رواية صرخة سهر عبر روايات الخلاصة بقلم مصطفى جابر
انت عايزني اسيب بيت ابويا اللي انا محلتيش غيره ؟
عمها ببرود: بيت ابوكي ده كان زمان دلوقتي ده بيتي أنا ... ابوكي كاتبه بأسمي يعني من الاخر كده تطلعي برا ومشوفش وشك تاني.
سهر بصدمة: ايههه يا عمي اي اللي بتقوله دا انت انت كداب
عمها بجبروت: لا مش كداب وروحي المركز ولا السجل وانتي هتتأكدي .
نعيمة بصدمة: ازاي بيتك يا حكم انت مجنون حرام عليك ارحم دم اخوك ده لسه مبردش حتى وعايز تطرد بنته؟
حكم بقسوة: الحي ابقي من الميت يا نعيمة واقولك يلا خدي البت دي وامشي انتي كمان من هنا.
نعيمة بقرف: طول عمرك حقير حسبي الله ونعم الوكيل فيك.
حكم تجاهلها: ساعة تلمي هلاهيلك و تغوري والا هرميكي بهدومك اللي عليكي.
خرج و سهر انهارت: حرام عليك ياعمي والله العظيم حرام عليك.
نعيمة بحنان: معلش يا ضنايا انا كدا كدا كنت هاخدك تعيشي معايا عشان متكونيش لوحدك.
سهر بحزن: ماشي يا عمتي بس جوزك مش هيضايق ؟
نعيمة بضحك: دا يوم المنى انك تيجي انتي عارفة اني مبخلفش وانتي هتكوني بنتي يلا يلا عشان نروح
بيدخل شخص ما وهما واقفين...
نعيمة بابتسامة: اهو عمك طارق جه علشان ياخدنا اهو ... الا بحق يا طارق هتضايق من ان سهر تعيش معانا.
طارق بضحك : لا طبعا دي هتنور البيت هو حد يطول القمر دي تعيش عنده.
نعيمة بابتسامة: مش قولتلك يلا يا حبيبتي وبلاش تغلبيني بقا.
سهر مسحت دموعها: حاضر يا عمتو هجهز حاجتي و جاية.
بعد شويه.... في بيت نعيمة....
نعيمة بحنان: دي اوضتك يا حبيبتي هسيبك ترتاحي ولو احتجتي اي حاجه انا هنا زي امك.
سهر بهدؤء: ماشي يا عمتو.
خرجت و سهر غيرت هدومها وقعدت علي السرير بحزن وقفلت النور..
بعد ساعه الباب اتفتح..
دخل طارق بيتسحب بيحسب سهر نايمة.
مد ايده علي كتفها قامت بخضة: في اي يا عمي.
طارق بتوتر: مفيش كنت جاي اغطيكي واطمن عليكي واشوف لو محتاجة حاجه.
سهر بشك: تمام يا عمي انا بخير شكرا.
طارق بمكر: يعني مش حابة حاجه كدا ولا كدا.
سهر بعد فهم: كدا ولا كدا ازاي.
طارق بخبث: أنا عارف ان بباكي كان بيقعد يلعب في شعرك لحد ما تنامي فا أنا زي بباكي فهماني
سهر بغضب: افندم اي الكلام اللي بتقوله دا .. اتفضل اطلع برا الاوضه
خرج وهو متغاظ وهي جريت قفلت الباب بالمفتاح..
سهر في نفسها: انا لازم اشوف شغل عشان اصرف علي نفسي و كمان اجيب لي مكان غير هنا حاسة اني مش مطمنه.
اتنهدت بحزن....
يتبع...
فصول رواية صرخة سهر بقلم مصطفى جابر
اضغط على الفصل الذي تريد قراءته:
