رواية حب تحت الوصاية (كاملة جميع الفصول) عبر روايات الخلاصة بقلم عائشة الكيلاني
رواية حب تحت الوصاية الفصل الثاني 2
اتنفض من مكانه بصلها بصدمة و غضب احتقار قال بصوت جحيمي :- اااي دااا انتي بتهببي اي في بيتي انطقي
سليمة اتوترت و قالت بارتعاش و صوت منقطع:- ا ان
زياد بغضب و احتقار:- اخرسي انتي ارخص ما كان باين عليكي استغلتني عجبك كدا يارب تكوني ارتاحتي بس مالو انا بقا همحيكي من على وش الارض هفضحك انطقي ااازاي حصل كدا
سليمة حست بخصة بقلبها بتحاول تكتم دموعها و كسرتها:- انا والله ما عملت حاجة بعد ما خلصنا اجتماع معرفش اي الى حصل انا مش فاكره حاجة والله العظيم ما بكدب عليك
مسكها من دراعها بقسوة و عدم تصديق:- الحبتين دول تعمليهم على اى حد مغفل مش عليا لانى فاهمك من اول مرة شوفتك فيها و انا مش مرتاحلك خمس دقائق تهجزي و تغوري من هنا فااهمة و اياك المحك تاني يلا غوري
ناريمان واقفة على الباب دموعها نزلت بتبصله بصدمة و وجع:- هى دى بقا الى سيبني علشانها يا زياد
زياد قام بسرعة اتجه ليها و هو مصدوم و مش مصدق ولا فاهم حاجة:- ناريمان ان انا هفهمك والله بس اسمعيني
ناريمان رفعت ايديها قصاد عينيه:- كفاية يا زياد هتفهمني اي تاني نايم في حضنها عايزني افهم اي اكتر من كدا يا خسارة يا زياد بجد يخسارة
ناريمان طالعت جري من الأوضة و نزلت بجنون و هى هتموت من الوجع حبيبها و ابن عمها يخونها و امتي قبل فرحهم بيومين زياد بص لطيفها بحزن و وجع غمض عيونه بالم و مرارة سليمة قامت دخلت التواليت قفلت الباب و هى بتحاول متنهارش أو تبين ضعفها أو كسرتها خسرت كل حاجة خرجت بعد ما لبست هدومهم كان زياد على نفس الوضع بصتله بوجع و قهرة و جريت برا الاوضة بلا من المكان كله كانت ماشية سرحانة و في دنيا تانية بتقدم رجل و تاخر التانية بتبص حواليها بكسرة تتمني الارض تنقش و تبلعها حاسه ان الناس بتبص عليها باحتقار وقفت عند الكوبري بتبص على النيل برضو بتحاول تمنع دموعها و كلام زياد مش عايز يخرج من دماغها ولا انها سبب في خراب حيات حد مسحت دموعها و وقفت تاكسي ركبت و سندت راسها على الازاز اتنهدت بوجع بعد وقت وصلت الحارة حسبت السواق و نزلت من التاكس حاسه ان الناس بتتفرج عليها ماشية بالعافية وشها شاحب
بت يا سليمة مالك سليمة
سليمة بتوتر:- ازيك يا خالتي عاملة اي
بخير يا حبيبتي طول ما انتي بخير مالك وشك مخطوف ليه اكن عاملة مصيبة وشك اصفر و حاسكي مش انتي لتكوني اتخنقتي ولا فتحتي دماغ حد في الشغل
سليمة حاولت تبتسم علشان ميتشكش فيها :- ايوة للاسف اتخنقت مع المدير و طردني بعد ما كسرت المكتب على دماغو
جارتها ضربت على صدره*ا:- يادي المصيبة ليه كدا يا بنتي حد لقي شغل اليومين دول ولا يهمك يا حبيبتي كله يهون ربنا يصلح حالك و حال الجميع و يرزقك بابن الحلال قادر يا كريم
قالتها و هى بطبطب على كتف سليمة
سليمة بوجع:- هو انا استاهل ابن حلال
الجارة:- ابن حلال نفسه قليل عليكي
انتي تستاهلي كل خير لولا انكي اكبر من مختار ابني مكنتش سبتك
سليمة بصتلها و قالت بابتسامة:- عايزة حاجة يا خالتي
الجارة:- عايزة سلامتك يا حبيبتي
سليمة:- عن اذنك
سليمة مشيت لحد ما وصلت حوش البيت طالعت و فتحت الباب
عبلة اتجهت ليها بغضب ضربتها كف سليمة حطت ايديها على وشها بصدمة:- بتضربني
عبلة مسكتها من شعرها:- و اديكي بالجزمة كنتي فين يا بت هااا هو انتي فاكرة علشان بتشتغلي و بتصرفي ان ملكيش كبير ملكيش حد يلمك انا هربيكي من تاني الا ما نطقتي و قولتي كنتي فين هااا جايلي وش الضهر ليه ياختي ملكيش اهل علشان تمشي على كيفك يا بت الكلب
سليمة صرخت بألم عبلة زقتها على الارض مسكت الشبشب و قعدت تضرب فيها بالرجل و تشتمها سليمة كتمة دموعها لكن حست بدوران و الروية مشوشة غمضت عيونها ببطء و دموعها بتنزل على خدها و فقدت الوعي
في قصر الجريتلي
جابر شاف الصور و الفيديو :- الفيديو دا حقيقي انطق يا زياد ناريمان كلامها صح
زياد بى مبالاة:- اه بس
قبل ما يكمل كلامه كان قلم من جابر على وشه رفع صباعة:- اظهر عطيتكم اكبر من حجمكم بس خلاص كل واحد يشيل غلطو انت غلطت و هى غلطت و الى منقبلوش على بناتنا منقبلوش على بنات الناس ناريمان
ناريمان بدموع و وجع:- لو بتحبني يا جدو خليه يبعد عني انا مش عايزاه وقع من نظري
جابر كان هيتكلم لكن تلفونه رن:- ايوة يا عماد ، اااي بتقول اي طب اقفل انا جاي حالا سلام تحت عينيك يا عماد هاا انا جاي حالا سلام
ناريمان باستغراب لهفة جدها و تسالو:- في اي يا جدو في حاجة حصلت في الشركات
جابر قام و قال و هو خارج من المكتب:- ورايا يا زياد
زياد بص لطيفو بغضب و مشي وراه ركبوا العربية و اتحرك بعد وقت في الحارة
زياد بيبص على المكان باحتقار:- انت جاي هنا ليه يا جدي ليك معارف هنا
جابر فتح الباب و نزل و هو بيبصله بياس و احتقار زياد نزل و مشي وراه و هو بيحاول يفهم طالعوا البيت كان جيرانهم موجودين
جابر بقلق و غضب مكتوم:- في اي
الجارة:- مفيش حاجة هى كويسة
جابر مردش عليها و دخل و زياد وراه كانت عبلة قعدة جانبها و الدكتور بيقلق ليها المحاليل :- مفيش داعي للقلق هى كويسة شكلها اتعرضت لضغط نفسي هو الى عمل فيها كدا انا هكتب ليها على مهدئات و لو بتشتغل ياريت تاخد اجازة من الشغل أو تبطله احسن ليها
جابر خرج مع الدكتور و حاسبو زياد كان بيبصلها بغضب و كره الى ذات اضعاف بيتمني موتها
جيرانهم مشيو بعد ما اطمنو عليها جابر قفل الباب و قال بهدوء و حادة:- اي الى حصل
عبلة بتوتر و خوف على بنتها ؛- م معرفش البت من بالليل قفلة تلفونها و معرفتش اعمل اي قلبي وجعني عليها دلوقتي لقيتها راجعة عز الضهر و شكلها غريب ف شدينا مع بعض
قالتها و هى بتبعد عينيها عن جابر الى بصلها نظرة ارعبتها و انكمشت في نفسها:- والله قلبك وجعك تتصلي تكلمني علشان اتصرف و ادور عليها اززااي تقعد ليلة برا البيت من غير ما اعرف هاا نايم على وداني
عبلة:- حقك عليا يا باشا انا غلطانة بس مكنتش اعرف اعمل اي و خوفت اقلقك و بعدين انت كتر خيرك اوى لحد كدا
جابر بصلها بحادة:- اطلعي برا و خدي دا معاكي
عبلة لسه مكانها:- مش هقوم و اسيبها
جابر بصوت عالي:- سمعتي قولت اي برررا
عبلة خرجت قعدت على الكنبة و حطت ايديها على راسها بحزن و تفكير سليمة راحت فين و شكلها كدا ليه ، يا لهوي يلهوي يلهوووي لتكون لا لا يا عبلة بنتي مش كدا بنتي مش بتاعت الحركات دى صحيح انتي غلطتي زمان بس بنتك غيرك
فلاش
عبلة بدموع:- يعني اي يا سليم
سليم و الكاس في ايديه:- يعني كل واحد يتحمل غلطو انت مضربتكيش على ايدك فاكرك انى يوم ما احب هحب خدامة زيك يلا يا ماما من هنا و شوفي ابنك دا هتنزليه ولا هتموتيه أو تلبسيه في حد مانا مش ضامن أنه ابني
عبلة بدموع و صرخ:- ااانت بتقول اي عايزني اموت ابننا يا سليم
قربت منه قعدت على ركبتها مسكت وشه بايديها و قالت بدموع:- سليم انا عبلة حبيبتك انا حياتك مش انت الى قولت كدا طب اتجوزني و طلاقني في وقتها بس ابني ملوش ذنب يتولد من غير اب بلاش تعمل فيا كدا ابوس ايدك
سليم شال ايديها من على وشه بعنف و زقها برجليه قام من على الكرسي مسكها من شعرها و قال بفحيحي:- عبيط انا علشان اصدق اللعبة العبيطة دى انتي عبيطة يا عبلة انا اتجوزك ههه حاجة تضحك والله و بعدين يا حلوة شوفي مين ابو الواد و اكتبه انم انا انسي انتي تخدي نفسك زى الشاطرة كدا و تغوري من هنا و لو شوفت وشك قسما بالله لقتلك و اقتل ابنك ساامعة
باك
عبلة مسحت دموعها و هى بتبص على الشارع من الشباك زياد بيبص عليها باستغراب :- حضرتك كويسة
عبلة من غير ما تبصله:- الحمدلله ، الحمدلله
عبلة مسحت دموعها و لفت وشها قامت:- يا نهار نسيت اقولك تشرب اي
زياد قعد بهدوء :- ولا اى حاجة
عبلة:- ميصحش اعتقد بتحب القهوة ، مظبوطة مش كدا
زياد هز راسه بابتسامة :- بالظبط
عبلة راحت المطبخ تعمل القهوة زياد بيبص لبيت بفضول
و احتقار :- بتسمعلي حمادة هلال و تامر عاشور ، يعني البت بتحس
قالها بسخرية و تريقه رجع مكانه قعد على الكنبة حط ايديه تحت رأسه و بيتامل المكان البيئة بالنسبة له عبلة بعد شوية عبلة خرجت بالقهوة زياد اخدها منها:- تسلم ايدك
عبلة بابتسامة:- تسلم ، حقك عليا يا ابني معرفش الزغودة الى جوة عملتلك اي هى تشل بلاد و تجيب الضغط بس والله مفيش احن من قلبها سماحها لو غلطت فيك امسحها فيا
زياد بابتسامة:- لا مفيش حاجة ، انا مش شايف في البيت غير حضرتك فين ابو سليمة أو اخوها اختها مش هى عندها تمن اخوات رجالة
عبلة ضحكت من قلبها لدرجة الدموع:- ماشاء الله تمنية مرة واحدة هى الى قالت كدا ، البت دى معرفش طالعة لمين ، لا يا سيدي هى معندهاش اخوات لا بنات و ولاد هى وحيدة بس كل دنيتي تمن اخوات دى بتقولها لتامين مش اكتر ابويا ظابط خالي قاضي عمي محامي و بمكالمة مني بسجنك قالتها لطوب الارض انا خايفه بسبب طولت لسانها و خناقها مع الى رايح و الى جاي تبور جانبي وحيدة بس مطلعة عيني
زياد ضحك غصب عنه و مذل بيتكلم مع عبلة
بعد وقت طويل فاقت سليمة فتحت عيونها ببطء بصت حواليها اتنهد بهدوء و ارتياح لم لقت نفسها في اوضتها عينيها وقعت على جابر الى قعد على الكرسي جانبها حطت رجل على رجل ببرود:- حمدالله على السلامة كل دا علشان تفوقي
سليمة قامت بتعب و قعدت:- جابر بيه ا
جابر ضربها قلم سليمة حطت ايديها على خدها بصدمة و قالت بصوت عالي و انهيار:- اانت بتضربني اانت مين اصلا علشان تمد ايدك عليا هااا انت مين
جابر مسكها من شعرها :- واضح ان الطبطبة بتجيب نتيجة عكسية كنتي فين امبارح هااا مع زياد مش كدا انا وثقت فيكي ليه تكسريني ليه يا سليمة ليه يا بنتي حرام عليكي هقول اي لابني لم اموت انطقي حصل اي ردي عليا
كان بيقولها بكسرة و رجاءا
سليمة قالت بصوت مرتعش و دموع:- والله العظيم ما فاكرة حاجة ولا بقيت كدا ازاى والله العظيم ما بكدب عليك
جابر بعد عنها بصلها بهدوء :- انا السبب في كل دا
سليمة هزت راسها بنفي و دموع:- لا حضرتك ملكش اى ذنب انت كتر خيرك وقفت معايا كتير شكرا اوى
جابر مسك ايديها بعد تفكير :- تعالى معايا
سليمة:- جابر بيه ا
جابر فتح الباب و خرج و هى في ايديه مش سامع حاجة كل الى في دماغه ان يحميها و بس حتي ندا عبلة عليه مسمعوش ركبها العربية و قفل الباب بغضب
جابر بصوت صارم:- أطلع
زياد هز راسه و اتحرك بالعربية و حرفيا مش طايق نفسه بعد وقت طويل وصلوا القصر الكل اتجمع على صوتها
ناريمان واقفة مصدومة:- انت جايب الزبالة دى لحد هنا يا جدو
جابر بحادة:- ولا كلمة ، ام ابراهيم جاهزي اوضة سليم لى الهانم و بسرعة
جابر دخل المكتب و الكل وراه ساب سليمة :- انا هجاوب على كل الأسئلة ، انتي هنا ليه و وقفت معاكي ليه في دا اقل ما تستحقي
سليمة بتحاول تهدي نفسها لان درجات قلبها بقت سريعة جدا وشها شاحب عيونها حمراء من الدموع علامات ضرب على وشها
زياد:- والله هى تستحق إعدا*م اقل حاجة ليها
جابر بصلها:- اانت اخر واحد يتكلم و بيم ان اتهببت غلطت يبقا تتجوزها
مامت زياد:- انت بتقول اي يا عمي
جابر بحادة:- الى سمعتو ، عايزة تعرفي ليه انتى يا سليمة ، انا لا بعطف عليكي ولا بشفق على حد بس للاسف ابني سليم وصني عليكي و عقبال ما لقيتك كنتي كبرتي
سليمة بعدم فهم:- انت بتقول اي
جابر بصلهم بهدوء و تراقب:- سليمة هانم حفيدتي و بنت سليمة جابر الجريتلي يعني مش هتتجوز واحدة من الشارع دى بنت عمك و لو فكرت بس تبصلها نظرة مش عجبني هزعلك سليمة بنت سليم
سليمة بصتله بصدمة وووو
يتبع
يا تري رد فعل سليمة هيكون اي و مين الى عمل فيهم كدا
