رواية ملاك الحياة الفصل الثامن 8 بقلم داليا منصور

رواية ملاك الحياة الفصل الثامن 8

#ملاك_الحياة..

#الفصل_التامن

ملاك كانت قاعدة على السرير وزعلانة وبتكلم نفسها وبتقول .

-انا عاوزه اروح الجامعة حاولت مع ادهم كتر وموفقش بس انا قررت هكلمه النهاردة واقوله اني هروح الجامعة ولازم اشوف اهلي وهو ملهوش الحق يحبسني كده..

وهي بتتكلم شافت ادهم داخل الاوضه قامت بسرعه علشان تقوله انها عاوزه ترح جامعتها .

ملاك :

-ادهم ممكن اطلب منك طلب وتوعدني هترضي.

ادهم باستغراب :

-مش اشوف نوع الطلب الاول.

ملاك بخوف :

-انا كلمتك فيه قبل كده امانة عليك عاوزه اروح الجامعة بتاعتي انا في 3 جامعة مش هقدر اقعد كده مهما كان ده حلمي .

ادهم ببرود :

-وانا قلت مفيش كلية هتتعلمي ليه كل حاجة محتجاها هجبهالك ليه تتعلمي.

ملاك بعصبية :

-انا مش عاوزه حاجة منك انا عاوزه اتعلم واشوف اهلي وبس انت لي بتحبسني مكنش قلم يعني تبهدلني كل البهدلة دي كلها بسببه عرفني انتقامك هيخلص امتى لاني تعبت وقرفت من العيشه دي .

ادهم ببرود :

-خلصتي ادخلي بقي نامي وكمان العيشه إلي بتقولي قرفتي منها مليون بنت تتمناها...

ملاك :

-مش عوزاها خالي المليون ياخدوها انا عاوزه امشي من هنا ، وعاوزه اروح لاهلي وحشوني وماما تعبانة من غيري وحيات ابنك إلى فـ بطني توافق...

وعيطط وهي بتكمل وتقول:

-انا تعبت حاسة نفسي محبوسه انا عملت ذنب ايه علشان يتعمل فيا كل ده جزاتي أن واحد هاني وكان رد فعل مني طبيعي اني مش هسكتله، ليه تحاسبني علي حاجه زي دي....

وعيطط جامد وكأنها بطلع كل الي جواها من زعل وهم ومشاكل وشوقها لـ اهلها وكان نفسها في الحظه دي تصرخ وتقول انا مليش زنب وفعلا قالت.

ادهم قلبه وجعه من المنظر وبالذات لم حلفته بأبنه بيقول في نفسوا .

-للدرجه دي مش طايقه تعيشي معايا للدرجة دي بتكرهيني ، بس مش هقدر اسيبك إنتي البنت الوحيدة إللي خلتيني احس إني ليا قلب ومشاعر مش هسيبك تروحي مني وتاخدي إبني معاكي، إنتي ليا انا وبس وكمان مراتي حتى اهلك ملهُمش الحق ياخدوكي مني ،انا عملت كده مع ابوكي علشان مياخدكيش مني ،تيجي بالسهولة دي عاوزه تمشي لاء مستحيل.....

حس إن دي افضل فرصة إنها توافق تسافر معاه فقالها .

- مش إنتي عاوزه تخرجي من هنا.

ملاك بفرحة :

-ايوه انا عاوزه اخرج تعبت .

ادهم بغموض :

-تمام ماشي حضري هدومك هنسافر .

ملاك باستغراب :

-نسافر انا بقولك عاوزه اشوف اهلي مش نسافر

ادهم :

-وهو ده إلي عندي عاوزه تخرجي مستعد اخدك معايا وانا مسافر تعالي ولو مش حابة انتي حره هتقعدي هنا من غير متتكلمي ومش هتخرجي خالص يعني اكتر من المحبوسة.

ملاك بتفكير :

-يعني يا اسافر او اقعد هنا اي الراجل ده مـ اروح احسن اهوا فسحه ببلاش وكمان اقول لـ نورهان إني سافرت واغيظها

ملاك بفرحة :

-تمام اشطا موافقه...

ادهم باستغراب :

-اي الي مفرحك كده مش كنتي زعلانة من شوية وكمان اي اشطا دي دي الفاظ بنت تقولها وزعل ايه ده ياربي عليه العوض والله متجوز واحدة بمليون رأي مزاجها بيتغير مع تغير المناخ.

ملاك بملل :

-بقولك اي مش انا وافقت رايحه احضر الشنطة.. ومشت بسرعه وهي فرحانة... ادهم وهو مصدوم منها وبيقول:

- انا متأكد مليون في المية انها يامجنونة او فيها حاجة في دماغها ولو فضلت معايا كدا كتير احتمال افقد يا حياتي انا وابني يا نتجنن زيها...

شافها بتشيل الشنطة وهي تقيلة وفرحانة وبتقول:

- هيه هسافر والحمد لله دأنا هصور كل لحظة واوريها للبت نورهان علشان اغيظها...

وكامت بتزق الشنطة الكبيرة قوي ادهم ضحك وجرى عليها وبيقول:

-استني مش هتحضريها دلوقتي لسه قدامنا لبكره .

ملاك بفرح والا كأنها كانت بتعيط من شويه :

-ماشي هحضرها الاول عادي وماشيه بتغني وتقول .

-جينا جينا اه اه يامارينا اه اه جينا ج ...بس قاطعها ادهم وهو بيضحك وميت علي نفسه من كترالضحك :

- إنتي اقصي طموحاتك تروحي مرينا دي جوه مصر انا بقول هنسافر.

ملاك باستغراب :

-يعني مش هنروح مرينا امال هنروح فين شرم الشيخ مثلا.

ادهم بضحك :

-انا يأست منك خلاص..

وبيضحك جامد وهو بيقول:

-هقولك إحنا رايحين فين بس مش دلوقت علشان دى هفجأه .

ملاك :

-ياخوفي توديني اسكندريه في الاخر وضحكت..

ادهم بملل :

-طب امشي من هنا يلا عشان متغباش عليكي...

ملاك بخوف جرت وهي بتقول :

- خلاص خلاص همشي انت عاقل هتعمل عقلك بعقل طفلة زي...

وجرت علي اوضت الهدوم الي ادهم مخصصها لوحدها كانت اجمل الاوض وشكلها تخلي اي حد ينبهر بشكلها وده كان رد فعل بطلتنا لم شافتها اول مرة انبهرت دخلت ملاك الاوضه وهي بتقول:

-انا كل مدخل الاوضه دي اتحسر على اوضتي الي كنت مفكراها فخمه اتاريها بالنسبة للاوضة دي او الهدوم بس متجيش حتي رف في دلابي مهو الخطف طلع حلو اهو ، بفكر اقبل بـ ادهم علشان القصر بس والسفر في المكان إلي معرفش هو فين.

..... وضحكت وبدأت في تحضير الشنطة..

................

خلصت ملاك تحضير الشنطة وخدت بجامه من الون البينك ولبستها وفردت شعرها الاسود الطويل كانت أيه من الجمال ودخل الاوضه لقت ادهم نايم فقالتلوا .

-هو مش انت المفروض تنام على الكنبه وتسيبلي السرير.

ادهم ببرود :

-واسيبلك سريري ليه وكمان السرير واسع تعالي نامي .

ملاك بخوف بس جالها فكره..

-بس انا خايفه انام جنبك تخبطني في بطني ، ويحصلي حاجه ومش هقدر انام على الكنبه لانك عارف هتتعبني .

ادهم فهمها بس حب يستهبلها :

-تمام ماشي أنا هقوم انا علي الكنبه بس إزاي هنام عليها إنتي عارفه إني طويل .

ملاك بتفكير :

-خلاص خليك على السرير وانا هنام على الكنبه ، ولسه رايحه اتجاه الكنبه لقت حد بيشد إيديها جامد ووقعت عليه.

ادهم بمكر :

-نامي علشان مش فاضي لـ لعب الاطفال ده.

ملاك بنرفزه :

-خالي في علمك ده مش عدل وانت مستفز....

وعماله تشتم فيه وهو مش معاها بتبص عليه لقته نايم فسرحت في ملامحه شوية وبعدها كانت نامت في حضن ادهم ،وفتح عيونوا براحه لقاها نامت حضنها وكمل نوم...

—————&&

تاني يوم...

يأتي الصباح على الجميع في منهم الي زعلان ومنهم فرحان، في اوضت احمد بيقوم من علي السرير ويدخل الحمام ،وبعد فتره قصيره بيخرج وهو متوضي بيصلي الفرض بتاعه ، ويغير هدومه وبيخرج بره.

احمد :

-صباح الخير يا بابا.

الاب بحب :

-صباح الخير يابني ، قعد يفطر هو وابوه واموا ، احمد بيقول لابوه.

-بابا انا كلمت المحامي هنعدي عليه وناخدوا ونروح القصر علشان قال لو ملاك قالت آنها مغصوبه على الجواز هيعرفوا يتصرفوا .

الاب :

-ماشي هنفطر وننزل .

احمد:

- ماشي يا بابا....

———

عند نورهان بعد مصحيت وقامت ولبست وودعت مامتها خرجت من البيت ورلحت الكليه تحضر المحاضرات ، شافت دكتور اسد جاي عملت نفسها مش شايفاه.

-استاذه نورهان هي ملاك مش هتحضر والا ايه اصل الامتحانات قربت ومفيش اخبار عنها خالص..