اسكريبت ما لم يقله المنام عبر روايات الخلاصة بقلم هاجر نور الدين
_ هستنى إي من الغريب وأهلي عايزين يحبسوني!
ردت عليها مامتها وقالت بقسوة:
= وإنتِ لازم تدفعي تمن رعايتنا ليكِ لحد ما بقيتي شحطة.
دموعها ملت دموع وقالت وهي بتحاول بكل طاقتها إنها متنزلش وتعيط قدامهم:
_ بجد والله!
طيب مين قالكم تخلفوا مادام شايفينها مصلحة ودايرة ومين قال إني مبسوطة كدا أو إختارت أبقى كدا عشان أردلكم دا؟
إتكلمت مامتها وقالت بملل:
= قصر الكلام دا، هتكتبيلنا كل أملاكك أنا وأخوكي ولا تتحبسي في قواضي متعرفيش عددها ولا تعرفي تخرجي منها؟
إتكلمت بنبرة بتحاول تكون قوية وقالت وهي بتترعش:
_ وأنا مش هعمل اللي إنتوا عايزينهُ ومش بعد ما رمتوني 6 سنين وأنا لسة طفلة 18 سنة فجأة تظهروا بعد ما إشتغلت على نفسي وجبت الشقة وبقى معايا فلوس تعيشني عايزين تاخدوهم وترموني تاني، إنتوا مين أصلًا معرفكوش!
في اللحظة دي أخوها اللي كان واقف مستمع بس وبيشرب سيجارة كسر الصمت دا وقال بنبرة هادية ولكن خبيثة جدًا:
= طيب خلصتي وسيبناكي تتكلمي كتير فـ تقريبًا فكرتي نفسك كبرتي وتقدري علينا، وإحنا أهلك وأنا أخوكي غصب عنك ومش هنمشي من هنا ولو عرفتي تهربي من أهلك بقى إهربي.
إتكلمت مامتها بإبتسامة إنتصار وقالت وهي بتزود الضغط عليها:
_ بالظبط كدا الله ينور عليك يا حسام يابني،
إحبسها في الشقة ومتخليهاش تنزل وربيها من أول وجديد.
إتكلمت ليلى وقالت بغضب وإستنكار:
= هو إي دا وتقعدوا هنا ليه أصلًا ودا بيتي همشي أروح فين،
طردتوني من بيت أبويا وبيعتوه ومشيتوا ودلوقتي عايزين تطردوني من بيتي اللي بمالي!!
إنتوا اللي تطلعوا برا دلوقتي يلا!
قرب منها أخوها بعجرفة ومسكها من شعرها بقوة وقال بلا مبالاة لصراخها وهي بتتألم:
_ أنا مش لسة قايلك بالطريقة تخرسي وتسمعي الكلام؟
إدخلي جوا يلا ومسمعش صوتك وتسمعي الكلام وبس.
خلص كلامهُ ورماها جوا الصالة وقفل الباب،
كانت بتعيط وبعدين جريت على المطبخ ومسكت سكينة و…
يتبع...
فصول اسكريبت ما لم يقله المنام بقلم هاجر نور الدين
اضغط على الفصل الذي تريد قراءته:
- اسكريبت ما لم يقله المنام الفصل الأول
- اسكريبت ما لم يقله المنام الفصل الثاني
- اسكريبت ما لم يقله المنام الفصل الثالث
- اسكريبت ما لم يقله المنام الفصل الرابع
جاري كتابة باقي فصول الرواية.. عاود زيارتنا..
