رواية جبروت المهداوي الفصل السادس 6 بقلم داليا منصور الفرجاني

رواية جبروت المهداوي الفصل السادس 6

#الفصل السادس

سنية قالت بعصبية:

- كيف متجوزة يا عمدة ومين جوزها امال قولنا قدام اهل البلد وكل اللي واقفين هنيه عاد..

الحاج مهداوي بشجاعة:

- افنان تبقى مرت ولدي ايهاب..

الكل اتصدم وسنية ادايقت وهي بتقول:

- لع معتتجوزش حد واصل غير العريس اللي جايبهولها وكيف يعني ياعمدة تجوز بت اقل من سنها القانوني وبدون علم اهلها شايفها سايبة امال..

الحاج مهداوي:

- ولدي جاي النهاردة ومعاه قسيمة الجواز وبالنسبة اني إزاي اجوزها من غير علم اهلها البت يتيمة ووكلتني بدالها امال ومعندهاش قرايب فوكلني اني والا ايه قولكم يا رجالة..

واحد من الواقفين:

- طب يا حج مهداوي رايدين القسيمة قدام العالم كلياته ونتأكد من كلامك زين ممكن تكون عتضحك علينا.. ....

.... في القصر....

بعد مشى الكل الحاج مهداوي كان قاعد قدام افنان وافنان مصدومة وبتقول:

- كيف يابوي أنا مرت ولدك انت معتعرفش انه مش بيحب غير مرته وكمان مش جوزي ليه قلت كده ...

الحاج مهداوي بهدوء:

- يا افنات يابتي أنا قلت كده علشان احمي سمعتك من العالم كلياته ومرت ابوكي كمان متاخدكيش معاها...

افنان بحيرة:

- لكن يابوي عنتكشف هما رايدين قسيمة الجواز النهاردة في القاعدة اللي عيعملوها وكل اللي قولته هينكشف قدام الخلق كلياتهم وان جوازي من ولدك مش حقيقة واصل...

الحاج مهداوي بغموض:

- لاع متخافيش أنا هعرف كيف اخليهم يسكتوا وميتكلموش عليكي واصل وبالنسبة لولدي أنا هعرف اتكلم معاه زين قوي...

..... عند ايهاب كان قاعد في مكتبه ومشغول بالشغل فجأة شاف تليفونه بيرن بأسم ابوه..

- الو يا حج..

الحاج مهداوي بتعب:

- ولدي الحقني ابوك عيودع الدنيا رايدك تيجي لشوفك للمرة الأخيرة..

ايهاب بخضة:

- ايه اللي بتقوله ده يابا...

قفل الخط ايهاب بخوف:

- ايه اللي حصل وليه كلمني وقال كده طلاما مش تعبان فضل يرن تليفونه فصل..

صاحبه كان داخل وهو بيهزر فجأة شاف ايهاب قلقان قاله:

- مالك يا ايهاب فيك ايه ..

ايهاب بقلق:

- خايف على ابويا لأنه قالي انه محتاجني وتعبان قوي وعاوز يشوفني..

سليم بهدوء:

- طب متقوم نروح ليه قلقان كدا يعني..

ايهاب:

- اه صحيح انا ليه مفكرتش بده يالله بينا..

خرج ايهاب من الشركة هو وسليم وكانوا مستعجلين....

... الحاج مهداوي كان قاعد قدامه كل كبرات البلد ومعاهم مرات ابو افنان وهي بتقول بخبث..

- مش قولتلكم عاد العمدة بيلاوع ومعهوش قسيمة والا اي حاجه وافنان قاعدة هنيه خدامة وبس واكيد في حاجه طلاما مش رايدها تخرج من اهنيه...

الحاج مهداوي بكره:

- قفلي خشمك يا حرمة قطع لسانواللي يقول حاجه على مرت ولدي ايهاب..

سنية بمكر:

- امال فينه زوج افنان عاد والا بتضحك علينا وخلاص..

واحد من الرجلة قال:

- اه ياعمدة ولدك وين عاد..

- أنا هنا مين بيسأل عني..

الكل بص وراهم لقى ايهاب جاي اتجاه الحاج مهداوي وبيقول وهو بيوطي يبوس على ايد ابوه..

- عامل ايه يا حج..

مهداوي بفرحة وهو بيحط اديه على راس ايهاب وبيقول:

- انا دلوقتي بقيت بخير يا ولدي..

سنية بكره:

- ورينا قسيمة الجواز يا ايهاب بيه علشان كلياتنا مستنين من امبارح...

ايهاب استغرب والحاج مهداوي قال:

- رايد ولدي على انفراد اشوفكم بعد شوي....

... وخد ايهاب في ايده وهو بيقول...

-تعالى يا ولدي رايد اتحدت معاك بخصوص القسيمة اللي أنت خدتها وياك القاهرة ونسيت اقولك تجيبها ويالك..

ايهاب باستغراب:

- قسيمة ايه يابوي اللي عجيبها..

الحاج مهداوي ضغط على ايديها وخده وخرج سنية شافت كل حاجه وقالت بخبث في سرها...

- أخيراً كذبكم عينكشف قدامي وهاخد بت جابر علشان ابيعها للراجل العجوز هبقى غنية قوي وهعيش مع بتي في هنا وأحلى عيشة...

.......

عند افنان كانت قاعدة فوق مع لين والخالة ريحانة..

افنان بخوف:

- خايفة قوي يا خالة ريحانة من مرت ابوي تكشف الكذبة وتاخدني معاها وتجوزني دي رايدة تنتقم مني مريداش تجوزني واصل...

ريحانة بتوتر:

- وانا كمان يابتي خايفة قوي ومريداش الشرانية سنية تاخدك معاها بس مش متأكدة أن ايهاب بيه عيوافق على جوازك منه واصل وهيخرب الدنيا كلياته..

لين بعدم فهد:

- بوي هنيه يا عمة رايدة اشوفه علشان اوريه امي افنان وانها كيف القمر..

افنان حضنتها وهي بتقول:

- ربنا يخليكي ليا يا ضنايا أمك معتسبكيش واصل..

... عند الحاج مهداوي في اوضته كان واقف ايهاب بعصبية وبيقول:

- انا مش متجوز البت دي يا با أنا بحب المرحومة مراتي وعمري متجوز من بعديها..

الحاج مهداوي:

- ياولدي البنية خدمتك وربت بنتك احسن تربية امال البت متعلقة بيها قوي وقالتها امي قدام الكل وفكروا انها مش زينة بسبب بتك يعني دي مسألة تخليص حق يا ولدي..

ايهاب بعصبية:

- دي مش مشكلتي محدش قلها تربي بنتي ولو عاوزة افلوس هديها فلوس بس مش هتجوزها خالص..

الحاج مهداوي بحزن:

- ياولدي انا قولت قدام العالم كلياتهم انك جوزها على سنة الله ورسوله كيف هقول دلوكيت انها مش مرتك ايه لعبة اياك..

ايهاب بعصبية:

- جايبني هنا على ملا وشي علشان ست الحسن بتاعتك دي أنا مش هتجوز وأعلى ما في خيلهم بقى أنا بحب نرمين وبس وأقسمت بعديها مش هتجوز خالص..

الحاج مهداوي قعد وهو تعبان وبيقول:

- فكرتك ولدي وسندي من بعدي وهتعمل كيف ما أنا بعمل بس طلعت معندكش قلب واصل ياولدي البت عتتحامى فينا نعمل فيها كده مرت ابوها لو خدتها مش هتسيبها عايشة ده المقابل اللي عتدهولها يا ولدي..

ايهاب فكر وهو بيقول:

- بس أنا بحب نرمين ومش عاوز اتجوز من بعدها...

الحاج مهداوي:

- امضي على قسيمة الجواز دي يا ولدي والمأذون هنيه الشهود كمان كل اللي عتعمله هتتجوزها وتمضي على قسيمة الجواز وهخلي افنان تمضي وبعدين امشي في طريقك انا عاوز سبب لتقعد اهنيه وخلاص...

ايهاب بتفكير وافق وقعد قدام المأذون وخلص كل حاجه بس ايها وقف المأذن وهو بيقول..

- بس القسيمة هتتكشف انها لسه جديدة يابا..

المأذنون:

- الحاج مهداوي قالي على كل حاجه ودي بت يتيمة وأنا كمان هساعدكم بده هخلي القسيمة بتاريخ شهر فات وكدا كدا الجواز مش رسمي لأن البت لساتها متمتش سنها القانوني..

ايهاب بصدمة:

- ايه لسه صغيرة ازاي ده وهتجوزها ازاي وهي صغيرة كده ...

الحاج مهداوي:

- ياولدي أنا الوصي علي أفنان من بعد وفاة ابوها ده الحسنة الوحيده اللي عملها للمسكينة قبل ميموت يمكن كان قلبه حاسس علشان كده..

ايهاب هز راسه وتمم الجواز وافنان مضت فوق والمأذون قال جملته الشهيرة:

- بارك الله لكما وبارك عليكما وجمع بينكما في خير...

..........

عند افنان..

- كيف حصل كده يا خالة ريحانة انا اتجوزت واحد عمري مشوفته واصل..

ريحانة بحب:

- ربنا يتمملك على خير يابتي استاذ ايهاب شاب زين وبنات العالم كلياتهم عيتمنوا يشوفوه لكن كان رافض بسبب المرحومة مرته يابتي وكان قافل قلبه لكن القدر يجمعكم سوى وقدركم عذبكم يمكن ترتاحوا من بعدها يابتي...

افنان بصت على لين وهي بتقول:

- حتى لو القدر جمعنا يمكن علشان البنية الغلبانة دي هي ملهاش صالح تتعذب بسبب مشاكلنا أنا وابوها...

.......

#استووووب

ياترى هيحصل ايه مع افنان؟ وهل فعلاً علاقتهم مش هتتطور والا ايه هيحصل اشوفكم في البارت السابع...

#جبروت المهداوي

#داليا منصور الفرجاني..

#الفصل السادس...

رواية جبروت المهداوي الفصل السابع 7 من هنا

الرواية كاملة من هنا (رواية جبروت المهداوي)