رواية تعلق مؤذي عبر روايات الخلاصة بقلم منار محمود سيد
رواية تعلق مؤذي الفصل الثاني 2
«بعد ساعتين »
"تتحرك يدها اخيرًا ...تأتي البهجه على وجهه ويمسك بيدها ": حور!
"تلاحظ وجوده وهي تحاول فتح عينيها بصعوبه فتبعد يدها عنه "
-حور ..
''لا ترد عليه وتوجه نظاراتها بعيدًا عنه "
-م هتكلم .. انا هخرج وهسيبك شوية تسترجعي طاقتك ... وهقول للدكتور انك صحيتي عشان يجي يطمن عليكِ
"يتركها ويخرج اخيرًا اصبح لها مساحه يمكنها البكاء الان دون ازعاجه"
"تغمض عينيها بقوة وتبكي ..."
''اغمضتها كي لا تفيض فأمطرت ."
"هو مازال يراقبها من الخارج ... فتنزل دموعه حزنًا على حالها"
"بعد نصف ساعه "
-"بهدوء وحنان ": عامله اي دلوقتي ؟
-"بحزن ولا مبالاة": الحمد لله انا بخير
-عيونك وارمه
-لأ عادي شويه وهيخفوا
-طب هما لي وارمين؟
-مش مهم
-طيب
-عايزه اروح
-بكرا هتروحي
-لأ دلوقتي
-مش هينفع
-"تصمت"
-متزعليش منى
-..
-ممكن تردي عليا وبلاش نظراتك دي
-قولتيلي انك بتحبني؟
-"بصدق ":آه جدًا
-"بعدم تصديق":بجد!! تصدق اني اول مره اسمعها منك!؟
-"بحزن": عارف
-واحنا متجوزين بقالنا سبع شهور ... لسه فاكر تقولها !!
-مش بالكلام على فكره مش لازم اقولها ..يكفي افعالي
-ما المشكله ان افعالك هي كمان مش بتظهر اي حب!!
انت لو بتحبني مكانش هيهون عليك تسيبني تاني يوم فرحنا عشان شغل !!
لو بتحبني مكونتش هتعاملني بالجفاف ده !!
لو بتحبني مكونتش سبتني انام كل يوم والدموع على خدي وانت عارف ومش مهتم!!
لو بتحبني مكونتش ضربتي بالقوه دي .. مكونتش هونت عليك!!
-انا...انا ...
-جاسر ممكن تقولي انت متجوزني لي!!
-عشان بحـ
-متكملش ... متقولهاش ... بالله عليك ما تقولها..
انا الكلمة دي بتجرحني اوي ... تصدق؟ كلمة جميله زي دي بتجرحني!!! ودا بسببك... بسبب انك شخص غير مفهوم .. مشاعرك غير افعالك غير كلامك ... انت شخصيات متفرده عن بعضها ... انا مبتقش عارفه اصدق انهي شخصيه فيهم ...انت انسان غير مفهوم... انا معاك بقالي سنة
ولحد دلوقتي انا مش فهماك..
-حور اهدي وهتفاهم
-روحني يا جاسر انا عايزه اروح عند اختي حلا
-بس..
-ممكن !! معلش روحني على بيت والدي
"في السيارة"
-حور
-ممكن متتكلمش؟
-لأ هتكلم
-هتقول اي؟
-هقول ان كل اللي بيحصل دا غصب عني .. انا مجبور على كده
-"باستهزاء":مجبور!!! مجبور تعامل مراتك كده؟ مين اللي جابرك بقا يا بيج جاسر
"يصمت فهو غير قادر على قول اي شيء من الذي يريد قوله ''
-""وهي تأخذ نفس طولًا":جاسر
-نعم
-انت هتطلقني ، دا قراري النهائي
-ممكن تديني فرصه تانيه؟
-فرصة تانيه!!! قصدك فرصه 100 .. 101 ...
-يعني هتديني فرصه جديده؟
"تصل السيارة الى المنزل "
"تنزل وهي تقول ":هديك فرصه جديده ولكنها الاخيره
-"ينزل ويقف امامها ويقول ": بكره؟
-لأ انا هبعد على الاقل اسبوع
-"بحماس":طيب يبقى يوم الجمعه نصلي مع بعض
-ايدا ؟ ... ازاي !! النهارده التلات المفروض يوم التلات !!
-"يبتسم ":لأ الجمعة هتكوني منورة بيتك ، اتفقنا؟
-"تبسم هي ايضًا ": اتفقنا
ـــــــــــــــــــــــــــــــــــــــــــــــــــــــــــــــ
-اي دا حور؟!
"تقترب من اختها وترتمي في حضنها والبكاء غير متوقف"
-مالك يا حور انتِ كويسه؟
-لأ انا مجروحه يا حلا
-اهدي .. اهدي وفهميني حصل اي
_"تحكي لها حور كل ما حدث "
-وعلى كده عايزه تديه فرصه تانيه!!
-اه هو قالي هتغيير
-ولي متغييرش من زمان؟
-معرفش بس دي الفرصه الاخيره لو متغيرش انا هطلق اكيد
-هتطلقي؟!
ـــــــــــــــــــــــــــــــــــــــــــــــــــــــــــــــ
♡ الڪاتبة منار أبنة'ه محمود
-هتتطلقي ؟
-اه
-بتحضكي على نفسك يا حور ... انتِ لو عايزه تبعدي كنتِ بعدتي من اول الجواز..
-انا متعلقة بيه يا حلا
- وهل تعلقك دا يسمحله يمد ايده عليكِ؟!!
-لأ
-حور انا مش هحرضك على الطلاق ولكن راجعي نفسك ومتخليش حبك ليه وتعلقك بيه يشوش لك على عيوبه وعلى تصرفاته .. هو ضمن وجودك لذلك بقى يعاملك حسب مزاجه وهو ضامن انه مهما عمل هتسامحيه وتغفريله بمجرد كلمتين حافظهم بيقولهم لك ..ضمنك لدرجه انه مد ايده عليكِ يا حور ..
-عندك حق .. الرجاله مش عايزه تتعامل كده
-ايواا كده فوقي معاياا
"يرن الهاتف"
-اهوه بيرن يارب ما يوقعك بكلمتين
-"تضحك".
-الو
-ايوه
-خدي العلاج؟
-لسه هأكل وهأخده
-طيب متنسيش تأخديه
-"بابتسامه .: حاضر..
="تتدخل حلا قائلة ":ابتسمت يبقى قلبها مال ...هو دا اللي اتفقنا عليه ما متعوسه!!
-جاسر:قولي لبتاعت الثانوي دي تخليها في مذاكرتها ...
-"تضحك حور "...
ـــــــــــــــــــــــــــــــــــــــــــــــــــــــــــــــ
"مكالمه هاتفيه"
-ازاي يعني يا جاسر انت بتهزر!!
-معلش بقا يا صفية دا اسبوع بس !
-ودا لي ؟
-حور تعبانه يا صفية
-وانا مالي بالسنيوره بتاعتك!!
-معلش هو اسبوع
-ما تقولها عندك شغل زي كل مره
-عديها يا صفية المره دي بقا البنت طالبة الطلاق
-طلقها واهو نرتاح
-صفيههه!!! ... حور زيها زيك ليها حقوقها
-تمام يا جاسر بس متزعلش من اللي هيحصل
-هتعملي اي؟!
-الاسبوع الجاي تعرف يا عنياا
.........نعم عزيزي القاريء جاسر متجوز ...ولكن السؤال حور هي الاولى ام الثانية؟!.......
ـــــــــــــــــــــــــــــــــــــــــــــــــــــــــــــــ
"مكالمة هاتفيه "
-عامله اي
-الحمد لله
-طيب مش ناويه ترجعي بيتك بقا؟
-اتفاقنا الجمعه .. والجمعة بكره
-خلاص هتحمل النهارده هو كمان
-اه عشان تتعلم الادب وتحس بوحدتي
-ممكن طلب
-اتفضل
-ممكن النهارده متناميش معيطه!!
-لازم !!
-اه اوعديني
-اوعدك
-بحبك يا حور
-"بتوتر ": انا ... انا ... انا هقفل بقا ... سلام... عـ... عشـ..عشان اختي بتنده..
-طب انا جاي بكره استنيني ...
"واخيرًا اتت تلك الليلة التي ستنام بها حور وهي مطمئنه هادئة فرِحه .. ."
ـــــــــــــــــــــــــــــــــــــــــــــــــــــــــــــــ
"يتجهز جاسر وينزل من بيته ويركب سيارته وبه سعادة غامرة .. فهو اليوم سيقى حور بعد غياب ثلاثة ايام ."
"عندما تنطلق سيارته تأتي سيارة اخرى وتقف مكانها"
"تنزل منها سيدة ترتدي عباءة سوداء ... وبيدها شنطة سفر ... وتدخل الى المنزل وفي عيونها شرر من كره"
"تزيل كل ملابس حور من الدولاب وتضع ملابسها وتغيير في ترتيب الشقة وتستخدم اشياء حور بغباء مُستقصد .. ثم تذهب الى الحمام للتحمم "
ـــــــــــــــــــــــــــــــــــــــــــــــــــــــــــــــ
-حلا بهزار :يلا خدها اصلًا مديقه عليا الشقة
-جاسر:هاخدها تضيق عليا انا شقتي .. على قلبي زي العسل
-حور:طيب قاعده على قلبك يا حلا يلا بقا
-جاسر:لأ لأ تقعدي على قلبها اي وانا جاي ضيف ولا اي!!
-حور بخجل : لأ طبعًا انت منور
-حلا:ما تاخدي عم الحبيب ده وتمشي عشان المحن جايب اخره معاكم النهارده..
-بتطرديني !!
-حلا وهي تحتضنها "لأ طبعًا يا حبيبة قلبي دا بيتك تيجي في اي وقت ...ربنا يهدي سركم ويرزقكم الذريه الصالحه عشان ابقا خاله بقاا
-"جاسر بحزن": إن شآء الله يا حلا
-وخلي بالك منها يا جاسر بيه عشان دي اللي حيلتي اوعا تزعلها !!
-من عيوني .. يلا بقا يا حور
-يلا سلام يا حلا "وتحتضنها " خلي بالك من دراستك
-جاسر :اي وبعدين في الاحضان اللي م بتخلص دي!!
"يضحكون"
ـــــــــــــــــــــــــــــــــــــــــــــــــــــــــــــــ
"في السياره"
-لسه مُصره على الطلاق؟
-آه ... انت لو ما تغييرت انا مش هقدر اكمل يا جاسر
-ممكن سؤال؟ أنتِ بتحبيني؟!
ـــــــــــــــــــــــــــــــــــــــــــــــــــــــــــــــ
-ممكن سؤال؟ أنتِ بتحبيني؟!
-"لا رد "
"ينظر لها ثم يلتف ينظر للطريق ويكمل سواقه بحزن .. "
"يوقف السياره فجأة بعد وصولها للمنزل"
-بغضب":حور!!
-بإرتباك": نعم
-مجاوبتنيش!
-اي.. ايـ... انا.. اصل
-"بهدوء": اهدي وجاوبيني انا مش هعملك حاجه .. الحب مش بأدينا يا حور قولي الحقيقة .
-"تبكي حور"
-يا بنتي اهدي لي بتعيطي دلوقتي !!!
-"وهي تمسح دموعها": انا ... انا ...
-"يمسح لها دموعها ويهديء أكتر من نبرة صوته ويقول ": اهدييييي ... متعيطيش .. اهدي واتكلمي متخافيش... بصي خدي وقتك انا منتظرك وهسمعك بهدوء والله
-"بعد عدة دقائق تهدأ حور اخيرًا ": آه بـ ... بحبك
-"تتغير نظراته لحب وراحه ويبتسم وهو يقول ": من امتا؟
-من اول مره شوفتك فيها
-"يبتسم وهو يقول ": انتِ انسانه جميله اوي يا حور
ـــــــــــــــــــــــــــــــــــــــــــــــــــــــــــــــ
-يلا ادخلي
"تدخل حور "
-نورتي شقتك
-بنورك يا جـ....
"قبلما تنهي كلمتها تجد سيده غريبه الاطوار خارجه من الحمام وترتدي الروب الخاص بها"
-مين دي يا جاااااسر!!!!
"يدخل جاسر وراءها ويجدها صفية .. امرأته الأولى!!"
-صفية!! انتِ بتعملي اي هنا يا صفية!!
-"ترد ببرود" : جرا اي يا جاسر هو انا مش مراتك زيها ولا اي!!
"تقترب صفية من حور وتمسك يدها بقوه وهي تقول ": بقا هي المعصعصة دي اللي واخداك مني!!
-"حور بصدمه وهي تبتعد عنها وتنظر لجاسر ": مراتك!!
جاسر ، انت متجوز عليا!!!
"جاسر في صمت يحاول السيطره على الامر فهو لن يُحضِر لذلك موقف "
-"ترد صفية ": لأ يا عنيا انتي التانيه .. انا مراته الاولى ام عياله !!!
-ما ترد يا جااسر هي الست دي بتقول كلام صحيح!!!
"تسمك حور بشنطتها لترحل "
"ولكن جاسر يمنعها ويمسك بيدها فيشدها الى احضانه ... تحاول الهروب والابتعاد عنه ولكنه لا يهتز من مكانه ولا يتكلم ولا يضعف من ضرباتها ... متمسك بها لا يريد تركها ... حتى لا تهرب ... "
-حور: ابعد عنيي جاااسر ابعد!!! ... "تضربه وتحاول ولكن قوته تمنعها من الانتصار عليه... تلك المره لا حل غير الصراخ .. لعله يهتز" ... جااااسر سيبني بقااا ... انت حقير ..حقير يا جاااسر
-"يخرجها جاسر من بين احضانه ويدخلها غرفه النوم ويغلق عليها الباب من الخارج":هوووس .. مسمعش صوتك ...مفهوم يا حور!!
-"ثم يلتفت لصفية وكله غضب ": اي جابك يا صفيه!!
-دا بيت جوزي ،اجي وقت ما انا عايزه
-"وهو يضم يده بقوه ويحاول التماسك": روحي بيتك يا صفيه عشان ما ارمي عليكِ يمين الطلاق دلوقتي !
-مش همشي يا جاسر
-صفييييهههه!!!!
-"بخوف من نظراته ":جاسر انت لو لمستني انت هتروح في داهيه انا اخويا محامي وقادر يسجنك ... استهدى بالله كده يا اخويا ونحلها ودي
-اللي مانعني طه ومحمد اولادنا غير كده كنت رميتك في الزبالة انتِ واخوكِ المحامي يا صفيه انا مبتهددش وانتِ عارفه ياصفية
-جاسر انت هتبيعني عشان المنشفه دي؟!!
-اه ابيعك عادي ... دي مراتي زي ما انتِ مراتك ... مسمعكيش بتجيبي سيرتها
... امشي يا صفيه ونقي الفاظك لانك زودتيها اوي
-طيب انا عايزه هدومي من جوه .. مش همشي بالروب يا جاسر !!
-واي اللي جاب هدومك جوه !!!
-انا حطيتهم في الدولاب
"يحاول التماسك "
"ينفخ بضيق ثم يتجه الي غرفه النوم .. يجد ملابس حور كلها ملقيه على الارض.. ومكياجها ... وكل اشياءها مبعثره ... ويجدها جالسة على حافة السرير لا تفعل شيء سوى البكاء "
-اي اللي عمل الاوضة بالشكل ده!!
-معرفش
-يعنيييي اييي متعرفيييش يا حور!!!
-والله ما عملت حاجه انا جيت لقيتها كده
"يفتح الدولاب فيجد به ملابس صفية مرتبة ... كما كانت ملابس حور ... ياخذهم ويرميهم في وجهها قائلًا ": مشوفش وشك تاني قي القاهره يا صفيه ...فاهمههههه!!!!
"تلملم ملابسها في شنطتها وترحل وهي تتوعد له قائلة ":لما تنزل البلد يا جاسر حاضر انا هعرف اخلي جدي يتصرف معاك
ـــــــــــــــــــــــــــــــــــــــــــــــــــــــــــــــ
"يدخل فيجدها نائمه والدموع على خديها ووجهها الباهت "
«يتذكر فلاش باك منذ سنه وهو يحرك يده على شعرها »
-بقولك اي انا جمعتلك عروسه يا جاسر
-عروسة اي يا عمي ما انا متجوز صفيه ومعايا طه ومحمد جاي في الطريق
-الكبير:جرا اي يا جاسر انت هتتعدى التقاليد ولا اي؟
-تقاليد اي يا جدي الي تخليني اتجوز على مراتي وحده تانية
-الكبير:دي تقاليد العيلة يا جاسر ولازمن تتنفذ .. الراجل لازم يتجوز اكتر من وحده ودا مش حرام ومتجادلشي على ما اروح اقتلك
-بس يا جدي...
-قولت متجادلشي وه!!
ـــــــــــــــــــــــــــــــــــــــــــــــــــــــــــــــ
-يا نهار ابيض التقاء صفيه وحور!!!
-جاسر مازال بيفتكر وبيحكي كل حاجه ... ولكن حور نايمه !!!
-الحقيقة ڪلها بتظهررر
#يتبع...
