اسكريبت بين نارين عبر روايات الخلاصة بقلم هاجر نورالدين
_ يعني إي جوزك خاطفك؟
جاوبتها بصوت واطي عشان محدش يسمعني وأنا واقفة في المطبخ:
= يعني زي ما انتِ سامعة يا هالة، جوزي دلوقتي يعتبر خاطفني وجايب اللي بيخونني معاها تعيش وسطنا.
جالي ردها الغير مقتنع وهي بتقول بتساؤل:
_ لأ بجد مش مستوعبة وإزاي إبراهيم يعمل حاجة زي دي يا روميساء دا شخص كويس جدًا.
إتكلمت بتعب وقولت وأنا عارفة إن فيش فايدة في أهلي:
= عشان كدا بكلمك يا هالة بستنجد بيكي لما عرفت أمسك الموبايل، عرفي بابا وخليه ييجي ياخدني.
جالي ردها الغير مبالي وقالت بهدوء وبرود:
_ طيب يا روميساء هقوله.
قفلت بسرعة المكالمة ومسحتها وسيبت موبايل إبراهيم مكانه على الشاحن اللي في المطبخ لما حسيت إن حد بيقرب.
رجعت وقفت مكاني قدام البراد عشان كنت بعمل الشاي ليهم، وقف قدام وقال بتساؤل وإستهزاء:
_ مبسوطة معايا يا حبيبتي؟
بصيتلهُ بجنب عيني بقرف وقولت:
= أنا معنديش مشكلة لو أنت عايز تتجوز بس سيبني أمشي أنا مش حابة أعيش كدا ولا عايزة.
رد عليا ببرود وإبتسامة مستفزة شبههُ:
_ وإنتِ مين قالك أصلًا إنك المفروض تحبي أو متحبيش، إنتِ هنا مجرد خدامة ليا ولأوامري.
كنت بقلب الشاي طلعت المعلقة ورزعتها على الرخامة بغضب وقولت بإنفعال:
= أنا مش خدامة عند حد، إنت واخدني من بيت ناس وبعد إتفاق مش جايبني من الشارع زي السنيورة.
خلصت كلامي ولقيت كف محترم نزل على وشي، بصيتلهُ بصدمة وأنا حاطة إيدي على وشي.
يتبع...
فصول اسكريبت بين نارين بقلم هاجر نورالدين
اضغط على الفصل الذي تريد قراءته:
- اسكريبت بين نارين الفصل الأول
- اسكريبت بين نارين الفصل الثاني
- اسكريبت بين نارين الفصل الثالث
- اسكريبت بين نارين الفصل الرابع
جاري كتابة باقي فصول الرواية.. عاود زيارتنا..
