رواية الزوجة الثانية كاملة (جميع فصول الرواية) بقلم منة سلطان
_أنتَ بتعمل إيه؟؟!، دي مبتتقلبش كده!
إتكلمت بغيظ وأنا بسحب المعلقة من إيده بغضب، فضحك بإستهزاء قبل ما يرد عليا ويقول:
_حتى دي إخترعتولها طريقة جديدة تتقلب بيها كمان.
غمضت عيني بقوة وأنا بحاول أتماسك عشان مخبطهوش بحاجة بسبب استفزازه ده فرديت ببرود مصطنع:
_بقولك إيه أنت تتطلع برا.
بِعد وهو بيبصلي بصدمة وكأني أهنته وقال:
_بقى دي أخرتها !!، ده جزاتي إني قلت أساعدك ، على العموم أنا هسيبلك المطبخ كله وهخرج أسمع الماتش على رواقة.
إبتسمت إبتسامة واسعة وأنا برد بإنشكاح غريب:
_يبقى أحسن برضه .
وكانت ردة فعله أنه بصلي من فوق لتحت بغيظ وانسحب من المطبخ وهو حرفيًا على آخره، وده ليه بقى؟؟؟؛ عشان أنا منعت الأستاذ أنه يكركبلي المطبخ زي ما بيحب بس مش مهم ، دقيقتين وهينسى..
كملت اللي كنت بعمله بكل حُب وراحة بال فظيعة ولا كإني أعظم شيف ممكن تشوفوه في حياتكم ، بس طبعًا الحلو مبيكملش وإذا فجأة الخلاط يقف!!
طبعًا مفكرتش لثانية وأنا بتحرك على الليڤينج شبه الكتكوت المبلول عشان يساعدني:
_عُـــدي!!
كمل فُرجة على الماتش وكأنه مش شايفني ، فإتغاظت من بروده وناديت له بصوت عالي:
_يا عُدي أنا بكلمك على فكرة.
قفل التليفزيون ورفع عينيه ليّا وهو بيرد ببرود:
_خير ، هو مش حضرتك برضه لسة طارداني شر طردة من المطبخ!.
إبتسمت إبتسامة غبية :
_معلش مشيها المرة دي .
هز رأسه ببرود وهو بيشاورلي بسخرية:
_لا ، ولو سمحت بقى اخرجي برا الليڤينج خالص .
يتبع ....
فصول رواية الزوجة الثانية بقلم منة سلطان
اضغط على الفصل الذي تريد قراءته:
رواية الزوجة الثانية الفصل الأول 1
رواية الزوجة الثانية الفصل الثاني 2
رواية الزوجة الثانية الفصل الثالث 3 والأخير
اقرأ روايات مكتملة فقط من (هنا)
