رواية تعلق مؤذي عبر روايات الخلاصة بقلم منار محمود سيد
رواية تعلق مؤذي الفصل الأول 1
-وبعدين بقا يا حور هتفضلي طول النهار ڪده على الموبايل !!
-يا حلا انا م بصدق جاسر ياخد الأجازة عشان اتكلم معاه
-على اساس انك مش بتكلميه وهو شغال يا نصابه!
-معلش يا حلا اهو كلها اسبوعين وهنتجوز وم هنطيق بعض
-ما دا اللي مصبرني يا اختي والله
ـــــــــــــــــــــــــــــــــــــــــــــــــــــــــــــــ
حور فتاه في الـ25 من عمرها .. خريجة من تربية ولڪنها لا تعمل وذلك فرضًا عليها من زوجها جاسر .. وهي وافقته ...
جاسر .. شاب في الثلاثين من عمره .. رياضي .. جاد..
وكل ما يفكر به كمال الاجسام
حلا..اخت حور الوحيده .. في الـ17 من عمرها ..تعيش معها بمفردها .. توفى والدهما ووالدتهما في حادث سياره منذ 5 سنوات
ـــــــــــــــــــــــــــــــــــــــــــــــــــــــــــــــ
-انا جاي بعد 3 ايام عشان تجهيزات الفرح والحجوزات
-بفرحه كبيره ":بجد يا جاسر؟!
-"بجديه قاتله ":اه يا حور بجد
-"بحماس ":طيب انا هستناك
-"بإستغراب": تستنيني فين!!!
-هستناك في البيت يا جاسر عشان تيجي تشوفني!
-لأ يا حور مينفعش انا يا دوب هلحق اخلص مشاويري .. مش وقت مقابلات خالص
- يا جاسر انا لسه متعرفتش عليك وكل حياتك مشوشه بالنسبه لي ...
-ما انتِ هتعرفي عني كل حاجه لما نتجوز
-هتجوز حد معرفوش!!! معرفش حياته ماشيه ازاي؟!
انت من وقت كتب كتابنا وانت مسافر واللي بينا موبايل!! مفيش خروجه خرجناها مش بعض!! متكلمناش غير في الرؤيه الشرعيه وبعد كتب الكتاب!!
انا معرفش حاجه انك غير اسمك وان شغلك مدرب في الجيم ... انا معرفش عدد اخواتك ولا اسماءهم ولا اعرف اهلك بباك .. مامتك محدش منهم جه ...اي الغموض دا؟؟؟ انا اعرف حياة عمو سيد البقال اكتر منك !!
-"ببرود ":خلصتي السيناريو بتاعك المعتاد!!!
-"بحزن":اه يا جاسر خلصت ... عن اذنك "تغلق الخط"
ـــــــــــــــــــــــــــــــــــــــــــــــــــــــــــــــ
"تجلس مربعه ارجلها وكالطفله تمسح ادمعها وحولها المناديل مبعثره وامامها الفيشار تأكله والدموع في عينها تحرقها ..وقلبها من الحزن يتوجع -اتأثرت ايها القاريء ولا اكمل !!- وحلا بجاورها تحاول فهم كلماتها المبعثره ..وهي تتحدث وڪأن الأحرف جمعت من لغات كل العالم فلا تنفهم ..وتتنهد وبين شهقاتها تتحدثُ ": ..هو...هو هو اصلا ... اصلا يعني ... اصلآ هو..."تبكي اكثر بحرقه".
-في اي يا حور ...ا هدي واتكلمي بهدوء
-على فكره بقا هو انسان ..... هو انسان جميل اوي!.... انا انا بڪـرهو.. لأ لأ انا بحبه!
-"حلا وهي تلف رقبتها بعتجب من جنونها وتقول": الله!!
مين دا اللي جميل وبتحبيه!!
-"وهي سارحه في عالمها الاخر ":جاسر ..!
-مش دا نفسه اللي معيطك ومخلي حالتك بالشكل ده!!
-"تنظر ارضًا وتكمل بكائها": اه هو .. "ترفع راسها " بس دا ميمنعش انه انسان عسول وانيق .. ميمنعش اني احبه!!
-حلا "بعدم فهم لحالتة اختها وهي تضرب كف بكف":
البت اتجننت .!!
-بس اسكتي انتِ متعرفيش حاجه ...
"يرن الهاتف"
... اهو رن الغالي .."ترقص بفرحه وتختفي دموعها "
-الو
-الو يا جاسر .. عامل اي
-الحمد لله ..
"تكمل معه الحديث وتنسى ما كانت تبكي لاجله"
ـــــــــــــــــــــــــــــــــــــــــــــــــــــــــــــــ
بعد 3 ايام ...9:00 pm
-انت جيت؟!
-اه نزلت الصبح
-طيب مش هتيجي تشوفني برضو!!
-لأ
-لي ما انت كنت فاضي النهارده مجيتش لي!!
-كنت نايم
-طيب بكرا وراك حاجه ؟!
-اه هظبط البدله
-وبعده؟
-هظبط الشقه
-وبعد بعده!؟
-هظبط العربيات بتاعت العفش
-ومش ناوي تظبط علاقتك بياا؟!!!
-مالها علاقتي بيكِ؟
-يا جاسر بقاا عايزه اتكلم معاك
-ما انتِ بتكلميني اهوه
-جاسر انت فاهم قصدي متسطعبطش!
-انا مش فاضي اجي اقعد معاكي يا حور
-تمام يا جاسر سلام .
ـــــــــــــــــــــــــــــــــــــــــــــــــــــــــــــــ
-دا باااارد ... بيتهرب مني!!!
-حلا:مش بيتهرب هو اكيد مشغول
-لأ بيتهرب ...هو لو عايز يكلمني هيفضي وقت وهيجي عشاني، بس هو مستفز!!!!
-اهدي طيب
-دا انسان معندوش مشااااعر كل همه كمال الاجسام .. انا زهقتتت!!
-مش هينفع كده لازم تتفاهموا انتوا فرحكم كمان 10 ايام
-عيد ميلادي بكره لو مجاش هطلق منهههه !
ـــــــــــــــــــــــــــــــــــــــــــــــــــــــــــــــ
-الو
-متصله لي دلوقتي
-هو اي اللي متصله لي!!
-دا وقت المفروض بنام فيه!
-بتنام الساعه 10؟!
-اه عندي مشاوير الصبح
-طيب كنت هقولك حاجه
-قولي
-انا..
-انتِ اي؟!
-بصراحه كده انا زعلانه من اسلوبك ومن طريقتك معايا
انا بنام كل يوم معيطه بسببك! انا مكسوره منك اوي!
-بس انا معملتش حاجه تزعلك!
-لأ عملت
-لأ معملتش حاجه
-تمام .. تصبح على خير
-بتعيطي لي دلوقتي ؟هل انا كلمتك؟
-لأ مش بعيط .. نام يا جاسر .. وانا كمان هنام .
"تنام حور والدموع على خديها مثل كل ليله"
ـــــــــــــــــــــــــــــــــــــــــــــــــــــــــــــــ
"ثاني يوم"
-اليوم انتهى ومجاش ولا حتى رن؟!
-اه.. ممكن يكون ناسي من تركيزه في تجهيزات الفرح!!
-ازااااي ازاي ينسى يوم زي ده .. قوليلي ازااااااي!!!
"يرن الهاتف"
"ترد والدموع على عينيها"
-مرنيتش لي الصبح؟
-ما انتِ مرنتيش
-وهل لو انا مرنيتش انت مترنيش؟!؟
-كنت مشغول ..المهم لي بعتالي على الواتساب ارن عليكِ؟!
-جاسر!
-نعم؟
-النهارده كام يا جاسر !!
-النهارده 1/5/..... يا نهار ابيض!!1/5 ... دا النهارده عيد ميلادك
-وانت لسه ملاحظ؟!
-حور!! انا عندي مشاغل كافيه تنسيني اسمي
-انت تنسى اسمك ومتنساش يوم زي ده؟!
-هنقضيها عتاب .. اقفل؟
-لا خلاص .. المهم بقولك...
"تكمل حديثها معه وتنسى م كان يضايقها"
ـــــــــــــــــــــــــــــــــــــــــــــــــــــــــــــــ
♡يوم الزفاف♡
(فرح اسلامي ... هاديء .. النساء بمفردها والرجال بمفردها ... بدون موسيقى ..او اغاني صاخبه .. بعد ساعتين ينتهي الزفاف)
-اركبي
-مش هتفتحلي باب العربيه؟
-لأ .. افتحي لوحدك .. يلا اركبي
"تركب والدموع في عينيها"
-جاسر؟
-نعـ.. اي دا بتعيطي!! انا كلمتك دلوقتي ؟؟
-لأ .. جاسر انت لي بتعاملني كده!!
-يا بنتي هو انا جيت جنبك!!
-."بكاء فقط"..
-برضو بتعيطي!!
-انت بارد على فكره
-متغلطيش طيب
"تظل صامته طوال الطريق"
ــــــــــــــــــــــــــــــــــــــــــــــــــــــــــــــ
-ادخلي
"تدخل دون تحدث"
-على فين
-هاغيير لان الفستان دا خنقني
-وانا كمان هاخد شاور
"تدخل تبدل ملابسها في غرفه النوم ثم تنام والدموع على عينيها مثل كل ليله"
ـــــــــــــــــــــــــــــــــــــــــــــــــــــــــــــــ
"في الصباح "
-رايح فين؟
-مسافر عندي شغل
-انت بتهزر؟
-لا بتكلم جد ... قومي اعملي غدا عشان اكل قبل ما امشي
-جاسر احنا لسه متجوزبن امبارح اي اللي انت بتقوله ده!!
انت مقعدتش معايا؟
-"بصوت مرتفع وعصبيه مخيفه": يوووه بقااا .. مقعدتش معايا ....مقعدتش معايا ....مقعدتش معايا... وبعدين بقااا؟!!!! انا زهقت يا حور زهقت... هو انا متجوزك عشان اقعد معاكِ؟!!!
...عياط تااااني عيااااط؟!!!! هو انا كل م اتكلم كلمتين تعيطي!!!!
-"تمسح دموعها براحه يديها وتقول": لـ ...لأ .. لأ..انا مش بعيط ... هروح اعملك الاكل ..
"تدخل الى المطبخ وتحضر الطعام بعد ساعتين متواصلين"
-عجبك الاكل؟
-الحمد لله
-طيب مش هتصالحني؟
-هو انا كنت دايقتك ؟
-لأ
-يبقى مش هصالحك
-انت صح
-دا كده كده
-انا ماشي عايزه حاجه؟
-آه ...
"بتوتر وخوف من ردت فعله ": عايـ.. عايزه .. عايزه حضن!
-عيوني ... بس انتِ بتعيطي لي دلوقتي ؟
-انا هفتقدك.. ينفع متمشيش!!
-مش هينفع .. متعيطيش بقاا
-طيب انت راجع امتا؟
-بعد شهر
-شهر كامل!!!
-اه .. قولت متعيطيش
...يلا انا ماشي سلام ٠
ـــــــــــــــــــــــــــــــــــــــــــــــــــــــــــــــ
"تحدث نفسها ..."
-مشى!!
-اه
-وانتِ سبتيه؟!
-اه
-غبيه
-انا اصلا مش طيقاه ..
-اومال لي مكمله معاه ومعاملته مزعلاكي!!
-لاني بحبه ومتعلقه اوي بوجوده !!
-رغم تعامله الغير مريح!!
-اه.. بعديله كتير لاني مش هقدر ابعد .. انا لو بعدت هنهار .. مش هقدر اكمل حياتي!!
ـــــــــــــــــــــــــــــــــــــــــــــــــــــــــــــــ
"بعد 6 اشهر"
-هو دا الشهر بتاعك!!!
-معلش بس الشغل اخدني
-اخدك 6 شهور عن مراتك
... بتعاملني كانك زهقان مني!
-معلش
-هو اي اللي معلش!!
...جاسر لو اسلوبك متغييرش معايا انا هتطلق
-اتطلقي.. انا مش بغير اسلوبي عشان حد
-بالسهوله دي؟!
-اه مش انتِ عايزه كده!!
-انا داخله انام
-نوم الهنا
"تنام حور والدموع على خديها مثل كل ليله"
ـــــــــــــــــــــــــــــــــــــــــــــــــــــــــــــــ
-صباح الخير
-صباح النور
-عيونك وارمين لي؟!
-لأ عادي شويه وهيخفو
-طيب عامله لنا اكل اي النهارده؟!
-عملالك ملوخيه وارانب
-هو ده الكلام
-يلا بسم الله
"تكمل معه يومها بابتسامه وڪأن لم يكن شيئًا في الامس"
....
ـــــــــــــــــــــــــــــــــــــــــــــــــــــــــــــــ
-جاسر
-نعم
-ممكن نتكلم بعقلانية وحبه منطق ولو تسمح؟!
-اكيد ، هخلص شغل ونتكلم
-ممكن تسيب كام دقيقه عشاني؟!
-"يترك ما بيده وينظر لها ": خير .. في اي!! عندك تحقيق تاني ونفس حوار كل يوم!!
...تتكلمي .. فأرد .. فتزعلي من ردي ... فنتخانق.. فتنامي معيطه ... واللوم كله يكون عليا انا في الاخر!
-"بصبر منتهي وصوت مرتفع نسبيًا ": جاااسر
-"بعدوانيه وهو يضغط على اسنانه " : صوتك ميعلاش !
-"وهي تخفي الدموع في عينيها وتحاول الهدوء": انا مش هعيط وهنتكلم بهدوء اتفقنا!!
-اتفضلي قولي الللي عندك
"تبدأ في البكاء "
-"يغضب جاسر جدًا ويكسر الهاتف الذي بيده وهو يقول وكله الم بصوت مزعج ": انا عملت ايييي دلوقتي علشان تعيطي انطقييي!!!!!! بتعيطي لييييي!!!!
-"تنهار اكثر وتضم نفسها وتضع يديها على رأسها خوفًا منه ومن غضبه هذا وتصرخ بوجع بين ادمعها تقول ": بس بقاااا بس اسكتتت اسكككت
-"يقول بنبره هادئة ":اقفي
-"تضع وشهها بين يديها وتتكتف في نفسها "
-"يرفع صوته وهو يمسك بيدها بقوه ويشدها لتقف ": قووووولت اقفييييي!!
-"قويّ هو ذو هيبة عضلاته ناشفه جافه ڪقلبه بل قلبه اشد جفاء .. يقوم بضربها كف ويقول ": في اي؟! عايزه اي! أنتِ مش بتزهقي!!
-"تضع يدها على خدها الذي اصبح احمرًا وتجف الدموع من عينيها ويدها ترتعش وتقول وكلها ألم وهي لا ترى شيئًا امامها من قوة ضربته ": انت بتمد ايدك عليا لان مليش حد يسندني!!! اهلي ماتوا بس في قانون يا جاسر
-"ببرود ":طيب ابقي اشتكيني
-جاسر!
-خير
-طلقني يا جاسر
-مش هطلقك يا حور انا بحبك!
-"تدخل في صدمه ضحك وهي لازالت تحاول الاتزان بعد تلك الضربه القاسيه في قلبها قبلما تاتي على وجهها الضعيف ":بتحبني!!
"ثم تقع ارضًا وهي منتهيه كل طاقتها "
"يجري نحوها وهو في خوف ويحاول ايفاقها ":
-حور !!! حوووور ... اصحي يا حوووور! حور بالله عليكِ ما تسبيني ياحور!!
-حور انا بحبك ... يا حور فوقي عشان خاطري!!!
(تنزل دموعه اخيرًا ذلك الوحش الذي ظننا انه انسانًا أليّ لا يشعر .. ينفطر قلبه الآن على حور)
ـــــــــــــــــــــــــــــــــــــــــــــــــــــــــــــــ
وقفه اتحدث معڪن فيها قليلًا عزيزاتي القاࢪئات ...
(ملحوظه غير مهمه :قلبي وجعني وانا بكتب المشهد ده واتضطريت اهدأ وبعد كده رجعت اكمله )
-هذا الألم الذي شعرت به شعرت به وانا ..انا .. انا من لا تدخل في علاقة تربط بينها وبين شاب من قبل -سواء في الحلال او الحرام -
فماذا عن هؤلاء الذين يعيشون هذا الخيال واقع يوميًا ... بل اسوأ .. هناك كثير من النساء تتعامل بقسوة غير مبررة من ازواجهن ... وهن لا ذنب لهن في شيء ... أهذه هي معاملة المؤنسات الغاليات التي اوصانا به النبي ﷺ !!!
-عاملهن برفق وتحملوا طبيعتهن .. فالله خلقهن هكذا ... ضعفاء هن .. يحتجن الى الحنان والمعامله الطيبه ..
حور لا تقدر على كتم آلامها وعلى تحمل تلك المعامله الجافه من زوجها .. فأقل الطرق التي يمكن ان تعبر بها عن ألمها هي البكاء ... ولكنه يستحقرها حين تبكي ولا يدري ما الذي ابكاها ... كيف هذا كيف!!! يا رجل الم ترى معاملتك !!!
الله المستعان ... هيا بنا نكمل قصتنا.
ـــــــــــــــــــــــــــــــــــــــــــــــــــــــــــــــ
« في المستشفى»
-"يجلس على كرسيّ امامها وهي نائمه بين كل هذه الاجهزه ... نبضات قلبها تحارب الموت وتحاول ان تستمر ... وعقلها يحارب تلك النظرات .. الكلمات ... وتلك الضربه ..الخاصه به .. هو ليس حنونًا ولكنها تحبه !
... ينظر اليها وفي عينيه الندم والكسره والحزن ":
حور!
"لا رد تلك المره ... لن ترد ولن تبكي ولن تزعجك ايها البطل صاحب كمال الاجسام.. "
ـــــــــــــــــــــــــــــــــــــــــــــــــــــــــــــــ
-يا نهار ابيض!!! البطله ماتت من أول الحكايه ولا ايييي ، اصحي يا حور عايزين نكمل قصتنا .
#يتبع ...
