رواية دمعة فاطمة عبر روايات الخلاصة بقلم مصطفى جابر
رواية دمعة فاطمة الفصل الرابع 4
أنا هقولهم انك تعبان وعندك المرض الوحش ولازم ترتاح وهما لما يرجعوا ويلاقوك نايم ومحتاج راحه اكيد فاطمه مش هتسيبك تمشي وانت بالحاله دي وهتخلينا هنا
حسام بتفكير: تصدقي عندك حق بس رعد لو عرف مش هيرحمنا دا بيتلكك لينا علي الواحده وهيفضل شاكك فينا
ميرفت بخبث: رعد اي فكك دا بيطلع وينزل علي مفيش واكيد الدم بيحن وانتو اخوات.
حسام بخبث: ماشي بس بردو لحد امتي.
ميرفت بمكر: لحد اما امضي سلفتي علي تنازل لينا ب الفيلا و العربية بتوعها
حسام بصدمة: تنازل ؟؟ تنازل ازاي
ميرفت بأبتسامه: ازاي دي بتاعتي انا يا حبيبي متشغلش بالك
.. بعد شويه..
دخل رعد و تمارا وفاطمه ومحمود..
رعد بخنقة: مكنش لازم اطاوعك ونيجي هنا انا ليا بيتي يا تمارا مينفعش اقعد في بيتك.
تمارا بهدؤء: أنا مقدرش اكسرلك كلمه بس جيت هنا عشان نشوف اخوك عمل اي وبعد كده نروح بيتنا
رعد بحنان: ماشي يا حبيبتي.
ميرفت نزلت بدموع: حمدلله علي السلامه يا عرسان.
فاطمه باستغراب: بتعيطي لي يا ميرفت.
ميرفت بخبث: انا هقولكم رغم انه محلفني مجبش سيرة ل حد حسام راقد فوق من اسبوع طلع عنده سرطان في المخ.
الكل بصدمة: اييييييي.
ميرفت بخبث ودموع: دا اللي الدكتور قاله وقال انه لازم يرتاح وياخد علاجه لحد اما يحدد جلسات الكيماوي.
فاطمه بدموع طلعت جري: ابني حسام يا ابني.
كلهم راحوا وراها ماعدا رعد اللي مسك دراع ميرفت بغيظ: عارفه لو كان دا تمثيل من اختراعك انا هعمل فيكي اي.
ميرفت بتوتر: حرام عليك هو انا هقول اخوك مريض ب تعب زي كدا كدب لي يعني
رعد سابها ببرود: هنشوف يا ميرفت.
.. طلع وراهم..عند حسام..
كان بيكح بتعب ومصدع..
فاطمه بحزن: ربنا يشفيك يا حبيبي انا من بكرا هعرضك علي احسن دكاترة.
حسام بتوتر: مش لازم يا امي انا متابع مع دكتور كويس كح كح.
تمارا بهدؤء: سلامتك يا سلفي شده وتزول وانت ان شاءلله قدها.
حسام بأبتسامه: يارب ادعي لي يا تمارا من قلبك.
تمارا بهدؤء: حاضر يا حسام.
رعد دخل بهدؤء: عامل اي يا حسام.
حسام بتوتر: الحمدلله يا رعد اسف عشان اتخضيتوا وانتو لسه عرسان.
رعد بهدؤء: ولا يهمك المهم هخلي الخدم يجهزوا لكم الشنط عشان تنقلوا بيتكم الجديد.
ميرفت بصدمة: بيتنا الجديد وهو هيقدر يتحرك بالحالة دي.
رعد بهدؤء: اه هجيب له الاسعاف وبالمرة اوديه المستشفى اصل حابب اطمن بنفسي وبعدين بيته اولى بيه وبعدين كده كده اتفقنا انك هتسيبي الفيلا وهتيجي تعيشي معايا انا وماما واعتقد انهم اكيد جهزوا مكان يقعدوا فيه
فاطمه بصدمة : اخص عليك يا رعد عاوز اخوك يمشي وهو بالحالة دي.
رعد بذكاء: لا طبعا بس بيته اريح له ولا اي يا حسام
حسام بغيظ مخفي: اه طبعا واحنا كنا مستنين تيجوا عشان نسلم ونمشي مش كدا يا ميرفت.
ميرفت بغل انه خطتها فشلت: اه طبعا يا حبيبي احنا خدنا واجبنا واكتر.
رعد بهدؤء: هكلم الاسعاف عشان ينقلوك المستشفى ونطمن.
فاطمه بهدؤء: مش دلوقتي يا رعد الصبح له عنين خلينا دلوقتي نقعد مع بعض كلنا شويه عشان خاطري.
رعد بحنان: حاضر كل اللي تؤمري بيه مجاب يا ست الكل.
ميرفت في نفسها: يعني خطتي فشلت ازاي اومال هلحق امضي الست تمارا دي علي التنازل امتي لا لازم افكر في حاجه اقوى اووف كان لازم ترجعوا يعني لي الطيارة موقعتش بيكم وخلصت من همكم وعشت انا في العز ده لوحدي..
... بعد شويه.. في اوضة تمارا..
رعد بحنان: مالك يا حبيبتي زعلانه من حاجه.
تمارا بابتسامة: بالعكس انا مبسوطه اوي مبقتش احس بالوحده ولا الخنقة.
رعد بحب: عارفه رغم انه جوازنا جه بسرعه لكن انا حبيتك اوي انتي انسانه طيبه ونقيه من جواكي وتتحبي بسهولة.
تمارا بكسوف: وانت كمان يا رعد متربي وبتعرف ربنا بس لي حاسه انك مزودها مع اخوك ومراته.
رعد بهدؤء : مش مزودها ولا حاجه اللي يرمي امه عشان مراته و يخليها تمد ايديها عليها ويسكت ميبقاش لا اخ ولا ابن دا ذل امه فاهمه يعني اي.
تمارا بحزن: فاهمه وحاسه والله.
رعد بحنان: يبقي متشغليش بالك بيهم انا عارف خطتهم ركزي مع جوزك انتي بس ودلعيه كده
تمارا بحب: عيوني يا حبيبي..
.. عند ميرفت...
رايحه جايه في الاوضه بغيظ: اخوك مش سهل وشكله كشفنا ولو خدك وكشف فعلا هنتفضح ومحدش هيطيق يبص في وشنا .
حسام بسرحان في تمارا: واتجوز واحدة جميلة وغنيه ومتربية وحلوة اوي.
ميرفت برفع حاجب: نعم ياخويا مالك في اي.
حسام فاق بتوتر : ها لا مليش بشوف حظه بس.
ميرفت بغيظ: وماله حظك انت كمان وحش ولا مش عاجبك.
حسام بخبث: دا عجبني وعجبني اوي كمان ها خطتي ل اي.
ميرفت بشك: ميخصكش دلوقتي انا رايحه اشوف حاجه اطفحها.
نزلت وهو بص لطيفها بقرف: غوري انا لازم اشوف طريقه اخلص بيها من رعد عشان اخد مراته خساره فيه قال وانا اللي كنت بحب ميرفت علي اي دي طلعت ولا حاجه جنب تمارا يا حظك يا رعد دايما بتاخد كل حاجه حلوه.
... في المطبخ...
ميرفت بزعيق: انتي يا زفته يا سعاد كل دا بتعملي لي اكل.
سعاد بهدؤء: معلش يا هانم انتي اللي جايه بليل اوي و كنت نايمه وا..
ميرفت بغضب: انتي هتحكي لي قصة حياتك انجزي شويه.
تمارا من وراها: ميرفت عيب المعاملة دي ل سعاد.
ميرفت ببرود: انا حرة وهيا مش شايفه شغلها يبقا تتحاسب عشان تفوق.
تمارا بجمود: ومين انتي عشان تحاسبيها وتعامليها كدا دي بني ادمه علي فكرة واذا بتسمع كلامك ف دا عشان خاطري انا مش عشانك انتي.
ميرفت بغيظ: جرا اي يا سلفتي هتهزقيني قدام الخدامه.
تمارا بهدؤء: اعتذري منها يا ميرفت وياريت تحترميها.
ميرفت بتكبر : انا محترمش الخدم دول تحت رجلي انا هانم.
تمارا بغيظ : هانم في بيتك مش في بيتي وطول مانتي في بيتي تلمي نفسك مفهوم.
ميرفت بتوتر: مفهوم انا مش قصدي هيا اللي مش عارفه شغلها ف بعرفها.
تمارا بجمود: لا هيا عارفة كويس وهنا محدش له الحق يقلل منهم دول كرامتهم فوق دماغنا.
ميرفت بغيظ : ماشي يا سلفتي.
... مشيت بغل وهي مش طايقه نفسها...
تمارا بحنان: معلش يا سعاد حقك عليا انا وليكي شهر مكافأة وبعد كدا متسكتيش لاي حد يهينك انا معاكي.
سعاد بابتسامة: ربنا يجازيكي خير يا ست الناس يا اميرة يا طيبه.
تمارا بابتسامة: ويديكي الصحة يا رب.
..كانت طالعه فوق لاقت اللي شدها ل اوضه...
تمارا بخضة: اي ده في اي يا حسام.
حسام بخبث: مفيش حاجه حبيت اشكرك علي كل اللي بتعمليه معانا.
تمارا زقته بجمود: وعلشان تشكرني تشدني وتخضني كده انت مخك جرا له حاجه ؟
حسام بحب: اه جرا له من اول لحظة شوفتك فيها وانا مبقتش علي بعضي.
تمارا بغضب: تقصد اي ؟ عيب انا مرات اخوك.
حسام بمكر: اخويا مش هيعرف حاجه خالص اسمعي مني انا معجب بيكي.
تمارا بتضربه بالكف: اخرس لولا اني بنت ناس كنت صوت وجبت لك اخوك لكن لا عشان عارفه كويس المشاكل اللي بينكم ف اكيد مش هزودها لكن يا حسام لو دا اتكرر تاني هوديك في داهيه
حسام بتوتر: انا بهزر معاكي كنت بعمل فيكي مقلب عشان اطمن علي مرات اخويا طلعتي محترمة وفي حالك.
تمارا بقرف: واضح انا اللي عندي قولته.
... خرجت بغضب و ميرفت شافتهم...
ميرفت بغل في نفسها: بقي بتلعب بديلك يا حسام ماشي انا مش هحاسبك دلوقتي لكن انت ادتني حتة فكرة جامدة اوي.
... بعد شويه...
صوت صريخ جاي من اوضة رعد دخلوا كلهم بصدمة ميرفت مع رعد ...
حسام بصدمة: اي اللي بيحصل هنا.
ميرفت بدموع تمثيل وانهيار جريت عليها: الحق شرفك اخوك حاول يقرب مني كنت معديه شدني وكان عاوز يتهجم عليا.
رعد بدوخه: محصلش انتي اللي داخلتي وبدءتي تقطعي التيشرت.
تمارا بدموع: رعد انت كويس انت معملتش كدا صح.
رعد قعد وماسك راسه: والله العظيم ما عملت حاجه انا مش عارف مالي.
حسام ضربه بالبوكس فاطمه صوتت: انت بتمد ايدك علي اخوك الكبير.
حسام بغضب: اخويا اللي طمعان في مراتي والله العظيم يا رعد لهعمل فيك محضر واسجنك.
ميرفت بانهيار: ايوا مش هسيب حقي منه يلا علي القسم.
تمارا بغضب: غوروا من هنا وخدوا هدومكم معاكم رعد مستحيل يعمل كدا وباين اوي انه دايخ مشكلتكم انك اغبياء.
ميرفت بخبث: دا بيمثل يا حلوة دا كان عمال يقولي انه بيحبني واطلقي من جوزي ويتجوزني وانه عمره ما حبك.
تمارا بغضب: اخرسي يا حرباية برا بيتي العيب عندي اني اكرمتكم.
حسام بزعيق: احنا خارجين يعني هنخرج من الجنة بس علي القسم وهسجنهولك.
خرجوا و رعد بيحاول يفوق: انا مش حاسس ب اي حاجه.
تمارا جابت مياه: خد اغسل وشك.
فاطمه بغضب: اكيد ميرفت عملت له حاجه وفي حاجه ورا الموضوع دا.
تمارا بغضب: سيبك منهم دول شياطين مش هيقدروا يعملوا حاجه.
... رعد نام بتعب.. بليل.
تمارا نزلت علي صوت دوشة قدام الفيلا... خرجت لاقت البوليس وناس بتصور اللي بيحصل !
تمارا باستغراب: في اي واي الهيصه دي كلها.
ميرفت بخبث: اهي يا بيه هيا دي سلفتي اللي جوزها أعتدي عليا .. كان فاكر الدنيا سايبة شوفو رعد فين قبل ما يهرب عديم الشرف ده.
رعد خرج بهدؤء: عديم الشرف ده انتي وجوزك ...البنت دي كدابة يفندم وانا مجتش جنبها وبتتبلي عليا
الظابط ببرود: الكلام ده ابقي قولو في القسم انت مطلوب القبض عليك بتهمة التعدي بالقوه والتحرش بالأستاذه
رعد بصدمه :
#يتبع
