؤء: ازاي تقولي كده وانا جمبك .. انتي هتيجي معايا.
سهر بغضب: اجي معاك علي فين ً؟
حسام برفع حاجب: انا مكملتش كلامي ... هتيجي معايا تعيشي مع امي لحد اما تظبطي امورك وانا هعيش في شقتي التانيه اللي فوقها.
سهر باحراج: لا يا حسام مينفعش انا متأسفه مش هقدر اقبل الوضع دا.
حسام ببرود: يلا عشان اوصلك وهكلم ماما اقولها.
سهر بغيظ: انت مسمعتش أنا بقول اي ولا اي ... بقولك مش هينفع اجاي معاك.
حسام تجاهلها: يلا حصليني ولا عايزه تباتي في الحجز ؟
اتخضت وقامت جريت وراه وهو كتم ضحكته...
بعد شوية في بيت طارق ونعيمة..
نعيمة صحيت بصدع رهيب..: ااه دماغي مالي مصدعه لي كدا.
طارق بتمثيل الدموع: انتي كويسه يا حبيبتي.
نعيمة بهدؤء: فين سهر.
طارق بتوتر: بصلها وسكت
نعيمة بصدمة: ساكت ليه انطق فين بنت اخويا ؟
طارق ببرود: المحروسه بت اخوكي سرقتنا وهربت راحت لعشيقها.
نعيمة بصدمة: انت بتقول اي دي مستحيل تعمل كدا انت اكيد بتكدب.
طارق بغضب: انتي بتكدبيني عشان حتة بت مقصوفة الرقبه يا نعيمة ماااشي حسابك معايا بعدين.
نعيمة بخوف: مش قصدي يا حج والله بس سهر انا اللي مربياها ومستحيل تفكر تعمل كدا حتى.
طارق بسخرية وكدب: اهي عملت و خلاص يا نعيمة نقفل موضوعها والا هطلقك انتي فاهمة.
نعيمة اتخضت من كلامه وعيطت..
طارق بغضب: مشوفش دموعك دي ... كفايه نكد بقي انا مستحملك بقالي عشر سنين ومستحمل انك مبتخلفيش
سابها وخرج رزع الباب وراه وهيا مصدومة من رد فعله.
عند سهر..
حسام بهدؤء: ادخلي تعالي ... ماما سهر جت.
شمس جت بفرحه: سهر تعالي وحشتيني يابنتي كدا متسأليش عليا.
سهر اترمت في حضنها وكانت محتاجة للحضن دا من زمان.
شمس بحنان: مالك يا ضنايا فيكي اي حد مزعلك ؟
سهر بتعيط بس...
حسام بهزار: نكدي نكدي انتو الستات بتعشقوا النكد زي عينيكم ... مش هناكل بقي يا ماما
شمس بابتسامة: عيوني يا حبيبي ثواني وهحط لكم الاكل.
راحت و حسام بابتسامة: انا هطلع اغير في شقتي وانزل اكل خدي راحتك يا ستي البيت بيتك.
سهر بتوتر: انا اسفه لو هتقل عليكم يا حسام
حسام بهدؤء: مش هتتقلي .. متنسيش اننا جيران ومتربيين مع بعض يلا اشوفك بعد شويه.
سهر ابتسمت..
شوية وكانو كلوا و سهر قاعدة في البلكونة بتبص للسماء..
حسام جايب شاي نعناع : وسعي وسعي .. أحلي كوباية شاي نعناع هتشربيها من ايدي
سهر ضحكت وخدته منه..
حسام قعد بابتسامة: اي لسه بتسرحي في النجوم ك العادة.
سهر وهي بتبص للسماء: سبحان الله علي جمال السماء وهيا صافيه كده .. ياريت قلوب الناس تكون صافية زيها
حسام بسخرية: نظام الكون يختل لو البشر كلهم قلوبهم بقيت صافيه
سهر بضحك : طب سيبني اتأمل السما بقي
ضحك وهيا ابتسمت...
تاني يوم...
صحيت سهر و خرجت لاقت شمس بتحط الفطار ابتسمت: استني اساعدك .
شمس بابتسامة: لا ياحبيبتي هجهز أنا الفطار ... بس هو لو ممكن تجيبي فول من عند عمك محسن يكون كتر خيرك.
سهر بفرحة: عيوني يا شموسة.
دخلت لابست ونزلت راحت عند عربية الفول..
سهر بابتسامة: عم محسن عاوزة الفول وزود الدقه.
محسن بطيبه: عنيا لست البنات كلهم.
: ست البنا مظنش يا عم محست الظاهر كبرت ونظرك ضعف.
بصت للصوت لاقتها جارتهم في العمارة التانية اللي بتغير منها..
رهف بغرور: انا بس ست البنات مش اي واحده تتقال عليها ست البنات.
سهر ببرود: اصطبحنا واصطبح الملك لله من الاشكال اللي تسد النفس.
رهف بغيظ: قصدك اي يا ست سهر.
سهر ببرود: قصدي انك لسه زي مانا سيبتك ناقصه عقل وتربيه
رهف بغضب: أنا ناقصه عقل وتربيه ؟؟ والله لجيبلك اخويا يربيكي.
مشيت رهف بغل..
سهر بضحك : يلا يا عم محسن مشيني والنبي لحسن المرارة واحدة.
محسن بضحك: عنيا سيبك منها دي عبيطة وفرحانه بالبوهيه اللي حطاها في وشها .
سهر ضحكت وخدت منه الفول...
جاية تطلع لاقت رهف جاية هيا واخوها عليها..
رهف بغضب: علمها الادب يا بودي.
بودي بص لسهر بغضب: انتي يا بت انتي ازاي تزعلي اختي دا انا امسح بكرامتك الارض.
سهر بغضب: انا مزعلتش حد اختك اللي جايه تقول شكل للبيع علي فكرة و بعدين تمسح بكرامة مين انت مجنون.
بودي بعصبية: المجنون دا هو اللي هيعلمك الادب تعالي.
لسه هيمد ايده عليها ايد سبقته ووقعته علي الارض .
حسام بجمود: اطلعي فوق انتي يا سهر.
سهر جاية تطلع رهف مسكتها من شعرها: والله ما هسيبك.
سهر زقتها ومسكتها هيا بغضب و قعدت تضربها بالاقلام: انا اللي مش هسيبك بقي تعالي
حسام واقف بيحاول يبعد سهر عن رهف
ح
حسام بجمود: بس خلاص اهدي
سهر بتريقه : سبني عليها يا حسام أنا هوريها الحربايه اللي شبه الديك دي
رهف بغيظ: انا شبه الديك عاجبك كدا يا حوس دي اخرتها.
سهر بقرف: حوس اي هو بيلعب معاكي في الشارع ماتتلمي يابت.
بودي قام بخوف: حسام باشا احنا اسفين بس هي اللي غلطانه.
رهف بغضب: ايوا هي اللي غلطانه وانا هحبسها.
حسام ببرود: طب الاحسن تغوروا بدل م احبسكم انتو الاتنين.
رهف بصت لحسام بدلع: هعديها عشانك يا حوس بس..
بودي خدها و سهر بصت لحسام بغيظ: اي حكاية حوس دي.
حسام...
#يتبع
