رواية زهرة وسط أشواك الفصل الثامن والعشرون 28 بقلم فريدة أحمد

رواية زهرة وسط أشواك كاملة عبر روايات الخلاصة بقلم فريدة أحمد

رواية زهرة وسط أشواك

رواية زهرة وسط أشواك الفصل الثامن والعشرون 28

دفعت أمينة باب الغرفة على سهر بعنف واقتحمتها قائلة بلهجة حازمة:– اسمعي يابت انتي انا عارفة انك مش حامل وجاية تنصبي علينا. يعني شغل اللوع اللي جاية تعمليه ده مش معايا لاتي قارياكي من ساعت ما دخلتي 

توترت سهر بشدة، لكنها في لحظة واحدة استطاعت بمهارة أن تُخفي هذا التوتر. فقد تركت الهاتف من يدها الذي كانت تتفحصه بممل ثم نهضت من على السرير وتقدمت نحوها مبتسمة وقالت بلطف:

– طنط تعالي اقعدي معايا. اصلي قاعدة زهقانة وانا لوحدي

كانت أمينة على وشك أن تتحدث، لكن سهر واصلت بنفس الابتسامة 

– تعرفي ان فيكي شبه كبير من حمزة

ردّت أمينة:

– مش امه اكيد شبهي

لتقول سهر:

– بس حضرتك موزة مزززة يعني ومش باين عليكي السن خالص

قالت أمينة بضيق:

– وحد كان قالك اني عجوزة

أسرعت سهر قائلة:

– مش قصدي. انا اقصد اللي يشوفك مايقولش انك مخلفة حمزة. يقول انك اخته. والله بكلمك بجد. تعرفي انك دخلتي قلبي واستريحتلك من ساعت ماجيت

بقلم فريدة احمد 

كانت أمينة تدرك جيدا أنها تحاول بألفاظها إغواءها واستمالتها،، لكنها ردّت قائلة:

– طيب ياختي. انتي بردو دخلتي قلبي وشكلي هحبك

لتبتسم سهر قائلة:

– بجد ياطنط

قالت أمينة:

– امم.. بس قوليلي بقا... انتي مش حامل صح.

ثم تابعت بنبرة تحذير:

– ومتكدبيش لاني هعرف بطريقتي اذا كنتي حامل ولا لا. علشان لو طلعتي بتكدبي ساعتها مش بس مش هحبك.لا دانا مش هرحمك كمان

لتتوتر سهر ولكن تقول:

– وهكدب ليه. انا حامل بجد و

قاطعتها أمينة:

– انتي عارفة ان الدكتورة علي وصول وهتكشف عليكي.

لتبتلع سهر ريقها بتوتر وخوف.بينما جلست أمينة على السرير، وأكملت بنبرة هادئة لكن قاسية:

– يعني لو مطلعتيش حامل حمزة هيطلقك وهيرميكي..انتي عارفة انه كده كده عاوز يطلقك بس ابوه اللي مانعه عشان انتي حامل.. دا طبعا لو حامل فعلا. انما لو مش حامل هيطلقك وابوه مش هيقف معاكي.. هاا. هتقولي الحقيقة واساعدك ولا كلها ساعة وتترمي برا البيت ده 

لتقترب سهر وتجلس امامها علي السرير ثم تقول بوهن:

– انا بحب حمزة اوي ياطنط اووي

لتقول أمينة:

– تحبيه تكدبي عليه بردو

ردّت سهر بسرعة قائلة:

– لا انا مكدبتـش..

ولكن قاطعتها أمينة بثقة:

– انا متأكدة انك بتكدبي.

تنهدت ثم قالت:

– بصي زي ماقولتلك انا هقف معاكي. لاني ببساطة مش عاوزة حمزة يطلقك

لتندهش سهر و تقول بفرحة:

– بجد

اومأت أمينة برأسها وقالت:

– وعلشان كده انا بنفسي هتفق مع الدكتورة تقولهم انك فعلا حامل

لتقول سهر بمتنان:

– انا مش عارفة اقولك ايه ياطنط

لتقول أمينة:

– متقوليش ياختي

كانت سهر متعجبة من موقف امينه فسألتها بفضول:

– طب هو حضرتك ليه عاوزة تساعديني. اصل مش معقول حبتيني يعني فجأة يعني

لترد أمينة بصراحة:

– اكيد محبتكيش. بس انا عاوزة ابني يطلق زهرة وطلاقها مش هيحصل غير لو حملك ده حقيقي. أأأو يبان قدامهم انه حقيقي

بينما قالت سهر بغل:

– نفسي يطلقها واخلص و يرجعلي بقي تاني زي الاول.. 

وبحقد اكملت:

– جات اللي ماتتسمي اخدته مني 

لتنظر اليها أمينة للحظات ثم تقول:

– بتحبيه 

اجابت سهر: 

– اووي.

وبرغم أن أمينة كانت على علم يقينًا بجموحها وطمعها، إلا أنها ابتسمت ابتسامة خفية، وقالت :

– انتي شكلك بت جدعة وواضح انك بتحبيه بجد

لتقول سهر بسرعة ولهفة:

– بحبه اووي ياطنط. انا بعشقه. مقدرش اعيش من غيره ابدا.

لتقول أمينة:

– للدرجادي بتحبيه اوي كده

اجابت سهر:

– واكتر. حضرتك متعرفيش لما اتجوزها عليا انا كنت حاسة بإيه.. اصلا حمزة ده بالنسبالي مش اي راجل. انا عيني مش بتشوف غيره. محبتش غيره في حياتي

ثم ابتسمت وأكملت بهيام:

– اصلك متعرفيش هو بيعمل فيا ايه وهو معايا بيخليني كده في دنيا تانية وانا في قربههه.بعشقه ياطنط بعشقه.اصل ابنك ده شقي اوي..

لتقول أمينة بمكر:

– بيعمل ايه

لتنتبه سهر:

– هااا

ثم تابعت بتوتر وإحراج زائف:

– احم.. لا دي حجات قليلة ادب. وانا بتكسف الصراحة

لتقول أمينة بسخرية:

– واضح

.........................

ساعة واحدة مرت، وها قد صلت الطبيبة ودخلت لتفخص سهر، بينما كان الجميع في الأسفل يترقبون النتيجة بقلقٍ وترقب.. أخيرًا نزلت الطبيبة برفقة أمينة، وهي تقول:

– الف مبروك. المدام حامل

أصيب حمزة بصدمة عارمة، إذ كان على يقين تام بأن سهر تكذب. ارتجف قلبه ونظر إلى الطبيبة وقال بخشونة:

– انتي متأكدة يادكتورة

أجابته الطبيبة بثقة:

– اه طبعا حامل في شهرين كمان

قال هارون:

– وصل الدكتورة ياحمزة

مسح وجهه بغضب كمحاولة ان يبقي هادئا وقام بتوصيل الطبيبة، ثم عاد وهو يكاد يتوعد لسهر، ومن دون أن ينظر إلى أحد، اتجه مباشرة ليصعد إليها في الطابق العلوي، والغضب يعميه. لكنه توقف على السلم حين قال هارون بنبرة آمرة:

– تعالي عاوزك

ردّ حمزة دون أن يلتفت:

– بعدين يابوي

وكاد ان يصعد، لكن اوقفه هارون قائلا بحدة:

– دلوقتي قولت

نزل حمزة مرة أخرى، و بهدوء مصطنع قال:

– اؤمر

ليقول هارون بتحذير:

– البنت اللي فوق دي مراتك. ودلوقتي حامل في ابنك. وانا اكيد مش هسمحلك تطلقها..ساامع.لاني مش هسمح ابننا يتربي بعيد عن البيت ده..

ثم أكمل بسخرية:

– واظن انت اللي اتجوزتها بكيفك. ايه بقا. مالك..

قال حمزة:

– يابوي..

قاطعه هارون قائلًا بحزم:

– اسمع لو فكرت تيجي عليها انا اللي هقفلك

تنهد حمزة بضيق، وصعد من دون أن ينطق بكلمة.

فتح الباب وبمجرد أن دخل، نهضت سهر من على السرير على الفور، واقتربت منه وهي تقول:

– شوفت بقا. صدقت اني حامل

في لحظة كان يقبض علي شعرها بغضب وقال:

– هتنزليه ياروح امك

لتقول سهر بتحدٍ وقوة رغم ألمها:

– لا مش هنزله وهقول لأبوك لو فكرت تعمل حاجة

ليقول حمزة:

– انا مابخافش ياروح امك.

وهو يشدد قبضته على شعرها أكثر و يقول بحسم:

– هتنزليه وده عقابا ليكي علشان خالفتي كلامي

ثم صرخ:

– انا مش كنت متفق معاكي يابت مفيش خلفة. بتخالفي كلامي لييه.

لتقول سهر متألمة من قبضته:

– غ غصب عني. هعمل ايه يعني. حصل غصب عني صدقني

بسخرية قال:

– غصب عنك ااه. ولا مشيتي ورا كلام امك وقولتي تحطيني قدام الامر الواقع. انتي جاية تحطيني قدام الامر الواقع. خيالك صورلك ان بكدة انا هعلن جوازي منك صح.. بس لأ يروح امك. انتي بكدة جبتي نهايتك معايا. لان مفيش واحدة تستجري تفكر تتذاكي عليا. واللي تحاول افعصها برجلي

ثم قذفها بقسوة على السرير.وخرج 

.........................

في مساء اليوم التالي، كانت زهرة جالسة في الحديقة، وبجوارها كلب صغير تمرر يدها عليه بلطف وتطعمه بهدوء. دخل حمزة، وحين رآها على تلك الحال اقترب منها وقال:

– بتعملي ايه

كانت زهرة منشغلة بالكلب، فانتبهت إلى صوته من خلفها. التفتت و نظرت نحوه من دون أن تتكلم، ثم عادت لتنصرف مرة أخرى إلى الكلب، متعمدة تجاهله.

قال حمزة بنبرة آمرة:

– لما اكلمك تردي

نهضت زهرة وابتعدت، فمد يده وأمسك بها. نظرت له بعينين غاضبتين:

– سيب ايدي

ثم تابعت بعصبية:

– انت عاوز ايه.. هاا عاوز ايه مني

قال حمزة بتلقائية:

– عاوزك

ثم دفعها بخفة نحو الحائط، محاصرًا إياها.

لتبتلع زهرة ريقها بتوتر ولكن تقول بحدة:

– انت بتعمل ايه. سيبني. سيبني بقولك

وهي تحاول الإفلات منه ثم أضافت بتحذير:

– لو قربتلي ياحمزة

قاطعها عندما امسك خصلة من شعرها ثم اقترب بأنفه يشتمها باستمتاع، ثم نظر لها وقال:

– حلو الشعر القصير عليكي

وأخذ يعبث بخصلات شعرها بإعجاب، ثم انتبه فجأة وسألها بحدة:

– فين الطرحة يابت

توترت وقالت بخوف:

– ك. كانت معايا والله

وأخذت تتلفت حولها، لتجد الطرحة ساقطة على الأرض، فقالت:

– ا. اهي

وانحنت لتلتقطها، لكن حمزة سبقها حين انحني هو و أخذها من الأرض، ثم وضعها على شعرها وقال:

– متتقلعش

زهرة بتعبير غاضب وبصوت خافت، قالت:

– طيب. حاضر. ممكن تبعد بقا خليني ادخل

لكنه قال بسماجة:

– لا

لتنظر له بغيظ  وتقول :

– هو ايه اللي لا. ابعد بقولك

ولكن حمزة قال صريحا وبجدية:

– ماتيجي نرجع يازهرة. انا بحبك وعايزك

ثم أضاف بمكر:

– وعارف انك كمان بتحبيني. لي العند بقا

قالت زهرة:

– بس انا مبحبكـش..

قاطعها بثقة:

– كدابة..واللي بيكدب بيدخل النار علي فكرة

قالت زهرة ببرود:

– طلقني

– مفيش طلاق. انسي. انا عاوزك.

بدات زهرة تعصب وتقول: 

– يعني ايه عاوزني. شوف بقا انت اللي بتعند اهو... ولما انت نفسك متجوزني غصب. عاوز ايه. ماتطلقني بقا وريح دماغك

ليقول حمزة:

– مين قالك اني متجوزك غصب.. انا متجوزك بأرادتي. دا انا ماصدقت ان ابويا عمل كده.. الموضوع كان جاي علي هوايا اساسا يازهرتي

ثم تابع بصوت حازم وقوي:

– انتي ملكي واستحالة كنت هسيبك لحد غيري. انتي حبيبتي يازهرة واستحالة اسيبك

قالت زهرة بسخرية:

– اه علشان كدة خو، نتني وروحت اتجوزت

– بس انا مخونتكيش

قالت بسخرية:

– ياراجل واللي فوق دي ايه الممرضة بتاعتك

ليقول حمزة: 

– انا مخنتكيش يازهرة فوقي.. دي مراتي من قبل مااتجوزك.. يعني متتسماش خيانة وبعدين ياستي كده كده هاسيبها.

لتقول زهرة بملامح جامدة:

– ميخصنيش.. ويلا طلقني

– انسي يازهرة اني اطلقك لانه مش هيحصل ابدا. قولتك انتي ملكي فاهمة يعني ايه

وقبل أن تنفجر زهرة غضبًا، قال سريعًا:

– زهرة انتي مراتي وحبيبتي. مقدرش اعيش من غيرك

بسخرية وتهكم قالت:

– والله. مراتك وحبيتك.. والتانية دي ايه. ولا انت بقا قلبك كبير وبيسيع من الحبايب كتير.. طبعا هو انا لسه هتعرف عليك. طول عمرك بتموت في الرمرمة وبتحب كذا واحدة في وقت واحد

ليقول حمزة بصدق:

– بس انا محبيتش في حياتي غيرك يازهرة

بعصبية قالت:

– ومرااتك

– هي مراتي اه. بس مش حبيبتي. انتي بس اللي في قلبي..

مد يده ومررها على خدها قائلا بتوهان:

– انا بحبك يازهرة..بحب اووي

ثم اقترب بهدوء ومال ليقبلها

لتتوتر وتقول:

– اابعد. انت هتعمل ايه. ابعد ياحمزة

لكنه لم يستمع إليها، وانحنى على شفا، يفها يقبلها بشوق ور، غبة 

– امممم.. ابعد ياحمزة. ارجوك 

وهي تحاول ابعاده، لكنه كان قد ترك نفسه تمامًا، وازداد تعمقًا، أكثر واكثر بينما ظلت تحاول مقاومته دون جدوى، إلى أن استسلمت 

أخيرا ابتعد حمزة لتقول بغضب:

– بكرهك ياحمزة

ضر،بها على خدها بخفة وقال:

– وانا بموت فيكي

كانت زهرة تنظر إليه بشراسة، وهي تمسح شفتيها بغضب، ثم تركته ودخلت البيت وهي في غاية العصبية، بينما ظل هو واقفًا يبتسم ببرود، وكأن لم يفعل شيئًا 

أما هي، فبمجرد أن دخلت وأغلقت الباب خلفها، تلقائيًا وضعت اطراف اصابعها على شفتـيها وهي تبتسم، لكن ابتسامتها سرعان ما بهتت حين تذكرت سهر لتتنهد بضيق ثم صعدت إلى غرفتها.

............

صعد حمزة هو الآخر إلى غرفته.

كانت سهر بالداخل تتحدث مع والدتها عبر الهاتف، وهي تقول:

– ايوا ياماما. كان عندك حق لما قولتيلي اجي واعرفهم اني مراته. وفكرة الحمل دي جات في صالحي اوي لان باباه مش هيسمحو يطلقني وانا حامل

ردّت والدتها بسخرية:

– مش امه كشفتك يامعدولة

قالت سهر:

– اه بس ده جي في مصلحتي اكتر.. دي هي اللي ساعدتني واتفقت مع الدكتورة تقول اني حامل

قالت والدتها وهي توعيها:

– متأمنيش ليها اوي كده.دي اكيد في دماغها حاجة تانية بتخططلها

–هو فعلا ده اللي في دماغها بس المهم انها وقفت معايا

لتقول والدتها: 

– طب المهم دلوقتي اوعي حد يكشفك تاني

قالت سهر بثقة:

– متقلقيش

سألتها والدتها:

– هما الباقيين صدقوكي يعني

أجابت سهر:

– اه. وباباه واقف معايا.. اتطمني ياماما

ثم تابعت بإصرار:

– بس انا بردو لازم احمل بجد. انا مش هسيبها تلهفو مني

قالت والدتها:

– طب اتشطري واتجدعني يامعدولة

لتقول سهر:

– اوعدك هحاول ياماما. انا مش هسمحلها هي اللي تفوز بيه وانا يرميني... هعمل المستحيل.. حتي لو محملتش.. دي لو وصلت اني اتبني طفل واقولهم دا ابنكم هعمل كده. المهم افضل معاه مش اخرج من مولد بلا حمص

في تلك اللحظة فتح حمزة باب الغرفة.لتلقي سهر الهاتف من يدها بسرعة، وتقول بتوتر:

– ح حـ حمزة

يتبع........

#زهرة_وسط_اشواك 

#البارت_ال28

#بقلم_فريدة_احمد

رواية زهرة وسط أشواك الفصل التاسع والعشرون 29 من هنا

رواية زهرة وسط أشواك كاملة من هنا