رواية مريم وأحمد عبر روايات الخلاصة بقلم مريم سمير
رواية مريم وأحمد الفصل الثالث 3
_أنتوا!!!!
فضلت متنحة ومش عارفه اعمل اى ولا عارفه اتحرك من مكانى، محمود وأمل!! انتوا ليكم عين تيجوا هنا اصلا، أحمد طلع من الاوضه وهو لابس القميص ومش قافل غير اول تلت زراير بس
_في اى يمريم مين على الباب!
بصلهم= اه اتفضلوا، نوتوا
لقيته حط ايده على كتفي وضمنى ليه وابتسملى وحركنى من مكانى
قعدوا وخدنى وقعدنا قدامهم
محمود : انا عارف انى غلطان و..
_انت مش عارف اى حاجة، ولا اى حاجة، انتى سبتني بفستان الفرح والناس حوليا بيتوشوشوا، خلتنى في نظر نفسي وحشه، وحشه اوى يمحمود، انا عمرى مأذيتك، عمرى مفكرت أجرحك، لى تعمل كده فيا، هه ومع مين مع اختى، انا كل يوم وكل ساعة كنت بقولك انها بالنسبالى اختى واقرب ليا من نفسي، انتوا الاتنين مشفتوش منى غير كل حب، والله مشفته منى غير كل خير، لي تردوا ليا كل دا بكسرة القلب وكل الوجع دا لي!
=انتى بتعيطى لى دلوقت، مش انا جمبك؟ مشوفش دمعة نازلة منك سامعة
بصتله وضمنى ليه وطبطب عليا، مش عارف لى سمعت كلامه ومسحت دموعى ومعيطش مع انى كنت كاتمة عياط كتير اوى
أمل : انا عارفه انى جرحتكم و..
_مين قال انكم جرحتونا يبنتى، تشربوا حاجة الأول؟
بصتله ب استغراب ووشوشته=انت بتقول اى يبنى!
_استنى هبهرك
انا مش زعلان منكم، انت اخويا في الاخر بردو ومش هينفع اتبري منك للأسف، اما انتى ف انتى اختى مش حوار، بس بجد عاوز اشكركم اوى
بصوا لبعض وبعدين بصوله
_مستغربين لى، انا فعلا لو فضلت ادور عمرى مكنت هلاقي زي مريم، وسمحتكوا لما حبتها بجد، فهرحمكم من تأنيب الضمير، واه احنا اول المعازيم في فرحكم ان شاء الله
انت عبيط يبنى! انت تعبان صح، انت جوزتهم واحنا قاعدين، واى حبتنى دى، انا اه بحبنى بردو بس مينفعش تكذب يبنى ألاه!! قولى بحبك تانى يلا عشان حلوة منك
مشيوا طبعا وهما فرحانين، وقفت وربعت ايدى
_يلا هكمل لبسي، البسي انتى كمان
=اول مرة اقابل حد اغبي منى
_لي كده!
=انت يبنى واخد الموضوع ببساطة ازاى، مش دول إلى سابونا!! دول اكتر ناس وجعونا يا احمد، ازاى تسامحهم ازاى تعمل كده!!
_عشان كان لازم اعمل كده، إلى حصل حصل ومحدش يعرف يغيره، مش قولتى نرضي بالواقع ولا هو كلام
=قولت نرضي بالواقع، مش قولت ننسي، مش قولت نسامح مقولتش غير نرضي، القرار دا مش بتاعك لوحدك
_ممكن تهدى وتقعدى ونتكلم
=قعدت اتكلم
_متهدى يحجة، اولا هما دلوقتى مش فرحانين، كده بنحسسهم بذنب اكبر افهمى بق
=طب اى الكلمة الى قولتها قدامهم دى
_أنهى واحدة
=لما حبيتها
_منتى عارفه انك اغلى حاجة في حياتى، وانى مش بحب حد قدك، تعرفي اول مرة شوفتك في المستشفي قولت اى البلطجيه إلى بتشاكل دبان وشها دى، ولما اتعينا سوا وكنا كل يوم نتخانق على مين الاشطر، كنت بستنى السهر معاكى، طول عمرى بسمع عن الصحاب عمرى معرفت معناه الحقيقي غير معاكى، انا مش بحبك وبس دا إلى بينا أكبر من كده وانتى عارفه، افهم بس هو انا هصحي على القمر دا كل يوم ينفع!
دمعت= وانا كمان بحبك اوى والله، عاوزة احض'نك هالحين
_يلا
=هلبس اهو
_لا يلا احض'نينى
ضحكت وقربت منه
_لا هو حض'ن بس على فكرة
=بطل رخامة يبنى
حض'نته_بس احنا صحاب على فكرة
=ايوة طبعا
_وعمرنا منحب بعض حاجة تانيه
=اومال
_هخلص لبس في خمس دقايق يبقلوظى
=وانا هكمل لبس
دخلت ووشي كان احمر خالص، انا مش زعلانة لى ان محمود وأمل جم هنا، لى مش بفكر غير ف احمد وكلام احمد وحلاوة احمد، تعالى احض'نك تانى يبنى
لبست دريل وطرحة وطلعت
_حلوة؟
=اه جامد
_وانت بردو يسطا، يلا بينا
=يلا
نزلنا الشارع واتمشينا على البحر
_تعالى ناكل بقي
ضحكت=تعرف اخوك كان بيأكنى اى
_ها اى؟
=والله يبنى لغايه دلوقت معرف، كان بيخدنى أماكن كده فيها المينيو كله بالانجليزي، كنت بقوله على طول اختارلى على زوقك، منا لو عارفه حاجة كنت هطلبها والله يا احمد
_هه، طب ومعايا؟
=لا معاك انت بقي، كريب شاورما الاكل الحلو دا، والله محد فاهمنى قدك
_كنت عارف، انا يبنتى اصلا اكتر واحد بتحبيه في حياتك
=انا؟ لا ابدا
كلنا شاورما واتمشينا شويه وأكلنا آيس كريم وروحنا
_كان احلى يوم النهاردة
=هتتكرر ان شاء الله
_ان شاء الله، هدخل اغير وخش غير عشان عوزاك في موضوع مهم جامد
=حاضر
دخلت غيرت ولبست بجامة وطلعت
_أحمد
=ها
_ممكن اطلب منك طلب
=ممكن، أنتى بتقولى ممكن
_فيه بيجامة جامدة جوا بالله إلبسها انا الى كنت جيباها
=بيجامة اى دى؟
_استنى هخش أجيبها
خشيت جبتها
_اهى حلوة صح؟
=انتى عاوزة تلبسينى بيجامة أرنوب؟
_منتا ارنوبي يا احمد
=لا مش أرنوب انا، ومش هلبسها
_هتلبسها
=لا
_أحمد
=يعيون احمد
_إلبسها
=يوووه طيب
دخل ولبسها
_اى دا
=لبست زيك عشان متحسش انى جيت عليك
_يااه طول عمرك عادلة تصدقي
=تعالى اقعد بقي
_عاوزة اى تانى؟
=زهقانة
_نعم يختى، امال كنا فين من شويه
=تعالى نتكلم شويه سوا
_إرغي
=بكرة اى
_الخميس
=قصدي كام في الشهر
_9/1
=ايوة يعنى هو اى؟
_اى يمريم يوم زى اى يوم
=والله بجد
_بجد
=طيب، انا هنام
_تصبحي على خير
=وانتى من أهله
دخلت وانا بنفخ، والله انت خسارة فيك الأرنوب، معقولة نسي عيد ميلادى، اقتله!!
نمت وانا مضايقه وصحيت على خبطة الباب
_عاوز اى
=افتحى
_ايوة معرفش عاوز اى
=منا قولت افتحى يبنتى!
_لاء
=هتتبسطى لو فتحتى
_منتا نكدت عليا امبارح ربنا يحرقك
=يبنتى افتحى
فتحت_ اي دا!!!
صلي على محمد
_اي دا!!!
=كل سنة وانتى في حياتى
ضحكت زى الطفلة الهبلة إلى لقت مصاصه، كان مزين البيت وفي الطربيزة تورتة، وبلالين اللون إلى بحبه "ازرق" الصالة كانت عاملة زى البحر
بصتله، انت حقيقي بجد، مالجواز حلو اهو ياجماعة امال في اى، استنوا كده، لا مش عارفه الجواز حلو ولا أحمد هو الى حلو والله
_هتفضلى واقفه كده؟
مسك ايدى وطفي النور ووقفنا سوا جمب بعض
_كان يوم مش كويس يوم ما جيتي ماما وبابا سابوا البيت
=يوم مش كويس! انت عسل اوى بجد اى الدم الظريف دا
_بحبك
مش عارفه لى حسيت بدقه في قلبي، مع انه بيقلهالى على طول، بيقلهالى كل يوم وكل متحصل مناسبه، يمكن عشان كان نازل لمستوى طولى ومقرب عيونه من عنيا ومايل عليا، عيونه كانت حلوة اوى على لون الشمع استنى كده انت حلو كده من امتى معلش!! انت مين يبنى مش شيفاك لى زى منا شيفاك طول عمرى، لى شيفاك دلوقت حاجة تانيه!
_مش هتردى؟
=وانا كمان بحبك اوى والله
_كنت عارفه تعالى تطفي الشمع، يلا قولى هوف
=اقول اى؟
_هوف يمريم هوف
=يحلاوتك، هوف!
_خلاص اقول انا
نفخ الشمعة وهو بيضحك وفتح النور
_وبعدين مين قالك انى بقيت 26 سنة!! انا فين و ال 18 فين يبنى؟
=يست اهو ولا تزعلى، شيلنا الستة تميتى سنتين يبطة
_إلى فهمنااااااي
قطعنا حتة تورتة وقعدنا قدام بعض وانا بصاله هو بياكل، هو انت لي يبنى مش بتحاول تخدش حيائي، انت مصدق اننا صحاب ولا اى، ثوانى انت مش هدلعنى يا احمد، والله افضحكوا هنا انا عاوزة ادلع
_دلعنى يا احمد
=اي؟
_التورتة جميلة، منتحرمش منك ابدا
=ولا منك يمريوم
كملت اكل، ايوة بردو هدلع امتى معرفتش!
خلصنا أكل ودخلت الحاجة المطبخ
_وقت الهديه
=شويه وهبو'سك على فكرة
_مريم!!
=الاه منتا جميل يا احمد ومحدش بيعمل كده مع مراته
_مش احنا صحاب
=لا مش زفت
_امال اي بق
بصتله= معرفش
دخلت الاوضه، ايوة ياجماعة وقعت فيه مش هخبي اكتر من كده، الاقي بس فين زيه، حد لطيف وطيب، وحنين والله ياجماعة اهم حاجة الحنيه الحنيه سابقه خطوة، الحنية سابقه كل خطوة والله ، الاقي فين حد يعمل كده في عيد ميلادى، الاقي فين بس حد يقول بحبك كده، دا عليه واحدة بحبك بتخلى قلبي يرقص يجماعة، هلاقي فين هلاقي فين واحد غبي كده يربي، يعنى اقولك نبقي صحاب تسمع الكلام!! انت مطيع لي يبنى لى كده
خبطت_مريم
=عاوز اى
_مش عاوزة هديتك
=مش عاوزة حاجة
_مريم
=يعيون مريم
_افتحى
=بس كده حاضر
استنوا كده، مهزءة؟ طلعت مهزءة ولما اتكلم بسهوكة سمعت الكلام، صبارة وادفنونى لو قولت عليه صاحبي تانى
_اتفضلى
=هات
خدت البوكس وقعدت في الصالة على الأرض
جيت افتحه حط ايده على ايدى
_افتكرى انى فعلا جيبلك أغلى حاجة عندى، افتحى
فتحت لقيت كل صورنا من ساعة مشوفنا بعض، وتغفيلاته ليا وانا نايمة، واحنا في السهر، كان بيصور كل لحظة بينا، يبنى بقي يبنى اعمل اى يبنى احض'نك انا هتستريح!
_حلوة جامد
=عجبتك
_مش انت فيها لازم تعجبنى
=اي دا في اى
_انت حلو كده ازاى يبنى
=انتى سخنة؟ او تعبانة أيهما أقرب
_تعبانة بيك اه
=مريم مالك كده
_ما احنا فل اهو يسطا
مسكت ايده _انت متأكد انك بتحبنى صحاب بس؟
ضحك= لا طبعا
_امال بق
=صحاب واخوات
فلتت ايده_وحيات امك هو فيه اخوات بيتجوزه! احمد اخفي من وشي السعادى كمحاولة لإنقاذ شبابك والله
=الاه، مش انتى الى بتقولى على طول كده
_لا انا غلطانة
=غلطانة في اى
_انى مش بحبك صحاب بس
=امال اى
_بحبك إلى هو بحبك
=حاجة تانيه
_جدع فهمتنى، وانت؟
=بحبك حاجة تانيه بردة
_والله احنا مفيش اهبل مننا، هو اى حاجة تانيه، كل الناس بتقول بحبك يفهمه انه الحب لكن احنا بحبك صحاب وبحبك حاجة تانيه
قرب_طب اى
=انت بتغمز لى عينك وجعاك ولا اى
_هو البيت كام اوضه؟
=3
_قسميهم بقي
=اوضه ليا واوضه ليك واوضه للضيوف
_ميمشيش معاكى اوضه أطفال مثلا
=تؤتؤ ضيوف
_خلاص انا قايم انام
=تصبح على خير يحبي
ايوة هيخدس حيائي امتى بردو!!
دخلت نمت وانا فرحانة اوى دا اسعد يوم في حياتى دا
الساعة 3 قلقت وقومت اشرب سمعت احمد بيضحك وبيقول
_منا خلاص كده كسبت الرهان
يتبع...
