رواية قلوب بتتلاقي عبر روايات الخلاصة بقلم بسمة سعيد
القاعه كانت مليانه أغاني وورود، وكل واحد لابس روب التخرج بتاعه.
أنا كنت بدوّر على شخص معين، وهو "سيف"… صاحبي وزميلي وحبيبي.
إحنا الاتنين اتعرفنا على بعض في الجامعة، قضينا كل سنينها سوا، حبينا بعض وشاركنا كل حاجة مع بعض… وها هو اليوم اللي بنستناه من زمان، بنتخرج سوا.
أخير لقيته، كان باصصلي من بعيد وضحك، وأنا جريت عليه.
كان معاه بوكيه ورد أحمر، قدمهولي وهو بيقول:
سيف: ألف مبروك يا بشمهندسة.
ملك: الله يبارك فيك يا بشمهندس… وألف مبروك ليك إنت كمان.
سيف: كنت متأكد إننا هنعدي اليوم ده سوا.
ملك: مش إنت الوَحيد المتأكد.
بدأوا ينادوا على أسامينا، وأخير استلمنا شهادتنا. رقصنا واتصورنا مع صحابنا.
وقالي بصوت واطي:
ــ "تعالي نخرج سوا بعد الحفلة، مش عايز اليوم يخلص كده."
وافقت من غير تفكير.
وبعد ساعات، كنا قاعدين على الكورنيش. الهوا البارد بيهزر شعري وأنا نايمة على كتف سيف.
سيف: وبس يا ستي، بعد ما أخلص الأوراق هسافر على طول.
ملك: تسافر؟
سيف: آه، أسافر… ده حلمي ونفسي أحققه من زمان.
ملك: بس إنت عمرك ما حكيتلي عن حلمك ده.
سيف: كنت مستني الوقت المناسب.
ملك: طب وأنا؟ إنت مش حاططني في أي خانة من خانات أحلامك؟ إنت حتى مفكرتش فيا… لما تسافر أنا هعيش إزاي؟
سيف: ملك، متقلقيش… إحنا هنبقى مع بعض ع التليفون ثانية بثانية. ولما هرجع إن شاء الله هخطب.
ملك: وهترجع إمتى؟
سيف: لسه معرفش.
لأول مرة حسّيت منه بعدم اهتمام. سيف مش مجرد حد أنا متعلقة بيه، ده أكتر حد فهمني، بيعوضني عن أي شعور وحش. سيف كان بيكمل الحتة الناقصة جوايا.
وأنا في الطريق معاه راجعين البيت، كنت محتاجة منه كلمة تطمني:
ملك: سيف، ممكن توقف العربية؟
سيف: في حاجة؟
ملك: ممكن بس توقف.
يتبع...
فصول رواية قلوب بتتلاقي بقلم بسمة سعيد
اضغط على الفصل الذي تريد قراءته:
- رواية قلوب بتتلاقي الفصل الأول
- رواية قلوب بتتلاقي الفصل الثاني
- رواية قلوب بتتلاقي الفصل الثالث
- رواية قلوب بتتلاقي الفصل الرابع
جاري كتابة باقي فصول الرواية.. عاود زيارتنا..
