رواية ما لم يقال عبر روايات الخلاصة بقلم ٱلين روز
"بارك الله لكما، وبارك عليكما، وجمع بينكما في خير".
كانت بداية جميلة برفقة حبيب عمري.
كان أسعد يوم في عمري، مكنتش مصدقة خلاص بقيت على اسمه!
أخيرًا هنحلم ونحقق الأحلام مع بعض!
لكن اكتشفت إني كنت بحلم لوحدي...
هو دايمًا كان هادي، عكسي تمامًا، وبهدوءه ماخدتش بالي من رفضه!
كنت على طول أقول:
"هادي، لكن بعد ما نتجوز هخليه زيي مرح".
فضلت أحلم لحد ما عرفت... عرفت بحبه لبنت تانية!
أخدت حبيب عمري من حد بيحبه، وده بعد جواز بسنتين.
لما قرأت مذكرة، كان كاتب بسنتين.
اكتشفت إن هدوءه ده مش علشان هو هادي، بس علشان كاتم حبه جواه!
فضلت أقرأ وأقرأ قد إيه هو حاول يعرفني، لكن مكنتش فاهمة.
كانت آخر ورقة مكتوب فيها، بخط إيده:
_ سأظلُّ أهواكَ رغمَ البُعدِ يا أمَلي،
وإنْ تباعدَ جسدانــا فالفؤادُ سَلي.
أموتُ شوقًا، ويُحييني تذكُّرُكُمْ،
فأنتَ روحي، وباقي العُمرِ في كَمَلي.
عهدي عليكَ، وصونُ الوعدِ دَيدَني،
أرعى الزهورَ، فتبقى غضَّةَ الغُصُلِ.
تبقى بقلبي مدى الأيّامِ صورتُهُ،
كأنَّها النورُ في الأحشاءِ يَكتَمِلِ.
---
بكيت... بكيت على حبّه ليها، وعلى اهتمامه بالورد اللي في بيتنا.
طلع ذكرى منها!
كنت بحسب حبه للورد إشارة لحبه ليا، ما أنا كمان اسمي "ورد".
كان بيقولها على طول:
"أنا بحب الورد أوي، وبالذات الورد ده".
رفعت عيني للورد... قد إيه جميل!
اهتم بالورد وسابني من غير اهتمام... فذبلت!
فضلت مكاني فترة وأنا ببكي.
مش عارفة ليه ببكي؟
هل بسبب صدمتي فيه؟
ولا علشان شايل في قلبه وساكت؟
ولا علشان غيرت من حبه ليها؟
رجعت مذكراته مكانها، ودخلت نمت.
يمكن أرتاح، أو قلبي يرتاح...
يمكن يطلع كل ده حلم في الآخر وأفوق!
يتبع...
فصول رواية ما لم يقال بقلم ٱلين روز
اضغط على الفصل الذي تريد قراءته:
جاري كتابة باقي فصول الرواية.. عاود زيارتنا..
