رواية وجهي المسروق عبر روايات الخلاصة بقلم مصطفى جابر
رواية وجهي المسروق الفصل الأول 1
بت يا خلود جهزي نفسك ابن عمك جاي من السفر النهارده.
خلود بفرحة: بجد يا ماما فهد جاي النهارده.
سعاد بخبث: اه جاي ... جهزي نفسك مش عاوزين اختك تعرف عشان متبوظش كل حاجه.
خلود بابتسامة: مش هتعرف كدا كدا هيا عند الدكتور بتشوف التشوه اللي في وشها ده .. مش عارفه بتروح ليه وهيا عارفه أن التشوه ده ملهوش علاج .
سعاد ببرود: فكك منها المهم ان فهد لما يوصل يشوفك انتي وترفيه بنفسك علي انك تسنيم حبيبته
خلود بتوتر: طيب بس انا خايفه أنه يحس ان انا مش تسنيم واني تؤامها والجوازه تبوظ
سعاد بخبث: مش هيشك متقلقيش .. ركزي انتي بس وكل حاجه هتبقي تمام ولا انتي عايزه الواد يطير من ايدينا دا جاي من الخليج وشايل علي قلبه قد كده
خلود بتفكير: خلاص ماشي هروح اجهز لحد ما ييجي.
في عيادة ما...
الدكتورة بحزن : تسنيم مش عاوزة احبطك بس التشوه بيروح بنتيجة بطيئه جدا
تسنيم بدموع: يعني مفيش امل وشي يرجع زي الاول حتي لو هسافر اتعالج برا
الدكتوره راحت قعدت جنبها بحنان: للأسف يا تسنيم حتى الدكاتره بتوع برا هيقولوا نفس الكلام
تسنيم مسحت دموعها: اللهم لا اعتراض علي قضائك يارب ..الحمدلله هقوم امشي.
مشيت وهي زعلانه خرجت ل صاحبتها اللي موجوده مستنياها..
حبيبة بابتسامة: اي القمر خارج زعلان كده ليه بس.
تسنيم بابتسامة حزينة: قمر اي ب وشي اللي يخض دا.
حبيبة بحنان: انتي اجمل بنوتة في الدنيا كلها يا تسنيم ومهما حصل خلي عندك امل
تسنيم بتذكر: الكلمة دي كان فهد دايما بيقولها لي.
حبيبة بغمز: فهد ده حبيب الطفولة ها..
تسنيم بتوتر: انا خايفة يشوفني وانا كده .. أنا بقالي سنه مش بكلمه من يوم ما سافر وانا عملت الحادثة.
حبيبة بهدؤء: هو لو بيحبك هيتقبل شكلك ويقبلك بكل حالاتك.
تسنيم بهدؤء: معرفش بس انا متوترة يلا نروح.
بعد شويه..
بتنزل من التاكسي بتشوف عربية فخمة قدام بيتها بتستغرب بتدخل البيت لكن وقفت بصدمة..
تسنيم في نفسها: اخيرا شوفته تاني
فهد بص لها بابتسامة: حمدالله عالسلامه يا خلود الف سلامه عليكي .. معرفش غير من مامتك دلوقتي والله
تسنيم باستغراب: خلود؟
سعاد بتوتر: ا اي يا خلود مش هتسلمي علي فهد ابن عمك.
تسنيم بعدم فهم: خلود اي انا..
خلود بتقاطعها بتوتر: عملتي اي عند الدكتور شايف يا فهد خلود وشها بقي عامل ازاي بعد الحادثة ازاي.
فهد بحزن: الف سلامه عليكي يا خلود بإذن الله تخفي وترجعي زي ما كنتي
تسنيم الدموع اتجمعت في عنيها..
سعاد بخبث: فهد جاي مخصوص يطلب ايد تسنيم اختك.
تسنيم بصت له بالم.
خلود بفرحة: انا بجد فرحانه اوي يا فهد مش مصدقة انك بتحبني وجاي تطلب ايدي
فهد بحنان: انتي عارفة اني وعدتك اني هرجع اخطبك يا تسنيم انا مبحبش غيرك لسه حلوة زي مانتي متغيرتيش.
خلود ابتسمت بخبث...
تسنيم جريت بدموع علي الاوضة.
سعاد بهدؤء: من فرحتها ب اختها وتؤامها هروح اشوفها وجاية اسيبكم مع بعض بقا.
فهد بابتسامة: ماشي يا مرات عمي..
دخلت وراها و فهد ابتسم بحب..
فهد بحنان: وحشتيني اوي يا تسنيم انتي مش هتصدقي انا عملت اي عشان اقف علي رجلي واجي اخطبك.
خلود بطمع: اكيد عملت فلوس كتيرة صح.
فهد باستغراب: ايوا.
خلود بتوتر: قصدي انه بقا عندك شغلك الخاص بيك وكدا يا فهودة.
فهد بابتسامة: ايوا الحمدلله طمنيني عنك بقا حابب اسمعك.
خلود بخبث: هقولك يا حبيبي..
عند تسنيم قاعدة منهارة..
سعاد بجمود؛ بتعيطي ليه يا تسنيم.
تسنيم بكسرة: لي عملتوا كدا لي فهمتي فهد اني خلود وهيا تسنيم وانتي عارفه أن فهد بيحبني انا.
سعاد بسخرية: حتي لو بيحبك يا حبيبتي انتي دلوقتي بقيتي واحدة مشوهه لو كان جه وانتي اللي قبلتيه وشاف وشك ده هسيبك ويمشي
تسنيم بصدمة: لا فهد مستحيل يعمل كدا.
سعاد ببرود: لا هيعمل انتي مشوفتيش كان بيتكلم عن حلاوتك زمان ازاي بصي بقا يا بنت بطني فهد بقا غني اوي يعني هيعيشنا عيشة تانيه خالص ف خليكي معانا علي الخط احسن لك بدل ما يطفش وتفضل عالحال ده.
تسنيم بغضب: يعني اشوف اختي بتتجوز حب عمري و اسكت دي سرقت شخصيتي وحياتي.
سعاد ببرود: عادي انتو تؤام ومش هيعرف
تسنيم بذهول: انتي لي بتعملي فيا كدا ليه هو انا مش بنتك حرام عليكم انتو بتدمروني لي انا لحمك ودمكم.
سعاد بأبتسامه: علي عيني وراسي يا بنتي بس يا حبيبتي نحسبها صح العرسان بتخاف منك ومحدش بيتقدم لك يبقا فهد هيبص لك ازاي بقا وب اي عين هتفضلي قاعدة علي قلبي طول العمر ف نعمل مصلحة ونكسب بسببك وخلاص.
تسنيم قعدت بحزن كلام امها صح...
سعاد طبطبت عليها : شوفتي بقي أن كلامي صح ... احسن لك تسكتي و تكتمي السر وهنبدل بطايقكم ومحدش هيحس عيشي وخلينا احنا كمان نعيش يابنت بطني دي الدنيا.
خرجت سعاد...
تسنيم بكسرة مسكت المخدة وحطتها علي بوقها وقعدت تصرخ بالم: لاااا لاااا اااه يا قلبييي حب عمري هيتجوز اختي لييي مش ذنبي في الحادثة يارب قلبي اللي فاضل فيا اتاخد مني اااه.
قعدت تعيط علي اخرها....
عند فهد...
فهد بهدؤء: لو مفيهاش مانع يا مرات عمي انا هطلع شقة امي القديمة ارتاح النهارده وبكرا باذن الله هاخد تسنيم وننقي الشبكة.
سعاد بذهول: ياه بالسرعه دي.
فهد وهو بيبص ل خلود: تسنيم صبرت سنين كتيرة وجه الوقت اللي اخلص فيه كل حاجه بسرعه
خلود ضحكت بدلع فهد حس ب حاجه غريبة...
تسنيم كانت سامعاهم اتنهدت بحزن وقامت غسلت وشها وخرجت بابتسامة..
تسنيم بهدؤء: انا نازلة اجيب حاجه من تحت يا ماما.
سعاد بلا مبالاة: ماشي.
فهد باستغراب: دلوقتي يا خلود.
تسنيم بصت له بهدؤء.
خلود بتريقه: عادي متخفش محدش هيخطفها دول بيخافوا منها اصلا ههههه.
تسنيم بحزن: ماشي يا تسنيم ماشي
نزلت وفهد بص بغضب ل خلود: انتي ازاي تجرحي اختك بالشكل دا.
خلود برفع حاجب: بهزر وبعدين دي اختي هتخاف علي مشاعر اختي اكتر مني.
فهد بجمود: عندك حق بس ميصحش انتي عمرك ما جرحتي حد ولو بالغلط حتي صح يا تسنيم.
خلود ببرود: ايوا ايوا.
خرج و حس انه عاوز ينزل وراها نزل وراها لاقاها قاعدة علي السلم و بتعيط بصمت..
طلع منديل ومد ايده ليها...
تسنيم مسحت دموعها: شكرا يا فهد.
فهد قعد جنبها: متزعليش من تسنيم هيا والله قلبها طيب اوي مفيش اطيب من قلبها.
تسنيم بحزن: بتحبها.
فهد بص للشارع واتكلم بنبرة عاشق: اكتر مما تتخيلي تسنيم دي نبض قلبي من جوا شريكة طفولتي وشريكة حياتي الجاية ... عارفة .. بصراحه انتي كنتي مبتحبيش تلعبي معانا و بتقعدي تتريقي علينا بس هيا عكسك بصراحه بدون زعل فاكرة لما وقعت من علي سن التربيزة..
تسنيم بتذكر: ايوا وانت دماغك اتفتحت و جرينا علي المستشفى ومرضتش تسيب ايدي رغم انك كنت موجوع بس كنت شايفني بعيط و.. سكتت..
فهد باستغراب: انتي ازاي عرفتي كدا انا عملت كدا مع تسنيم.
تسنيم بحزن: هي حكت لي احم عن اذنك.
فهد بهدؤء: علي فين طيب.
تسنيم ببرود: وانت مالك خليك ف حالك انا هتمشي.
فهد ببرود اكبر: طب استني هتمشي معاكي بصراحه زهقان وحابب اتمشي في البلد علشان وحشتني.
تسنيم بغيظ: اتمشي مع نفسك يلا يا بابا من هنا هنرش مياه.
فهد بضحك: براحتي انا في ارض الحكومه وريني هتعملي اي.
تسنيم بصت له بحزن و مشيت وهو راح وراها...
تسنيم بغيظ: يعم امشي من هنا وسيبني في حالي لاحسن اصوت واقول متحرش.
فهد بابتسامة: بنت عمي و بحرسها.
تسنيم ببرود وغضب : مطلبتش كلب حراسة انا.
فهد بص لها بغضب ودخل البيت وطلع..
تسنيم بصت لطيفه بحزن: حقك عليا يا فهد انا اسفة كان لازم اقول كدا عشان خاطر ابعدك عني مش قادره اكتم الحقيقه ولو فضلت جمبي هتكشفني ياربي صبرني يارب.
تاني يوم...
تسنيم كانت نايمه صحيت علي صوت اختها بتغني..
خلود بفرحه: افرحوا يا عيال هتجوز هتجوز
تسنيم بكسرة: مبروك.
خلود بسخرية: عقبالك مع اني مضمنش بصراحه مين هيبص لك معلش بقي اني خدت اسمك بس عادي عادي فهد مش هيلاحظ.
تسنيم وقفت قدمها: انتي مش بس خدتي اسمي انتي خدتي شخصيتي و حبيبي وخدتي حتة مني خدتي اغلى حاجه فيا يا خلود يا اختي.
خلود بملل: مش ناقصة مواعظ والله افرحيلي كده وفكك عيشي يا حبيبتي فهد ليا وبس تحبي اثبت لك
خدتها من ايديها غصب عنها و وقفوا قدم المرايا..
خلود بسخرية: بصي كدا احنا اه تؤام بس بعد حادثتك بصي شكلك اخاف والله المرايا تتكسر دلوقتي بسبب شكلك.
تسنيم بصت لشكلها بابتسامة: فخورة بشكلي و بحمد ربنا يا خلود وواثقه ومتاكدة انه هيعوضني خير عن كل حاجه.
خلود بخبث: اتمنى يا لولو جهزي نفسك بقي خطيبي حبيبي فهد جاي يتغدى معانا وهنروح نجيب الشبكة واكيد هاخدك اهو تعيشي لحظة مستحيل تعشيها يكش يطمر فيكي
تسنيم بغضب:
#يتبع
