رواية على لسان الشخصية الفرعية الفصل الأول 1 بقلم ٱية سيد

رواية على لسان الشخصية الفرعية الفصل الأول 1 بقلم ٱية سيد

رواية على لسان الشخصية الفرعية الفصل الأول 1

بتدور ع ايه يا تميم انا ممكن اساعدك ؟؟

قالها اخويا وهو مش فاهم انا قالب الاوضة ليه :

ملكش دعوة...ساعد نفسك الاول 

اتعدل من ع السرير وبصلي باستغراب : في ايه يا تميم ..من ساعه ما رجعنا من ع البحر وانت مش طايقلي كلمه ؟؟

يعني انت مش عارف في ايه ؟

لا مش عارف ..خليك واضح 

بصيت بعيد وانا بجز ع اسناني: احنا الاتنين نزلنا عشان ننقذ جودي من الغرق ..

(بنت خالتهم)

وشاورت عليه وعليا واكدت : احنا الاتنين ..لكن محدش شافني ولا اخد باله مني ..

كل عيونهم كانت عليك انت ..

كان مصدوم عمر من اللي بقوله وبعدها اختفت ملامح الصدمه وكأنه كان عارف ان دا سبب ضيقي منه ..وبحكم انه الاخ الاكبر جه وقعد جنبي وحط ايده ع ضهري : 

معلش ..مش مهم رأيهم ولا احتفالهم بيك ..

قاطعته : يعني انت واخد بالك ؟

بص بعيد وكأني كشفته فكملت: 

انت الاساسي وانا كمالة عدد...

انت القدوة وانا يتقالي خليك زيه ...

انت الاول وانا التاني ..

انا نفسي افهم انت احسن مني. في ايه ؟؟

مجموع وجبت زيك عشان ميتقالش عليا فاشل ..ورياضه واتعلمت رياضة مش بحبها ...

وعلشان بعمل كل حاجه مش بحبها عمري ما ابدعت ...

مدخلتش بشري عشان اكون مختلف عنك ويبدأوا يشوفوني 

ودخلت اسنان واتفاجأت انهم شايفينها مش كليه كويسه ومش بتليق بالعيله ..

وحتي السباحه اتعلمتها وانا مش بحبها وشاركت في مسابقات وخسرت عشان مكنتش عاوز افوز ع الناس اللي بتشارك ..

كنت طول الوقت عاوز افوز عليك انت ...

مكنش لاقي اخويا كلام يقوله كان ساكت وباصص للأرض بس قال بصوت هادي : انا هعذُرك.....

قاطعته بضيق : ما انت لازم تعذرني ..

ما انا اخوك الصغير التافه اللي رأيه مش مهم ..

قاطعني بهدوء لان عمر صعب يتعصب  : 

انا عمري ما شوفتك كدا ...

رديت عليه : تعرف يا عمر ..الفرق بيني وبينك ايه ؟؟

انك اتولدت قبلي ..

غير كدا احنا الاتنين بيحبونا حب مشروط ..

بس انا حبي اقل منك عشان انجازاتي اقل منك ..

قومت من مكاني ومسكت تلفوني وخرجت كنت باعتلها رسايل كتير بتطمن عليها بعد ما كانت هتغرق انهردا 

كنت لسه هخرج من الباب وانا ماسك التلفون ببص لرسايلها..

اخيرا ردت 

وقفتني ماما بسؤالها : ايه الصوت اللي خارج من اوضتكم دا يا تميم ..انت اتخانقت مع اخوك تاني ؟؟

غمضت عيوني بحاول اتمالك اعصابي ورديت بتحدي : 

ايوا يا ماما

ولو سمحتي متدخليش ..

رفعت ايديها باستسلام وقالت بهدوء؛ خلاص خلاص يا حبيبي 

بس عمر اخوك الكبير مينفعش تتخانق معاه..خليك زيه ..هادي وراسي ومش بيتعصب...

فقدت اعصابي اخيرا : يوووه....خلاص بقا يا ماما .

وفتحت الباب عشان اخرج  فكملت هي : 

طيب طيب خلاص...المهم رايح  فين ؟

قفلت الباب وخرجت وكنت واقف برا الباب بسمع كلامها : 

لو هتقابل جودي طمنا عليها ..البركه في اخوك انهردا لو ملحقاش كان زمانها في خبر كان ...

ضربت الباب برجلي وانا متعصب ومشيت روحت اقابلها 

كنت قاعدين ع رصيف الشط لما قاطعت تفكيري وحزني وهي بتضربني في كتفي :

 بس كنت بطل انهردا ..

فابتسمت ع المجنونه دي وضربتها في كتفها : 

وانتي كنتي هتموتي انهردا ..

حضنت دراعي : وايه يعني ..

مش انتي دايما موجود عشان تنقذني

بصتلها بجديه مفرطه وانا بسألها: بجد يا جودي ؟

بسأل الشخص الوحيد اللي شايفني ..بسألها عشان اتأكد اني مش شفاف ..عشان اتأكد ان ليا لازمه مش مجرد تابع لاخويا 

فكملت هي : بجد ايه ؟؟..دا انت كنت بتدي للسمكه دي برجلك 

والقرش دا بألرجل التانيه...

والحوت دا...

فقاطعتها : خلاص يا اوفر ..

سندت راسها ع كتفي كنت مستمتع اوي لمجرد اني مهم حتي لو لشخص واحد بس قطعت هي الجو الرومانسي دا واتنفضت من الفرحه وقالت : انا مقولتلكش ؟؟..

ابتسمت ع ابتسامتها : مقولتيش ايه ؟

اني بابا اداني فلوس usmle...وهبدأ فيها 

(Usmle هو امتحان الرخصه الطبيه الأمريكيه ..معادله بيعملوها دكاترة بشري عشان يسافروا يشتغلوا في امريكا)

اتغيرت ملامحي واختفت الابتسامه : نعم  ؟؟.

بعدت عني وقالت : في ايه ؟؟

والجواز اللي احنا متفقين عليه ؟؟

ردت بتلقائية وبراءة : يتأجل ..

قاطعتها : لا ميتأجلش ..عشان سبب تافه زي دا 

انت شايف ان دي حاجه تافهه 

اتعصبت وعليت صوتي :

 ايوا تافهه ..لما تختاريها ع بيتك ومستقبلك 

مكنتش بترد عليا كانت مصدومه من كلامي فقالت 

: انا مش فهماك بجد ...

فكملت انا بتحدي بتمني افوز فيه  : يا انا يا المعادله الزفت دي

يتبع 😘

رواية على لسان الشخصية الفرعية الفصل الثاني 2 من هنا

رواية على لسان الشخصية الفرعية كاملة من هنا