رواية جبروت المهداوي الفصل الخامس 5 بقلم داليا منصور الفرجاني

رواية جبروت المهداوي الفصل الخامس 5

#الفصل الخامس

عند افنان كانت بتلعب في الجنينة مع لين والكل مبسوط بيهم..

ريحانة بحب:

- طفلتين متعلقين ببعض ربنا يديم محبتكم يا بنات قلبي..

فجأة سمعوا صوت برة ريحانة راحت تشوف ايه لقتها مرات ابو افنان وبتقول:

- دخلني يا راجل رايدة بت جوزي جوه عوزاها امال...

الحارس:

- لع مهدخلكيش واصل العمدة محرج علينا دخول أي حد وهو مش موجود..

سنية بكره:

- دخلني والا هصوت والم الخلج عليكم..

الراجل حس بخوف لأنهم مهما كان دي ست بتتبلى عليهم ودي حاجة كبيرة قوي:

- ماشي هدخلك بس تخرجي طوالي مش رايد مشاكل من العمدة امال...

سنية بخبث:

- متقلقش معتشوفش وشي تاني هني واصل..

ريحانة بخوف من وراهم:

- جاية ليه يا سنية..

سنية بخبث:

- جاية عشان اشوف بتي..

ريحانة:

- ومن ميتى وبقت بتك يا سنية مش دي اللي كنت رايدة تخلصي منيها والا كلامي مش زين...

سنية بتمثيل:

- قلبي وجعني عليها يا حبت عيني شغالة بقالها ٤ سنين من وهي طفلة أن الأوان يرجع كل طير لعشه أمال...

ريحانة:

- متقلقيش عليها يا خيتي أنا هنيه معاها ومعسبهاش واصل..

سنية بعصبية وهي بتنادي على افنان:

- بت يا افنان انتي يا مقصوفة الرقبة..

افنان سمعت صوت مرات ابوها خافت ولين سألتها..

- ماما مين اللي بتقولك كده..

افنان حضنتها بخوف ومش عارفه سواء بتصبر نفسها ام الطفلة..

افنان بخوف وهي بتقول:

- مش رايدة ابعد عنك واصل يا لينو..

لين بحزن:

- مش هتبعدي عني واصل يا ماما..

فجأة افنان شافت مرات ابوها وهي جايه عليها تجري وبتقول..

- أم مين اللي عتناديلها البت يا مجرمة..

افنان حضنت لين اكتر وهي بتقول:

- لع مش هروح معاكي واصل انا هقعد اهنيه مع لين وبوي بس..

سنية بكره:

- مش هتقعدي هنيه واصل لأنك بقيتي صبية وادورتي لازم تتجوزي امال وهجوزك لراجل البنات كلياتهم عيحسدوكي عليه غني قوي..

افنان بخوف:

- لع مريداش اروح معاكي...

سنية وهي بتشدها بكره وتقول:

- امشي كده لازم تروحي معاي اليوم قبل بكرة..

افنان كان بتصرخ ولين بتقول بصريخ:

- هملي امي متاخدهاش معاكي يا شريرة..

سنية بكره زقت لين وهي بتقول:

- غوري من وشي أم مين اللي عتناديها للمجرمة دي وكيف يعني امك..

افنان شافت لين وقعت واغمى عليها فضلت تصرخ وريحانة شالتها بخوف عليها وهي بتقول..

- اتقي الله يا سنتية ده بت لساتها صغيرة والعمدة لو علم باللي عملتيه بالبنات مش هيسيبك واصل...

سنية بخبث:

- أنا جاية هنيه اخد بتي عاد ليه عتمنعوني بتي بقت صبية ورايدة اجوزها واسترها ومسبهاش واصل تخدم في بيت العالم ليطمع فيها راجل امال تبقى سمعتنا كيف الوحل اياك..

ريحانة:

- صدقيني مفيش اهنيه غير انا والحاج مهداوي ولين وافنان..

سنية:

- برضوا مهسبش بت جوزي لحالها هنيه كفاية موته من سنة ومكنش راضي يا حبت عيني على شغلها اهنيه...

افنان ببكاء:

- ابوس يدك متاخدنيش معاكي رايدة اقعد اهنيه واللي تعوزيه هجبلهولك بس متاخدنيش معاكي يا مرت ابوي..

اتلم الناس على اللي بيحصل مرات ابوا افنان بتمثيل

- اشهدوا يا اهل البلد جاية اخدها من اهنيه وخايفة عليها من حديت الناس بتقولي متاخدنيش ليه مش رايدة تمشي من اهنيه يا مقصوفة الرقبة عاملة ايه عاد وخايفة منيه..

افنان ببكاء:

- صدقوني مريداش اروح معاها..

سنية:

- شوفتوا انا معملتلهاش حاجة واصل يا عالم أنا ريداها تتجوز وتتستر في بيت جوزها بدل ما هي عايشة خدامة هنيه..

الكل صدق كلام سنية وراجل بيقول:

- يابتي روحي معاها هي رايدة مصلحتك ومش هتأذيكي قعدتك هنيه وانتي ملكيش صلة بجناب العمدة ده هيكتر الحديت عليه وعليكي...

افنان بخوف:

- لع مهسيبش بيت ابوي واصل وروح معاها..

الحج مهداوي من وراهم:

- كيف عتاخدوها كده مفيش قانون امال وكمان يا حرمة انتي مش قولتيلي انك هتشغليها خدامة اهنيه وبتقبضي كل شهر تمن لشغلها اهنيه فيكي ايه عاد...

سنية بخوف:

- لع مانا فهمت دلوقيت انها ملهاش ذنب في حاجه واصل..

الحاج مهداوي باستغراب:

- وايه المطلوب دلوكيت..

سنية:

- هاخدها معاي يا عمدة البت لساتها صبية وأهل البلد هيتكلمو عليها لو مراحتش معاي وهي مصيرها تتجوز..

الحاج مهداوي:

- افنان لساتها صغيرة امال وبالنسبة للجواز أنا. هجوزها احسن جواز واخرجها من اهنيه..

لين بخوف بعد مصحيت جريت على جدها وهي بتقول:

- لع يا جدي أنا معوزاش امي تتجوز حد تاني واصل...

الكل اتصدم من كلام لين واستغربوا ازاي بتناديها امها وهي لسة صغيرة كده..

ست من الواقفين:

- يامري امها كيف يابتي انتي لساتك اصغيرة قوي على الكلمة دي عاملة ايه عفش يابتي علشان البت دي تناديكي بأمها كده..

ست تانية ردت عليها:

- جايز تكون هي وابوا لين مفهمنها انها مرته والا حاجه اصل البت معتناديش عليكي بأنك امها غير بالطريقة دي...

راجل من اللي واقفين:

- كلام الست سنية صوح لازم تمشي من اهنيه هي خايفة عليكي من عمايلك العفشة تقعي ومين هيتجوز بنت قعدت في بيت ناس غريبة اكتر من ٤ سنين...

الحاج مهداوي بعصبية:

- اللي عتقوله ده مش صُح افنان بتي وبس وولدي مش قاعد اهنيه بطلوا كلام مش زين على البت امال لساتها متعرفش حاجه ولين متدركش ان كلمة ماما متنفعش هما متربين مع بعض جايز الطريقة غلط بس ده اللي حصل..

سنية بتمثيل الحزن:

- ابوس يدك يا عمدة بت جابر لازم تتجوز من العريس اللي جابهولها قبل ميتوقى..

الحاج مهداوي:

- رايدة تجوزي البت وهي لساتها صغيرة قوي اتخبلتي اياك...

سنية بخبث:

- مانت مشغلها عندك عتربي بنت ولدك وهي ملهاش صلة بيها تقدر تقولي لو محدش رضى يتجوزه افنان كيف هتتجوز...

الحاج مهداوي بعصبية:

- لع هتتجوز زينة الرجالة مش أي راجل يا سنية غوري من وشي أوام كده..

سنية شدة افنان اديها والكل ساعدها في كدا وهي بتقول:

- مهتركهاش يا عمدة واصل بت جابر لازم تتجوز من اللي وصى بيه ابوها عاد ومتواخذيش البت مقعادها هنيه يبوظ سمعتها واحنا عالم على كد حالنا امال...

واحد من الرجالة:

- لو منعتها تاخد البت ياعمدة كدة عتعادينا كلياتنا امال ومنرضهاش ان بناتنا يقعدوا في بيت راجل غريب عنيها حتى لو كان أنت يا عمدة سيب مرت ابوها تاخدها وتمشي من اهنيه...

افنان بصراخ وهي بتقول:

- لع متسبهاش تاخدني يابوي ابوس يدك سيبني جارك اهنيه وانا اشتغل خدامة تحت رجليك بس متسبهاش تاخدني...

لين كانت ماسكة ايد افنان وهي بتصرخ ومش راضية تسيبها لكن فلتت اديها بسبب شد سنية لأفنان اللي كانت بتصرخ وتقول..

- همليني يا مرت ابوي مريداش اتجوز عاد ابوس يدك همليني لحالي هنيه..

سنية بكره وهي بتقولها بصوت واطي:

- مهسبكيش تفرحي اهنيه هحرق قلبك يا بت جابر...

وكانت لسه هتخرج بيها من القصر سمعت صوت الحاج مهداوي بيقول...

- هملي البت يا سنية مهتتجوزش من حد غريب واصل كيف هتجوزيها وهي متجوزة...

الكل بص على العمدة واتصدم سنية بصدمة:

- ايه اللي عتقوله ده يا عمدة كيف متجوزة...

الحاج مهداوي:

- انا بقولك اها البت متجوزة رايدة تعادي جوزها انتي حرة امال....