رواية دمعة فاطمة عبر روايات الخلاصة بقلم مصطفى جابر
رواية دمعة فاطمة الفصل الخامس 5
هيا دي سلفتي اللي جوزها أعتدي عليا .. كان فاكر الدنيا سايبة شوفو راح فين قبل ما يهرب عديم الشرف ده.
رعد خرج بهدؤء: عديم الشرف ده انتي وجوزك ...البنت دي كدابة يفندم وانا مجتش جنبها وبتتبلي عليا
الظابط ببرود: الكلام ده ابقي قولو في القسم انت مطلوب القبض عليك بتهمة التعدي بالقوه والتحرش بالأستاذه
رعد بغضب: انا مجتش جنبها دي كدابة
ميرفت بخبث: لا مش كدابة انت اللي كداب هو عشان ربنا مديكم تقومو تدوسو علي شرف الناس وفاكرينها سايبه.
تمارا بهدؤء: يا حضرة الظابط اوضتي فيها كاميرات ونقدر نراجعها ونشوف بعنينا اللي حصل.
ميرفت بتوتر: كاميرات انتي كمان كنتي عاوزة تصوريني وتفضحوني اخص عليكم احنا مش هنشوف حاجه وهو هيتسجن.
الظابط بهدؤء: لا هنشوف ورينا التسجيل يا مدام تمارا.
الصحافة كلها كانت وصلت وميرفت وشها احمر من الخوف..
ميرفت في نفسها: انا كدا هتفضح لازم اعمل حاجه أنا اللي جبت الصحافة علشان افضحهم لكن شكلها هتكون فضيحه بجلاجل ليا ويشوفوا انه انا اللي كنت بتقرب منه.
.. تمارا طلعت تجيب التسجيل
رعد بهدؤء: دقايق وتمارا هتنزل وهنشوف كلنا الحقيقه كلها
تمارا جت بحزن : أنا طلعت لاقيت الكاميرات متعطلة للأسف
ميرفت بشماته وارتياح: اهو شوفتو كلكم اهو دليلكم الكذب راح .
الظابط مسك ايد رعد: اتفضل قدامنا علي البوكس.
ميرفت بخبث: مع الف سلامه عقبال ما تتحول عالنيابه
تمارا بصت ل رعد بدموع وهمست: انا اسفه غصب عني.
..
خرجوا و ميرفت قعدت وحطت رجل علي رجل: ما عدا انا طبعا لاني ست البيت الجديدة..
تمارا طلعت الاوضة بخوف: نزل المسدس من عليها يا حسام انا عملت اللي انت عايزو.
حسام بعد عن امه بخبث: اهو بعدت بس لازم تنفذوا كل شروطنا.
فاطمه بكسرة: انت ابن حرام رافع المسدس علي دماغ امك عشان تسجن اخوك زور روح حسبي الله ونعم الوكيل فيك.
حسام ببرود: خلصتي اخرسي بقا امي مش اهم من نفسي.
ميرفت من وراهم: جدع يا روحي كنت بحسبك هتتخلي عني.
حسام بخبث: لا طبعا يا روحي هو انا اقدر بردو.
تمارا بغضب ودموع: اطلعو برا مش خدتو التسجيل اللي فيه براءة جوزي.
ميرفت ببرود: اه بس لسه من الاخر المسلسل دا كله عشان تتنازلي لنا علي الفيلا القمر دي لينا.
تمارا بصدمة: للدرجة دي طمعك عماكي وخالاكي تتبلى علي سلفك و تقلبي الابن علي امه عشان حتة فيلا خديها مش عاوزاها بس جوزي يخرج دلوقتي حالا و ملكوش دعوة بينا.
ميرفت ببرود: اول ما تمضي وعد هخرجه.
تمارا بجمود: لا يا حلوة دا انتي هتروحي تتنازلي وجوزك هيكون هنا اول ما تتنازلي همضي.
ميرفت ببرود: معنديش اي مشكلة وانت اي رايك يا روحي.
حسام بخبث: موافق طبعا يا حياتي روحي خرجي لهم ننوس عينهم وتعالي.
ميرفت بمكر: تؤمرني يا تاج راسي.
فاطمه بدموع: حسبي الله ونعم الوكيل فيكم اشوف فيكم يوم ياريتك كنت مت يا حسام قبل ما اجيبك بايدي علي الدنيا.
حسام ببرود: طب اسكتي عشان هنسي انك امي و اخلص عليكي.
كف قوي نزل علي وشه منها؛ وانت منستش يا عديم الربايا.
حسام بص لها بغضب.
ميرفت بزعيق: ايدك وجوزي يا ولية يا مهبوشة انتي والله العظيم اوديكي المرة دي مستشفى المجانين.
تمارا بغضب: وانا ادخل فيكي وفيه السجن انجزي عشان جوزي يخرج.
مشيت ببرود وتمارا بصت لها بقرف...
.... بعد شويه.....
رعد خرج و تمارا مضت علي التنازل بهدؤء...
رعد دخل باستغراب: مالكم لمين هدومكم لي.
ميرفت للخدامه: ارمي هدومهم برا يا سعاد برا بيتي.
رعد باستغراب: بيتك انتي بتقولي ايه.
ميرفت
تمارا حضنته بحزن: يلا نروح بيتك يا حبيبي سيبهم للفيلا تولع بيهم هم دا اللي كانو عاوزينو.
رعد بص لحسام بقرف: انتي بتقولي اي ؟ انتي عطتيهم الفيلا اي اللي خلاكي تعملي كده ؟؟
محمود بدموع: انا هاجي معاكم مش هعيش مع دول انا بحبكم انتو.
حسام بغضب: علي اوضتك احسن ما اربيك من الاول.
محمود بزعيق: لو فكرت تمد ايدك عليا هعمل فيكي محضر اسجنك بيه
حسام مسكه من شعره: طب والله ل انا اللي حابسك في اوضتك.
رعد هيدخل فاطمه مسكته: بلاش يا ابني دا ابنهم هما
رعد بحزن: بس يا ماما محمود هيز..
فاطمه مقاطعه بحزن: منقدرش ناخده دول اهله هيطلبوا بيه ويسومنا علي الباقي سيبهم مع حالهم.
تمارا بصت للخدم بحزن: انا اسفه عشان سبتكم.
الخدم كلهم خرجوا بهدومهم: واحنا مش هنستنا هنا ثانيه واحده معاهم.
ميرفت ببرود: المركب اللي تفوت انتي وهي.
خرجوا كلهم وتمارا بصت ل فيلا ابوها بحزن ورعد طبطب عليها: انا هرجعهالك تاني يا حبيبتي متقلقيش
... بليل...
ميرفت بارتياح: يا سلام وهو البيت بقي ملكي كدا اعيش فيه براحتي اهو الحاجة وهيا ملكك ليها طعم تاني بردو.
حسام بخبث: الا قولي لي هو التنازل كان ب اسم مين يا حياتي.
ميرفت بهدؤء: اسمي واسمك يا روحي.
حسام بغيظ: وليه مش بأسمي لوحدي ان شاءلله.
ميرفت بسخرية: عشان انا مضمنكش يا حبيبي تروح رميني في الشارع ومتجوز عليا لا طبعا حتي لو روحي فيك أامن نفسي من ناحيتك بردو اومال.
حسام بغضب: علي كدا انتي مش واثقه فيا خالص.
ميرفت ببرود: المثل بيقولك حرص ولا تخون.
عند رعد...
فاطمة بحزن: يا ريتني ما خلفته يا رعد قلبي بيتقطع وانا شايفة أخوك ضايع كدا قدام عيني كنت نفسي يبقا سندك يا ابني مش عدوك.
رعد بهدؤء : متقوليهاش كدا يا أمي اللي باع أمه ورفع عليها سلاح عمره ما يبقا سند لحد ودا همه نفسه و الحرباية اللي معاه انسي انك خلفتيه .
فاطمة بدموع: وهو في حد ينسا ضناه يا ابني دا دمي ولحمي اللي اتوجعت عليه سنين ما كنتش اتخيل يوم ييجي ويكرهني بالشكل دا.
تمارا قربت منها ومسكت إيديها بحنان: متحمليش نفسك الذنب يا طنط إنتي عملتِي اللي عليكي وربتي أحسن تربية بس هو اللي اختار الطريق الغلط.
فاطمة بدموع : هو كسرني بكلمته ونظرته وتصرفاته كسرني بكل الطرق انا امه عارفه حتى وانتي بتواسيني يا بنتي قلبي واجعني عليه نفسي اطلع قلبي واقوله فوق ..
تمارا بحزن: أنا عارفة وجع الأم يا طنط بس صدقيني ربنا كبير واللي اختاره حسام لنفسه مش ذنبك.
رعد مسك إيد أمه: احنا ولادك يا أمي أنا هنا ليكي وتمارا كمان مش هتفضلي وحدك .
فاطمة دمعت بس ابتسمت بخفة: ربنا ما يحرمني منكم يمكن انتو اللي يعوضوني عن وجعي.
تمارا حضنتها: واحنا عمرنا ما هنسيبك انتي ورعد مليتوا عليا الدنيا وبقيتوا عيلتي التانية وهقف جنبك زي ما واقفة جنب رعد.
رعد بحنان: وانا اوعدك يا أمي ولا حسام ولا غيره يقدر يكسر قلبك تاني طول ما انا موجود.
فاطمة مسحت دموعها : يارب احفظهم واصلح حال أخوه يمكن تيجي ساعة ويتوب.
… تاني يوم…
في مكان هادي وواقف بعيد عن الناس…
حسام واقف مستني وعيونه كلها خبث بيبص حواليه ويولع سيجارة.
تمارا وصلت بعربيتها و نزلت وبصت له بقرف: انت عايز مني ايه تاني يا حسام ولية طلبت تشوفني هنا وانا اصلا مش طايقة اشوف وشك.
حسام بخبث وهو بيقرب منها: من غير لف ودوران أنا عايزك انتي يا تمارا سيبي رعد واطلقي منه انا اللي بحبك بجد وانا هطلق ميرفت وهرجعلك ڤيلاتك
تمارا بصدمه:
#يتبع
