رواية زهرة وسط أشواك كاملة (جميع فصول الرواية) بقلم فريدة أحمد
 |
| رواية زهرة وسط أشواك |
عارفة يعني ايه فجأة تلاقي نفسك خطيبك بيسيبك وفي نفس اليوم يخطب اختك"
كانت قاعدة بتتكلم بقهر ودموعها بتنزل بـ الم
وكانت قصادها صاحبتها اللي قاعدة بتسمعها بحزن ووجع عليها
كملت زهرة بدموعها اللي مغرقة وشها .... انتي مستوعبة اللي حصلي.. في يوم واحد اتخدع في اكتر اتنين بحبهم في حياتي.. اختي وحبيبي
رانيا... وهما مايستاهلوش حبك ده
غمضت زهرة عنيها وهي بتهز دماغها بـ رفض وهي بتقول... مش قادرة اصدق.. حاسة اني في كابوس ونفسي اصحي منو واكتشف انو مجرد حلم مش حقيقة..نفسي يطلع حلم. نفسي
مسكت رانيا اديها وهي بتحاول تخفف عنها ... حبيبتي هما مايستاهلوش انك تزعلي بسببهم.. كويس انك اكتشفتيهم علي حقيقتهم.. يمكن احمد مكانش خير ليكي. متزعليش عليه.. دا بني ادم زبالة صدقيني ميتزعلش عليه
زهرة وهي دموعها بتنزل بألم..... انا زعلانة علي نفسي..زعلانه ومقهورة.. معملتش معاهم حاجة وحشة.. ليه يعملو معايا كده.. ليه يكسرو قلبي
ابتسمت بوجع وهي بتقول.. انا حتي مش عارفه هو سابني ليه.. معرفش السبب.. تخيلي.. فجأة حياتي تتشقلب بين يوم وليلة
..
اعرفكم بنفسي *
انا زهرة في اخر سنة في حقوق كنت مخطوبة انا واحمد
انا وهو بنحب بعض من سبع سنين عمري ماحبيت غيره ولاشوفت غيره. انا مش بس بحبه لا انا بعشقه
بس اللي حصل النهاردة كسرني مش قادره استوعب ولا كنت متخيلة ان في يوم من الايام يحصلي كده
فلاش باااك
وانا خارجة من الجامعة شوفت احمد وهو مستنيني قدام باب الجامعة زي مامتعودة دايما بيجيلي علشان يوصلني بيتي والنهاردة شوفته وهو واقف ساند علي عربيته.. تلقائي قلبي دق دقات سريعة زي كل مرة بشوفه فيها.. ايوة انا كل مابشوفة قلبي بيدق ليه وكأني اول مرة بشوفه. بشوف حبيبي
قربت عليه بابتسامة وانا بقولو... اتأخرت عليك
لكن هو كان واقف بجمود لاحظتو عليه
مردش عليا ولاقيته بيخلع دبلته وبيحطها في ايدي
وبعدين بصلي وقالي جملة كفيلة توجع قلبي سنين
احمد ... اكبر غلطة غلطتها في حياتي اني ارتبطت بواحدة زيك
بصتله بزهول وانا بحاول استوعب وقولت... احمد هو انت بتهزر. صح
وانا ببصله بترقب ومستنيه يضحك ويقولي اه
لكن هو متكلمش
بعدين انا ضحكت وقولتلو بعد ماطمنت نفسي انو اكيد بيهزر وان دي حركة من حركاتو لانه دايما بيعمل مقالب فيا
قولتلو.... بجد هزارك رخم. قولتلك مليون مره بلاش هزارك ده. كل مرة بتخضني
بس احمد بجمود قالي.... انا مش بهزر معاكي يازهرة. انا فعلا مش عاوزك وندمان اني ارتبطت بيكي
وهو بيبصلي باشمئزاز من فوق لتحت
بصته كانت بتد. بحني وانا واقفة مش فاهمة حاجة
وقبل مااتكلم كان سابني وركب عربيته ومشي
فضلت واقفة مكاني مصدومة مش قاردة ولا عارفة اتحرك حسيت اني مشلولة دماغي مش قادرة تستوعب..
رجلي مش عارفة احركها
قعدت مكاني وركنت ضهري للحيطة وانا لسه مصدومة
فضلت مكاني مش عارفة عدي وقت قد ايه
بعدين قومت مشيت وانا تايهة مشيت مكنتش عارفة انا ماشيه فين بس فجأة لاقتني قدام بيت جدتي
اتنهدت وفتحت الباب ودخلت في صمت
كانت تيته قاعدة قدام التلفزيون بتشرب الشاي بتاعها قربت وقعدت جمبها وانا تايهه لسه
بصتلي تيته باستغراب وقالتلي... مالك يازهرة
دموعي اخيرا نزلت واترميت في حضنها وانا بعيط وبقولها... احمد سابني ياتيته.. احمد سابني واداني دبلته
وانا بعيط اوي وكأني كان حد حابس دموعي وانفجرت دموعي من عيني مرة واحدة ومش بتوقف
ضمتني تيته ليها وهي بتطبطب عليا
سالتني وهي مش فاهمة حاجة.... يعني ايه يازهرة سابك.. طب سابك الزاي وليه.. ايه اللي حصل
بس انا كنت بعيط ومش بتكلم
تيته بحنية ... ردي عليا ياقلبي وفهميني حصل ايه وسابك ليه
اتكلمت من بين دموعي وقولت بتوهان ... مش عارفه . مش عارفه ياتيتا هو سابني ليه.. ولا فاهمة حاجة
تيته... طيب اهدي اهدي ياحبيبتي
وهي بتطبطب عليا
فضلت اعيط في حضنها
و فضلت هي تلمس علي شعري وتقرأ ليا قرأن لحد مانمت
..
صحيت بليل وانا حاسة بصداع هيفرتك راسي
بصيت في الساعة لاقيتها 10 بليل
قومت اخدت شنطتي علشان ارجع بيتنا لاقيت تيتا خارجة من المطبخ وهي بتقولي... علي فين يازهرة
يتبع...
فصول رواية زهرة وسط أشواك بقلم فريدة أحمد
اضغط على الفصل الذي تريد قراءته:
- رواية زهرة وسط أشواك الفصل الأول
- رواية زهرة وسط أشواك الفصل الثانى
- رواية زهرة وسط أشواك الفصل الثالث
- رواية زهرة وسط أشواك الفصل الرابع
- رواية زهرة وسط أشواك الفصل الخامس
- رواية زهرة وسط أشواك الفصل السادس
- رواية زهرة وسط أشواك الفصل السابع
- رواية زهرة وسط أشواك الفصل الثامن
- رواية زهرة وسط أشواك الفصل التاسع
- رواية زهرة وسط أشواك الفصل العاشر
- رواية زهرة وسط أشواك الفصل الحادى عشر
- رواية زهرة وسط أشواك الفصل الثانى عشر
- رواية زهرة وسط أشواك الفصل الثالث عشر
- رواية زهرة وسط أشواك الفصل الرابع عشر
- رواية زهرة وسط أشواك الفصل الخامس عشر
- رواية زهرة وسط أشواك الفصل السادس عشر
- رواية زهرة وسط أشواك الفصل السابع عشر
- رواية زهرة وسط أشواك الفصل الثامن عشر
- رواية زهرة وسط أشواك الفصل التاسع عشر
- رواية زهرة وسط أشواك الفصل العشرون
- رواية زهرة وسط أشواك الفصل الحادى والعشرون
- رواية زهرة وسط أشواك الفصل الثانى والعشرون
- رواية زهرة وسط أشواك الفصل الثالث والعشرون
- رواية زهرة وسط أشواك الفصل الرابع والعشرون
- رواية زهرة وسط أشواك الفصل الخامس والعشرون
- رواية زهرة وسط أشواك الفصل السادس والعشرون
- رواية زهرة وسط أشواك الفصل السابع والعشرون
- رواية زهرة وسط أشواك الفصل الثامن والعشرون
- رواية زهرة وسط أشواك الفصل التاسع والعشرون
- رواية زهرة وسط أشواك الفصل الثلاثون
- رواية زهرة وسط أشواك الفصل الحادي والثلاثون
- رواية زهرة وسط أشواك الفصل الثاني والثلاثون
- رواية زهرة وسط أشواك الفصل الثالث والثلاثون
جارى كتابة باقى فصول الرواية .. عاود زيارتتا
